Thursday, January 15, 2009

متفرقات ويكنديه

.
.
متفرقاتي اليوم..أستياء
.
.
.
النواب الأفاضل
.
بس عاد...لوّعتوا جبدنا..بهالمستوى اللي أنتو فيه
.
عيل المفروض ما نستغرب أن الشعب كل ماله
.
و ينحدر مستواه..أذا نوابه هذي طريقة حوارهم
.
وعّــــــــــــــــوه عليكم
.
.
.
**********
.
.
قناة سكوب..سواء نتفق أو نختلف مع طرحها
.
بس ودّي..من صجّي أعرف..لي أي درجه
.
تقبّل الناس لها؟
.
يعني أنا أعرف وايد ناس يتابعونها عشان يضحكون
.
و في ناس يتابعونها عشان يرتفع ضغطهم
.
و في ناس يتابعونها لأنها تبرّد قلبهم
.
و في ناس ما يقبلون على نفسهم أنهم يطالعونها أصلا
.
بس الفاصل السخيف اللي سوّوه
.
أمس..عيـــــــــب
.
ليش قاعدين يطلعون أسوأ ما فينا على الفضائيات؟
.
و الألفاظ..و المعاير..و الردحه حق بعض
.
بــــــــــس عــــــــــاد
.
.
.

***********
.
.
.
المود هالأسبوع
.
شادي الخليج
.
لي خليلٍ حسينْ
.
.
عطله بعيده عن المنغصّات للجميع

65 comments:

حسافتج يا كويت said...

نانو

هذا خير مثال علشان يعرف الجميع إن فجير واشكالها ما ينعطون وية

نعم هذي حرية
وهذي ضريبة تراخيص الفضائيات

أنا شخصيا أعتقد أننا في وطننا العربي ما وصلنا لمرحلة النضوج

بس هذي الحرية

وبعدين سكوب هذي ظاهرة وستضمر

خو النل المفتوح لهذي القناة مردة بتسكر

كويــتي لايــعه كبــده said...

""
و في ناس ما يقبلون على نفسهم أنهم يطالعونها أصلا
""

انا هنا

Anonymous said...

الاخ مبيوق
اتفق و اختلف معاك هذي مو حريه مفهوم الحريه اذا ما في وعي يكون مضر ... و نفس ما قلت نشر الغسيل ما يكون world wide....
فشلونا و صرنا اضحوكه يا جماعه، من بعد ما كنا بالقمه بالثقافه و الرياضه ، الفن.... والحين الثقافه الوحيد اللي ابمجتمعنا هي ثقافة الاحذيه (هذي سنة الحذيه... و السنه اللي طافة سنة الخط الاحمر...) والله يستر من اللي ياي

الاخ نانو انا من اكثر المتابعين حق مندونتج... انا متابع قديم للمدونات و مدون جديد.... اشكرج انت و المدونين الآخرين على الموضيع الجميله . حسستوني اني هم انا اقدر اقدم شي للشباب و المتابعين
q8-marxist.blogspot.com
هذي مدونتي اتمنى اتحوز على اعجابكم

mellow said...

إنتي الظاهر من النوع إلي "يطالعون القناة علشان يرتفع ضغطهم"

آنا ساعات أنسى إنها تطلع عندنا

منو خليل حسين؟

chandal/danchal!! said...

@@ همممممممممممم
في ناس تشوف عشان تضحك و ناس عشان يرتفع ضغطها و ناس ما يقبلون على نفسهم....؟؟؟؟؟ بوستج وايد متأثر بأغنية خالد عجاج هاهاهااهاهاهاهاها شكلج شفتي المصخرة اللي صارت أمس في سكوب.... والله ياتني جزوة من هالأغنية

أمحق ذوق... عاد ما لقوا غير خالد عجاج!!!!! تلوق على قناتهم
جان حطوا أيـــــــــوه قلبي عليك التاع!!!

أخيـــــــــر عطلة سعيدة لك ولكل متابعين قناة سكوب نتورك

أبو جيج يدور نعاله said...

نحن نعيش عصر الإنهيار الكامل

و قناة سكوب تقوم بوظيفتها فى نقل أوجه الإنهيار للعالم كله

من متى و إحنه نسمع الإسطوانة المكررة...البلد بخير و الوحدة الوطنية صخر ...و الله لا يغير علينا؟؟


خل يعرف الجميع ما يدور فعلا بالبيوت و الدواوين

خل يسمع من يرفض أن يسمع و من هو (قاص) على روحه بأن البلد و الشعب بخير و المستقبل أمامنا رائع


إى نعم سكوب تنقل و بشكل مباشر و غير مفلتر حجم السخط و التذمر الشعبى و الغضب بنفوس عامة الناس...مو النخبة

أصوات لن تسمعيها ببرنامج تالى الليل أو جريدة القبس و الراى

سكوب هى المتنفس الوحيد لناس مالهم صوت بالوسائل الإعلامية المعتادة ..إى نعم بعضها متطرف و بعضها عنده أجندات مدمرة...لكن تبقى أصوات كويتية و لابد أن نسمعها و لا نهمشها أو نتجاهلها و بعدين نتعجب من ثورتهم و مطالبهم

Unknown said...
This comment has been removed by the author.
Unknown said...
This comment has been removed by the author.
Unknown said...

nano
مع الأسف قمة الهبوط
ومثال حي للأخلاق المنحطه

KQ8 said...

وياما راح نشوف من هالنواب انا قايل اخرتها كلاشات وذبح
=====
سكوب..زينه تشوفينها في وقت حدث معين لان راح تبينلج حجم الطرح اللي قاعد يصير بالديره

يعني مثلا امس بعد ماسب المتصل فجر السعيد على طول دقت على بوعيده وانكبت فيه يوم يقول ان الاغاني مو فجر السعيد اللي حطتها جان اترد عليه وتقول لا انا اللي حاطته وبموافقتي انقص ويهه هني

Unknown said...

مقارنة مع قناتي الوطن والرأي تظل قناة سكوب ذات أمكانيات مادية محدودة من حيث الديكورات وغيرها ولكن للحق لديهم مذيع برامج حوارية ممتاز هو السيد أحمد الفضلي

قتاة العدالة في طور التطور

تمنياتي لكم بعطلة نهاية أسبوع سعيدة مع برامج قناة فلاش

nanonano said...

حسافتج:

قناة سكوب الحين ما صارت ظاهره و تختفي..قناة سكوب قاعده تأسس قاعده..و هذا المزعج..يعني قبل سنه منو كان يفتح على سكوب؟؟

و شوف الحين

nanonano said...

كويــتي لايــعه كبــده:

ما طافك شي

و لا

راح يطوفك شي

nanonano said...

nafe3:

حيّاك الله في عالمنا الصغير

عالم التدوين

و استحملنا

ترا نجرتنا و صيحتنا وايده

لأن مبدأنا من حبذك لاشاك

nanonano said...

mellow:

تصدقين مو على طول يرتفع ضغطي..ساعات أضحك عليهم..بس ما أحب الهلاقه بالطرح..يعني أمس بدّعوا فجر و الجمهور و بوعيده..بالردح
فلاعت جبدي منهم

لي خليلٍ حسينٍ

هذي أغنيه كتبها حمد الرجيب

لي خليل حسين
يعجب الناظرين
جيت أنا ابغي وصاله
كود قلبه يلين
القمر طلعته
والغزال لفتته
والسحر فتنته
بالنحر والجبين
صادني في هواه
ما سباني سواه
آه من حسنه آه
كل ما له يزين
في حديثه فتون
في دلاله فنون
في سبيله يهون
كل شيء ثمين
يا نديم الشراب
خل عنك العتاب
أنا مالي متاب
عنه طول السنين


Google it
و راح تلاقينها

Unknown said...

Affa ya nano...we should be listing to Amr Diab loooool

Unknown said...

and by the way I agree with كويــتي لايــعه كبــده

nanonano said...

chandal/danchal!!:

ودّي افهم أهيه من وين تطيح على هالأغاني العتيجه

تحسين الزمن وقف عليها من الثمانينات

عشان ضغطي ما يرتفع هالويكند
ما راح أشوفها

لأن حدي متنسيه فيهم عقب البارحه

nanonano said...

الوزير الإصلاحى الشاب الدكتور أبو جـيـج:

صاحب المعالي..أنا مو معترضه على أنها تكون متنفّس

أنا أعتراضي على أسلوب صاحبة القناة..و اللغه المستعمله

أهيه و بوعيده

بو عيده أنا أحبك..و أنت تحبني

يرد عليها الله يحبّج أن شاء الله

صاحب المعالي..ويـــع

nanonano said...

احمد سالم:

لي متى..يا أحمد لي متى؟؟

كل مالنا و قاعدين ننحدر أكثر و أكثر

nanonano said...

KQ8:

هاهاهاها

يا حسرتنا

لا يتذابحون..مالنا خلق يضيق خلقنا على أحد
======

هاهاهاهاها
هاهاهاهاها
هاهاهاهاها

أنت سمعتها لما قالت

لأ..أنا

بمنتهى التحدي

على بالها زين

nanonano said...

ABC:

أنا مو معترضه على أمكانياتها

أعتراضي على طرحها

أتفق معاك\ج

أحمد الفضلي نسبيا معقول

و نهاية أسبوع أسعد و أنس لك\ج

nanonano said...

mosan mosan:

أسكت..قاعده أنطر شريــطه 2009
على أحر من الجمر
****

و الله انكم مفتكين أنت و
كويــتي لايــعه كبــده

100 fils said...

مساء الخير

بالنسبه لموضوع الاعضاء الافاضل الصور بروحها تتكلم صج "ارف" يكرم السامع و القارئ... شي مو بس افشل الا يخلي الواحد يحترق قلبه على الكويت و يسأل نفسه:احنا لوين رايحين بهل بلد!!!!

اما لموضوع سكوب فعن نفسي ما اتابعها بس احلى مافي القناة لون شعارها الوردي

انا مزاجي هل اسبوع راشد الماجد و اغنيته الجديده "سقاني" لا تطوفج

Have a wonderful weekend :)

enter-q8 said...

حسافة كنت ابي اكشن
داخل المجلس
و ينتقل الاكشن الى وانتم بكرامه سكوب

فريج سعود said...

انا احطها ساعات

بدال التششششششششششش

bo shnan said...

انا متفائل انشالله انشالله
قولوا انشالله
جريب راح ينحل المجلس
الدستور و الديمقراطية كل يوم قاعدة تنداس بقاعة عبدالله السالم
و البوق مستمر مع المجلس او بدونه
=======================
انا عندي حل سحري حق قناة سكوب
...
لا تحطون القناة
اما المطالبة ان يسحبون الرخصة
هذا تطرف بالنسبة حق ناس ديمقراطيين

Zaydoun said...

يا سلام على الخليل الحسين.... توني مشغلها بالسيارة

بس للأمانة ترى هي من كلمات المرحوم أحمد العدواني

Q8EL5AIR said...

ذيج المره حدي استانست :)

قولي ليش !!

قلتي ليش :)

قاعد ارقره جريدة " الجريدة " .. وله عندهم قسم اسمه " blogger" .. وله حاطين جزء مقالة بمدونتج :)


على راسي والله .. ومنها للاعلى :)
وعقبال مايصير عندج جريدة كاملة فيها مدوناتج :):):)
عاد ذاك الوقت لا تنسينه !!


وتحياتي ..
ويسلمواااااااااااااااااااااا :)

Lucifer said...

بصراحة اتشرف اقول ان يعجبني طرحج .. حب اني اضيف مدونتج عندي its a pleasure

منى طالب said...

nanonano
حده قلت أدب
وصدقيني هم إلي يضحك يدري إنها قلت أدب

ZooZ "3grbgr" said...

وي يا بعد قلبي

حسبي الله على اللي خلى ويكندج استياء

خلج مثلي انا من الناس رقم 4

ما ادل مكانها بالرسيفر

سمعت ان المحلل العسكري الاقتصادي الاسري الرياضي العالمي فجر السعيد حللت المباراة وطالبت باقصاء الاداريين

يحليلها

بتسوى مسلسل رمضان الياي

انا والعصاية

:/

kuwaitawy said...

قناة سكوب


انا من الناس اللي ما اسمح لنفسي اني اشوفها اصلا


بس ودي اعرف بعد بشنو هابين بهالدعايه

عن شنو؟؟

nanonano said...

100 fils:

مسائك جوري

والله مسكين هالبلد اللي ما فيه حليم يرد على عليم
====

هاهاهاهاها

وردي..يعني

رقيقين
====

باسمعها الحين

شكرا على النقصه

لأني أثق بذوقك

nanonano said...

Enter-Q8 :

واللي يسلم عمرك

مو من حلاة لا أكشن النواب و لا أكشن سكوب

كلّه يفشل..و يقطع الخطّه

nanonano said...

فريج سعود:

هاهاهاهاهاهاها
هاهاهاهاهاهاها

يازت لي التششششششششش

nanonano said...

bo shnan :

مو أذا حلّوه راح يصير التخنبق أكثر

يعني لا طبنا و لا غدا الشر

الحين فيه تخنبق..بس يحطون بالهم شويه..عشان ما ينشكون من المجلس
======

محّد طالب بسحب ترخيصهم

المطالبه صارت حق تهذيب أسلوبهم شويه

nanonano said...

Zaydoun:

صح كلامك..بس أنا اللي أعرفه أن أولها كتبها المرحوم أحمد العدواني

و بعدين يه حمد الرجيب و أضاف لها

بس نتأكّد..و لا يهمك

nanonano said...

Q8EL5AIR:

ليش؟

هاهاهاهاها

لا..والله مشكور..بس مابي..خلني هني معاكم..كل واحد يسيّر على الثاني في عالم المدونات..نتناقش..نسولف..نضحك..يضيق خلقنا..المهم كلنا مع بعض

nanonano said...

Lucifer :

أهلا و سهلا فيك

و أصلا أنا اللي يكون لي الشرف أنك تضيفني على مدونتك

nanonano said...

منى طالب:

يا هلا بأم دهّام

أدري..لأني أعرف الكويتيين

بس الجنسيات الأخرى اللي أتشوف سكوب

ما يدرون

شنو الأنطباع اللي ياخذونه عنّه؟

nanonano said...

ZooZ "3grbgr" :

هاهاهاهاهاهاها

والله كلش لا تستبعدين..تسوي مسلسل..و يمكن بعد ما تنطر رمضان

بس ودّي أعرف أذا بتسوي مسلسل

دور بو فهد منو تعطيه؟

nanonano said...

kuwaitawy :

قناة سكوب..شانه حرب على أحمد الفهد

ممكن لما أقول لك أياها راح تقول خير يا طير

اللي أستفزنا هالمره

أن جزء كبير من حربها طلعت بالمنتخب

اللي أهمه الشباب المساكين اللي مالهم ذنب

شقران said...

معلمتنا العزيزة نانونانو

مافعله النواب....لاتعليق حاليا!!؟

---------

قناة سكوب اللي تفضلتي فيه من تقسيمات صحيح ، لكن أغلب اللي اشوفه سواء من إخواني أو الاصدقاء فهم يروْنها لكي ترتفع ضغطهم!؟

أخيك الصغير شقران لاينظر لها من الاساس...يجب أن نتابع مايغنينا ويسمننا..ولس ما يجلب لنا الغُـثاء


ملاحظة
الحبيبة أم راكان تنظر لها للطماشة والضحك على مايقولون ويفعلون...وفي النهاية تنبط جبدها وتغير القناة!!!..نصحتها كم مرة بعدم المتابعة


كل التمنيات الجميلة لكم بنهاية اسبوع هادئة ودافئة

nanonano said...

شـقـــــران:

المعلم شقران...أول شي: ما يصيـــــــــــــــــــــــــــــــــــــر

العين ما تعلى عن الحاجب..أنت المعلّم

ثاني شي: أنا بالضبط مثل أم راكان..يبتدي الموضوع ضحك
بس عقب دقيقتين..أذا كثّرت دقيقتين و نص
تبدي حرارة الموتر ترتفع
شوي
الا أنا شايشه على الأسفاف..و حمقانه

و زوجي كلّه يوبخني
يقول لي ليش تسوين بروحج جذي

الظاهر..هذا شي بجنسنا..أحنا معشر النساء
ما نبي شي يطوفنا

و تصبح على حب و سعاده

بوتشخيص said...

كفرونه بالمجلس حسبي الله عليهم يتخانقون على قضية مو قضيتنا حشى المجلس التشريعي الفلسطيني مو الكويتي!


نهاية إسبوع جميلة سيدتي

Eng_Q8 said...

اسمع شادي الخليج احسنلي

Kaadi said...

اذبحونا هالمجلس اللي كله خمة !! ماكو شي مفيد !!

الدســتور said...

شنو المشكلة ياجماعه
في اعرق البرلمانات يصير اكثر من جذي
و صدقيني لو مخلينهم محد بيطق الثاني

Lucifer said...

للعلم يا جماعة المرحوم حمد الرجيب كتبها

Lucifer said...

الي صار يدل على الهمجية و التخلف .. الاختلاف مافسد القضية بالعكس

الاختلاف قمة الديمقراطية


بس كلن يتصرف باصلة
او بالاصح .. على بيئتة و تربيتة

هذه اختيار الشعب للاسف .. عشان جذي لازم انزيد الوعي الوطني..

nanonano said...

بوتشخيص:

طبعا بالنسبه لي مو حلاة الدقباسي..بس أنا اللي حسّيته أن حدس في حالة استنفار

يعني..كأنهم يدورون الشاره حق الهوشه
====

و نهاية أسبوع أجمل لك سيدي

nanonano said...

Eng_Q8:

وايــــــــــــــــــــد أحسن لك

nanonano said...

Kaadi :

ذبحونا بقلّة أحترامهم لنفسهم

nanonano said...

abu eldestor :

والله أدري

بس تمثيلياتهم صايره أسوأ من مسلسلات سكوب

nanonano said...

Lucifer:

شكـــــــــــــــــــرا جزيــــــــــــــلا

أن يبتها ييب

كل من يتصرف على حسب بيئته و تربيته

بس شلون نزيد الوعي..أذا القائمين عليه..هذي تصرفاتهم

لازم يصير في تحرك من جهه محايده..يكون هدفها الأساسي رفع مستوى المواطن الكويتي..أخلاقيا
====

و شكرا عزيزي على التوضيح

رابطة هويتي اسلامية said...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

Unknown said...

بالنسبة للمجلس فأنا اقترح فتح باب الجهاد للأعضاء المجلس فقط ومستعد اوصلهم على حسابي بعد ..........ونخلص من هالموضوووووع

اما سكوب وما ادراك ما سكوب ما اقول الا هذه هي ضريبة الديمقراطيه ان عمل بها الجهال....

Fankooshy said...

حسافة جان مخلينهم يتهاوشون عشان نشوف من يفوز
ماكو شي يضحك هالايام

ما اتابع سكوب بس الاحظ ان الهجوم زايد عليها بالفترة الاخيرة وماني عارف السبب ليش؟؟؟

صج مود لول

Unknown said...

انا مودي كان شادي الخليج
بس يا سدرة العشاق


سكوب عبارة عن جوتي طافح بالمحيط الهندي ناطر يريور ياكله ويتفله مرة ثانية على راس راعية القناة

لوعوا جبودنا
لكن مشهادينها وايد من الشمال والجنوب الكويتي

bo_sale7 said...

الحقيقة المرة ...

انه شعبنا طبقات واصول واجناس وبيئات مختلفة
فعادي تشوفين او تسمعين قاذورات
بدك تطولي بالك

nanonano said...

الطائر الحر:

يــــــا ريت يروحون يجاهدون و نفتك

و صدقت بالنسبه لسكوب

nanonano said...

Fankooshy:

بالنسبه لسكوب ما طافك شي كلش

أذا بيتمون على نفس معدل النجره هذي راح يتطاققون
very soooon

nanonano said...

Mishari:

قاعد و أنا أتريّه

يا حلاة هالأغنيه

غريبه وايد قاعده أسمع هالجمله..الشمال و الجنوب الكويتي مؤخرا

بعد هذا موديل يديد

nanonano said...

bo_sale7:

أنا ما عندي مانع أسمع

بس مابي الموضوع يصير على الفضائيات..و الأجانب بعد يتطمشون على هالنجره

 
template by Purplecious