Sunday, November 02, 2008

فوائد الأزمه الأقتصاديه

بديت ألاحظ أن الأزمه الأقتصاديه
.
اللي قاعدين نمر فيها لها بعض الحسنات
.
.
زيادة الألتزام بالعمل: فرق علي و أنا
.
رايحه الدوام الصبح..الظاهر الشباب اللي
.
كانو ماخذين راحتهم بعدم الألتزام بساعات
.
العمل..لأن عندهم مصدر دخل ثاني..حسّوا أن
.
الحديده حاميه..و قامو يحرصون على
.
الحضور بالوقت
.
.
زيادة الأرتباط الأسري: الآباء و الأمهات
.
اللي كانو طيري و أطير..و مهيتين اليهال..نظرا
.
لأنكماش السيوله..أصبحوا يفضلون..قضاء الوقت
.
مع العيله..لأن على الأقل أونس من سوالف الدواوين
.
اللي تضيق الخلق..و تألّب المواجع
.
.
زيادة الأهتمام بالشأن العام: أول الكل كان لاهي
.
مع السوق..و الشأن العام ما كان له أولويه..الحين
.
عقب القرصه..أكتشفوا سوء الوضع اللي أحنا فيه
.
و خاصة مع عجز الحكومه عن أدارة الأزمه
.
الأقتصاديه..و تخبطها..صار الوضع مثل..أصحى
.
يا نايم
.
.
وبـــــــــس

21 comments:

Enter-Q8 said...

نسيت الاهم
ان طلعت لنا فقع البعض صار محلل اقتصادي اكثر من ناصر الدويله
الصراحة انا لو لاحظتي ما تطرقت بمواضيعي للأزمة الاقتصادية
و ذلك لأن في ناس اهل خبرة و على مقدرة
لكن اللي ضحكني وايد من المدونيين صاروا تجار بورصة و خبرة و معرفة

المهم هالازمة اللي تقولين عنها
تعالي شوفي الافنيوز
يوم الجمعة

Fahad Al Askr said...

تصدقين حتى المطاعم والقهاوي تصفر

Eng_Q8 said...

الحمدلله هذا وضعي ما تغير بلا سوق بلا عوار راس :p

abu eldestor said...

مصائب قوم عند قوم فوائد

beezo said...

ماعورج راسج من السوق ؟؟
والله الناس داخت

Beram ElMasry said...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

q8mirror said...

صار الدينار له قيمته عند الانسان الكويتي
والوظيفة صارت تعني لهم الشي الكثير

ربما لأنها مصدر الدخل الوحيد المضمون هذه الأيام ع الأقـــل!!!!

الله يستر من الياي

Diver said...

الله يسامحج
احسن شي كان انه الناس لاهيه الحين الكل يتحلطم و صاير جرن سبان و عنده اخبار و تحليلات
ان شاء الله يرد السوق و يلتهون و نفتك منهم مرة ثانية

nanonano said...

Enter-Q8 :

شفت الناس بالأفنيوز يوم الجمعه..بس لو ملاحظ محد شايل كيس..أحسن بيزنس الحين المطاعم

nanonano said...

Fahad Al Askr :

صح..بس ما شاء الله بالويكند مالك كغز أبره..و خاصة بالقهاوي اللي
بال
open air

هذا وقته

nanonano said...

Eng_Q8 :

اسم الله عليك أنت ليش تقارن روحك فيهم؟

nanonano said...

abu eldestor :

تبي الصج عاد..مصائب الرياييل عند الحريم فوائد

nanonano said...

beezo :

بس راسي؟؟!!؟

لاعت جبدي من الأصابات

nanonano said...

q8mirror :

أظن أن كنا لازم موصل هالمرحله عشان نتعظ..و نخش لنا بيزتين حق الأيام

nanonano said...

Diver :

خلهم يتحجون مساكين...نصير أخنا و الزمن عليهم

3ajeeeb said...

ربى ضارتة نافعة

بس ما أظن ينفع أكثر من الغزو الكل كان يد وحده و بعدها محد يدري عن الثاني و القيم و المبادئ إنقلبت فوق تحت

احمد سالم said...

إتصدقين أول مره أحس إن الناس سواسيه
الكل خسران

nanonano said...

3ajeeeb:

و أنت صاج أذا شي مثل الغزو ما فاد

شنو بيفيدنا الحين

nanonano said...

احمد سالم:

حشر مع الناس عيد و حياتك

ManalQ8 said...

مصائب قوم عند قوم فوائد

nanonano said...

manalq8 :

والله لي الحين الزوجات أهمه اللي مستقيدين
رياييلهم قامو يهتمون فيهم أكثر

و هم أرد و أقول هذا اللي أنا ملاحظته
مو بالضروره صحيح

 
template by Purplecious