Tuesday, January 13, 2009

موديل يديد

صاير فيني طبع يديد..ما أعبّر على الهذره
.
أول كنت أقدر أجامل..و أسوي روحي مهتمه
.
بالسالفه..الحين من أحس أن اللي قاعده أو قاعد
.
يمّي عندهم ميول هذرويه..أغير مكاني..صارت
.
الهذره التعبني..و خل أسأل سؤال..من أحس أن
.
الأجابه فيه مشروع هذره..أمشي أو أقوم..ما اسمع الرد
.
لأن بالنسبه..فقدت الأهتمام بالأجابه..كلّه أبي
.
الزبده..مالي خلق ربربه
.
tolernce
.
صاير
.
ZEERO

48 comments:

enter-q8 said...

تفس الحالو يا وخيتي
واحد من الربع شخصها يقول
هذي علامات الكبر
كبر الله دماغة و احشره بغولة قميص ضيج

Unknown said...

nano
مابي أقول الكبر شين
بس أقول ممكن أعصابج مشدوده مع المنتخب :p

KQ8 said...

لحظه لحظه....الشاب اللطيف اللي مو مقتنع ان هاذي من علامات الكبر ...على اي اساس بنيت نظريتك

بوليد انت خلقه ما اتحب الدندره والهذره اعتقد انت من انولدت وانت شايب

========

حنان هاذي علامات الكبر خلاص ما عاد فينا نسمع قرقه الصوت العالي صار مزعج النومه السماتيه مالت ١٢ ساعه بدت تقل

البال كله مشغول

التتكي وحب القعده زايد هالايام

مزاج الطلعات الزايده قل وايد

بعد شنو بعد شنو...نسيت ...اييي الذاكره صارت تبوش..وهلم جراااااااا

Bloggerista said...

me toooo

على كثر ما كنت أجامل قبل على كثر ما صايرة مالي خلق الا الناس اللي أحبهم


ترى صج لي قالوا الواحد كل ما كبر خلقه يضيج

الدســتور said...

ههههههه
مو منج
من الوضع الحاصل بالديرة

انا قلتها من زمان وبكررها الحين

تقاعد وحول معاشك بره
:)

lawyer said...

الف الحمدلله على نعمه الصمخ

ليش انا ما اسمع الا في اذون وحده

فقاصه على الناس اني ما اسمع و سمعي ثقييييييل


فعادي احقر و الي يمي 6 ساعات تهذر بعدين التفت جني ماسمعت شي و اقول سوووووري ما سمعت



الانترستينج صار صفررررر صااجه

جنة الحواس said...

I totally understand

آنا واصلة مرحلة اللي أقول حق اللي جدامي ..خلصيني ..الزبدة


كلش ما عندي إستعداد أسمع تفاصيل من الكل

ناس معينة بس اللي ممكن أتحملهم


بس السؤال ..ليش صرنا جذي ؟

تشبعنا ؟

Unknown said...

I want to agree with Ahmed Salem but I cant .....

all I can say ....:

Welcome to the club my dear.... and welcome to the comfort zone

Unknown said...

هذي بعض أعراض المحفظة المليارية للي حاسين أنهم ما راح يحوشهم منه أي شيء

تابعي تصريحات المنقذ مصطفى الشمالي وأكيد راح تحسين بتحسن

: )

nanonano said...

Enter-Q8:

لا مو علامات كبر..من الملل..ملينا و أحنا ننطر يصير شي

و بعدين ابا الوليد..مع الملل أنا وياك ضيجين حظيره..ما نندقل

فكملت

100 fils said...

GoOoD eVening..

I have the same symptoms as well dear ;)

حاولي ريحي بالج كثرما تقدرين ولاتفكرين وايد بالي حولج والامور تتسهل ان شاء الله..و ترى العمر مو بالرقم لكن بالروح الحلوه
و ان شاء الله ايامك كلها حلوه والله يبعد عنك الي يعور راسك

;)

nanonano said...

احمد سالم:

هالمره ماله شغل الكبر

لأن مثلا يدّتي تموت على أن أحد يهذر عليها

بس يقول لك هذا مرض جديد

حط بالك لا أنعاديك

nanonano said...

KQ8:

أنت و أبا الوليد أنيازوا
خو أنا اصغر منكم
====

كل اللي قلته صح
علامات الكبر

بس الموديل اليديد..قاعده أتمادى فيه..أمس سألت وحده سؤال..حسيت مالي خلق أسمع..قلت خلي بقية الأجابه لما اشوفج بعدين

مو كل من ياخذها بضحك..في ناس يزعلون

nanonano said...

Fashionista:

تصدقين أنا أعتقد قاعدين نتعرض حق ضغوط من كل مكان..صايرين ما فينا نجامل

nanonano said...

abu eldestor:

عاد تصدق اليوم داقه على التأمينات و سألتهم أشكثر باقي لي على التقاعد؟

nanonano said...

lawyer:

يا بختج مفتكه..أنا مشكله..كل شي أنتبه له..قاعده أتعلم أني اسرح..و أفتك

Q8EL5AIR said...

عيل اذا جذي ماراح تقرين تعليقاتنه !!


يالله ان شاء الله حالة وتعدي :)


اخذيلج راحه واستجمام جم يوم وبعدها رجعيلنه بقوة كالعادة :)




وتحياتي ..
ويسلموااااااااااااااااااااا :)

nanonano said...

Broke:

ما أدري

ضغوط الحياة
الملل
النطره
ماكو حل لأي أزمه

مقزرينها ننطر..و هالنطره قاعده تمللنا..و تعصبنا

nanonano said...

mosan mosan:

ماله شغل بالراحه

بالعكس..يتعّب..لأن كل ما والأشياء اللي تمللني تزيد

nanonano said...

ABC:

صدقني ما يت على المحفظه الملياريه و الشمالي

هالديره صايرين وين ما نطقها عويه

nanonano said...

100 fils:

الفضاوه اللي بالناس..تخليهم بس يبون يهذرون..لت و عجن بالحجي..و الموبايلات ما توقف رنه و هذره

بالوضع الحالي..أعتقد يبي لي سفره..و مكان صـــــاد

nanonano said...

Q8EL5AIR:

بالعكس

أنا صايره وناستي القرائه

و أحب أقرا التعليقات..لو التعليق 20 سطر ما عندي اي مشكله

مشكلتي ما أقدر أسمع قرقه..أتملل

ZooZ "3grbgr" said...

نانو
ياية
اسلم
وايد
وحشتيني
ولهت
على
سوالفج

بنت الشاميه said...

عيل انااااا عكسج هالايام
ابى اتعلم الهذره ابى شيئ يطلعنى من القمته .....ابى اهذر بكل شيئ وباي شيئ البى اصير مثلهم
شلوووووون عندهم هالقدره العجيبه
مليت من كثر مانى ساكته ولا اكلم احد
ترا الهذره نوع من العلاجات النفسيه
لووووول

nanonano said...

ZooZ "3grbgr":

أهلا

و سهلا

بمن

حبا

و دبا

وركب

القلّيلبه

nanonano said...

بنت الشامية:

المشكله مو بالهذره

المشكله منو له خلق يسمعج

عشان جذي قلت لج

أحنا موجودين

طلعي هذرتج كلها بالمدونه

سـهـيـر زكــي said...

أنا نفسي أعرف حاجة وحدة
إنتي معندكيش بيت وراجل وعيال عشان تقعدي معاهم بدل ما كل يوم والتاني عاملة بوست جديد وكاتبة فيه الشويتين بتوعك؟

التدوين يا نونو مش إجباري, يعني محدش جبرك انك تكتبي بوست كل يوم, هو انتي حياتك بقت مملة ومفيهاش اي حاجة سعيدة؟
طب ايه رايك؟ متدخلي المطبخ وتعملي بيتي فور للراجل والولاد؟
والا اقول لك, متاخدي العيال وتفسحيهم شوية بدل القعدة

طب متجيبي شوية رز وتنقيهم, أو تاخديلك شوية بامية وتئمعيهم أو حتى تعملي لك حاجة مفيدة بحياتك

:(

فريج سعود said...

هذي من علامات الشيخوخة

اعرف دكتور زين حق الشد تبين عنوانه ؟

أبو جيج يدور نعاله said...

سوى مثلى


ردى على أى سالفة أو موضوع هالأيام


كلمة من حرفين


طل


تنهى أى نقاش فى حينه

nanonano said...

فريج سعود:

رايحه هالويكند بيروت

عندي موعد شد و تمقّط بعد

باتسنّع حق نهائي كاس الخليج

nanonano said...

الوزير الإصلاحى الشاب الدكتور أبو جـيـج:

هاهاهاهاهاها
هاهاهاهاهاها

من صجّك؟؟!!؟

ما أقدر

لسبب بسيط

ما أحب كلمة

طل

اللي قاعده أسويه الحين

بس أبتسم..و بعدين أمشي

مالي خلق لغوه
;)

حسافتج يا كويت said...

مابي اقول هذي اعراض الشيخوخة المبكرة

بس صدقيني مي تو

اليوم طالع من نص الإجتماع إستأذنت ورحت شربت قهوة وزقاير ورديت والسبة الهذرة

انا نفس الشي

Sugar said...

حتى آنا .. أحس ما صار عندي طاقه لإستيعاب سوالف و هذرة الناس

Kaadi said...

اي من تكرار نفس النتايج و القصص فشحقة عوار القلب اللبحة !! عدل

Fankooshy said...

غريبة معني حسيت انج تحبين الهذرة !!
فاجئتيني يا حواء لول

chandal/danchal!! said...

والله اشتعل الرأس شيبا من القرقة... ولا اذا فيها تشكي... راسي يبدي يفتر و عيوني تزغلل... اييبون المر "بتسبدي"

الله يهداج انتي بعد "شـــــولة" تسألين

انتي وايد حليوة انا التوليرنس عندي بال-15 و مع رياح شديدة يصير الشعور -45

ساعات يصير مالنا بد منه... خاصة بالشغل و الله بلاج بواحد قرقي ويصير بينج و بينه شغل! يــــــــــــاو
آخذ جرعة زائدة من القهوة قبل و بعد ما اجتمع معاه.. و عقبهااحتاج ميديتيشن على طول... يا يوقا, مساج , فيشيل او آكل شي حلو يسحنننننن... المهم اني اتخلص من الحالة اللي انا فيها

و كما عودناكم "ســـــالفتج خـــــــوش ســــــالفة" بس يا ريت البوست الياي يصير عن طرق الحيلولة و الحد من الاحتكاك بالحنانين واذا صار في احتكاك شلون عقبها نعدل المزاج

ntfa said...

امبيه انا صاايره حدي حدي ابي اتعلم اقرق واهذر .. يعني اتجوفوني اقرق بالنت وجذي .. بس بالصج استحي ماعندي الجرأه اني اهذر وايد الا مع القراااب لي
.. ومثل ماقلتي منو اللي له خلق يسمع الهذره .. غير القراب حقج حييل عادي يحبوون يسمعوونلج

nanonano said...

مبيوق:

والله ماله شغل بالكبر

أحنا صايرين ما نستحمل

حسافتج يا كويت said...

ونسي نفسج بهالحجي


صباحج فل وياسمين وسوسن

صباحج فنجان قهوه وعيشة هانيه

nanonano said...

Sugar:

عيل سوّي نفسي..أبتسمي..و مارسي تمارين التنفس

nanonano said...

Kaadi:

و لا أذا قاموا يسردون عليج..أخبارهم و أخبار عيالهم و أخبار فريجهم كله..بتفاصيل التفاصيل..مو مهم اللي قاعد تقولونه..سكتوا

nanonano said...

Fankooshy:

هاهاهاهاها

أحساسك خاطئ جدا
;)

nanonano said...

chandal/danchal!! :

غالي و الطلب همبه
;)

nanonano said...

ntfa:

ما عندج سالفه..خلّج على موديلج جذي أحسن لج

nanonano said...

مبيوق:

BON JOUR


صباحك ياسمين هندي

;)

chandal/danchal!! said...

بعد "تسبدي" "تسبدج" يا نانو

Sugar:

عيل سوّي نفسي..أبتسمي..و مارسي تمارين التنفس

انزين واللي عنده خنيفرات "خراطم و براطم" شغبر؟؟ اذا مارس تمارين
التنفس يقلب على تنين

بس هم زين ما رده اللي جدامه بيخترع وبيمشي من سكات

وكثر "الحسي" و "البربرة" مايوكل عيش

bo shnan said...

تفسيري حق هالحالة ان كل الي بقلبج قاعدة تطلعينه بالتدوين .. لي درجة انج تستهلكين طاقتج التحلطمية و القرقية و الهذرية

و هذا من حسن حظنا لان هذرتج التدوينية تونس و ننطرها كل يوم

nanonano said...

bo shnan :

أهلا و سهلا فيك

و حياك الله

المدونه مالتي متنفس لي

و عموما عالم المدونات..يخليك تختلط في ناس و تقرا وجهات نظر مختلفه

 
template by Purplecious