Tuesday, January 20, 2009

I WANT MY MONEY BACK

.
.
عندي صديق..من الناس اللي أغترّوا بأحد الشركات الأستثماريه
.
و حط تحويشة العمر عندهم..مؤخرا قاعدين نسمع وايد كلام عن
.
أحتمال تعثّر هذي الشركه..و أنا ألبح عليه من بديت أسمع الكلام
.
روح لهم و شوف شاللي لك عندهم..أخيرا..راح..عاد أمس كان
.
قاعد يقول لي شنو صار معاه
.
.
صديقي: رحت لهم و قعدت مع مسئولة محفظتي و قلت لها
.
أنا أبي أعرف شنو قاعد يصير بمحفظتي عندكم؟ ليش جذي
.
قاعد تتناقص قيمتها بصوره سريعه و مخيفه..يقول قالت
.
وايد أشياء..و يمكن أهيه أستغلت أن خبرتي بمجال
.
وايد ضعيفه..حسّيت أنها قنعتني..بس الشي الغريب
.
بالموضوع كلّه..أنها و أهيه قاعده تبررلي سبب أنخفاض
.
المحفظه..ما يابت طاري حق الأزمه الأقتصاديه..كلش..جان أقول
.
لها..كلامج كلّه معقول..بس وين الأزمه الأقتصاديه العالميه
.
بالسالفه كلّها؟
.
.
تدرون شنو ردّت عليه الموظفه..اللي المفروض عندها خبره في مجال
.
الأستثمار؟؟؟
.
قالت له أوباما راح يتسلّم الحكم 20 يناير
.
طبعا أنا ما نطرت صديقي يكمّل كلامه..صرخت..أوبــــــــاما؟
.
ومت من الضحك..لها الدرجه..يبون يستغفلون الناس؟
.
صديقي: كان قاعد يضحك معاي..و قال نطري..ما كمّلت
.
قالت له..أي أوباما لما يستلم راح تستقر الأوضاع..و يرتفع
.
النفط..و أذا أرتفع النفط راح تتحسن الأسواق..(الأخت بسّطت
.
و سطّحت الأزمه كلها) بس أنت ليش وايد مستعيل على الفلوس؟
.
محتاج لها الحين؟ يقول على بالها باستحي..رد عليها..لأ أنا
.
مو محتاج لها الحين..بس أبي فلوسي..أبي أحطها تحت الكاشيه
.
في بيتنا..أنا غلطان أني وثقت فيكم..و على بالي أنكم راح تديرون
.
أموالي أحسن مني..بس للأسف ما كنتو على مستوى الثقه..السوق
.
أرتفع و ما بعتوا لي..و الحين السوق قاعد ينزل..و هم ما بعتوا
.
لي...متى بتيبيعون لي؟؟
.
I WANT MY MONEY BACK
.
.
طبعا في مثل صديقي آلاف من المواطنين اللي فضّلوا أنهم
.
يحطون تحويشة عمرهم لأنهم ما يقدرون
.
و لا يعرفون شلون يستثمرون أموالهم
.
و حطوها في صناديق و محافظ عند شركات
.
أستثمار..المفروض من هالشركات أنها تكون
.
أمينه على أموال الناس..لأن أدارتها المفروض من
.
الناس المشهود لهم بالكفائه
.
.
و للأسف خانوا ثقة الناس فيهم

67 comments:

Enter-Q8 said...

على قولة اخوي حسافتج ياكويت
لما قلت له انا موظف حكومة
و ما ادل البورصة الا وقت الاكتتاب
قالي روح صلي ركعتين شكر لله

nafe3 said...

loool ... i like this answer Obama...

the problem is not with the employee the is with the company it self .... just like gulf bank we all know what happened and they still have ads about eldana...
ebtegn3oony ena they have the money

there r more answers like ( its because of the war in gaza.. or you didnt tell us to sell.. or i dont know something between el majles and el 7okoma) bs nage9 they say the dog ate the papers thats why your losing your money


god be with you all.. but if we lose our job i have hands on car washing ( e7tekar)

have a good day

Eng_Q8 said...

قوليله افتح مصبغه والا حلاق ابركله من الاستثمار

Sn3a said...

لو حاطها تحت الكاشي اضمن

why me said...

ويييييييه والله حاله

كسر خاطري والله
:(

ولاّدة said...

قولي لصديقك خل يسحب فلوسه ويحطها في جلوبل السعودية

مها الغنيم طلعت في الجرايد تقول أنها خذت رخصة للعمل في السعودية وراح تكسر الدنيا خل يلحق لا تفوته

As YoU LiKE said...

انا مابي فلوسي
ابي الشمالي


ابيييييييه

nanonano said...

Enter-Q8:

اللي ما يدل البورصه المفروض الحين يحط ماي سبيل على أرواح الناس اللي دلت البورصه

nanonano said...

nafe3:

مسوين حق الموظفين غسيل مخ..و محفظينهم كلام سخيف

أنا راح أبلّش حياكه أن شاء الله

الواحد الحين لازم يلاقي له دخل ثاني..بعد شنو يسوي بعمره

nanonano said...

Eng_Q8:

كل يطلع له شي من فلوسه قبل..عقب يصير خير..مسكين

nanonano said...

Sn3a:

بذمّتج من هقى؟؟؟

مبيوق said...

أييييييه يا نانو
ييتي عالجرح
كنت ايمع ابي اشتري بيت بالفيحة ولا الشامية او حتى كيفان

ألحين ودي احوش بيت بخيطان مو قادر

انا مقسم بيزاتي شي بمحفظة وشي انا اديرة
ادائي احسن منهم اب 20 بالمية

خليني ساكت وبالعها
قولوني ذبحني وراسي كل يوم يعورني والسبة هالبورصة

بس الحمد لله
الفلوس تروح وتيي لكن الصحة والامان مايتعوضون



((أمس زلق ريجي على الرقم اللي رايح غزة((

الله يفك عوقتهم ويرزقنا مثل ما رزقهم بس من غير دمار

nanonano said...

why me:

قولي هذا شاب مو متزوج و ما عليه التزامات..اللي عندهم عوائل و عيال شنو يسوون في روحهم..مع شلة حراميه في شركات الأستثمار؟

nanonano said...

ولاّدة:

هاهاهاهاها
هاهاهاهاها

يا حليلج..أن شاء الله باقوله

حليـــوه

nanonano said...

As YoU LiKE:

الشمالي...ودّي أغني عليه

دور بيها يا الشمالي..دور بيها

و أخليه يفتر في قاعة التداول كلها

لما يبرد قلبي فيه

عيل جذي؟؟

في وزير ماليه ما يعرف حتى يصرّح؟؟!!؟

يوم أنك مو قد المنصب ليش قابل فيه؟؟

ذبحتــــونا

nanonano said...

مبيوق:

الجرح معوّرنا كلنا

و صج المهم الصحه

و اللي ياب الفلوس أول مره..أن شاء الله اييبها مره ثانيه

بس في سحنه داخل بالقلب..من الحرّه

و بعدين لو أحنا شايفين قاع الوضع جان قلنا يالله نستحمل

المشكله السالفه مالها قاع لي الحين

مبيوق said...

وين تشوفين القاع دتم هذي بحريتج يا نانو؟؟؟


آه يا القهر

عورتي قلبي والله

nanonano said...

حسافتج:

ويــــه

الله يخليك لا تييب لي طاري هالمثل

يقمت على قلبي أكثر منك

و بعد يذكرني ببوقتك..ما أدري ليش

كويــتي لايــعه كبــده said...

استغفال الناس هو اختصاصهم مو الاستثمار

والبنوك اخس
نصب واحتيال
(رأي المحكمة الرسمي)

Blog 3amty said...

أي والله يبيلنا وزير تجارة خال نفس أباما !

a7ibich yl KWT said...

هاهاهاها
ضحكت والله و كلش ماتوقعت هالاجابة

يعني محفظينها و قاعده تعيد الحجي بس شكلها ماتدري شالطبخه !

وبعدين مو من حقها هالسؤال !! شقصدها يعني محتاجهم !!
اي محتاجهم
هو !! اكو احد مايبي فلوسه ولا عبالها بتحرج الاوادم

المفروض اوادم افهم من جذي تشتغل بالاستثمار

على الدنيا السلام

shahad said...

العالم كله طايح مو بس شركاتنا لا تلومونهم بعد إحنا جزء من العالم


بس قولي هذي شكو مرتزة بالشركة على هالرد !! هذي بدون ازمة إقتصادية بطير فلوس الأوادم

abu eldestor said...

حتى اللي حاطين فلوسهم بالسوووق


صارت بـــــاح

100 fils said...

مساء الخير

الله ان شاء الله يصبره و يهون عليه اتصدقين ان بعض من الي ماسكين الصناديق و يديرون حلال الناس اشخاص موكفو لا علميا ولا عملياوبعضهم للاسف حتى ماعنده شهاده جامعيه

اما الي ودي اتوحد فيه فهو حبيب الشعب الشمالي ودي العب وياه
street fight

والله يا نانو مرت علي ايام
ما انام من التفكير بالخساير بس
الحين تعودت صرت كاني
zombie

;(

someone_q8 said...

السلام عليكم
الله يعينه على هالمسؤولة اللي ما تدري وين الله حاطها !

خل يسحب فلوسه الحين قبل لا اتصير ولا شيء بعد يوم

nanonano said...

كويــتي لايــعه كبــده:

للأسف صار النصب و الأحتيال أقصر الطرق لجمع الثروات في جميع قطاعات الدوله

nanonano said...

Blog 3amty :

يبيلنا حكومه كامله عندها رؤيه مثل أوباما

nanonano said...

a7ibich yl KWT:

المشكله أن منصبها كبير بهالشركه..يعني المفروض تكون عندها مهنيه وايد أكبر من جذي..بلشه..محد صار عنده مصداقيه

nanonano said...

shahad:

صح..بس العالم عندهم شفافيه..و المستثمرين عارفين اللي لهم و اللي عليهم..عندنا خرمس

شركه بتفلّس..تقول لج بافتح فرع لي بالسعوديه..أنتي دفعي اللي عليج قبل

و بعدين فكري بالأنتشار

nanonano said...

abu eldestor:

اللي حاطين فلوسهم بالسوق..هذولا أهمه أختاروا أنهم يخاذون هالمغامره..بس الناس اللي تثق في شركات معينه..لأنها المفروض تكون أكثر خبره بأدارة أموالهم..و يطلعون آخر الفيلم..نصابين؟!!!؟

nanonano said...

100 fils:

مساء الورد

منو ما تفلّع منا؟؟

أصلا زين منا..خاصة جيلنا لي الحين قادرين نسولف و نضحك و نطلع و نروح من كثر ما شفنا السنه اللي فاتت

عزيزي..المشكله اللي راح تواجهنا الحقيقيه الحين سياسة شد الحزام

أحنا كبرنا آخر ، الحمدالله كان الوضع الأقتصادي مريح..الحين لازم نتعلم على على أسلوب حياة جديد و صعب

nanonano said...

someone_q8:

مسكين خل يسلم على راس ماله أو خساره بسيطه بس أعتقد أن وضعه طار في الهوا شاشي..أذا تقول له أوباما

PALFORCE said...

For some weird reason looking at your post topic reminded me of an old clip:

http://www.youtube.com/watch?v=1IXa4mBP0Ww

Snow White said...

الحين جان عندكم جم بيزه خشوها بالبنك لأن المكان الوحيد اللي يعتبر مضمون خاصه بعد ما أقروا قانون ضمان الودايع

أما الأسهم كل يوم لما أدش سايت البورصة وأشوف الأرقام يضيق خلقي .. الله يعوضنا إن شاء الله وشده وتزول بس شكلها مطوله ويبيلها وقت

Q8iya said...

كان المفروض اقول لها هل كيف اصير غش في التجاره؟
كلشي و لا اوباما
:))

bo bader said...

الحمد لله ، عمري ما دشيت مبنى البورصة ، ولا عندي اللي يسمونه رقم تداول ، وعمري ما تملكت أسهم إلا جمعيتنا التعاونية .

الله يعين الخسرانين ، لكن كل تجارة أو استثمار يحتمل الربح والخسارة .

مشكلتنا ما نتقبل الخسارة لأن الأرباح السابقة كان ضخمة وخيالية ولا يمكن تصورها بالوضع الطبيعي .

وهني يبدأ عامل الشك والريبة بالتدخل ، لكن الطمع البشري يتغلب ويستمر الواحد في نفق مظلم ونهايته قاعدين نعيشها كلنا الآن .

تحياتي

ZooZ "3grbgr" said...

بيصير فيني شي من كثر ما ابي اعرف اي صندوق

:/

ابي اعـــــــــــــــــرف اي صندوق

انزين اول حرف

انزين هينت

:/


وبعدين لحد اييب طاري بوحسين

توه حالف يبي اييب البروسبيريتي


سمعتوا الهوسه؟

بوش بوش اسمع زين
كلنا نحب اوباما حسين






























اسم الصندوق؟؟
انزين وين يتداول
بالكويت؟
بره؟
اسهم مدرجه؟

bo_sale7 said...

عندنا وعنده خير
يعني يكون انا من الناس اللي حكهم السوق وعارف امشي اموري فيه
لا من سوق ولا من محافظ
ثلاث محافظ طلبت فلوسي منهم قالو موقفين الاسترداد والغريب انه سعر التقييم كلماله ويرتفع !!
مااااكو رقابة والمركزي نايم بالعسل

سـهـيـر زكــي said...

صاحبك ده, ولا مؤاخذة في دي الكلمة, راجل حمار

طب هوّة ما سألش حد قبل كده ليه؟

يعني لما هوّة مبيعرفش في حاجات الإستثمار وبس طمعان بشويّة فلوس زيادة, وكده عمياني يروح يحطّ تحويشة عمره في مكان واحد؟

تلاقيه ماكانش اصلا محتاج, بس غيرشِ هوّة الطمع إلّي واخد عقل البني آدم منكم

يعني بالذمة, وده لو طبعا كان عنده شويّة مخ أساسا, هوّة ماكانش يعرف ان العملية فيها ربح وخسارة؟

والا إكمّن الموظفة بتاعت الشركة ابتسمت بوشّه وكلمتة بالشّويتين اللي عندها, قام الاخ وحط كلّ فلوسه عندهم؟

ده غبي, وبيستاهل إلّي بيجرى له

maqhor said...

لووووووووووول اي ناطرين اوباما

nanonano said...

PALFORCE:

HAHAHA

وايد مملوح التسجيل

nanonano said...

Snow White:

يبيلها وقت طويل..صح

الله المستعان

nanonano said...

Q8iya:

تخيلي أوباما..والله مسكين بو براك

كل شي على راسه

nanonano said...

bo bader:

أنا وحده ما أعرف شي بالسوق

بس أبي أستثمر فلوسي

أروح حق الجهه اللي المفروض أنها تكانه و سمعتها عالميه..و اللي البنك المركزي معطيها موافقه كامله لأدارة أموال الناس..أكتشف أن الشركه فسفست الحلال على شركات وهميه و لا أستثمارات فاشله

شنو ذنبي؟

nanonano said...

ZooZ "3grbgr":

أنتي لو تقرين التعليقات

راح تستشفين أي شركه

nanonano said...

bo_sale7 :

شنو اللي دوكرنا غير قرارات المركزي

ZooZ "3grbgr" said...

وترد تقز بالتعليقات

عسى اركز واستشف عاد

@@

nanonano said...

maqhor:

صباح الورد

صباح العسل

صباح القيمر

مقهور معلّق عندي!!!؟

يا بختي

شالتواضع؟

;)

اي أوباما
راح يرد فلوس صديقي..تخيّل؟!؟

هاهاهاها

nanonano said...

ZooZ "3grbgr":

أذا ما عرفتي..و تعب حمارج

راح اساسرج تالي

ZooZ "3grbgr" said...

ما عرفت

:/

ما يصير ايميل؟

احمد سالم said...

nano
تحويشة العمر من زمان راحت
أما صاحبج قوليله خل إطلع إلي بقاله حق الجقاير أحسن

nanonano said...

ZooZ "3grbgr":

CHECK YOUR E-MAIL

my dear
:)

nanonano said...

احمد سالم:

كلنا في الهوا سوا..خلها على الله

أنزين و اللي ما يدخن..شنو يشتري فيهم؟

KQ8 said...

انا عندي جم بيزه بجلوبل اسحبهم؟؟

nanonano said...

KQ8:

أيــــــــــي

من صجّك!!!؟؟

أشتنطر؟

KQ8 said...

ويه!!! رحنا وطي

nanonano said...

KQ8:

قـــــوم الحين و روح لهم

و أطلب التسييل

KQ8 said...

انا مو شاري اسهم

كاش

nanonano said...

KQ8:

خل يحولونهم باحسابك بالبنك

يالله دز لهم الكتاب

الحين

و الله يا
KQ8

خل فلوسك باحسابك..ما يندرا باجر شنو يصير

KQ8 said...

شغلتيها فيني

خليني ادق عليهم

nanonano said...

KQ8:

بعد الله يهداك..على هاللي ينكتب كله و ينقال كله..و لي الحين ما حاتيت؟؟!!؟

صج أن قلبك بارد

الرجل الأخضر said...

أبي فلوســــي

الرجل الأخضر said...
This comment has been removed by the author.
بركة said...

لا و اليايات اكثر
اذا ما فكرنا بشكل مختلف

بركة

nanonano said...

الرجل الأخضر:

حياتي مـــــــــــاكو فلوس

nanonano said...

بركة:

أدري والله..لي الحين ما دخلنا مرحلة أعلان الأفلاسات

Zaydoun said...

جان قال حق هالثولة... أوبـــامــــا؟؟؟؟؟ أوبـــامــــا اللي يمغرلي بطنج بلى أوبـــامــــا اللي يمغرلي بطنج!!!

الشرهة على الشركة اللي موظفتها

 
template by Purplecious