Thursday, October 16, 2008

متفرّقات ويكنديه

ودّي أحد يجاوب سؤالي
.
بكم مسعرين برميل نفطنا
.
في ميزانية الدوله الأخيره
.
***********
.
أمس و أحنا قاعدين نتفرّج
.
على نشرة أخبار قناة العربيه
.
أعلنت المذيعه عن هبوط مؤشر
.
داو جونز أكثر من 700 نقطه
.
فتبرّعت وحده من الموجودين
.
أنها تهاتف داو و توبخه و تقول
.
له..لو على حياة أبوك جونز
.
جان ما نزل المؤشر لها المستوى
.
على بالها راح يفيد
.
***********
.
ضاق خلقي على طلاق مادونا
.
مسكينه ما تستاهل ينكسر واهسها
.
***********
.
يا ريت أحد يقول حق مذيعين
.
مارينا أف أم..و بالخصوص نوف
.
أن كلمة لقيمات تنطق باللام..مو قيمات
.
و يقول حق دغيشم أن سينما بالنون
.
مو سيلما باللام
.
***********
.
ليش المغنيه نوال على بالها
.
أنها في قمة الرومانسيه لما تقول
.
ألم كنار سدرتنا و أصرّه
.
عشان جذي تبرّا حبيّبها منها
.
منو قص عليها؟
.
***********
.
المود هالأسبوع عبدالله رويشد
.
دع الوشاة
.
.
عطله سعيده للجميع

42 comments:

Fahad Al Askr said...

حب قبل كله كنار وسدر وموقة وقذلة وسمار وجلاحة، بس خبرج بعد الألوان والتكنولوجيا صار الحب هاليومين كله رنيتلي رنة وإلا دقني زماني دق

Diver said...

و الله شكل المود مو عبد الله رويشد شكل المود طنازة

Fashionista said...

خبري برميل النفط مسعرينه على 50 دولار

**********

الدغش لو بس مشكلته السيلما جان هانت
رشرشها يا وليدان
شنو يعني!!!! أبي أملق

**********

enjoy your weekend hun

EXzombie said...

ابي كنار

momo said...

النفط مسعر ب 65 دولار واليوم نفط الكويت وصل 65
!!

Ghadoor said...

دغيشم يستهبل
اما نوف مادري عنها الله
هذي على مستوى الي يقولون بناني
يعني لبناني

خوش مود خلج عليه

;p

q8ity said...

50 $
نوال كبيره يا نوال
و دع وشاه بما قالوا و ما سمعوا

Eng_Q8 said...

50 دولار

abu eldestor said...

لا مسعرينة 70
:)

Cat said...

knar ??
looooooool

Mishari said...

تسعيرة النفط حسب علمي 50 دولار حق السنة المالية الحالية

دغيشم يعني كويتي قديم شفيج الله يهداج ما تعرفين :P



اغنية تبرا حسب ما اعرف
انها مكتوبة مستوحاة من قصة ام بدار العجزة كانت تروي قصة ولدها وليست حبيب وحبيبة واتوقع جذى تختلف المشاعر

ودع الوشاة اطق الرقبة عليها

Enter-Q8 said...

اذكر قبل كانوا مسعرينه بــ38 دولار
بس الشباب يقولون خمسين

****

مين عبده جمعه ده

****

ليش اهي متزوجه

****

لا تدققين ترى تتعبين انا خوفي على الجيل الياي يقولون لا يوبا تنطق جذي انت مو احسن من الدغيشم
شنو يصير فيك لو واحد من عيالك قالك هالكلام

****

نوال انا بطلت اسمعها و الا اشوفها عقب اغنيتها اللي بالمصري أل ايه بيحسدوني عليه
اي صج يحسدونك و الا انتي كفو هالمزيون اللي طالع وياك

****

بما قالوا و كسبوا

bo 7ami said...

لا حرام عليج انا اشوفه قمه بالرومانسيه لما اتقول الم كنار سدرتنا و اصره!!٠
اما بالنسبه حق مزاج اليوم فحده عجبني ;p

طلعتي سميعة اصوات!!!٠ ;p

على فكره سمعيها حق عوض دوخي (رحمة الله عليه) وايد احلى :D

kuwaitawy said...

ديري بالج لو سمحتي


مو تتكلمين عن نوال


لأنها صج تغني باداء واحساس :)

ترى ما ارضى عليها خخخخخ

------



اذا تسعير نفطنا يتغير بكل ميزانية


فانا اقول والله مادري

لكن اذا ثابت

يا 35 او 45 دولار



شبه اكيد :)

nanonano said...

fahad al askr:

هو نسيت اللي قاعد تحت السدره مسكين ينطر لين بطت راسه الشمس جود الله و رحمته حبيب رحه يمر

مع كل أحترامي الشديد لشادي الخليج
أصلا من أحلى الأغاني سدرة العشاق

nanonano said...

diver :

لا والله حشى..المزاج فوق النخل

nanonano said...

fashionista :

أشوا غدا الشر..ما بقى شي و نوصل له
+++++++

عاد موضوع الملاقه يبيلها نفتح مدونه مخصوصه حقهم
+++++++

thanx darling..so far so good
;)

nanonano said...

exzombie:

حق الغازات

nanonano said...

momo:

يا لهوي

يا ويلي

أمبيه

و بعدين شنو العمل

nanonano said...

ghadoor:

المحطه كلها تستهبل
++++

ان شاء الله

nanonano said...

q8ity:

يعني حولك حواليك و نوصل ال ٥٠ دولار

شالخطه؟؟؟!!؟
++++
أنا من معجبات نوال بس كنار السدره و تصره كله تضحكني
++++

بيني و بينكم ما ليس ينفصل

nanonano said...

eng_q8:

يعني مع أقفال سعر اليوم ٥٩ دلار
ما بقى شي..الأثنين و الثلاثاء الا احنا واصلين له

nanonano said...

abu eldestor:

مو بشاره
يعني أحنا الحين أقل ب ١١ دولار

اشرايك؟؟
تهقى ربعنا حاسبين حساب هاليوم الرمادي؟

nanonano said...

cat:

أي كنار عزيزتي

لآن أول كانت الكويت دوله فقيره و صحراء قاحله

فكان يعتبر الكنار من الفواكه..أو شغله تحلي الريج
مساكين

nanonano said...

mishari:

هم مثل ما قلت حق الجماعه من قبل ما بقى شي
شالعمل؟
+++++

مسكينه كسرت خاطري الأم
مشاري الله يهداك الحين أحس بتأنيب الضمير
+++++

أنا دع الوشاة تغير مزاجي كله

nanonano said...

enter-q8:

٣٨ تو الناس
بس ٥٠ هذي اللي قشره..مثلك عارف اليوم سكر نفطنا على ٥٩
يعني قربنا وايد
+++++

الله فكّك ما تعرفه
+++++

هو أيييي...صار لها ٨ سنين
ما صدقنا اتطخ شويه
+++++

أحد من عيالي يتكلم جذي أصلح له مره و مرتين و ثلاث..العاشره طراق
+++++

هذي حيثيه مهمه
ليش هابين يغنون بلهجات لبنانيه و مصريه
جنه ماكو طفوح مغنين مصريين و لبنانيين
+++++

بيني و بينكم ما ليس ينفصل

nanonano said...

bo 7ami:

غرامي الأصوات

شكرا
راح أطلب واحد من السميعه من أصدقائي أن يدورها حقي

nanonano said...

kuwaitawy :

ترا أنا كنت من المعجبات بنوال..بس الله يهداها آخر شريرطين خارتهم
الحين بانطر شريطها الجديد ما بقى شي و يطلع..بعد ٣ أسابيع..و نسمع و نحكم
+++++

اليوم برميلنا وصل ٥٩
شالحل؟

Dalal_eng said...

شنو قاعدين )نتفرج ( الاخت من وين

:)

وتعيبين على نوال

nanonano said...

dalal_eng :

أهلا و سهلا فيج
و شكرا على تعليقج

أنا من الكويت..و الأخت من وين؟

mantovani said...

المشكلة بالمرينا اف ام
انهم لازم يقولون حق (نوف) انها
تخف من البدليات اللي من الصبح

و لازم يذكرون الدغيشم انه ريال
او على الاقل ذكر

مانتوفاني

حـمد said...

عسى المؤشر بهالحال واردى

اجنا قاعدين معتمدين على النفط وفلوسه مفسفسينها على الخرابيط والناس بالعالم تئن من ارتفاع سعر النفط

علينا دور انساني تجاه شعوب المجتمع الدولي , واذا كان انخفاض سعر النفط بيأثر سلبا علينا فهذا من ردانا اللي ماقدرين نشوف لنا شي نبيعه غير النفط :)

nanonano said...

mantovani :

هاهاهاهاهاها
بدليات نوف يبيلها قلب ما يتعب
و الخلطه الممتازه عشان توصل الدوام قمة العساره زحمه الطريج و نوف خلطه قتاله

بالنسبه حق دغيشم لازم أحد بعد يقول له يثقل شويه..الأخ حده رقله

nanonano said...

حـمد :

كلامك صحيح ١٠٠ ٪ ما عندي رد
غير أني أرحب فيك

أهلا و سهلا فيك

vancouver said...

الللللللللللللله
شنو احب دع الوشاة
.

صج فن
اهنيج على هالذوووق

:)))

nanonano said...

vancouver:

راح أعطيج توصية الأخ بو حامي و سمعيها
عوض الدوخي يغنيها

أتينن

عثماني said...

انا مو يايب لي الحارج و القولون الا هالدغيشم

مع اني مو من ربع مرينا اف ام ... بس كل ما افر بالرادو .. ينقز بويهي مع ملاقته

:(

nEo said...

LOOOOOOOOOOOOOOOOOOOOOOL

مسكينة حتى نوال ماسلمت !

هذي رومانسية الدراريع طال عمرك

nanonano said...

عثماني :

مسكين مو عارف شنو يسوي في نفسه

و أحنا بعد وايد صايرين ضيجين حظيره..ما نبي شي مو على مزاجنا

nanonano said...

nEo:

اسكت..أسكت..أذا تم السوق جذيه راح أتهاوش و يا ذبان ويهي و حياتك

و الملافع بعد

Zaydoun said...

يا معودة على الأقل قالت كنار مو بمبر.. ليلحين أذكر شجرة البمبر اللي كانت تتلف حوشنا، زين سوى أبوي الله يرحمه يوم شلعها

***

داو جونز يصير حق توم جونز؟ ولا كاثرين زيتا جونز؟؟

nanonano said...

Zaydoun:

واااااااااي
بوالزيد جان أكملت لو بمبر
حق التلزّق

 
template by Purplecious