Monday, January 26, 2009

خلال بطبق


.
.
.
وايــــــــــــــــــــد لـــويه
.
من كل مكان تصريح
.
بكل مكان صيحه
.
أنا ما راح أقول شي
.
بس أبيكم تتطمشون معاي
.
على تصريحات ال24 ساعه اللي فاتت
.
ما أدري شلون ما تفتر مخوخنا
.
.
بورميه: حمله أعلاميه ساخنه لتسخين الشارع في قضية القروض
.
الله يعافيك لا تسخّن و لا شي
.
الشارع شاب ضو من غيرك
.
.
المطير: الأقتصاد الكويتي دخل مرحلة المرض
.
توّه دخل؟؟!!؟ أشوه
.
.
العبدالجادر: تم جمع تواقيع 15 نائبا لجلسه خاصه
.
ما شاء الله..ياييب اليهده
.
.
العوضي: يؤكد تعاون السلطتين لمعالجة الأزمه الأقتصاديه و تردي الأوضاع
.
التعاون موجود..بدليل طلعة النائب مرزوق أمس من اللجنه حمقان
.
.
الخرافي: ينتقد بطء الحكومه في معالجة الأوضاع
.
ما أدري ليش بوعبدالمحسن على باله الحكومه روود رنر
.
.
الغانم: أنسحابي من الماليه كان لعدم تقديم الحكومه أي تصور للأزمه
.
الأقتصاديه
.
بو علي عيل ليش يايين و مقابلينكم أذا ما عندهم شي
.
.
الدويله: كفى تفريط في الوقت فما يحدث سحق للأقتصاد الكويتي
.
مو عادتك تصرح عاد
.
.
.
بس قلبي قام يعورني
.
و يتني رقعه من تصريحاتهم
.
و لي الحين محنا عارفين وين الله حاطنا
.
و لا راح نعرف
.
بالضبط صايرين
.
خلال بطبق
.

49 comments:

حسافتج يا كويت said...
This comment has been removed by the author.
حسافتج يا كويت said...

المطير: الإقتصاد الكويتي دخل مرحلة المرحاض

وأنت الصاج


ورجاءا آخر واحد يتكلم عن بطئ الحكومة هو الخرا في

Fahad Al Askr said...

وشاللي حادج

أنا مكبر دماغي من مدة، وصاير سلبي حد الدوسة، وكل همي الصبح لا رحت المارينا أحصل طاولة برة وإلا لأ

بتعدي لا تحاتين

enter-q8 said...

ركزي على خالد السلطان اهو اللي بايده الحل

why me said...

على قولة اخوانا المصريين


الدنيا سايبه

Q8EL5AIR said...

على قولة هندي بوعليوي :
" يبه مو بالكلام .. مو بالكلام "



وتحياتي ..
ويسلمواااااااااااااااااااااا :)

nanonano said...

حسافتج:

أكيــد راح يقول بطئ..أسهمهم قاعده تنزل و لي الحين ماكو دعم حكومي حقها

nanonano said...

Fahad Al Askr:

عليك بالعافيه

أنا ودّي أطلع و أروح استمتع بالشمس الشموسه مثلك

بس مع موجة التفنيشات

كلمن يقضب أرضه

nanonano said...

Enter-Q8:

بو وليد خامر ال24 ساعه اللي فاتت

ما وصلني منّه تصريح

عاد البارحه شايفته ساكب بالبي أم دبليو..في مضارب الشويخ

nanonano said...

why me:

والله أنا بعد ودّي أصير سايبه..بس ماني داله الطريج

nanonano said...

Q8EL5AIR:

الله يسلمك

مو راضين يفهمون أن النظير ما راح أييب و لا يودي

ملّيــــنا
من تنظيرهم

Someday said...

LOL @ سحق!!

mino ely em3almah hal kilmah!

mashallah 3alyhom 7ag el 7achy zahbyyn! that's all you can get from them!

aham shay salamtich walla et7rryyn 3omrich:*

حسافتج يا كويت said...

دعموهم بنساف وحنا شكو

قوانينا من عمر تلوع الجبد

ومن عمر تصرفات حكومتنا تلوع الجبد

وكل هذا كان عسل على قلوبهم ليش أنة راهم معاهم

واليوم يوم إن صارت الأزمة عالميا يبون الحكومة تدخل

اي نعم الحكومة تتحمل جزء كبير من اللي صاير لكن إن تدخلت عمتها أكثر


جاسم الخرا في

شيت أب

nanonano said...

Someday:

المشكله أهمه اللي يعيلون علي

أنا قاعده بالدوام لا لي و لا علي..تييني المسجات بمقولاتهم المأثوره..أتطلعني من طوري

nanonano said...

حسافتج:

ليش؟ الحين تهقى همّتهم الأزمه العالميه و لا همتهم الأزمه المحليه..صار لنا 3 أشهر و أحنا نفاقق..و أهمه يتطمشون

الحين عاد صار دورنا أحنا اللي نتطمش

حسافتج يا كويت said...

بشتريلي هوم ثييتر واتطمش


تبين واحد

honey said...

لوووووووووووووووووووووووووووووول لما يمعتيهم فوق بعض بين إن محد عارف أرضه من سماه

المقوع الشرقي said...

نانو
انا معرفتى بالاقتصاد مثل معرفه بو رميه وانتى رايحه بحضاره وتاريخ ومجد هالوطن


ميييييييييييح

Zaydoun said...

جلسة خاصة؟؟

منو المطرب؟


وشنو العشا؟

فريج سعود said...

ازمتنا حلها بايد الدويلة

bo bader said...

حلوة سالفة الخرافي عباله الحكومة روود رنر !!

من زمان وأنا أقول إن احنا مثل ركاب باص والسايق طاير بسرعة والمشكلة إنه ما يدل الدرب ولا راضي نعلمه !!

شنو الحل ؟؟

الدســتور said...

اشوف غيمة سوداء
عساها خير انشاءالله

Eng_Q8 said...

انا اقول الكويت كلها اتفلس وانثمن من يد ويديد

100 fils said...

بتصريح حصري و ناري

100 fils: !!! الاقتصاد يعني شنو


:)~

Lucifer said...

www.el7ofra.blogspot.com
your comment ya contaesa :P

مش انا said...

هذا غيض من فيض
انصحك بعدم متابعة صفحة اقتراحات واسئلة النواب في صفحات الجرايد لأنها فعلا مضيعة للوقت ،، وكلها عشان يغطي نفسه وقت الانتخابات ويقول انه قال وقدم وماادري شلون وشنو

ابعد عن الشر وغنيلوا أحسن

KQ8 said...

ترى التصريحات شي والوضع الحقيقي شي ثاني


صدقيني اغلب النواب ماعندهم خلفيه كافيه عن كيفيو التصرف في مثل هذا الموضوع والمقترحات لما قدمت من محافظ البنك المركزي اعتقد والله العالم ان اللي كانو وياه بغرفة الاجتماعات تنحو وبطلو (فاههم) ركزي على فاههم لانها مربط الفرس واخرتها

Dahhhh....!!!

nanonano said...

حسافتج:

لأ..أنا أحب الهيله..بروح أتطمّش

لايــــف
(LIVE)

nanonano said...

shahad:

الديره كلها مهيا عارفه أرضها من سماها..خليها على الله

Diver said...

خلكم عن ضيقة الخلق و السلبية الي تيي من متابعة الحكومة و المجلس

حاولو تستمتعون بالحياة ترى قصيرة عندكم عيالكم استانسو معاهم

ثانيا انا اقول ان لو كل واحد منا اشتغل حسب الاصول الامور بالاخير راح تتغير للاحسن
اما حجي و تحلطم بس ماكو فايدة

nanonano said...

almaqwa3 alsharqy:

ترا مو بس أنت..أغلب اللي مصرحين ما يفقهون شي بالأقتصاد

nanonano said...

Zaydoun:

يا ريــــت..جلسة طرب

على الأقل يطلعون الناس مستانسين

مو مثل الحين يطلعون عقب الجلسه كلهم مفهين

nanonano said...

فريج سعود:

أنا أحبّذ أنك تكون دقيق

أي دويله فيهم؟

مبارك
ناصر
بدر
معاذ

nanonano said...

bo bader:

ويــــي

لي الحين على بالك أكو حل؟!؟

الديره ماشيه على

الهون أبرك ما يكون

nanonano said...

abu eldestor:

لي يتكم الغيمه السوده..شاتقولون؟

nanonano said...

Eng_Q8:

خــــوش فكيره

بس شنو راح يثمنون الحين؟

nanonano said...

100 fils:

الظاهر النواب كلهم يبيلهم مبادئ أقتصاد
101

nanonano said...

Lucifer:

أهلا و سهلا

تم قبول النداء
;)

nanonano said...

المجهوول:

صح كلامك

لازم أروح أعالج من أدمان تصريحات النواب..لأنها صارت مضره بالصحه

nanonano said...

KQ8:

أنا اللي أعرفه أنهم بطّلوا فاههم من شي ثاني

;)

بعدين اقول لك

nanonano said...

Diver:

و ليش ما أهمه يكرمونا باسكاتهم..و يبطلون هالتصريحات الناريه..و يبتدون يشتغلون صج..بدال هالجعجعه

Diver said...

تدرين شنو الي يخليني استغرب
انج تدرين انهم ما راح يبطلون تصريحات
و تدرين انهم ما راح يشتغلون
و البوست الي فات تدرين ان مرزوق تاجر ولد تاجر و تجارته قبل الديرة و خلج عن الشعارات
و تدرين
و تدرين
و تدرين

و مع هذا تنقثينن و تنزعجين
الي يبي حلول من المجلس اجاوبة بالبيت التالي

و ترج السماحة من بخيل فما في النار للضمآن ماء

nanonano said...

Diver:

خلاص ما راح أستاء

و لا أضيق خلقي

و الأمور جميله و الدنيا بخير

Diver said...

ياطويلةالعمر
السالفةموسالفةعناد
بس تبين اوريج و ضع الكويت جملة وحدة شتبين من ناس و مجلس ماني متكلم عن رئيسة بس نائب ر ئيسة فهد الميع

Diver said...

مجلس النواب فيه دخلوه عن طريق كسر القانون

اذا نبي نتكلم و الله ما راح نسكت و اذا تكلمنا ما راح نغير شي
و الحجي و التحلطم موقاعد يسوي شي زين الي قاعد ينتج عن التحلطم و الحجي الي لا ودي و ال اييب اهو احباط قاعدين نصدرة حق الي اصغر منا و هذا شي مو صحيح

شقران said...

الغالية نانو نانو

مساؤك هو الأجمل بين مساءاتنا

--------

للأمانة ياغاليتنا مت من الضحك على تعليقك على النائبان بورمية والدويلة
:)))))


لكن اتصدقين

صج

صج


صج

مو من عادة الدويلة يصرح
:)))




تقبلي مني وافر التحايا الطيبة

nanonano said...

Diver:

أنا ما أتفق معاك..الكلمه عمرها ما كانت لا تودي و لا أتييب

التحلطم على قولتك..ناتج من سلوكيات قاعدين نشوفها و نستاء منها

و أقل الأيمان الواحد ينبه لها

صدقني لو بأيدنا شي زياده نقدر نسويه حق هالبلد غير الكلام جان شفتنا كلنا صافين

بس المشكله..هذا اللي نقدر نسويه..و هذي حدود أمكانياتنا الحاليه

و يا ريت الجيل الجديد على الأقل يبذل شوية مجهود و يفتح على المدونات و يقرا شنو فيها..عشان على الأقل يوعى حق وضع البلد..بدال حالة الضياع اللي أهوه فيها

nanonano said...

شـقـــــران:

مساء الياسمين الهندي

(و على فكره الياسمين الهندي ما تطلع ريحته الا بالليل )
=====

أنا سعيده أني قدرت أرسم البسمه على وجه المعلّم
=====

الدويله بالذات..من صار المجلس ما سمعنا حسّه..فأنا استغربت مشاركته بحملة تصريحات أنقاذ الأقتصاد الكويتي

هاهاهاهاهاهاهاهاها
======

بس يا حافظ..الكل صرّح..الا مدير البورصه

هاهاهاهاهاهاهاهاها

حالفين عليه ما يفج برطم عن برطم

تحياتي

ولاّدة سابقاً ... رانيا السعد ...رانية المنيفي حسب الأوراق الرسمية said...

أحلى واحد نانو الشمالي اللي بتغنين له دور بيها
:)

اليوم مصرح من قال بنساعد الشركات المتعثرة؟؟؟

لا والله
عيل السوق طالع 3 ايام ليش؟


تصريحاته خلال هالأزمة...زلابية



...........


على ذكر مدير البورصة صالح الفلاح أمه مسميه عليه
ياخذ 15 الف دينار بالشهر مقابل انه يسكت ويشرب شاي

 
template by Purplecious