Wednesday, August 06, 2008

احنا كنّا ثلاثه أيام الجامعه
....ما راح أقول من جم سنه
...درسنا
...اشتغلنا مع بعض بالوسط
...حبينا
...كرهنا
...تناجرنا
...تصاحبنا
....تخرجنا
...اشتغلنا
...تزوجنا
...لهينه عن بعض
...غريب شلون السنين ممكن تفرّق
...و الأغرب أن من واحد منّا يحس بشوية تعب
...الأثنين الثانين تلاقيهم على طول يمه
...و أحلى شي لما يكون اللقاء
...و نضحك
...و نستعيد الذكريات
...و نتطنّز
...و نحش
...و بعدين نتنفّض
...و نرجع حق حياتنا الروتينيه
...و ينختم اللقاء
...ب تامرين على شي
...كلمه مو مجامله
...تدري أنها طالعه من القلب

19 comments:

kuwaitawy said...

يا سلام عالصحبه


الله يخليكم لبعض

ولاّدة said...

كل الأشياء الفاخرة تحتاج مرور الوقت لتتعتق وتكسب رونقها كالأطياب والنبيذ
وحتى النفط الذي نعيش على خيراته يحتاج زمن طووووويل ليتكون

وكذلك العلاقات تكسب جمال وعمق مع مرور الزمن لا يعوضه إي شيء..قد نقابل ناس رائعين ونصادق آخرين يجمعنا وإياهم الكثير ولكن تبقى تلك الصداقات المعتقة شكل ثاني
cheers

Diver said...

انا ادري انج رجعتي تعلقين بس توني ادري انج رجعتي تكتبين على العموم الحمد لله على السلامة و شرفتينا

nanonano said...

kuwaitawy:
آمين...و عسى الله يرزقك أصدقاء مثلهم

nanonano said...

ولاّدة:
بدون تعليق

Cheeeeeeers dear

;)

nanonano said...

Diver:
أهلا و سهلا...المكان مشرّف بوجودكم عزيزي

عثماني said...

الله لا يفرق شملكم

و جاهدوا للحفاظ على روابطكم

رشيد الخطار said...

مدونتج أونس من مسلسل نور بهالصيف البطيء.. ما بغيتي تردين

Welcome back love :*

nEo said...

ايام كان اكبر اهتمام فيها متى ننزل بحر ما تقارن بايام الحين !

Bin3agul said...

UR BACK !!! .. im gald qarartay terj3een .. im a big fan ! :P

Bin3agul said...

glad *

lawyer said...

عسى الله لا يخلييييييييييكم من بعض

:))

البنااااااااات ملح الحياه

nanonano said...

عثماني:
أنا اعتقد أن ماكو مجال للأحتكاك اليومي...هذا اللي يخلي العلاقه مريحه

nanonano said...

رشيد الخطار:
thanx love :*
i will miss u guys

nanonano said...

nEo:
اللــــــــــــه
يا زين ذيج الأيام..ترا وناسه الحياة من غير مسؤوليه...كبرنا و طارت السنين..صج...صج ليت الشباب يعود يوما

أنا أكثر شي فاقدته الضحكه اللي تطلع من قلب القلب

nanonano said...

Bin3agul:
و هل يخفى القمر
;)

nanonano said...

lawyer:
هاهاهاها...شكرا جزيلا...بس من قال لج أن كلنا بنات

├ƓɧαɗσσƦ┤™ said...

الله يتمم عليكم ويخليكم حق بعض
صج الربع اهم الناس الي تقدر تنحاش من روتين حياتك معاهم

EXzombie said...

مالج شغل، بتزهقين منهم و ودج تشبين فيهم و تعلقينهم فنر

مو شي يكون عندج قروب 20 ادمي من ايام الروضة معاج و للحين، يعرفون كل شي فيج، و ما اعرف اسولف معاهم لأنه كل السوالف الي ممكن تخطر على بالنا سويناها و قلناها قبل 10 سنين، و ماكو اسرار، و محد يقدر يصيد شي على احد لأنه الكل صايد على الكل شي

حتى ما قمنا نلعب كوت و السبة حفظنا لعب بعض

 
template by Purplecious