Thursday, January 08, 2009

متفرقات ويكنديه



.

.

.

**********

.

.

بعد فرحتنا البارحه بفوز المنتخب

.

مع تحفظي على لعبهم أمس مقارنة بلعبهم مع عمان

.

الكل كان مستانس..و الكل كان يبي يعبر عن فرحته

.

بطريقته الخاصه..و من مظاهر الفرحه البارحه..كانت

.

الخروج في مسيرات

.

فدار حوار بيني و بين أحد الأصدقاء..ولده كان

.

رايح مسيره..و كان مستاء من موضوع المسيرات..بالنسبه

.

له أن ما صار شي لي الحين اللي يستاهل هالخبّه..فذكرته

.

أن مساكين هالجيل الجديد..ما لحقوا على أيام العز الصجيه

.

فخلّوهم يستانسون..ما صدّقنا تطلع الأبتسامه من قلبنا
.
.
.
**********
.
.
اليوم مسكينه يدّتي بغيت أوقف قلبها
.
داقه علي..و قاعدين نسولف..جان تسألني منو غلب أمس
.
أنا..و لأني كنت سرحانه..و أهيه قاعده تسألني..جان أرد 
.
البحرين
.
مسكينه...شهقت شهقه...اللي قعدت أفكر بسرعه
.
شنو كان السؤال..و شنو كانت الأجابه..اللي خلتها تشهق جذي
.
 أستدركت...قلت لها..لا لا..الكويت..مسكينه..جان ترد تقول أشوه
.
خرعتيني..بغا يوقف قلب يدتي..و بسبب..قل تركيزي
.
.
.
**********
.
.
أول مره أحتر ..أني بنت..ودّي أروح المباراة
.
يوم السبت..و أشجع بالملعب..لأن ظروف اللعبه هذي بالذات
.
راح تكون غير..عمري ما تحمست حق روحة الملعب..كثر مباراة
.
يوم السبت..الكويت و العراق
.
بس شاسوي..الله كريم..أكتفيت بيمعه بالبيت عندي
.
و عليكم بالعافيه ياللي بتروحون المباراة
.
و الله يستر من السبت
.
.
.
**********
.
المود هالأسبوع
.
صوت من سليمان العمّاري
.
مر بي و احترش
.
.
عطله سعيده للجميع

46 comments:

كويــتي لايــعه كبــده said...

السبت أعصاااااااب

نبي هذه بالذات منك يا الازرق
لو تخسر جدام الكل هذول اغلبهم

بالتوفيق يا منتخبنا

شوووووووووووووت
قووووووووووووول
الله
الله
الله
الله

هذا اللي نبي نسمعه ان شاء الله

حسافتج يا كويت said...

بالنسبة للمسيرات يا نانو

أنا اقول

حسبي الله ونعم الوكيل باللي خلانا إناقز ونستانس من فوز واحد صفر وعلى البحرين بعد!!

مع جل إحترامي وتقديري للبحرين كمنتخب وكشعب

ولكن من متى اصلا نتكلم ونسولف ونفرح لا فزنا على البحرين

لكن اللي خرب كرتنا وغمتنا سنين وصرنا مطقاقة للي يسوى واللي ما يسوى

بس أنا مازلت عند رايي

لو شنو لو شيصير كاس الخليج ما نشم ريحتة دام أساس منتخبنا غلط

لأنة ما يصح إلا الصحيح يا نانو

ولج مني وعد شوفي وعد لأطيح عشا لج يوصل ليلبيت او ريوق لج ولزملائج بالعمل إن وصلوا للنهائي مو خذوا الكاس؟؟

إن خذوا الكاس لج عاد طلبي اللي تبينة

هذا مو لاني مستانس

هذا رهان سلمج الله
-----------------


ولا كلمتي يدتج مرة ثانية قومي فزي وانتبهي لها

ترى اليدة تحتها جنتين مو وحدة
الأم تحت أقدامها جنة وأم الام هم جنة

بالج تخرعينها
ولا مرة ثانية حطي رنتها لا دقت

اوم اوأف وإنت بتكلمني
----------------------

أما موضوع الملعب فهذي مقدور عليها
مالة داعي إتمنين إنج ولد
وماله داعي أصلا الروحة
ماتسوي الخسارة وتردين محبطة

lawyer said...

الحيييييييييييييين ليش يصير نرووووح مبارايااااات برا الكويت و مانشتر و ميلانو

ومايصير نروووووووح بالكويت؟؟؟








بعد قلبي هاليده






وااااااااااااااي يااااااااااارب
يااااااااااااااارب

نفوووووووووووووووووز


ماحب اعصاب المباراه




اي وعليه هالجيل ظييييييم

ماكو طعن فرحه بشي

ماتشوفينهم يسووووون هلاقه بارتي
وبجامه بارتي
و شماااغ بارتي


من قل الفرحه


توني راده من عزا
الناس خلت العزاا و تسولف عن مبارات امس !!!!!!!


كويتين نعور القلب ترااااااا





لوفلي ويك اند

Gee™ said...

اي والله انا بعد اقول مالها داعي المسيره
هذي ثاني مباراة لنا بالدوري
الحين نسوي مسيرات ونختب وتالي الله يعلم شيصير
مو زين نندقر .. كللللللللش مو زين


بس الله يتمم علينا فرحة امس انشالله

a7ibich yl KWT said...

الصراحة صورة الشاب الوسيم مع التحذير اللي تحت الصورة وقفني بالبوست مالج هاهاهاها
الله يخليه لأهله ويولع جباريت

أمس أمي لمن سألت عن النتيجة و قلنها 1-0
قالت ايييييييييه هذا حدهم تنرفزت من تعليقها بس ماتنلام
الكل صارت عنده ردة فعل


عالعموووم لو الله يفكنا من هالمسيرات اللي تقبس على لعب عيالنا احنا بخير

و الله يوفقهم
ويسهل عليهم

bent el deera said...

سوالفج تهبل
الله يخلي لج يدتج ان شاء الله
:>واجازه نهايه اسبوع سعيده

enter-q8 said...

صارلي ساعة مجابل موضوعك بالشاشه
قاعد احاول اسوي نفس نسفته مو راضية ترهم كلش

*********

مبارة العراق انا اعتبرها بحد ذاتها بطوله
فريق ما عنده شي بايع و خلص
لا و جدام الكويت
اهم شي ندا لا يعصب و يتنرفز
و جراغ لا يستخف اهو و وليد علي و يكثرون من طيحاتهم
احنا بخير و النتيجة بعون الله 2/1

الدســتور said...

الخير جدام انشاءالله
ويوم السبت يوم التفاؤل العالمي

ساره النومس said...

مبروك فوز العزرق :p

بس ماكو امل

شقران said...

العزيزة نانو


الحمدلله أنك إستدركتِ

:)


والحمدالله أن الله لطف بجدتك....وبمنتخبنا!؟



سلامي الحار لجدتكم الكريمة ، أدام الله عليها وعليكم وأحبابكم نعمة الصحة والعافية




أجمل التمنيات الطيبة لنهاية اسبوع جميل

حسافتج يا كويت said...

نانو العزيزة

بالنسبة للصورة


لا أتحرشين بالأوادم

وعلى الأقل هذا شعره ناعم نوعا ما مو مثل صاحبنا

Q8EL5AIR said...

يامعوده هالجيل من كثر ماانطق على راسه .. ناطر اي فرحة عشان يطلعون الحره والقمت الي فيهم !!


مساكين !!


وسلامت " ماما عوده " .. الظاهر متعصبه للازرق :)




كفو والله العماري .. عاش العماري فاليحيا :)


وتحياتي ..
ويسلموااااااااااااااااا :)

Fahad Al Askr said...

أصلا الموديل إن البنات يروحون الملعب يشجعون المنتخب والشباب يشجعون بالقهاوي

وبعدين بدون زعل ما أدري ليش فجأة حسيت إنج عودة لما قلتي إن عندك واحد تعرفينه ولده راح المسيرة

Bloggerista said...

المملوح عذبني ;P


enjoy your weekend hun

Kaadi said...

لا السبت !!! يخرع

جنا امتحان فاينل رياضياااااااات !!

وااااااااي الله يوفقهم يارب :)

chandal/danchal!! said...

هذا مو بس ممنوع التقليد...لازم "يحفظ في مكان جاف و بارد و
out of reach of children"

مراخب و كاليميرا يا نانو... وخشاني يا خلوةانا واللـــخــــــي مش يأدر يشــوف
ال game
بتاء كويت وإراك... أشان ممكن "يخصل" تقبيــــسة كبيرة اوي اوي اوي

وكمان الأعصاب بتاع انا بأة بايز وفي
الباي باي

و ألف سلامة ألى التيتة بتاء انت!!

كالينيختا و سعيدة

اللي يشوف المكتوب يقول ستيفان روستي مو جندل!!... بس مادري شلون بديت بكلمة مراخب و ما وعيتني الا بكالينيختا... بعد ويك اند... الخنابيج كلها تطلع!

الويك/اند الياي انشاءالله بقلب على نوبي لول

بوتشخيص said...

أنا أنصح إن العموم ياخذله حبت مهدي و يطالع المباراة كافي الأعصاب اللي احترقت المباراة اللي طافت لول :)

و يارب المبارة للأزرق :)

ولاّدة سابقاً ... رانيا السعد ...رانية المنيفي حسب الأوراق الرسمية said...

نانو

أنطبق عليّ المثل القائل: ضحك بو سنتين وغشت أمه

أجمل ما في مباراة الكويت والبحرين أن ابني قرر أن يتابعها...وآنا ملأت البيت صيحات: واي يا حلاة اللي يشجعون...واااي ماااا أصدّق...واااااي ملح وقبلة....واااي يا بخت اللي تشجعهم...وااااي يا زينك...وبوس طول الوقت
وهو يسأل: إشفيج؟؟؟ شالسالفة؟؟؟

لما مل الفقير ..وقرر ينام
والصبح ما سأل عن النتيجة
:(


أضم صوتي لصوت فهد العسكر...صديق ولده رايح المسيرة ..ليش أتعرفينه؟؟؟

خلك على اللي عيالهم بالروضة وأولى ابتدائي أبرك

:*
مشتاقين

ZooZ "3grbgr" said...

تدرين قاعده اتهدد على الروحة باجر

اروح الصبح وارد بالليل

اخمط ولد اخوي معاي

عاد كيفه يشجع معاي مو يم الشباب

كاس العالم رحته ههههههه

وكل ما اقول ها اهون؟؟

يقولون في طيارة يديدة ضافوها للكويتيين

ها أروح؟؟

:")

KQ8 said...

منو هالمملوح اللي بالصوره بن همام؟؟

والفرح صاير ينطر طراره بهالديره

kuwaitawy said...

هههههههههههههههههه


ضحكتني وكسرت خاطري بنفس الوقت


سالفة يدتج


عسى الله يطول بعمرها انشاءلله ويعطيها الصحه والعافيه


بوسي لي راسها

كويتي شعبي said...

لا تحاتين فايزين و بنتأهل حق الدور الثاني

و اذا الله سهل الكاس لنا


بعدين اليوم اكو باجر فيه4 طيارات

1 مالت مرزوق
2 التمار
1 صاحب السمو

المشكلة أمس أول ما سمعت الخبر جان أروح الهيئة عشان بحجز

بس ال طياير على قولتهم فل

ما مدا فولو بس الظاهر التذاكر حق الناخبين و اللي و عندهم مصالح و الفقارة المساكين اللي ما يعرفون أحد مالهم تذاكر

nanonano said...

كويــتي لايــعه كبــده:

باكر الكويت كلها ما تنتحاجى

الكل مجبرت

يا الله يا كريم

توفق شباب الأزرق باجر

nanonano said...

حسافتج يا كويت

مبيوق:

ما أحب أتراهن على شي مو واثقه منّه

ما أواطن الخساره

و بعدين ترا أحنا صار لنا ١٨ سنه يا متعادلين يا خسرانين من البحرين

فبالنسبه لنا كانت فوزنا فال خير ان شاء الله
=====

لا يدّتي لازم أكتب موضوع كامل

عن مغامراتي معاها

الله يخليها
=====

لا أن شاء الله

فالك ما قبلناه

و لو أني أدري قبسّه

هم هذي سالفه ثانيه

لازم أكتبها عن مغامراتي بالملاعب أيام كاس العالم

أتصدق يا حسافتج..أني داخله ملاعب في أيطاليا..ألمانيا..بريطانيا..الا الكويت عمري ما دخلت ملاعبنا

nanonano said...

lawyer:

تصدقين ما أدري

أحس ثقيله علي روحة ملعب بالكويت

أي والله نعور القلب..ندور الفرحه دوره

و هالمره السالفه فيها الأزرق

يا رب

يا رب

يا رب

باجر الساعه ٧ كلنا طاير من الفرحه طاير

nanonano said...

Gee:

مساكين يدورون الشاره حق الوناسه

خل يستانسون

خو هلا فبراير و انلغى

ما بقى الا دورة الخليج

أي والله

يالله يا ربي

تفرحنا باجر بفوز الأزرق

nanonano said...

a7ibich yl KWT :

الشاب الوسيم ما تقدر تقاوم أغرائه

يتعب

و بعدين ليش شايفين المسيرات تقبّس؟

مباراة و فزنا فيها..نفرح

مو خوفك ما نفوز المره اللي وراها..و تضيع على الشباب و الشابات فرصة قز

nanonano said...

bent el deera:

مشكـــــــــــــــــوره

تسلمين عزيزتي

:-*

nanonano said...

Enter-Q8 :

لا التعب نفسك

و لا راح ترهم و حياتك
====

أهم شي خل يلعبون مثل ما لعبوا جدام عمان

مو مثل البحرين جنهم خلال بطبق

و يركزون شويه

و يوخرون عن الرعونه الكويتيه

و بأذن الله راح نغلب

nanonano said...

abu eldestor :

يالله يا ربي

محتاجين نستانس شويه

تفائلوا بالخير تجدوه

فالسبت راح يصير على قولتك

يوم التفاؤل العالمي

nanonano said...

طموحة مملوحة:

ان شاء الله أكو أمل

nanonano said...

شـقـــــران:

المعلم

لا تحاتي تلميذتك

ترا أنا نبيهه و استدرك بسرعه و خاصه أذا توهقت

وصل السلام

و نهاية أسبوع مليئه بالتفاؤل لك

nanonano said...

حسافتج يا كويت

مبيوق:

بذمّتك ما يشوّق

عاد كشة صاحبنا منو يوصل مواصيلها

nanonano said...

Q8EL5AIR :

وِه..أخيرا..لقيت أحد مأيدني

أنهم خل يطلعون و يستانسون..مساكين

الله يسلمك..في أحد مو متعصب حق الأزرق

أصلا أعتقد مافي كويتي يسمع أوه يا الأزرق..ما يفز قلبه

عاش من قال

nanonano said...

Fahad Al Askr:

ويــــــــــــــه

وينــــــــــــــك؟؟

i missed u

و بعدين

i don't do
الموديلات الكويتيه
i have my own
;)

لأنك ما تعرفني..عندي صديقات الحين بيصيرون يدات
و هم عندي صديقات لي الحين بالجامعه

بس على فكره..ولد صديقي كان رايح مع السايق

nanonano said...

Fashionista :

عذبني قبلج..يشوّّّّق

same to u dear :*

nanonano said...

Kaadi:

بالضبــــــــــــط

يبتيها ييب

أمتحان رياضيات فاينل

اللي ما تدرين شنو تسوين بعمرج من التدوده

kuwaitawy said...

صاااادوه


هههههههههه

nanonano said...

chandal/danchal!! :

هاهاهاهاهاهاهاهاهاها

هاهاهاهاهاهاها

out of reach of children

اشطرى عليج؟؟؟!!؟

خنابيج؟؟؟

أنتي ناويه علي ان شاءالله

nanonano said...

بوتشخيص:

أي والله

يقول لك باجر بوزعونها مع التموين

لأن صج..المباراة اللي فاتت زين ما وقفت قلوبنا

يــــــــــــــــــــا رب

nanonano said...

ولاّدة:

اللي أقدر أقول له لج

أن هالولد لاعب بحسبتج


عاد المفروض أنج عارفتني زين

أحب الكبار

و بعدين أشفيج؟؟؟؟؟!!!؟؟

الولد ما يصير يروح مع سايق؟؟؟

nanonano said...

ZooZ "3grbgr":

لا تعوذي من أبليس و قعدي

خل نشوف شنو يصير باجر و بعدين يصير خير

لا التعنين على الفاضي

و أن شاء الله الفاينل

كلنا نروح مع بعض

nanonano said...

KQ8 :

لا والله

هقوتي أنّه

بن شمّام

نطرّه..نبوقه..نخطفه

بس خل نفرح

خنت حيلي

nanonano said...

kuwaitawy:

ما شفت شي من سوالفي مع يدّتي..على عين مغامرات

الله يطول بعمرها

تسلم

الوعد باجر

nanonano said...

Shaaby Q8y :

تصدق أنك مو أول واحد أسمع منه هالموضوع

السالفه صايره أشكره تضبط ربع

بس ولا يهمّك

أن شاء الله و بعون الله أذا وصلنا النهائي

كلنا بنروح مع بعض بالطياره

و نشيلها صفقه و يبّاب لين ناخذ الكاس

يـــــــــــــــــــــــــا رب

nanonano said...

kuwaitawy :

هاهاهاهاهاهاهاها

و تشكّــــــــــــــــوه

بعد

 
template by Purplecious