Wednesday, January 28, 2009

الزوجه مالها رب

أبي أفهم...ليش بهالديره كل شي بأيد الزوج
.
تجديد جواز الزوجه..الزوج لازم يجدد
.
تجديد أقامة السايق...الزوج لازم يجدد
.
ألغاء أقامة الشغاله...الزوج لازم يلغي
.
واللي زوجها 24 ساعه مسافر
.
تنشل حياتها؟؟؟؟
.

86 comments:

enter-q8 said...

حمدي ربك
احسن ما تراجعين و تشوفين اشكال موظفين و اهم كلهم دراء حتى الكتاب
و بعدين في حل
توكيل طال لعمرك

Mok said...

:) رب ضارة نافعه

why me said...

لان مجتمعنا ذكوري

100 fils said...

تخلف

;p

nanonano said...

Enter-Q8:

هاهاهاهاها

خل الطّابئ مستور

يخاف يعطيني وكاله

لأن يخاف أتهاوش مع الدنيا كلها..و ما يمشي شي

موليه

nanonano said...

Mok:

شلون نافعه؟؟

و أنا حدي متعطله

nanonano said...

why me:

ما عندي مانع..بس خل يقعدون بالديره

مو طيري و أطير

nanonano said...

100 fils:

تخلّف..يشل

KQ8 said...

علشان ترتاحون يالحريم

:)

esTeKaNa said...

اهو اذا موجود
فهذه قمة الراحة
ياحبنا حق الدلال
بس اذا كله مسافر خليه يسوي لج وكاله
وفكي عمرج

Diver said...

ببساطة
لو ان الاقامات بسمج تقدرين تلغينها اما عن جوازك فالموضوع يسمونه تخلف
و الي زوجها 24 ساعة مسافر الله يعين اخوانها

nanonano said...

KQ8:

صدّقني ما فيها راحه

فيها زود لبحه من قبلنا

nanonano said...

esTeKaNa:

مو مسكين يخاف يسوي وكاله

يدري أني عصبيه..و راح أتهاوش

nanonano said...

Diver:

الأقامات مو بأسمي لأني مو ربّة بيت

و ما عندي الا أخو أصغر مني ب18 سنه

يعني شاسوي؟؟

بذمتك هذا وضع طبيعي؟؟

و تقول لي ليش التحلطمين..مره أشكبري ما أقدر أجدد جوازي؟

Diver said...

روحي ادارة الجوازات
قعدي ربع ساعة راقبي الجو
راح تلقين بنغالي شقردي
عطيه المقسوم و لوراق و تساهيل
مجربة

و الله يخلي الحكومة الالكترونية ماخلت شي سهالات

سبمبوت said...

لا وأزيدج من الشعر بيت ..

اذا راحت الزوجة تسجل عيالها بالمدرسة الحكومية ردوها من عند الباب وقالولها بس الأب اهو إللي يسجلهم!!

nanonano said...

Diver:

واااااااااااااي

يعني هم أضطر أني أرشي بنغالي اللي أهوه ريّال عشان يمشي معاملتي؟؟؟؟


ليش؟؟؟؟؟

nanonano said...

سبمبوت:

أنا بافهم منو مسئول عن وضع مثل هالقوانين؟؟

نوابنا السنعين وينهم عن هالقرارت المتخلفه اللي قاعده تردنا للوراء

chandal/danchal!! said...

اللي ريلها اقشر و زي إلته الله يكون بعونها

بس الوحدة "النسرة" تخليه مثل "بو خماس" يكنس و يهرس و يرفس.... وتفك عمرها... اعرف وحدة مسميتها "واي ما اعرف و ما ادل وين!" مسوية روحها داداغو... كل شي ما تدله واهيا خـــــــاتمة... بس سايقة الهبل عل شيطنة... والريل يطالع ويها مطالع بالطلعة و الدخلة... الله يهني سعيد بسعيدة

شلنا بالشقا!!! الأعمال اللي ذكرتيها يبيلها رياييل... بس اذا كان منتج كويتي كـــــــامل الدسم... فقبضي من دبش

Anonymous said...

7anna7inno العزيزة

بصراحة شديدة أفضل ومثل ما قال اخوي العزيز حاكي عقالي .. احسن بدال التبهذل والتعب وغير تسمعين لج كلمة مني ولا مناك

وبيني وبينج خلي الريال يتحرك شوي:P

دمت بخير وسلام

Diver said...

يعني ما تدرين
انه عالم الرجال
و لا عزاء للمرأة

nanonano said...

chandal/danchal!!:

أنا مشكلتي أني حارّه

و أبي شغلي يخلص بالسرعه الممكنه

فما أقدر أمثل الأستهبال

لأن زوجي عايني و خابزني زين

لو أقدر أمثل جان شفتي هذي حالي

مقزرتها حمقانه

و أهوه أسم الله عليه..كل شي بالهدوء و الركاده

nanonano said...

من لا تحب الإنتظار:

ليش أفتض سوء النيه بالموظفين الحكوميين؟

و لا المراجعين؟

ماكو أنسان تيينه بأدب و أحترام يرد بقلة أدب

أحنا مو عايشين في مجتمع همجي لها الدرجه

nanonano said...

Diver:

ردّي حقّك راح يكون

أريــــــد حلاً

nikon 8 said...

بالنسبة للخدم كإلغاء وتجديد الإقامات ممكن تطلعين إستثناء من إدارة الهجرة وطبعا بموافقة الزوج وهذا يصير حق اللي حالتهم مثلك
:))

Bin3agul said...

nanonano shlich bil looya w 3awar il ras ! 5alai railich isawihum w eftakay !

أبو جيج يدور نعاله said...

3-0

عجب عجب عجب

chandal/danchal!! said...

دام انك مصرقعة عيل صفي يمي لاني ماحب امثل دور الهبلة

بزري عيونج عليه و قوليله "انا المخ وانت العضلات"... شكلج عندج نظرة "اف لوكس كولد كيل" ... يعني مو معقولة كلشي علينا يا نانو... والله في حريم يكسرون خاطري بس اهما اللي مدلعين رياييلهم

انتي بس طبقي هالنظرة و قوليله هالجملة وراح يصير من ايدج هذي لي ايدج هذي.... و ياليت تحطين حمرة فوشيا عشان تكسرين حدة الكلام لووووووووول

ولا تنسيني بصالح الدعاء
:)

Fahad Al Askr said...

أنا مع استكانة

تاخذ وكالة عامة، ويصير كل شي بيدها حتى حسابه بالبنك، لا وتقدر بعد إذا ما ياز لها الوضع تطلق نفسها منه، بنفس الوكالة

bof-10 said...

يا تنطرين او وكالة عامه ... او واسطه ...عاد انتي اختاري

honey said...

عذر عشان ينثبر و اخلص الشغل

يعني بروحها الزوجة اهيا اللي ادرس اتربي اطلع اتروح الجمعية بعد اتروح هالأماكن عزت الله جان انتحروا الوزجات

إلا عندنا الزوج اسوي كل ما سبق مع مجابل الأوراق الحكوميةالطايح حظها بالفوضة الله اعينه هالريل
وده لو احد يقرا بوستج و يقط هالأمور عالزوجة

حسافتج يا كويت said...

لان الزوجة لازم تصير بعيوننا

ونخدمها

ونسويلها يدهينة لا تنكتين




عرفتي ليش يا نانو اقصد يا دهينة؟؟

forzaq8 said...

علشان ما تيي المواطنة للجهة الحكومية

اعوذ بالله

ما تبي توقف بطابور
" واي انا اوقف مع باكستانيين و انا مثل امك "

الزفة ببيزة
" شنو ما يصير انا مثل اختك "

الموطفيين نصهم يخاف يزف مرة
و الي يزفها يشوفونه الباقي انة بربرى
غير متحضر مع انهم توهم نايميين بـ 3 بنغالية

mantovani said...

انا مو باط جبدي الا سالفة
الجواز , شنو بتنحاش الزوجة مثلا ؟؟

انا واثق تماما ان لو يخلون الزوجة تسوي الجواز ... زوجتي راح تسويلي توكيل

مانتوفاني

mellow said...

واي نانو من صجج

أريح


لا تخافين على إلي ماعندها زوج آنا قاطة كل شي على أبوي الله يخليه


لا تتسببين على عمرج...سكتي

قانونى كويتي said...

تدرين بالعكس اريح للزوجة انها تفتك من الامور هذى وكافى على الزوجة مجابل الياهال مع المدارس والجمعية

وشكرا للموضوع

a7ibich yl KWT said...

male dominate society

هذا احنا
و ما اعتقد بس هذا عيبنا

anyways
ان يت علي انا دوم اعتمد عل غيري و ما احب الزحمة ولا الوقفه بالدور
ولا التمشور روحه و ييه
صداااع !!

سو .. هالشي من صالحي

بس انتي الله يعينج
يعني يا يعطيج توكيل وهو مكره يا قبل لا يسافر تسوين له لسته بالاشيا المعلقه المحتاجه وجوده عشان تخلص

ماعتقد عندج غير هالحل

Kaadi said...

اي والله صاجة الله ارحم اللي يذلها زوجها ويقول لها مالي خلق اسويلج والا كيفج !! وعلييه عليها

الدســتور said...

بعد شتبون شايلينكم على كفوف الراحه

Anonymous said...

loooooooooooooooool

eeee

ele zojha 24 sa3a emsafer etrooo7 tmooot el'9aher 3la ma yrja3

Anonymous said...

شلكم بالزواج؟
يلا اكلوها

فريج سعود said...

ان شاء الله بالمستقبل ما تروحين الطبيب الا باذن زوجك

كويــتي لايــعه كبــده said...

عوار الراس الواحد ما يحسد عليه

لو يصير كان حتى حنا ما رحنا

المراجعات الحكومية عاد !؟

Unknown said...

I totally understand what you are saying, but I don't agree with first point that the husband must renew the wives passport, this point is a reflection on the mentality that we have to endure on daily bases. people with dark ages mentality with no justification or logic behind these type of stupid rules.

nanonano said...

nikon 8:

ليش هالعباله كلها؟

المفروض يتساوون بالمعامله

nanonano said...

Bin3agul:

يعني مو خابرني شلون أمــوت على اللويه

nanonano said...

الوزير الإصلاحى الشاب الدكتور أبو جـيـج:

هاهاهاها

1-0 عمان

لا وبعد حتى محمد أبراهيم عافهم

nanonano said...

chandal/danchal!!:

هاهاهاها

راح أصف يمّج

و هم راح أدعي لج

بس خل أشوف ويهه

كلّه مسافر

nanonano said...

Fahad Al Askr:

تصّدق أني ما أدري عن موضوع الوكاله

خل يرجع..و أخليه يسوي وكالة رهن عن النفس

هاهاهاهاها

تصدق راح يكون سعيد لأن راح يفتك من لبحتي

nanonano said...

bof-10:

السؤال...ليش؟

ليش مو من حقّي أني أسوي شغلي بروحي

nanonano said...

shahad:

اللي مو متزوجه..و أبوها متوفي..و ساكنه في بيت ورثه..و عمرها 50 سنه..لازم تنطر الأخو يسوي أوراقها؟؟

مو معقول

nanonano said...

حسافتج:

ذكائي ما أسعفني هالمره..ما فهمت ليش

يا دهينه!!!؟

nanonano said...

forzaq8:

أسمح لي..مو صحيح التعميم هذا

nanonano said...

mantovani:

شكرا..ليش صار سوء النيه بالزوجه أهو اللي يمشون عليه في حال أقرار اي قانون

nanonano said...

mellow:

والله مو موضوع أريح و لا مو أريح

الموضوع ليش يعاملون الجنس النسائي كأن ناقصين أهليه

nanonano said...

قانونى كويتي:

أعيد سؤالي..ليش تتم معالتنا كناقصات أهليه؟؟؟؟

nanonano said...

a7ibich yl KWT:

الظاهر التوكيل هو الحل الأمثل لحياتي

nanonano said...

Kaadi:

أحنا ليش نرضى نصير تحت رحمتهم..مع أن الوضع ما كان جذي

nanonano said...

abu eldestor:

ما تقصرون و يعل عمركم طويل

بس ليش نعطيكم فرصه تحملونا جميله؟

nanonano said...

Cat:

الظاهر مؤامره..عشان يحكرونا في البيت على ما يرجع الزوج

nanonano said...

maqhor:

ظل راجل و لا ظل حيطه

nanonano said...

فريج سعود:

والله العظيم..حاسه أن بنصير جذي

nanonano said...

كويــتي لايــعه كبــده:

لأن نحبكم و نخاف عليكم..فما ودنا التكدرون

و نبي نسوي شغلنا برووووحنا

nanonano said...

mosan mosan:

ترا تجديد الجواز أبسط شي

والله في أشياء ثانيه بالحكومه

قمّه بالتخلف

Unknown said...

nano
روحاي سواي جوازج
واكتباي بوست يديد
بشوف شتقولين عن الروايح

bent el deera said...

ماقدر اعلق
شي مضحك ومبكي بنفس الوقت

اتمنى لج اجازة نهايه اسبوع سعيده

ولاّدة سابقاً ... رانيا السعد ...رانية المنيفي حسب الأوراق الرسمية said...

chandal

واي ما أعرف وما أدل وين

لوووول

ظنيت إني أنا بس اللي الله باليني بهالشكولة من البنات اللي يرفعون الضغط


وإذا شيفة بعد ألعن!!! يعني حلوة ما تدل أهون على قلبي...خاصة إني من صغري عنصرية واحب الحلوين

بس شيفة قيفة وتتدلع وما تعرف شي واتسبل بعيونها

وااااااااااي

نانو
أنتِ مارة عليك هالنوعية أفتكر؟؟؟


وبالنسبة للرياييل
أحسن خل يخلون كل معاملات الدولة عن طريقهم...وأشتغلي حنّة وبس
سو لي وحط لي ..وتبطحي وشربي شاي حلبيك وإقري قصتك وبردي قلبك

chandal/danchal!! said...

الله اييبه بالسلامة يا نانو

ولادة:) مو يقولون الرسول دعا للشينة:) اشوف حظوظهم وايد احسن من المزايين ... وانا اشوف بهالزمن ماكو شينة... الله يعافي عمليات التجميل... صايرين كلهم نفس السحنة

وبالنسبة للمجهود العضلي فانا معاج قلبا و قالبا... خل يسوون من عمرهم فايدة... كافي مجهودي الذهني مع اليهال و كافي اني مجابلتهم من يصبحون لي يمسون... بعد اقعد امحت بالمصالح الحكومية!! عزت الله ما ربحت!! اجازة سعيدة لك و لنانو و للكل
:)

المقوع الشرقي said...

كله مسافر
ومسويه الشششققق هه بالبيت ابروحج
لا حنه ولا رنه ووين ذي ووين ذاك
حطى شبه و حرمل

@alhaidar said...

صاجة والله ..

الحقوق الاجتماعية ما تقل عن السياسية ..

إلى الأمام دائما ..

Anonymous said...

ليش ؟ لأن ليلحين محد بطل حلجة :\ ـ ـ

حبوبة إتصدقين يحسبون الكويت ألف ومادري جم حطبة .. بس خلاص هذي الأشياء بالمجتمع لازم تتغير يعني لايقولون لي لا مايجوز ولايجوز ترا مصخت السالفة :@ السالفة مافي لا عيب ولا هم يحزنون

ومايدرون والله لو يخلون المرا بروحه تسوي شغلها والله يصير عيد الرياييل عيدين :) من صجج في وااايد نقاط في مجتمعنا يبيلها تعديل وأحسه ترجع لنقطة أزلية :\ بس وين إلي بيفهم أقصد يبفعل لأن أعتقد الكل فاهم

حبوبة سعدت في زيارة مدونتج الحلوة والراقية مثلج :)

al :)

حسافتج يا كويت said...

مو أنا قلتلج إنا حنا نسوي للمرأة يا دهينة لا تنكتين؟؟؟


فا معناتة أن حنا نعامل الحريم مثل الدهينة
عشان ما تنكت ونراعيها


وبما انك أنثى فأنتي دهينة


فهمتي يا دهينة ولا بعد؟؟؟

قانونى كويتي said...

زين ابى اعرف وين ريلج

اللى انتى متوهقة لى الدرجة هذى

nanonano said...

احمد سالم:

أذا يت على الروايح..سهاله

ديتول وايبس

nanonano said...

bent el deera :

شي ينرفز طال عمرج

و أجازه أسعد لج عزيزتي

nanonano said...

ولاّدة:

بذمّتج أنتي عارفتني زين

أنا أعبر على الحنّه؟

أهوه من أول مره سؤال شنو صار على الموضوع الفلاني

ثاني مره..نزره

ثالث مره محارب

nanonano said...

chandal/danchal!! :

الله يسلمج يا الجندل

أنا ماكو يهّال..فماكو الا أهوه آكل قلبه..مسكين

nanonano said...

almaqwa3 alsharqy :

من غير شر..أذا سافر..ما عندي أحد أمارس عليه هواية الطّحنه على قلبه

يعني مو معقوله راح أطحن على السايق

nanonano said...

أحمد الحيدر:

يعل عمرك طويـــــــــــل

أخيرا أحد فهمني

مشكلتي ما أعرف أعبر

بالضبط الحقوق الأجتماعيه قاعده تسلب منا

nanonano said...

║▌M!$$ al's ║▌ s:

شكرا..بالضبط لأن محد بطل حلجه

هالجمعيات النسائيه اللي خابينا كل يوم مسوين أمسيه شاي و لا أصبوحة قهوه..لو يركزون على هالأشياء و يبتدون نشاط حقيقي و فعلي..جان أبرك لنا مليون مره

بس زاهبين حق المجلات و الجرايد و التلفزيون

يا شين حريمنا

يموتون على الترزز..و لما تيي الصجيه تلاقين و لا وحده عندها سالفه

nanonano said...

حسافتج:

الدهينه لما شويه تزيد النار عليها أتطيش و تبتدي تلسّع

فلا تخلونا نطيش

و عقب أذا بلشنا تلسع..ترا ما ننلام

nanonano said...

قانونى كويتي:

أنا مو متوهقه

أنا محتره..مره أشكبري..كاملة الأهليه..ما أقدر أطلع جواز حق روحي؟؟؟

و بعدين أهوه بالنرويـــــــــــــــــــج

تعال فجّج الحين

حسافتج يا كويت said...

هاهاهاهاهاها


شهالدهينة العسرة


خلاص يبا يا كريمة ما تنكبين

nanonano said...

حسافتج:

هاهاهاهاهاهاهاها
هاهاهاهاهاهاهاها
هاهاهاهاهاهاهاها

قمّة العساره

ما تشوف الريّال هج

كريــــمه..يازت لي

وصفات واكلات ليتني همك اللذيذة said...

ياسلام ع شي جميل اجد هنا والاجمل والاروع ما وجدت هنا تسلم يمينك ع هذا الجهد الرائع والاحساس الاروع

Dahem said...

شوفي اذا شفنا الحريم يصبون بانزين حق نفسهم ساعتها خل كل شي بيدهم

إذا شفنا المره تدش الوزارة وتصف بالدور حالها حال الرجل ذيك الساعه بنخلي كل شي بيدها


انا مو ضد ان العامل يصب البنزين للحريم ولاني ضد ان المره في الكويت تتجنب الوقوف بالدور بس علينا نتذكر ان هناك حقوق وواجبات عاد انتوت تبون كله حقوق ... خلوها شوي واجبات

 
template by Purplecious