Tuesday, January 06, 2009

حسافتج يا كويت..إنباق

زملائي المدونون و المدونات
.
تعرّض اليوم زميلنا بالتدوين
.
حسافتج يا كويت
.
لحادث مؤسف
.
مدونته أنباقت منّه
.
الموضوع وصل لي بوق المدونات
.
فكل واحد يحط باله على مدونته
.
عموما
.
اللي صار حق حسافتج يا كويت
.
عطانا تنبيه
.
و مدونة حسافتج يا كويت
.
صارت الحين
.
مبيـوق
.
و عنوان المدونه اليديد
.
mbyoog.blogspot.com
.
و تصبحون على خير
.
بس الله يخليكم
.
كل واحد يحط مدونته
.
بالتجوري ماله..و يقفل عليها



32 comments:

مبيوق said...

كل الشكر لج يا نانو

وماهي غريبة عليج


شكرا

Eng_Q8 said...

مو بوسته الي حطه كان يخرع :)

خطاه السو

Mok said...

نشرت اعلان في مدونتي

nanonano said...

مبيوق:

ترا ماكو الا

ماك رويال

أهوه أكيد اللي حاط عليك

بس ترا أنت الله يهداك

هوست عليه زياده
===

ما سويت شي

ماله داعي الشكر

خو اللي باق مدونتك..جنّه بايق مدونتي أنا

nanonano said...

Eng_Q8:

هاهاهاهاهاهاها

حدّه يخرع

فعقب ما خرعهم

قالوا خل نخرعه شويه

nanonano said...

Mok :

مشكـــــــــــــــور

و

ما قصرت

الله لا يخلينا

chandal/danchal!! said...

ولككككممم شكااتب مبيوووق!!!! شتغلت عندي "بلاغة الشف" انا بس قريت العنوان و صبت عظامي!!! هذا خراب بيوت مستعجل

KQ8 said...

شكله ياله ائميل منجسي على موضوعه خسبقه

معلش

كويــتي لايــعه كبــده said...

ما يستاهل

لكن ما شاء الله عليه
محبينه وايد
(يستاهل)

خبره صاير نار على علم

ButterFlier said...

اجر و عافية ياخوي

bof-10 said...

والله مايستاهل الغالي =(

EXzombie said...

مع احترامي للجميع

سالفة بوق البلوغات ترى معطينها اكبر من حجمها، اذا البلوق مبيوق فترى مبيوق من واحد يعرفك و عنده الباسوورد فقط، انا اعتقد انه البوست الاخير اثر شوي

شـقـــــران said...

الغالية نانونانو


مو خوش خبر كلش




تحياتي لكِ

abu eldestor said...

دشيت على بلوقه المغرب ولا مكتوب انه تم الحذف

ذكرني بمدونتي كويتنا

الله يرحم

بس نروح و نرد القلم اللي باقي
و
الباقي زوال

cozy said...

يالله إنشالله هالسالفه تعطيه دافع وإتشجعه إنه إكون أقوى وإفضل

nanonano said...

chandal/danchal!! :

هاهاهاهاهاهاها
هاهاهاهاهاهاها
هاهاهاهاهاهاها

ولككككممم؟؟!!؟

أتينين

لا أهيه قصه..بس الظاهر أزعجت ناس

دزي لي أيميلج

و راح أحازيج

nanonano said...

KQ8:

أي بس اللي سوا المدونه الأولى بسهوله يسوي مدونه ثانيه

يعني اللعب بالمدونات ما يفيد أحد

nanonano said...

كويــتي لايــعه كبــده:

هذي ضريبة أنك تصير محبوب..و مواضيعك مملوحه

nanonano said...

ButterFlier:

بالنيابه عن

مبيوق

تسلمين

nanonano said...

bof-10:

كلش ما يستاهل

nanonano said...

EXzombie:

عزيزي..أحنا مو معطينها أكبر من حجمها

حسافتج..مدونته أختفت

و لأن وايد من قرائه يمرون علي

فقلت أساعدهم..عشان يعرفون شلون يوصلوت حق مدونته الجديده

nanonano said...

شـقـــــران:


المعلم

what to do??

قشمرتهم ثقيله الله يهداهم

nanonano said...

abu eldestor:

أي حتى أنا المغرب أكتشفت

بس أحتريت من هالحركات

لأن هالأساليب البايخه

ما تودي و لا تييب

nanonano said...

cozy:

بوجودكم راح تعطيه أكيد

100 fils said...

صباح الخير

اف اف اف اف اف
وصلت الى بوق المدونات..والله العظيم ناس فاضيه
نانو لاتحاتين ان انا فعلت خطه الطوارئ و فرقه المغاوير و الضفادع البشريه على اقصى درجات الجهوزيه ان فكر احد يمس مدونتك ترا ادزلهم ضفدع

;)

nanonano said...

100 fils:

لأ.. لا التعب نفسك

مغاوير

ضفادع بشريه

أنا حماليين أثنينه يقدرون علي

و بعدين أنت خابرني

أمشي تحت الساس

بنت الشامية said...

عاد هذى حالة
مايصير....ابتلشنا بالحاقدين
يعنى بيوقفون الكلمة ببلعومنا
لا حول ولاقوة الا بالله
مشكووووووره لدعمج لولد اخوي
ههههههههههههههههههه
هذول هم بنات الشاميه جدعان اقوى ا

EXzombie said...

نانو

البلوغرز مو ناقصين تخرع و بارانويا، و فكرة انه مستهدفين من قبل ناس و يبوقون مدوناتنا شي غير صحيح

مبين ان البوست الاخير خربط حساباته و مسح البلوغ بكبره، و حتى لو اقتنعنا و قلنا انه انباق فمحد يقدر يبوقه الا الي عنده الباسوورد، و اكيد واحد يعرفه، غير هالشي لو يطامرون ما يقدرون ياخذون بلوغه

nanonano said...

بنت الشامية:

أهلا و سهلا

بس ما سويت شي

حاضرين..طال عمرج

nanonano said...

EXzombie:

عزيزي أذا على البوست الأخير..ترا حسافتج حط الجزء الثاني

واللي أنا أعتبره أصخم من الأول

و بعدين ليش مفترضين نظرية المؤامره؟؟

يمكن الموضوع يكون دقّه

و سواء كان مؤامره أو دقه

اللي علينا أن ساعدنا مدون زميل

Kaadi said...

الله ارحم ياعوينتي

Fankooshy said...

الله يعوض عليه
ماصادوا الحرامي؟؟

 
template by Purplecious