Monday, January 05, 2009

دورة كاس الخليج..غير

لا تقولون لي..دورة كاس الخليج لها نكهه غير
.
أدري بتقولون أني كنت ضد رفع الحظر عن
.
منتخبنا..و أصلا تناجرت مع مع نيو و السبب
.
حماسه حق المنتخب..بس أمس..لما صارت
.
الصجيه..تغيّرت الحسبه..أنا شخصيا ضحّيت
.
بنومة الظهر..اللي لو شنو ما أضحي فيها
.
و قعدت أتابع
.
الظهر كنت قاعده أكلّم زوجي بالتليفون.. و سالته
.
بتشوف المباراة؟..كان ردّه..من صجّج!!..ما نزلت
.
المغرب تحت الا و أهوه حاط عليها.. و شويه محتر
.
يعني مندمج بس باسكات..سألته عن 2 من أصدقائنا
.
وينهم؟..قالي متيمعين بالديوانيه يطالعون المباراة..جان
.
يقول لي ترا فلان و مرته راح أيونا عقب المباراة
.
لأنهم الحين قاعدين يشوفون المباراة مع عيالهم
.
اليوم الشباب بالدوام يسولفون أن أمس وقت المباراة كان
.
هدوء نسبي بالشوارع
.
صج الكويتيين يعني لهم فريق الأزرق الشئ الكثير
.
و أنا عقب ما شفت اللعب أمس..أعتقد أن عندنا أمل
.
بس عندي طلب صغير من بو فهد
.
الله يخليك قط هالعصى
.
ترا شكلها كلش مو حضاري..و يفشّل

76 comments:

KQ8 said...

نمت وماشفتها ولا ابي اشوفها كفايه الملخص من الشبيبه

Fashionista said...

كانت خوش مباراة

عسى بس يكملون جذي

nEo said...

حضارة مين و الا مين

خليها على الله

عجب و بس رغم انف الحظ العاثر

و الوعد جدام

nanonano said...

KQ8:

ما الومك..بس صدقني لو شايفها

جان رجع لك الأمل في الشباب

و صاج الشباب ما قصّروا بالملخص

nanonano said...

Fashionista:

أن شاء الله..الوعد عقب باجر أن شاء الله

عسى الله يعطينا على قد نيتنا

مشتهين نفرح

nanonano said...

nEo:

الحين بافهم ليش مساكين بيعاقبهم بيوديهم العراق يلعبون؟؟!!؟

الوزير الإصلاحى الشاب الدكتور أبو جـيـج said...

المباراة عطتنا بصيص من الأمل

بصيصنا هذا يعتمد بشكل كامل على مباراتنا ضد المنتخب البحرينى

أنا من ناحيتى بصيصى تضاعف و يترس سحارة كيوى

حتى اليوم بشتى الوزارى إتعلق بإكزوز السيارة...ما إتضايقت..البصيص إبتسم إبتسامة ثقة

المهم الآن المحافظة على بصيصج و الأخوة بعد يحافظون على بصايصهم و بصايصهن...و بعون الله بصيصنا راح يتحول لكتلة بصيصية تتضخم و تتدحرج من أعلى الجبل لتجرف معها بقية المنتخبات بإتجاه منصة التتويج

عثماني said...

انا والله ودي لو الاخ بو فهد يروح المحسن اللي يم بيتهم و يقص شعرة

الله يهديه .. لوع جبدي بشعرة

nanonano said...

الوزير الإصلاحى الشاب الدكتور أبو جـيـج:

صاحب المعالي

خلني من بصيصي و بصيصك

أن شاء الله بصيصاتنا..كلنا..بتطب على منصة التتويج

بس طمني

حنطفيسك شاخباره؟

nanonano said...

عثماني:

الله يهداه بو فهد شعره مع رطوبة عمان صاير قماري

Zaydoun said...

ومنها للأعلى يا الأزرق


بعدين بس العصا اللي منظرها مو حضاري ويفشل؟؟

nanonano said...

Zaydoun:

بوالزيد..لأ..بس لا تنسى أن هناك
look
الشعر ماله..عادي مع أخوانا القطريين..فتضيع الصقله شويه..بس هالعصات اللي ماسكها..جنّه بيطق اللاعبين على روسهم أذا سووا شي غلط..ماصخه..و مالها سالفه

عاجــل said...

لما يقولون لي أن المسيرة بمناسبة الفوز بالكأس بلشت راح يكون عندي أمل

cozy said...

ههههه العصى لمن عصى هههه والله أنا مثلج ما كنت ناوي اشوفها حتى اللاعبين ما أعرفهم بس هذا الي إسمونه بقايه ولاء :)

nanonano said...

عاجــل:

ويـــــــــــه

حدّك

DEMANDING

nanonano said...

cozy:

اشوه أن أكو بقايا لي الحين

و شاللي عافسنا الاّ هالبقايا

الوزير الإصلاحى الشاب الدكتور أبو جـيـج said...

nanonano

حنطفيسى مثل طلسومى...متنرفز و متعكر


بأى لحظة راح يعلنون الحكومة اليديدة


و مو متأكد أى وزارة راح يعطونى لحد الآن

why me said...

امس البيت كام خوسه بسبة المباراة

احمد سالم said...

nano
أنا إلي نرفزني مو العصا ولا عجب
إلي نرفزني لما دشاو حاطين سكارف الفلسطن
خلاص عاد مايصير إنصير فلسطينين أكثر من الفلسطن

بس هم نرفزني عجب العجاب

nanonano said...

الوزير الإصلاحى الشاب الدكتور أبو جـيـج:

عاد كل شي و لا طلسومك..لأ ما عليك

ماكو الاّ العافيه

الوزارات اللي تبيها راح يعطونك أياها

و يقولون لك تنقّى أهمه حاصل لهم واحد مثلك

nanonano said...

why me:

ونـــــــــاسه

حوسة البيت

اللي يعلق..و اللي معصب..و اللي قاعد ياكل حب..أصلا هذي جزء لا يتجزأ من الوناسه

الحوسه

nanonano said...

احمد سالم:

أنا بعد نرفزني

بس خل نحط روحنا بمكانه

مسكين كان تحت ضغط

مساعد ندا اللي يبط الجبد

Enter-Q8 said...

نانو الا العصى رجاءا
ترى هذي فيها قصة
تبين الصج
كاس الخليج عندنا يالكويتيين له معنى و شي ثاني
و خصوصا الديربي الكويت و السعودية
رفيجي سعودي
يقول انتم علامكم ما تطلع مراجلكم الا علينا

بس امس المبارة بروح و متعبهم بروح
متعبهم بدر المطوع هذا اللقب بحطه و كيفي
يا متعبهم يا متعبهم

LiL ALiEN said...

موضوعج وايد أثر فيني الا موضوع العصى

شوفي تكلمي عن اي شي .. الا العصى الذهبيه

Fankooshy said...

احتمال يحطون العصاية بدال الكاس
حق المركز الاول

خوش مباراة بس عجب مضيع القول

nanonano said...

Enter-Q8:

هـــو كيفك سمّه متعبهم

محد يقدر يحاجيك

و بعدين جّني خابره أنك أنت بعد عندك عصى..عشان جذي مو راضي أحد أييب طاري العصى؟

nanonano said...

LiL ALiEN :

شنو سر هالعصى الذهبيه؟

شنو يخرّع الناس فيها

لأن شكلها عصى مخصصه حق الطق..راسها يوحّش

nanonano said...

Fankooshy :

هاهاهاها

تهقى؟؟!؟

مسكين عجب..كسر خاطري اليوم

من كثر الضغط اللي عليه..تدوده

بس ترا حتى الحظ ما ضبط معانا

Mok said...

هل هذا اللي امس مستوى لعب اصلا؟؟ انتوا مصجكم؟

حسافتج يا كويت said...

نانووووو؟؟؟

نانو؟؟؟؟
شهالحجي؟؟

لا لا

شوفي سلمج الله

الضرس ليمنة رقل ... من شلعتة لابد

حنا مشكلتنا عاطفيين نعم بس العاطفة يابتنا ورى

اليوم اللي صار كلة من لعب في الإتحاد إلى ضرب احمد اليوسف والإتحاد إلى وقف النشاط الكروي من الفيفا مرتين وكاس الخليج

هذا كلة مسرحية بطلها طلال الفهد بالإشتراك مع الفنان القدير أحمد ليفا

ليفا هذا الأسم الجديد ترى بمناسبة شعرة اللي يقوطر

عموما
اهما يبون الناس تقول جذي
بس حنا نقول كافي أبر و بانادول نبي علاج جذري


اقسم بالله أني امس كنت اشجع عمان من ورى قلبي طبعا بس لن أظهر تشجيعي ودعمي للمنتخب الكويتي

ليفا البوما
وشلتهم يعتقدون ان المنتخب منتخبهم وليس منتخب الكويت


هم يبون يقولون ترى هااا شوفوا كان حنا شلنا الإيقاف وحنا خلينا منتخبنا يغلب ويفوز وياخذ الكاس ولا يوم إنة عند احمد اليوسف كان مطقاقة وتوقف


كلامي ليس دفاعا لليوسف



نانو مابي اشط بالموضوع بس المشاعر شي وإعداد منتخب قوي يشرف الكويت شي ثاني


انا مابي منتخبنا يشرف ليفا بوما
ابيه يشرف الكويت

وبعدين بالنسبة للسيد الشيخ الرئيس اللي كل شي بالكويت احمد الشهيد فهد الاحمد
وعصاة

السالفة ما يات على العصى السالفة جدايلة الحلزونية





وهذا حنا يا الكويتيين عاطفين ولا اندبينا قمنا نلوم المسؤولين

حنا شلي رادنا لي ورى

هذا بلا ابوك يا عقاب


وسوري على الإطالة بس حريتيني

















ملاحظة: لا تقولين لي هالمرة انت صدقت؟؟؟

nanonano said...

Mok :

أنت مو عاجبك..على راحتك

أنا أشوف أن لعبهم معقول جدا نسبيا

chandal/danchal!! said...

استغفر الله... من اشوفه و اشوف عصاته يطري علي الآية الكريمة و اقول وما تلك بيمينك يا موسى؟؟ و على تسريحة شعره صج "اهش بها على غنمي" شاوي شاااااااااااوي المطبة!! بس ما صيح على امه ولا يبيله رطبة!! ما تدرين يا نانو شورى هالعصاة!!! مآرب اخرى يا عزيزتي! شكلها فيها طبوب والعياذ بالله!!

وانا مع الأزرق غالب و مغلووووب...

ازرق كحيييل العييين و لوونه سماوييي.... يااخذ القلب و الروووح يجرح ويداوي

اخيييير.. اليوم في بيت "هلي" يا ظلام... بحبشت بالثلاجة و شفت محلبية!! سخنتها و كليتها و ثوبتلج!
:)
ينطيج العافية على هالشورة... طعمها "اجمييييه" عن عدوج

nanonano said...

حسافتج يا كويت:

ترا كليتني

وهّلني

الحين من أي كتر في موضوعي أنت حسّيت أني قاعده أعطي
credit
حق شاوي المطبّه و أخوه؟!!؟

عاطفيين..أي نعم عاطفيه

في أي شي فيه الكويت برّه..ما أعبّر على روحي

لو مو عاطفيه..جان ما تناجرت مع مدرب الأمارات الفرنسي لما كنت في سويسرا

أصلا من صجي أعصب أذا أجنبي ياب طاري الكويت و انتقدها

تدري شنو شعوري

و أنت شكو

أحنا مع بعض ننياز..بس أنت مالك حق تتكلم

شفت..أنت بنفسك أعترفت

قعدت تطالع اللعب أمس

ما نقدر ما نشوف دورة الخليج

لأن لها نكهه خاصه

و بعدين مساكين اللاعبين شنو ذنبهم؟؟

بروحه عليهم ضغط من شاوي المطبه

و تبينا أحنا بعد نحملهم المسئوليه

و أحنا عارفين وايد زين أن ماكو بأيدهم شي

بالنهايه هذولا شباب و أذا لعبوا زين..ليش أتنيحس معاهم عشان

شاوي المطبه؟

لا والله أذا لعبوا زين بقول..و أذا ما لعبوا هم بقول

بس صدّقني

شاوي المطبّه مع عصاته..لو ينقز...عشر خطوط تحت... لو ينقز

ما أعطيه كلمه زينه

لأن أي أنجاز راح يحققه الأزرق..بفضل شبابنا الكويتيين مو بفضل

الشاوي و أخوه

بالنسبه لي أنا ضد أختزال كرة القدم الكويتيه في أشخاص

و آسفه أذا حرّيتك

مو قصدي

بس حرام الشباب ما يلاقون تشجيع من شباب نفسهم

و بعدين المدونه مدونتك ماله داعي تتأسف على الأطاله

و ما عاش من يحرّك يا حسافتج

nanonano said...

chandal/danchal!! :

أول شي أنتي لاحظتي توارد الخواطر أنا وياج؟؟؟؟!!!!؟؟؟

أنا وياج سميناه شاوي المطبه

والله العظيم ما كنت قاريه تعليقج

nanonano said...

chandal/danchal!! :

ما شاء الله عمرج طويل..توني و أنا راكبه السياره

قعدت أفكر فيج

قلت وينج تشوفيني و أنا متصكصكه من البرد و معليه دفاية السياره على الآخر
============

عليج بالعافيه

مطرح ما يسري

يحط رجليه

آسفه

قصدي

يمري

و مشكوره على التثويبه

أنا باجر باخذ معاي الدوام مطارتين محلبيه

حقي و حق الزملاء و الزميلات

حسافتج يا كويت said...

يا نانو

يا نانو

كلامج كله على راسي

انا وانتي نقول شبابا ياب الإنجاز

لكن هم بروجون إن مستر ليفا بوما اهو اللي سوى الإنجاز يوم مسك إتحاد الكرة


مثل ما طبلولة يوم راح اليابان وشال الإيقاف عن المنتخب

يبا الزبدة

يا نبي منتخب صح يا ما نبي

نطري وبتبجين عقب باجر واللي عقبة

شباب الازرق نعم مالهم ذنب صح كلامج

لكن مستر بوما والمطبلجية اللي تحتة هم من ينسبون النجاح له

وبتشوفين

وبعدين منتخبنا يبيله إعداد جيد وإدارة جيدة

ولا شلون بينتج

دخولنا لكاس الخليج عبارة عن

هووي هووي يا ناقتي
او بمعنا اخر

إما لقحت او ما ضرها الفحل


واسم الكويت يا نانو اكبر من المغامرة والمقامرة اللي قاعد يسونها اولاد الشهيد


واشكرج على طول بالج يا الغالية

والإختلاف في شعر صاحبنا لا يفسد بالود اللي بينا قضية

nanonano said...

حسافتج يا كويت:

كلامك كله على عيني و راسي

نقطتي اللي أختلف معاك فيها

ليش نطلّع خمالنا لي بره

الحين الشباب قاعدين يلعبون

أحنا ككويتيين

قاعدين نشجع منتخب الكويت و نعطيه

ال
moral support

آسفه ما تحضرني الكلمه العربيه

لما يرجعون و يرجع الشاوي و أخوانه ذاك الوقت نتفاهم

هنـــــــــــــي

بالكويت

chandal/danchal!! said...

صدقتي من غير أيمان ولا حلفان:) لقلوب شواهد... شكله بيغتالوني انا وياج على هالاسم الحركي اللي منقينه حق شوشو المطبة!!! ماني قايلة شاوي

تدرين شنو احلى شي الصبح بهالبرد؟؟ جربي قهوة كاريبو "زيبرا" بس اذا ما تحبين الحلاة قوليلهم "زيبرا ون بمب" تخليج تبوخين

ترى انا ام الخراقة ... آخذ الشي زاهب مزهب ويني وين اسوي محلبية من صبحيت الله!! بنت شربت على قولة بابانا

حسافتج يا كويت said...

نانو

ماني مطول عليج ولا اي امصخها بالردود
ولكن إسمحيلي


طلال الفهد او من طلع خمالنا
للعالمية واوصلة للفيفا

وخلى اللي ما يشتري يتفرج


واسف والله اسف إني وايد اجادل بس شسوي

يعني تعتقدينيا نانو إني من صج مابي اسم الكويت يصير فوق؟؟

بس شقول

يا عل حوبة الكويت ما اتعداهم

قولي آمين

chandal/danchal!! said...

قبل لا انسى... ليش الاعتراض على "الكوفية"؟؟ ما اشوف فيها شي؟؟ اقلة ما تحوشهم لتبة برقبتهم؟؟ و عفى الله عما سلف!! حنا العرب يا نانو... و ياما عطينا ما ندور مثوبة... الا من اللي من ترجاه ما خاب!!.... الحمد لله نعطي و ما نتمنن.. و هذا سر الخلطة السحرية و السرية للكويتيين... الله لا يغير علينا ولا يغير طبايعنا ... اهي اللي حافظتنا و دافعة عنا البلاء!

كويــتي لايــعه كبــده said...

أحمد الفهد كله على بعضه مو حضاري..و يفشّل

وقت الصجية كلنا مع منتخبنا
خشمك خشمك لو اعوج

لكن يا ريته ما كان اعوج
ويا ريت اللي "عوجه" ما تفضل علينا "بتصحيح" الانعواج وشوية حيا

Eng_Q8 said...

قايلج

لازم انقولهم تكفون نبيه

خوش لعب :)

عاد انشالله يتمون على نفس الرتم ما يخورونها

يبا خلي العصا انشالله يشيل سعفه المهم انفوز

ZooZ "3grbgr" said...

تدرين يوم ما يابوا قول
صرخت !!!!ء

شي غريب بصراحه

لاني مالي بالكرة ولا تشوتها

بس ياختج حب الكويت واللون الازرق يعور

:\

Kaadi said...

قولي شهالخرافات و البدع !! ان حسباله العصا بتفوزنا :(

يا عيني على المستوى التعبدي !

nanonano said...

chandal/danchal!!:

واي لا تخرعيني

مالي خلق تكمّع على راسي بالعصاة

يا زين شوشو المطبه

يعني بارقّع

مشكوره على النقصه

بس ما أشرب قهوه

و بعدين

هاهاهاهاها

مشكوره وايــــد

أذا على بالج أني هبّت ريح

بس كلش لأ

الله يعافي طباخة بيت أبوي

أدق عليها من الصبح

و أتدز لي

nanonano said...

حسافتج يا كويت:

آميـــــن

بس ترا وايد مسوي العلاقه رسميه جدا

أنت تمةن بكل الأحوال

أصلا أحلى شي النقاش معاك ومع المدونين والمدونات

المهم

أحنا..عندنا أصول و أهمه ماكو

فماكو مجال للمقارنه بينا و بينهم

مو؟

;)

nanonano said...

chandal/danchal!!:

بموضوع الكوفيه..أتفق معاج

بالميه الف

nanonano said...

كويــتي لايــعه كبــده:

أي والله

هذا اللي قاعده أحاول أوصل له مع

حسافتج يا كويت

nanonano said...

حسافتج يا كويت:

لو سمحت تقرا تعليق المدون العزيز

كويــتي لايــعه كبــده

عطاني الزبده اللي أبي أقولها

nanonano said...

Eng_Q8:

لأ..موضوع العصى كلش مو مقبول

و الله يستر من باجر

أنا من الحين خايفه

مالي خلق يضيق خلقي

بس عسى الله يوفقهم

و يعطي اللاعبين

على قد نيتهم

nanonano said...

ZooZ "3grbgr":

شفتي شلون..الأزرق غير

و هذا سبب نجرتي مع

حسافتج يا كويت

يقول أنتو عاطفيين

هو أكيد عاطفيين..أنا من شفت فريقنا بالملعب..عورني قلبي

nanonano said...

Kaadi:

مسكين هذا حد يوشه

Blog 3amty said...

ياخوفي ناخذ الدورة، ويصير أحمد الفهد بطل قومي وأخذي حجي وحنة ورنه كل يوم :

قلتله ورحتله والأصل والفرع وأحمد الفهد وأحمد الفهد !!


شفكنا من مهايط عيال الشهيد بعدين !

nanonano said...

Blog 3amty:

عاد هني أيي دورنا

لو شنو ما نخليه يستفيد من هالفرصه

و يصير بطل قومي

على ظهور شباب الفريق

المجهوول ..! said...

اللي تفضلتي فيه هو الاحساس بالوطنية والشعور بالانتماء

ولكننا نواجه فيها مشكلة وهي مشكلة كويتية بحتة

مباراة وحدة يكون فيها ادائنا زين وعبالنا ملكنا العالم وحطمنا الارقام القياسية ... وتم ترشيحنا وتأهلنا لكأس العالم ( وبدون تصفيات بعد )

والا ليش الفيفا يصدر ترتيب عالمي للمنتخبات العالمية لأن الموضوع في استمرارية والواجب علينا الاستمرار في هذا الاداء وبشكل متصاعد

أدري بتقولين شفيه هذا احتر فجأة
بس من حرتنا على الكويت والله

شكرا على تعزيز المشاعر الوطنية

مجهووول

nanonano said...

المجهوول :

بالعكس كلامك عين الصواب

عشان جذي أنا وايد خايفه من مباراة باجر

بس شنو نسوي

بالنهايه..هذا فريق منتخب الكويت

ما نقدر ما نصير عاطفيين تجاهه

حسافتج يا كويت said...

صبحك الله بالخير


نانو يضيق خلقي إذا محد فهم قصدي

وتنبط جبدي إذا انا ما عرفت اوصل للناس اللي ابية


ماني عارف اشلون اوصل معلومتي لج
مو انتي الصعبة

الظاهر البرد يمد مخي

بس في جميع الحالات

ماني فادر اوصلج اللي في بالي انتي وكويتي لايعه جبدة

أنا حزين

nanonano said...

حسافتج يا كويت:

لاااااااااا

والله فاهمتك

و أنت كلامك كله واقعي

و

عقلاني

أحنا قاعدين نتكلم من منطلق عاطفي بحت

و ودنا ببصيص أمل

هذي كل السالفه

mosan mosan said...

I wish our sport officials will have some kind of decency to pay attention to sport in q8 .. Qatar is taking over sport in Asia … while we are looking for hands outs from Qatar …

What a shame

حسافتج يا كويت said...

بختصار

وين تشوفين البر دام هذي بحريتج

nanonano said...

mosan mosan:

طالما هالنوعيه من العقليات أهيه اللي مسيطره على الرياضه..ما أعتقد وراهم أي تطوير حق أي نوع من أنواع الرياضه

أحمد ربك ما ألتفتوا على الفروسيه

أفتكيت

nanonano said...

حسافتج يا كويت:

صــــــح

بس أنا هاليومين

راح أتجاهل البحريه

لأنهم مو كفو

100 fils said...

يااارب يفوزووون

ابي شي ايجابي يصير للبلد

;)

nanonano said...

100 fils:

يـــــــــا رب

والله مشتهين نفرح

الطائر الحر said...

رغم اني غير متفائل بس اتمنى ان بيقى الازرق بالمستوى ويصمد للنهايه

nanonano said...

الطائر الحر:

أنا بعد أشك أن يصمد

بس أحنا نسوي اللي علينا و نطي شباب الأزرق

الدعم المعنوي

mosan mosan said...

They did long time I ago ...

We are suffering.... we are effected dircetly

nanonano said...

mosan mosan:

صح..صح

نسيت

بس موسان عزيزي أنتو قدرتوا الحين أنكم تثبتون نفسكم بعيد عنهم

و رديتوا تييبون بطولات بمجهوداتكم الفرديه

لأنكم ما تخليتوا عن رياضتكم

shahad said...

لوووووول
نفس الحالة لنا اشوي اشوي و إلا مندمجين بالمباراة و احنا ما ندري
الدم احن بعد شنسوي


أي عصي يا حسرتي م خبرت شفت عصي

مبيوق said...

ناااااا نوووو


الو الو


إحم إحم








سلامتج بس قاعد أجرب صوتي اليديد

nanonano said...

shahad :

ما شفتيـــــــــــــــــــها؟؟؟؟

ما طافج شي صدقيني

nanonano said...

مبيوق:

مبيــــــــــــــــــــــــوق

صوتك وصل...طال عمرك..يا هلا

kuwaitawy said...

اخيرا



صار هناك تفائل


:)

nanonano said...

kuwaitawy :

أنا مابي أتفائل وايد

ننطر لي باجر

و أن شاء الله نفرح مع شباب المنتخب

nanonano said...
This comment has been removed by the author.
lawyer said...

اي انا قاعده بسسسس مسوي نفسي ما اتاااابع


ومجابله الدوا و الفحم و بطاط مشوي

ومعطيه التلفزيون ظهري بس اتابع من انعكاااااس الدرايشه

و ام رفيجتي عشان ما يرتفع ظغطها تقوووووووولي اي بعد سووووولفاي



مابقينااااااااااا

 
template by Purplecious