Thursday, August 28, 2008

مو منّا...من

أنا بس كنت أحب أوضح شي واحد
في موضوعي السابق أنا بس سؤالي الأول كان موجّه للرجل الكويتي
أما بقية الأسئله كانت عن الحريم و الرياييل
الكل ما قام يثبّت
الكل متدوده
الكل ينسى
في حاله من الشدهان ضاربه الجنسين
و أنا ما ألومهم
بهالفتره بالذات
خلصنا الأجازه الصيفيه
رجعنا
و في بعضنا ما سافر فما رجع
تحمل الحروره و الغبار..و آخر الفيلم الرطوبه
دخلنا في لوية ما لها أول من تالي
أيران
السوق نازل
مدارس
رمضان
تصريحات النواب الأمه و البلدي
رطوبه مره ثانيه
زحمه الشوارع
غلاء الأسعار
و الوقت اللي يطير من غير ما نحس
فشي طبيعي الخيار يكون يا كبريت يا تفهّي
لام الله من يلومنا

14 comments:

mantovani said...

مع احترامي لصلب الموضوع السابق

و احترامي لصلب الموضوع الحالي

حبيت تسامحج مع المعلقين
و اختلاق الاعذار بمقاسات تناسب الجميع

مانتوفاني

حمودي said...

اي والله الحر ذبحنا

kazmawy said...

انا براءة..:)

Fahad Al Askr said...

أنا صاير ما أثبت كلش، الظاهر من الماي

EXzombie said...

انا اطالب بادانة شاملة للعدوان و التطرف الذي صاحب التعليقات

التمييز العنصري محارب حسب انظمة و قواعد الامم المتحدة

Eng_Q8 said...

المخرج عاوز كده

nanonano said...

mantovani:
شكرا

بس لأني ميزان مثلك
;)

nanonano said...

حمودي:
كل العالم آخر شهر ثمانيه يبتدي الحر يطخ...الاّ عندنا

nanonano said...

kazmawy :
هممم..براءه؟
براءه من شنو؟!؟ جنّه اللي على راسه بطحه

nanonano said...

Fahad Al Askr :
فهد العسكر و ما يثبّت من الماي؟...صعبه

أهلا و سهلا

nanonano said...

EXzombie :
و حقوق الأنسان اشقالوا؟
ما يابو طاري بعد؟؟!؟

nanonano said...

Eng_Q8:
هاهاها...تكمله حق التفهّي اللي ضاربنا...المخرج عاوز كده؟

lawyer said...

الرجل الكويتي مخلوق متحلطم

فشي عادي

طوفاااااااااي

مو شي يديد علينا تعودنااااااا






هالسنه الصيف اشوة ماكان حر سمام مثل كل سنه


انا خبري السونا اتضعف الا سونااااات الكويت





مبارك عليج الشهر

:*****

nanonano said...

lawyer:
مو معقول شلون بالجينات ما يعجبهم العجب...تعودنا

علينا و عليج عزيزتي

 
template by Purplecious