Tuesday, October 14, 2008

العوايه

اليوم دار بيني و بين صديق حوار..تنقصته لكم
.
الصديق داق علي متعسّر من السوق
.
و أنا اليوم خلئه متعسره
.
i woke up on the wrong side of the bed
.
المهم..هذا نص الحوار
.
الصديق : ما تقولين لي ليش
.
سوقنا عوي؟؟!!؟
.
أسواق و مؤشرات العالم كلها خضره
.
و أحنا الوحيدين اللي مؤشرنا أحمر
.
أنا : بما أن غالبية العاملين في قطاع
.
الأستثمار رجال
.
و بما أن غالبية مدراء المحافظ رجال
.
و هم
.
بما أن غالبية متخذين القرار من جنس الرجال
.
و سمة الرجل الكويتي العوايه
.
شي طبيعي يكون سوقك عوي
.
.
الريّال أعتقد لي الحين طايره بوهته بتحليلي

31 comments:

nanonano said...

زملائي المدونين
لا تزفوني
لأن كيـــفي
أنا مقتنعه بعواية الرجل الكويتي

Fahad Al Askr said...

مو بس السوق اللي عوي بالكويت، الديرة كلها عوية

Mok said...

الاجل السبب

Bo Jaij said...

تاريخيا العوية هى من أهم خصال الرجل الكويتى

لولا العوية لما تميز الرجل الكويتى عن أقرانه العرب و الخليجيين

هدف جاسم يعقوب على رعد حمودى بدورة الخليج الرابعة كانت من فاول...تسديدة عوية دشت التسعين

أعوجاج عقال حسين عبد الرضا و هو راجع من البصرة بليلة زفاف أمه على بو صالح...بدون الأعوجاج ما كان راح يضبط المشهد

أعوجاج تفكير المسؤولين الحكوميين و النواب....أمثلة بسيطة....توزيع معكرونه كحل لأزمة غلاء الأسعار....و مقترح ناصر الدويلة بضم البنوك الكويتية للبنوك السعودية كحل للمشكلة الإقتصادية الحالية...

معلش العوية ميزة ...بس منو يقدرها

غير إللى حاس بعويته و مستانس عليها

abu eldestor said...

تحليل واقعي
:)

Enter-Q8 said...

انزين واحد نفس حالتي
ماله شغل بالسوق
هل يعتبر عوي
لكن معاك ان الديرة كلها عوية

nanonano said...

fahad al askr :

الظاهر ماكو الا نمشي على كتر..عشان تمشي آمورنا

nanonano said...

mok:

أزمة الرهن العقاري بعد سببه الآجل

nanonano said...

bo jaij :

إذا أنت عوي فأنا أقدرك
لا تحاتي
;)

nanonano said...

abu eldestor :

شكرا..شكرا

تهقى منو أقوى تحليلي أنا و لا ناصر الدويله؟؟!!؟

أبي رايك بصراحه و بدون محامله

nanonano said...

enter-q8:

هو أكيد بما أنك تحمل الجنسيه الكويتيه فجينات العويه فيك... فيك

EXzombie said...

انزين و الي يمشي و اهو متسند على الطوفة هم عوي؟

انا اعتقد انه سبب احمرار مؤشر بورصتنا لأنه زادت اسعار مطعم الصين السريع

و لا الهاكا نودلز 3 دنانير شكو، و الكندو ب2 و نص ليش، و مو حرام قوطي البيبسي ينباع بربع دينار

Diver said...

كلا ظالمتنا
كلا ظالمتنا


الله يعن اول واحد يشوفج اذا قايمه متعسره

nanonano said...

EXzombie:

يعتمد ليش يمشي متسنّد على الطوفه

nanonano said...

Diver:

هاهاهاها

لأ.. لا تخاف ما أعض

nEo said...

عوي عوي

اشوه ان الموضوع راد على عوية الرياييل

لو سوقنا كله حريم

جان فيلا مودا سعرها عشر دنانير

:P

Ra-1 said...

Hehhe :)

Fashionista said...

تحليلج منطقي

عمى بعينهم من عمر و اهم ما يعرفون السنع لا أهم و لا سوقهم

nanonano said...

nEo :

و حياتك جان صار 20 على اللوحه

;)

nanonano said...

Ra-1:

:-)

اهلا و سهلا

nanonano said...

Fashionista:

لا حرام مو عمى بعينهم..اسم الله عليهم..لو الله يفكهم من عوايتهم جان صارو درر

kuwaitawy said...

هههههههههههه


انا مالي شغل بالسوق


انا ابي انتي مقتنعه بعواية الرجل


خخخخخخ

bo 7ami said...

حرام عليج ;p
ظلمتي بختج احنا عوايا؟؟؟ :P

nanonano said...

kuwaitawy :

عاد بهالموضوع بالذات ما تقدر تغير رايي

تحياتي

;)

nanonano said...

bo 7ami :

عاد تصدق
ظليمتكم شينه
راح أخاف من الحوبه

mtfa2el said...

انا اشهد
و اكبر دليل انا قاط كل ما وراي و دوني بالبورصة اخرتها دشيت بالطوفة
صج لي قالوا صغار المستثمرين

nanonano said...

mtfa2el :

بهالموضوع بالذات كلنا بهالوا سوا

As YoU LiKE said...

كل ماصار شي بالديرة
صرنا احنا السبب
مو خلف كل رجل عظيم امرأة عظيمة

حتى وان أنعكس المثل .. فأنتم يامعشر النساء .. السبب :)

ana_sokkarah said...

مرحبا
تسلمين على هالبلوق الروعة وماشاءالله عليج كلامج كله روعه بروعه

اما عواية الرجل فصح كلامج الرياييل عويان متفقين على هالشي ..بس حراااام


يسلمو يالغالية على هالموضوع الحلو

عساااج دوووم عالقوة يارب

nanonano said...

As YoU LiKE :

هذا أول
خلف كل رجل عظيم أمرأه

الحين
أكو رجل عظيم أصلا؟؟!!؟

;)

nanonano said...

ana_sokkarah:

أهلا و سهلا فيج

ترا مدونتي ما فيها شي زايد
كلّه من هالطايح و أنت رايح
تغيير جو ليس الا

حيّاج

 
template by Purplecious