Thursday, October 30, 2008

متفرقات ويكنديه

مع هبّة الشماله ما يحلى العشا الاّ بالعيش
.
أكتشفت أني أموت على العيش بجميع طبخاته
.
صار لي فتره كل يوم عشاي
.
خبزه أيرانيه و زيت زيتون
.
البارحه كافأت نفسي و تعشّيت عيش
.
الله يا المتــــــعه
.
فأوصيكم بما أن أحنا مجبلين على
.
ويكند...و شماله
.
العيش..ثم العيش..ثم العيش
.
**********
.
.
أقترح واحد من الزملاء تحويل
.
مبنى البورصه الى نادي ليلي
.
الصج عاد توزيعة المبنى صح
.
حق نايت كلوب
.
قاعة التداول تصير مكان الرقص
.
Dancing Floor
.
ومكاتب الدلاله يتم توزيعها عن طريق
.
مناقصات رسميه لتقديم الأكل و المشاريب الفاخره
.
و المزانين الأول يصير مكان مثل اللوج
.
حق اللي يبون يسوون روحهم كشخه
.
بس كانت المشكله
.
في نوعية البشر اللي ممكن أيون
.
جان نهوّن عن المشروع
.
هذا اللي ردنا
.
**********
.
.
أخيرا سياسة شد الحزام نفعت معاي
.
هالشهر أول مره ينزل الراتب..و لي الحين
.
عندي رصيد...أحمدك يا رب
.
أخيرا تعالجت
.
**********
.
.
المود هالأسبوع
.
طبعا عبدالله رويشد
.
صدقيني
.
عطله سعيده للجميع

43 comments:

Bloggerista said...

لول

عجيبة فكرة النادي الليلي


have a nice weekend hun :)

nanonano said...

Fashionista :

تصدقين عاد أنتي في بالي اليوم..باجر معزومه حفله تنكريّه..و طبعا بما أني ما أحب هالحركات راح أكلف حالي و ألبس كعب..يعني متنكره

same to u dear

Bloggerista said...

LOL

this comment made my weekend ;P

Bloggerista said...

http://www.alqabas.com.kw/Article.aspx?id=442344&date=29102008


ohma elly galaw, mo ana ;P

Diver said...

مو اي عيش
اموش لحم و دقوس صبار و اجار و لبن و جلطة بعدين
احلى شي


اما على البورصة ما يصير تحولين كازينو حق ديسكو القانون ما يسمح

الصراحة انا من شتغلت و هم يقولوي شد الحزام و انا ادور ما ليت حزام اصلا عشان اشده

و ياطويلة العمر المود اليوم

حرك شجوني و لتهابي حق العماري

عاجـل said...

خوش فكرة

ناكل عيش بالنهار

ونحرق كالوريز بالليل في ديسكو البورصة

ونقعد الصبح

نشيطين

beezo said...

هابي عطله فور يو

enter-q8 said...

مجابل جيش و لا مجابل عيش
***
البورصة نادي ليلي
يا معودة الصبح و اهي قالبه اخس من الديسكوات
تفصخ دشاديش و غنيمة الفهد صوتها يلعلع
***
شد الحزام في ناس اعرفها باعت الحزام
***
هالويك اند بجابل بوعيدة و جاسب الشمري
و عادل اليحيي
بطرب عليهم

Zaydoun said...

الديسكو مثل البورصة... يبيلهم فلوس، والفلوس عند العروس والعروس تبي العيال والعيال يبون حليب والحليب عند البقر.. و..و..و... الخ

الجو مو طبيعي... انا قاعد بالبلكونة آخر حلاوة... بس تو الناس على العيش بالليل مع اني ولهان على المموش

KQ8 said...

مربين مع صبار وعدة الخيسه وفقهم بطل لبن بالثوم والنعناع..وتكبسين بقلاص شاي سنجين

وقبضي يواثيم تالي الليل

اليو م الجو بالشاليه مووووووووووطبيعي

EXzombie said...

النادي الليلي انا افضله و هم موقعه ممتاز بعد ما يتخلصون الناس ردح يزرقون المسجد الكبير يتطهرون من ذنوبهم فيه شوي، و اذا بلوغرز يحضرون الاجتماعات بسيكند كب خو يمهم

و على طاري العيش، صار لي جم يوم مع البرد الي عندنا، طبخت اكلة سعودية اسمها مضغوط و لحم مشوي، و امس مسوي قدرة خليلية، للحين قاعد ابجي اني مو عارف اسوي دقوس مثل الاوادم

nanonano said...

fashionista:

عزيزتي أنا ما أدري جم عمرج..بس أنا راحت علي..الحين لا الظهر و لا الركب قاموا يستحملون

nanonano said...

diver :

أنا ما آكل لحم بس أعشق المموش

المموش هوا..و أجار

يا سلام

على قولة وحده من الحريم الكبار

ما أييج الموت..يعني من الوناسه
=======
القانون ما يسمح؟؟!!؟

أشوه أنك قلت لي..هاهاهاها

nanonano said...

عاجــل :

هو من أبدع ما يمكن..بس خل يعطونا المبنى

و أنا لأني حليوه..راح أدخل اللي يبي من زملاذي و زميلاتي المدونين شركا

nanonano said...

beezo:

ثانك يو دير

nanonano said...

enter-q8 :

بذمتك مو العيش شي ما صار
======
بس بالليل أحلى تخيلها مع الأضائه
======
هالويكند ناويه عليه نيّه قشره..لأني نفسي واصله عند خشمي
فما راح أشوف التلفزيون
خاااااااااااااااالص

nanonano said...

zaydoun:

بوالزيد حق الوناسه الكل مستعد يدفع
======
اشعليك...قاعد بالبلكونه..منو يحاجيك

عليك بالعافيه

nanonano said...

krakatoa :

مربيــــــــــــــــــــــــــن
شي
شي
شي
ما صــــــــــــــــار

عاد أنت مو تنطر ما التعشى الا الساعه ١٢
بلّش الساعه ٨ على ما تصير الساعه ١٢ الا أنت مهضم
========
أدري..توه أمي مكلمتني من الشاليه تعد عن الجو
يالله عليكم بالعافيه

nanonano said...

exzombie :

الموقع..الموقع..يعني لو مهما ندور ما راح نلاقي موقع جذي
و ماكو جيران اللي ممكن يشتكون عليك
و يمّه موقف سيارات
يعني الواحد شنو يبي أحسن من جذي
=====

الدّاد لك..برد الأردن نـــــــــــاشف مثل أهلها
بس متأسفه ما أقدر أساعدك بوصفة الدقوس
لأني ما أفقه شي بعلم الطبخ

ZooZ "3grbgr" said...

عيش!!!!
آنا مادري ليش ماني من أهل العيش أبد
ما آكله إلا كل ثلاث أشهر مره
الوالده تقولي انتي بنت الباستا
على طاري الباستا
مرة فصلت على الوالده جان اوديها جوني كارينوز
بس خلصنا جان اقولها ها يما شلونه عسى عجبج بس
جان تقولي الله يزيد النعمه
الحين طالعين من البيت عشان معكرونه يعني ما اعرف اسوي معكرونه
لوووووول

بعدين تعالي
الراتب توه نازل
حرام علييييييييج
كل شهر يخلص أبجر؟؟

Mok said...

:) عاد مزاجي كازينو يصلح للويكند


بس ما توقعتج تاكلين عيش او بلاحرى من عشاق العيش

:)

Unknown said...

صدقيني مودها شتوي

انتى صح

بس نادي ليلي بنص الديرة مو شى

خلوه على الحدود احسن

Unknown said...

nanonano
اتصدقين عاد إذا قلب نايت كلوب شهر واحد يقلب مرقص وملهى عربي ملوت البحرين
بقيادة المطربه سجوده

Fahad Al Askr said...

بالنسبة لمقترح النيت كلوب علة قولتج

ممكن ننقل على الشاشات الكبيرة لايف بكاميرات داخلية من الدانس فلور أو ممكن نحط ميلودي ومزيكا وام تي في

أما شريط التداول فممكن نخليه شريط مسجات وإهداءات، وكله بحسابه

إذا عزمتي ترى حاضر عندي أفكار وايد، وبالمرة نتفاهم على الإدارة والنسبة من الأرباح

وأقترح لأني أعرف الكويتيين والجمهور عدل، أظن من الأنسب في موضوع السيكورتي نكلف المارينز أو الجيش الروسي، لأن الملقف مو مال حشيمة

nanonano said...

zooz "3grbgr":

تصدقين عاد أنا كلش مو زود مع الباستا وايد عوبه بأي نوع من الباستا آكل..عكس العيش غرام وانتقام
========

و حياتج كان يطير قبل

nanonano said...
This comment has been removed by the author.
nanonano said...

mok :

ويـــــــــــه
big time
من عشاق العيش

nanonano said...

mishari :

حلاته بنص الديره...عشان يحيي المنطقه
و بعدين أنت شايف جيرانا منو..لا يحوشك لا من الشمال و لا من الجنوب

nanonano said...

احمد سالم:

يــــــــــادي سجوده اللي أحنا مو خالصين منها...أموت و أعرف شنو سر شباب الكويت مع سجوده

nanonano said...

fahad al askr:

أفكارك نـــــار
و خططك الأمنيه عظيمه

بس باقي شي واحد...منو يطلع رخصة البلديه
علي و لا عليك؟؟

Fahad Al Askr said...

هقيتج فطينة

طبعا عسكر العنزي

nanonano said...

fahad al askr :

فهد أنا اللي هقيتك فطين

عيد قرائة سؤالي

هاهاهاهاهاهاهاهاها

واللللللللللللللله
kidding

david santos said...

Thanks for your posting and have a nice weekend.

Snow White said...

أنا أيضاً من عشاق العيش بجميع أنواعه وأحلى شي مع الروب والمعبوج طبعاً أنا خبيرة معبوج بالبيت لول وبما أن الشتاء مقبل علينا فطبقي المفضل هو عيش معدس مع طبق السلطة ومعبوج

بالنسبة لسؤال اكزومبي لوصفة الدقوس ما يبيلها شي أربع حبات طماط مقطعه وثلاث فصوص ثوم مدقوق وعلبة معجون طماط وكوبين ماي وشوية ملح وفلفل أسود على حسب الرغبة وشوي كزبرة حب وتقدر تضيف علب فلفل أخضر حار وبالهنا والشفا

وبالنسبة للبورصة فخليني ساكته وايد أبرك الأوضاع بالبلد كلها ما تسر وتضيق الخلق!

أما على الراتب فماسكه عمري وقايله مابي أصرف على خرابيط بس لازم بيي وقت وأكسر الوديعة! خاصة الشتا مقبل عالأبواب والعيد قريب وكل سنة وانتوا طيبين


:)

Unknown said...

nano
التعلق فيها لمجرد الطرب صدقيني :p

حلم جميل بوطن أفضل said...

عيش التشاول ملك المائدة

محد خصبقنا غير العيوش

joe said...

ولك افكارج جهنميه
يلا خل يطبقونها

ولاّدة سابقاً ... رانيا السعد ...رانية المنيفي حسب الأوراق الرسمية said...

عيش!!! ما يلوق لك
أسوي لك ريزوتو مشروم؟
ياكله العليل يطيب
:)

.........

مشكلة الملهى إن الجمهور هو نفسه جمهور مزايين الإبل...مصيبة
على قولة فهد العسكر تحتاجين المارينز عند الباب مع قنابل مسيلة للدموع

..........

الصرف ممكن نحكم على نجاح سياسة شد الحزام من عدمه في شهر فبراير ومارس القادمين

موفقة

..........

رويشد
ما على آنا بأتبع قلبي

nanonano said...

snow white :

شكله معبوجك مسكّت..شوقتيني
========
البورصه..دربها طويل...تو الناس..الله كريم
=======
تصدقين عاد أنا الشتوي كلش ما يشوقني..فهذي نعمه من الله

فقر و قلدمه كلش ماله سالفه

nanonano said...

احمد سالم :

مــــــــــــــــــــــــــاشي

nanonano said...

حلم جميل بوطن أفضل :

عيل أنا الأجار يغلب عندي على المعبوج

nanonano said...

kuwait master :

خل يطبقونها؟؟؟؟!!!!؟

خل يفجّجون بعمرهم الحين..وينهم وين

nanonano said...

ولاّدة :

الريزوتو واحد من عايلة العيش بس الفرع الكشخه
=======
أقول لج اللي ردنا ال
crowd
pas chic
======
لأنج عارفه أني ما أقاوم الخلاجين الصيفيه..الله يساعدنا
======

أنا باتبع قلبي مزاج و هم صدقيني مزاج ثاني

أفا عليج

 
template by Purplecious