Wednesday, August 13, 2008

مفارقات 2

اليوم الرابع: بدينا يومنا كالعاده مشيه لمدة ساعه و نص...طاح حيلي من المشي..وصلت مرحله ما أحس بريولي...خو اللياقه يالله من فضلك ما يحتاج..المهم...تمشينا بالبلده شويه...الأجانب مستشرحين...تمرعلى عيوز شايب...مره و زوجها وعيالها...بونجور..بونجور مع ابتسامه..قررنا نصعد الجبل عشان نتغدى هناك..خذينا التلفريك..وصلنا مطعم صغير..العايله اهيه اللي تخدمك..المكان جنه بوست كارد..عقب ما دخلنا و داخل المطعم قاعد يحوسون كلبين...واحد أبيض و الثاني أسود كل واحد كبر اليهد...جان تلتفت علي صديقتي..قالت لي شفتي الأبيض..هذا مو كلب...هذا ذيب...طبعا أول شي طرا في بالي..أم عليوي...ذيـــــــــبه...ذيه اللي تمقر لي بطنك..حتى ذيبه تمقر لي بطنك...آسفه عريت...ناس حضاريين...وصلو مرحلة تربية الذئاب..تغدينا و حلينا...و أحنا قاعدين نشرب القهوه...أشوف ملوت المطعم يتصاولون...كل ساعه واحد يطل من الدريشه و يتناقشون...جان يقولون يايتنا عاصفه...و الحين لازم كل اللي بالمطعم ينزلون...لحوه..تيمعنا كل اللي بالمطعم و ركبنا التلفريك..أشوف صاحبتي سرحانه بشي..سألتها أشفيج...ردها كان تشفين ركبهم...قصدها ركب اللي معانا بالتلفريك..لا رياييلهم لو لا حريمهم...كلهم ركبهم جنها زبده..هذي الركب اللي لازم تطلع...مو أحنا المحوحين ملوعين جبدنا فيهم بالمجمعات..والله صاجه...بدلنا التلفريك الجماعي..و خذينا عقب تلفريك حق شخصين...و أحنا والله العظيم...بالضبط متعلقين بين السما و الأرض...جان يوقف فينا..كل المشاعر اختلطت حزتها...أنا أذا وايد خفت أقعد أضحك...صاحبتي أول شي سوته دقت على زوجها و وصته على العيال...طبعا الموضوع ما خذا أكثر من خمس دقايق..بس هالخمس دقايق كانت غريبه..لأن الواحد يفكر شنو ممكن يصير أذا هف التلفريك..و الأصخم قاعدين نسمع صوت الهوا و أهوه يهز الوايرات..أذا متنا مو مشكله خلاص أفتكينا..بس لا نطيح و تنكسر و نتحرول..من له خلقنا عقب...أشوه خلص اليوم بسلام
اليوم الخامس: ماكو شي يذكر...وايد ضباب..أحس أني قاعده بوسط الغيم..و مطر...بس ما شاء الله المطر أهني ما يدوده...و جنه ينطر الناس أتزهب له...و عقب ينزل
مراسلتكم من أحدى الدول الأوربيه
نانونانو

6 comments:

Jelly Belly said...

Wbbbbbb 7abebty adree met'akhra ishwaya bas I haven't been blogging for some time now,,, but once in a while I pass by some of the old blogs that I love to read and to my surprise you're back... I'm so happy...

khoo intay al khair wel albaraka awal wa7da et3alig in my blog so you have a special place in my heart...
7adi welahat 3ala sowalfich al7elwa :******

lawyer said...

الله عداكم الشر

وحفظكم

اي والله ملوعين جبدنا من قطو هالليقنج و اهما مأرفينااا


استانسي وغسلي جبدج

انا في مثل هذا الوقت اذا طق مطر و مطر راقي مثل مطرهم

احب امشي مرات بروحي
وارفع ويهي
احس يغسل اشياااااء بمخي و نفسي

يمكن يطهرها او يمكن يبرد قلبي




بالنسبه للكيبل كار الي وقف
احس في هالسفره كل ما تحطين راسج على المخده و بتفكرين

J Daily said...

اول ماقريت سالفة الركب
طالعة ركبي
اشوى انهم مو سود ×:
-
وعدت هالمرة
اخر مره تركبين تلفريك
لاني صج اخاف منه

عثماني said...

ترى بوستج يسرسح على القلب

جميل.. و سهل ممتنع سردك للاحداث اخيتي

المزيد

نريد المزيد لو سمحتي

ما ينشبع من سوالفج ترى

أبو جيج يدور نعاله said...
This comment has been removed by the author.
Mother Courage said...

عندي شعور انك رايحة كرانز مونتانا :P

welcome back

 
template by Purplecious