Tuesday, October 28, 2008

بو شكري..أنا آسفه


واخزيـــــــــــــــــــــاه
.
هذا الشعور اللي ياني لما قريت خبر
.
استثناء اللجنه المشكله من لجنة الوزراء 
.
لأبراهيم دبدوب لأن مو كويتي
.
.
بو شكري أنا تعلّمت المهنيه و الدقه
.
و الحرص من خلال المؤسسه الماليه 
.
اللي أهوه يديرها
.
.
بوشكري اللي خلا البعير ما ينوّخ
.
في جميع الأزمات الأقتصاديه 
اللي مرت علينا
.
.
بو شكري أكثر أنسان بالكويت برأيي الشخصي
.
عارف حق الأقتصاد الكويتي
.
.
بو شكري أدار المؤسسه الماليه الكويتيه
.
الوحيده اللي اشتغلت أيام الغزو
.
.
بو شكري أنا آسفه لعنصريتنا
.
في وقت أحنا في أمس الحاجه
.
لخبراتك.. و تجاربك..و أدارتك
.


47 comments:

حمودي said...

فشله والله
اتحدى انه يفهم بالاقتصاد الكويتي اكثر من ناصر المحمد

Fahad Al Askr said...

خايفين من مسلم البراك وبو رمية

Shurouq said...

نانو
وآنا أيضا آسفة ومفتشلة

DiLLi O MiLLi said...

أهــــم الخســــــرانين

Cat said...

How sad !

Fashionista said...

صج يفشلون

أهو ليش ما خذا الجنسية مثل عمر قوقة؟

abu eldestor said...

اي والله فشله

والله انه يستاهل الجنسية اكثر من الف غيره

shahad said...

الله افشل العدو

هذا انقذ تركيا بكبرها من الافلاس

هذا وقت كويتي والا لأ

kuwaitawy said...

للأسف


ماكو احترام للخبرة العملية للأشخاص بالكويت


سواء كويتي او غير كويتي


الكفاءة لم تأخذ حقها بالكويت


والدليل ما تفضلتي به في هذا البوست

بوتشخيص said...

والله يا اخيتي انا اقوله اسف لأن بلدي ما عطتك الجنسية مو بس علشان ما دش اللجنة ..

forzaq8 said...

1- احنا ما ندري اذا صج او لأ انه حطوه اصلا

2- القبس و الجريدة في شىء اسمة
conflict of interest
تداخل مصالح

و اكيد بيلمعون بولدهم

3- الاحتجاج علي عدم ادخالة هو اسخفاف و استهزاء بالباقين

4- لما يابوا البشير حق الوسطية قلتو ماكو كويتي
لما ما حطو الفلسطيني قلتوا نبي راعي الخبرة
صج كويتيين ما نرسي علي بر

Zaydoun said...

حتى لو ما حطوه باللجنة أكيد بيدقون عليه بنص الليل لما يتوهقون

nanonano said...

حمودي :

هدّى خل يتحدّى

nanonano said...

fahad al askr:

و راعي الفحماء مو خايفين منه بعد؟

nanonano said...

shurouq :

نسوي فشله
gathering

أشرايج؟

شوشو أنا من الفشله كتبت بوستي و أنا لابسه عبايتي

nanonano said...

dilli o milli :

المشكله أن الموضوع مو أهم..الأزمه هاذي كلنا راح نتأثر فيها

المشكله أحنا

nanonano said...

cat :

isn't it dear?

nanonano said...

fashionista :

عقب الغزو حاولوا كبار ملاك الوطني يطلبون له الجنسيه بس نظرا لأنه فلسطيني و الوضع ذاك الوقت ما يسمح ما عطوها أياه

قومي يا قطر قبل جم سنه و ركضه و عطوه الجواز القطري

nanonano said...

abu eldestor :

المشكله أن مثل هالكفاءات ما يتم تقديرها عندنا

nanonano said...

shahad :

بذمتج
مو
واخزيــــــــاه؟!!؟

nanonano said...

kuwaitawy:

خايفه أيي اليوم اللي تختفي الكافاءات من هالبلد

nanonano said...

بوتشخيص :

أنا آسفه لأن لي هالوقت ما نستحي من عنصريتنا

nanonano said...

forzaq8 :

١) لأ...حطوه..أخذها مني

٢) مالي شغل لا بالجريده و لا بالقبس..أنا قاعده أتكلم من واقع تجربه شخصيه

٣) أنا تكلمت عن كفائة أبراهيم دبدوب و بس
ما تطرقت و لا استخفيت بأي أحد ثاني

nanonano said...

zaydoun :

بوالزيد المشكله على بالهم أنهم فهمانين و أنهم
in full control

Diver said...

welcome to q8

Eng_Q8 said...

الشي الي يفشل ان ماعطوه جنسيه لانه مسيحي

Enter-Q8 said...

هل ابراهيم دبدوب بحاجة الجنسية الكويتية
اوكي هذا امر مفروغ منه
اما الاعتذار منه
و كانه انتقاص من حقه
لا ما اظن
انتقاص من حقه و لا شي
رجل واثق بنفسه و عارف اهو شنو
فلا داعي له الاعتذار كأننا نبخس حقه او ننقص مقداره و خبرته
نقدر نقوله
شكرا بو شكري
و نعرف ان دولة الكويت لو طلبت الاستعانة بك لن تبخل عليها

Mok said...

اهب على البعير لبناني
--
ليش مستغربه؟

فريج سعود said...

بو شكري ميزته انه مو كويتي

لوكان كويتي جان لقيتيه متنح

nanonano said...

Diver:

thank you dear

حتى أنت

welcome to q8

nanonano said...

Eng_Q8 :

الموضوع اللي يفشل العنصريه اللي نعاني منها لي الحين

nanonano said...

Enter-Q8 :

خل أقول لك شي
بو شكري مو محتاج حق الجنسيه الكويتيه
و
بوشكري مو محتاج حق اعتذاري

لأن بو شكري أكبر من جذي

بس أحنا نبخس حقه لما نقيمه على أساس جنسيته
هذا قصدي

nanonano said...

Mok :

مو مستغربه فشلانه

عثماني said...

اي والله فشلة

احنا مادري متى بنتسنع ؟؟

:(

nanonano said...

فريج سعود :

والله أنك يبتها ييب

nanonano said...

عثماني :

على هالعقليه ما راح نتسنع

بومريوم said...

معلش بس

شلون احط لجنة لتقييم و ضع الاقتصاد و فيها مدير البنك الوطنى؟
فى تعارض مصالح كبير
انتى تعرفين شنو ملكية دبدوب باسهم الوطنى مثلا؟

و اكبر دليل انة لما طلع خبر الخليج
سوى تصريح بالتلفزيون
قال اقدر الخسائر ما بين 150 الى 20 مليون عشان يضرب المنافس
و زاد اعلاناته بالصحف

انا اعتقد ان اي لجنة تنحط بما فيها كويتي او غير كويتي لازم يكون فيها ناس يتسمون بالحياد و ما يكون عندهم بوزشن بالسوق عشان مثل ما تقولون بالاستثمار الابتعاد عن
conflict of interest

بومريوم said...

conflict of interest
هذى متعلمها من بو بلال اليوم

nanonano said...

بومريوم :

عزيزي
أبراهيم القاضي ماكو تضارب مصالح؟
مها الغنيم ماكو تضارب مصالح؟
مجيد الشطي ماكو تضارب مصالح؟

KrakatoA said...

انا سامع والعهد على الراوي

ان الجنسيه الكويتيه ماتنعطى الا لمسلم

يديده هاذي

من امتى وحنا نحدد ديانه اللي بنعطيه جنسيه...!!!

عاجــل said...

لا تفتشلين
ولا غيرك


هذا الرجل من الافضل له يكون بعيد عن حكومة التردد
ولا كان راح يلقى نفسه بيوم واحد هو المسؤول عن طيحة السوق
شكري الله لبوشكري
انه ظل بعيد

Mishari said...

بو شكري خذا الجواز القطري وناطر حسب اللى اعرفه ان تنتهي هالسنة ويكون مستشار أمير قطر المالي\

عرفتي الفرق ؟ بين الناس اللى تبي تمني والناس اللى تنحش؟

مرات النظم الديكتاتورية وايد انفع من الغوغائية

7amee elDyar said...

شلون يكون عندك اقتصاد

وانت السياسة مالتك مظروبه

nanonano said...

KrakatoA :

مو سامع و العهده على الراوي...صج

المشكله ماني ذاكره بأي سنه طلّعوا هالقانون..بس أنا متأكده أن عقب الغزو

nanonano said...

عاجــل :

والله صـــــــاج

مع جذي بشر
أفتك

nanonano said...

Mishari :

المشكله أنهم مسمينها هني ديمقراطيه

nanonano said...

7amee elDyar:

بذمتك شنو مو مضروب بهالبلد؟

:(((

 
template by Purplecious