Tuesday, December 29, 2009

HApPy 2010...كل عام و أنتم بخير

.
.




.
.
.
أدري مبجّر
.
و مستعيله
.
بس شبعت من ٢٠٠٩
.
يانا ما كفانا بهالسنه
.
بس أن شاء الله
.
٢٠١٠..تكون وايد أحسن لنا كلنا 

.
.
.
e7tejaj.blogspot.com
.
.
.

Thursday, December 17, 2009

Friday, December 11, 2009

I agreeeeee

من جريدة الجريده
.
عدد  اليوم
.
بلاغة شف
سوابق...

أقل ما يمكن أن يقال عن جلسة الاستجوابات يومي الثلاثاء والأربعاء إنها جلسة 'أول مرة'، فقد سجلت:

• إنها المرة الأولى التي يُستجوب فيها رئيس وزراء منذ العمل بدستور البلاد في عام 1962 ويعتلي المنصة.

• إنها المرة الأولى التي تُفعل فيها المادة 102 من الدستور، إذ قدم طلب عدم التعاون مع رئيس الوزراء.

• إنها المرة الأولى التي يُستجوب فيها وزير الدفاع، وهو سابع وزير يتقلد هذا المنصب منذ تشكيل أول حكومة، لكنه أول وزير دفاع يُستجوب.

• إنها المرة الأولى التي تمتد فيها جلسة من جلسات مجلس الأمة إلى أكثر من عشرين ساعة، فيتم تدوين محاضرها بتاريخين مختلفين رغم أنها جلسة واحدة.

• إنها المرة الأولى التي يخرج فيها نائب من العناية المركزة في المستشفى ليَستجوب وزيراً بعد منتصف الليل، ويستمر حتى السادسة، ثم يعود إلى منزله لا إلى العناية المركزة!

• إنها المرة الأولى التي يكسر فيها رئيس الوزراء ونائبه الأول هاجس الرعب من المنصة، وتحطيم هذا الوهم سيجعل تهديدهما به لا قيمة له.

• إنها المرة الأولى التي تصور فيها بعض وسائل الإعلام أن ما حصل هو انتصار لرئيس الحكومة وحكومته، ولا أدري كيف يمكن أن نسمي تقديم طلب لعدم التعاون مع رئيس الوزراء واستجواب ثلاثة من وزرائه انتصاراً؟ ربما يكون بمفهوم الديمقراطية الحسابية انتصاراً، فهم يملكون الأغلبية، لكن بلا شك هو ليس انتصاراً من الجانب السياسي، ففي مجلس الشعب المصري يملك الحزب الوطني حصد الأغلبية دائماً، بينما لا يمكن أن يسجل لهذا الحصاد أنه انتصار سياسي.

الانتصار الحقيقي في جلستي الثلاثاء والأربعاء هو تفعيل مواد الدستور فهو انتصار للديمقراطية.

• إنها ليست المرة الأولى التي تتعارض فيها مواقف النواب المحسوبين على تيارات سياسية مع مواقف تياراتهم (السلف: السلطان والعمير، المنبر والتحالف: أسيل والعنجري والملا)، وليست المرة الأولى التي يوضع فيها النائبان الرومي والصرعاوي في موقف محرج!

• إنها ليست المرة الأولى التي يتسق فيها 'الشعبي' مع أطروحاته، وهذه تسجل له سواء اتفقنا معه أو خالفناه.

• إنها المرة الأولى التي نرى فيها برلماناً تملك الحكومة فيه أكثر من 30 صوتاً وكل مشاريعها معطلة، ودائماً تتذرع بأن التنمية معطلة بسبب مجلس الأمة!

ملقوف

الصفحة السابقةأرسل إلى صديقتحويل إلى wordطباعة

Saturday, November 28, 2009

Thursday, October 29, 2009

Sunday, September 27, 2009

حرام عليكم..يا فريق الأزاله

.
.
.
اليوم و بكل أسف..فرقة الأزاله شالت هالشجره الجميله
.
هالشجره..كانت عند مدخل بيت صديقتي
.
مو معقوله حلاتها
.
و مو معقول جمال صوت العصافير فيها
.
يمكن ما راح تصدقوني..لو أقول لكم
.
كان تغريد العصافير ما يوقف
.
اللي من باب الدعابه..صديقتي لما تدلي
.
أحد بيتهم..كانت تقول..أسمع صوت العصافير
.
و راح توصل
.
اليوم...فرقة الأزاله شالوها
.
و لما سألتهم أمها عن السبب
.
قالوا لها..تعوق المشاة
.
أي مشاة؟؟!؟
.
يم باب البيت..و الرصيف هالصخف
.
و بعدين يا فريق الأزاله..الله يهداكم
.
في أشجار جميله و قديمه و كبيره
.
حرام تنشلع..في منظر جمالي خل نحافظ عليه
.
مو كل شي ينكرف..و تصير الديره بلوك أسمنتي
.
.
هذي الشجره
.

.

شوفوا جمال الشجره

.

.

.

.

و هني فرقة الأزاله..و أهمه يعابلون

.

عشان يشلعون الشجره

.

و الله حـــــرام

.


.


.


Thursday, September 10, 2009

بمناسبة بيع...زيـــــــــــــــــــن

.
.
.
يقال أن اللي راح يشتري شركة 
.
زيــــــــــــــن
.
ملياردير ماليزي..آسفه مو مثبته أسمه
.
بس اللي عرفته أن عايلته بخاري...و أصله حضرمي
.
.
فحبيت أهدي هالأغنيه حق 
.
المستثمر الأجنبي..و أرحب فيه 
.
.


.
.
.

.
.
.

Sunday, August 30, 2009

الحين صار أهوه اللي مو زيــــــــــــــــن؟!؟

.
.


.
.
أنجيلينا تُهدِّد براد بطرده من المنزل إذا لم يكف عن التعاطي
.
الخبر من جريدة الجريده اليوم
=======
الله الحين صار براد مو زين؟
.
و تهدّدينه بطرده من البيت هالمسكين
.
عقب ما كوّدتي اليهال عليه
.
و صار بيتكم جنّه أغنية مايكل جاكسون
.
We are the World
.
و أنتي تهايلين من ديره لي ديره
.
و يوم أن مل و ما رضى أن يصير مربيه
.
حق هالحضانه اللي ميمعتها
.
أتهمتيه بالتعاطي؟؟؟!!؟
.
يمّه منج..تسلّطتي عليه
.
و خليتيه يهد جينيفر أنستون
.
و هذيج الفقيره لي الحين تهوبي
.
مو لاقيه لها واحد تحبه
.
و علاقتها مع أم براد (خالتها) من أبدع ما يمكن
.
قعدتي لهم قعده لين خربتي كل شي
.
يمّه منّج يا أنجلينا


Friday, August 28, 2009

كذب أشكره

.
..
.
.
بما أن أجازتي الصيفيه كانت قائمه على الأبتعاد عن الكمبيوتر
.
لأن حسيت أني بديت أدخل في مرحلة الأدمان الكمبيوتري
.
قررت أن أذا عندي وقت فاضي شويه..أشوف التلفزيون
.
طلع خبري عتيق بالتلفزيون و القنوات..و طبعا الدعايات
.
من الدعايات اللي لفتت نظري ..و شويه أستفزتني
.
لأن خبركم أنا ما أُسْتفزْ بسرعه
.
دعاية صابون كاماي
.
الدعايه ..كأنهم مقابلين ريّال قاعد يسولف
.
 كان قاعد يستعد أن يسافر مع ربعه..لاحظوا ربعه
.
و لما يه بيسلم على زوجته
.
و شم ريحتها صابون كاماي
.
قرر أن ما يقدر يسافر و يخليها
.
بذمّتكم...منو بيقصون عليه
.
في ريال يعاف ربعه و سفره معاهم 
.
عشان ريحة زوجته صابون كاماي؟؟؟!!!؟
.
ليش يعطون فكره خطأ حق المساكين الحريم
.
و البنات الصغار اللي ممكن يصدقون هالدعايات
.
لما شفت الدعايه...ومن قرادتهم أني ثبتها
.
لأنها أنعادت وايد..كان ودي أحط أعلان ثاني
.
و أقول
.
يا بنات و يا زوجات...لحّد يقص عليكم
.
لأن في ميزان الزوجيه
.
كفة الربع..كله تكون الأثقل
.
و كفة الزوجات كما الريشه

.
.
.
و أنتو يا كاماي...عن الكذب


Tuesday, August 25, 2009

ليش تصومون؟

ودّي أعرف شي واحد
.
هاللي صايمين و على بالهم أنهم 
.
متفضلين على العالم بصيامهم
.
منو طقكم على أيدكم و قال لكم صوموا؟؟!!؟
.
أذا إنتوا جبناء و قررتوا أنكم تصومون عشان
.
الناس..مو لأن الصام فريضه..أقول لكم
.
راجعوا حساباتكم
.
لأن مفهموم الصيام فاهمينه غلط
.
الصيام مو بس ما تاكل و لا تشرب
.
اللهم يا كافي..الواحد أذا طلع بالسياره
.
لازم يتشهّد..لأن في ناس على بو أنهم صايمين
.
يفلخون من العصبيه..و يتصرفون تصرفات
.
بالطريج..تدل على جنون
.
وحده أعرفها..أندعمت بالشارع
.
و اللي داعمها..نزل و قام يطق عليها الجامه
.
و يصارخ لو ما أولاد الحلال تدخلوا
.
و وقفوه عند حده..مسكينه البنت زاغ قلبها من الخرعه
.
وحده ثانيه..بالطريق السريع
.
واحد قرر أن طافته اللفه
.
قرر يرجع عكس السير
.
و بالطقاق بالسيارات اللي يايه بويهه
.
و أذا حاجيتهم
.
قالوا لك صيّام
.
أذا أنت من هالموديل..أقعد في بيتك..و فكنا


Thursday, August 20, 2009

استعدادات رمضان

.
.
.
.
.
بعد سفره طويله و راحه و استجمام
.
رجعت الكويت..و كان أول شي لازم أسويه أروح الجمعيه
.
و خير اللهم أجعله خير
.
مرّتين أروح الجمعيه و ما ألاقي عربانات
.
و أتنحر و أرجع البيت
.
المرّه الثالثه
.
قررت أني راح أنجز مشوار الجمعيه تحت أي ظرف من الظروف
.
ليش كل سنه الوضع بالجمعيات قبل رمضان
.
كأنه بيوتنا ما فيها قطعة خبز؟
.
العربانات بتمشي من الأغراض
.
و هالمرّه لاحظت شي يديد
.
الزوج يدز عربانه متروسه..و هم الزوجه عربانتها متروسه
.
طبعا المداعم بالعربانات ماله تالي
.
خلّصت..لقّطت أغراضي..و رحت باحاسب
.
الاّ الكاشيريه..مو كلّهم فاتحين
.
أبسط قواعد أدارة الجمعيات مو موجوده
.
يعني بوقت مثل هذا..لازم أدارة الجمعيه تصير 
.
بوضع تأهّب قصوى
.
بس منو تحاجي
.
أدارة الجمعيات حالها حال أي أداره ثانيه بالبلد
.
عموما تعوّذت من أبليس..لأن ياني شعور أقط العربانه و أمشي
.
لما وصل دوري و خلّصت..حسّيت بالراحه أخيرا
.
خلّصت أصعب مهمه
.
روحة الجمعيه قبل رمضان
.
.
.
و مبارك عليكم الشهر
.

Sunday, July 26, 2009

Wednesday, July 15, 2009

أنا مالي شغل...هذا درب الزلق

.
.



.
.
.
جمل مملوحه من درب الزلق
.
يازت لي..و عبّرت عن اللي ودّي أقوله
.
.
.
.
الروس نامت و العصاعص قامت
.
.
.
محّد روّحها غير ثوارتك و ثوارة ربعك
.
.
.
و أنا شكو فيها؟..أنت تنجبر
.
لا بارك الله فيك و فيها
.
.
.
ليش أنّك مينون مثله
.
و المينون عمره ما يخاف من مينون
.
.
.
ما بقى بهالفريج عاجل
.
غير أنا و ولدي
.
.
.
أنا حسينو..حجيك هذا ما يمشي علي أنا
.
.
.
ما أدري شلاقيه بهالموّش الوالده؟
.
.
.
معوّد على الصجمات قلبي
.
.
.
حط بالك على الثلج زين
.
و إيّاني و إيّاك تبيع سلف
.
.
.
قاضبه علينا هالأمثال
.
اللي ما توكّل إلاّ هالموّش
.
.
.
لي طريت الجلب..زهبي العصى
.
.
.
أنا أدري عنّه؟
.
أهوه على باله أن أنتي أمّه بروحه
.
.
.
تبي تضيّع سالفة نحشتِكْ عنّي
.
.
.
.
.
اللي فهم..فهم
.
و اللي ما فهم..ياكل موّش نثري

Sunday, July 12, 2009

الوضع...بالنسبه لي

.
.
.
.
.
.
بطتنا بطت بطن بطتكم
.
 تقدر بطتكم تبط بطن بطتنا
.
مثل ما بطتنا بطت بطن بطتكم؟!؟!؟

Wednesday, July 08, 2009

عمرو دياب..مو شمس

.
.
.
.
.
عندي صديقه روحها و حياتها عمرو دياب
.
و أنا من المعجبات فيه..بس مو بدرجتها
.
أول أمس يتني..و أهيه حدها مشتطّه و متحمسه
.
سألتني سمعتي عمرو دياب اليديد؟
.
جاوبتها أي سمعته..وايد حلو
.
جان ترد و أهيه بنفس الشطّه
.
أي أغنيه أكثر شي عجبتج؟
.
طبعا أنا الحين..و بهالسن
.
لو شنو ما أثبّت كلمات الأغاني
.
خلاص أعتقد الجزء اللي بمخي 
.
المخصص لحفظ الكلمات..أنترس
.
و استهلكته بما فيه الكفايه أيام المراهقه
.
فكان ردّي عليها
.
أكثر أغنيه عجبتني
.
رحت عنّي و خلّيت ويهيي فاهي
.
طبعا أهيه بغت تطلع عيونها
.
فكان ردها الطبيعي
.
حسبي الله عليج
.
أنا سألتج عن عمرو دياب..مو شمس

Monday, July 06, 2009

سوّوا نفسي..ضحكــــــــوا

.
.
.
.
.
اليوم قمت الصبح..مو معقول كميّة التكسّر اللي أنا فيه
.
طبعا أنا متأكده أن هالتكسّر..مو من قل نوم
.
من قل أوكسجين بالجو
.
و رحت الدوام أير روحي ير
.
مو بس عشان عيزانه..بس أصلا الأجواء العامه 
.
تضيّق الخلق
.
فتح السوق..و هم ما قصّر فينا..من أمس لي اليوم
.
نزول حُر
.
فعلى ما صارت الساعه ٢ و كنت توني
.
 خالصه أجتماع معصبه فيه
.
و داخله أجتماع ناس راح يقرقون فيه
.
كنت ناضيه 
.
فجأه..صارت شغله..بيننا..أحنا البنات..صديقاتي
.
سوء فهم..على لقافه
.
تعال سوّي محادثه بين ٨ بنات
.
و كل المحادثه يا مسج ..يا بي بي أم
.
أحنا أذا تيمعنا..ويهنا بويه بعض..ما نسمع بعض
.
هالمرّه مسجات..الضحك اللي ضحكته من زمان 
.
خبري فيه..و البنات و ردود أفعالهم..خلّوني أقهقه
.
فجأه..حسّيت..الله وناسه..حلو الشعور
.
 أرتفعت معنوياتي..حسيت أني نشيطه
.
و لأول مره..تصير الساعه ٣ و قت الغدا
.
 و ما أحس أني راح أموت من اليوع كالعاده
.
كل هذا
.
بسبب ضحكه و قهقه حقيقيه
.
فأنصحكم..صدّوا شويه
.
و دوروا ناس تحبونهم و ترتاحون معاهم
.
و استمتعوا بوقتكم معاهم
.
.
و سلامكتم

 
template by Purplecious