Sunday, August 24, 2008

نجم السهيل

أنا ما أدري ليش...بس دلقة سهيل وايد مهمه حقي...اليوم أول يوم دوام بعد الأجازه...و طبعا أول ما أوصل المكتب أول شي أسويه ..أطالع تقويم العجيري...و أنا قاعده أقلب الأوراق...الاّ اليوم يوم طلوع نجم سهيل...اليوم يدلق سهيل....بالنسبه لي دلقة سهيل دليل على انتهاء فصل الصيف الحار القاسي...طبعا أهوه ما خلّص بس نفسيا أحس أنا غدا الشر...و شي ثاني...ومثل ما هو واضح جدا....دلقة سهيل هالسنه على رطوبه....فهذا معناته أن شتانا ما راح يكون بارد...فما أشتط بالهدوم الشتويه عشان لا اتطيح بجبدي....فأحب أقول كل دلقة سهيل
و أنتو بخير

17 comments:

├ƓɧαɗσσƦ┤™ said...

ana asma3 oboy 9arla sboo3 egol dalag shail ;p
3ad ana 5obri lai dalag eshail eta3dal el jaw .. bs ana mashoof ella 5esna zyada ;\

kazmawy said...

ههههههه
حناحينو اخاف انج حداقة بس :9
ومبارك عليج الشهر مقدما:)*

kazmawy said...

شوفى هذاة المعلومات عن نجم سهيل :)
http://www.bernama.com/arabic/news.php?id=18354

Bo Jaij said...

وكالة (ناسا) الفضائية ثلاثة أرباع ميزانيتهم قاطينها على دلقة سهيل


الجو رطب بديع و يبشر بموسم شتائى مناسب جدا للأصواف و الصنان الذرب

راح أفصل دشاديش من الصوف إمبطنه بفرو فقمة و من تحت لبس سوبرمان...من بوليستر..أدفه

iDip said...

Welcome back to Kuwait :)

تذكرت "شرقاوي" غيبة من غيباته
متعودين عليه يحازينا عن النجوم والكواكب والشعر والبر والبحر

بومريوم said...

صج عيوز
اقص ايدى اذا ماعندك ذاك الرادو الادعم

يعقووبوو said...

يعني اطلع ملابسي الشتوية؟ (:

Q80-Chill Girl said...

الحمد لله على السلامه

و بالعكس احس الرطوبه اتبشر بشتا ماطر، الشتا اللي طاف حتى السمك حاشه جفاف

nanonano said...

ƓɧαɗσσƦ┤™ :
هذا أول قبل ظاهرة الأحتباس الحراري كان يتعدل الجو...الحين كل شي تغير

nanonano said...

kazmawy:
لأ مو حداقه..ما عندي الصبر اللي يلزم حق الحداق...بس أحب البحر وايد...علينا و عليك

شكرا على اللنك

nanonano said...

Bo Jaij:
لا تنسى الدشاديش البازه...والجواريب الصوف و المداس اللي داخله فرو لو سمحت

nanonano said...

iDip:
THANK YOU

أي والله غيبه من غيباتك يا الشرقاوي

nanonano said...

بومريوم:

عيوز و لا أتنبّز على أبهاماتي...المهم ما عندي الراديو...و هم ما عندي أيبود

nanonano said...

يعقووبوو:
أتطلع ملابسك الشتويه؟؟؟
ليش عشان توزّعهم

nanonano said...

Q80-Chill Girl:

الله يسلمج...أنا ما أحب المطر...أبي شماله سنعه

Q80-Chill Girl said...

حق التمشق؟ ردة فعل خدودنا ما تسر ، بس هم مو شينه و عساها ما تشيل رمل، ان شاء الله بيكون هالشتى احسن من اللي طاف، متفائله فيه

kuwaitforus said...

وأنتي بخير
بس أقولج وخرى عن التقويم واعتمدي على الدريشة قبل لاتطلعين

 
template by Purplecious