Monday, November 24, 2008

التجاهل

من العادات اللي أكتسبتها من زوجي
.
عادة التجاهل..أنا أول و نتيجه لتربيتنا
.
و أعتقد أن كلنا مرينا بهالمرحله و أحنا صغار
.
كنا لما أحد يغلط علينا أو يطقنا بالروضه
.
كان الرد من الأهل عادة وحده من شايتين
.
يا اللي.. يطقّك.. طقّه
.
أو اللي يطقّك..قول له الله يسامحك
.
و أمش عنه..و أحنا تربيتنا كانت من
.
المدرسه الثانيه..ومع الوقت.. وعقب ما كبرت
.
صار موضوع الله يسامحك..يتعبني..و أقعد
.
آكل في روحي..مع الوقت..زوجي بدا يفطني
.
الأنسان اللي يزعجك..و يتعمد أيذائك..أنتي مو
.
محتاجه له..فتجاهلي وجوده..لأن هالنوعيه من
.
الناس ما راح يضيفون لج شي..بل بالعكس..راح
.
يحاولون يقللون من اي شي تسوينه
.
و بالنهايه محّد راح يتعب الاّ أنتي
.
و فعلا..لما بديت أتبع هالأسلوب..و ألغي
.
من حياتي هالناس ارتحت..و أهمه اللي بدوا
.
يتضايقون من هالأسلوب..و أنا اللي أفتكيت منهم

58 comments:

أبو لطيف said...

عين العقل

جزاك الله خير

Gee™ said...

good 4u :)

Mok said...

انا من طبعي التجاهل لاغلب الامور

بس ان رديت :)اتق الحليم

الدســتور said...

ماينفع معاي
:)

اخليه يروح الشارع الثاني اذا شافني

Zaydoun said...

عين العقل فعلاً... وصار لي فوق السنة أتجاهل شخص انتي تعرفينه زين لنفس الأسباب الذي ذكرها زوجك العزيز... ماني محتاج له في حياتي وفعلاً مرتاح من لغوته

لكن المشكلة اني كل ما أتجاهله يتمادى علي أكثر

شنو الحل؟؟

nikon 8 said...

عين العقل ومقيولة من الأول الحكران يقطع المصران

Anonymous said...

كلام زوجك عين العقل
ولكن إذا كان اللي يبط جبدج هو ابوج او امج او إختج او يمكن يكون زوجك


ساعاتها شنهو الحل


تتجاهلينة؟؟


انا عندي خوش حل

ممكن التجاهل يكون نسبي
مع شوية الله يسامحك
وما يمنع نعود نفسنا إن نلهى بأمور نحبها او نبحث لنكتشف إحنا شنو نحب

وبالتالي إنتي مسكتي العاصاة من النص

ورقصتي اللي غاثج على وحدة ونص

KQ8 said...

برافو

لحية تحشمها ولحية تحشم نفسك عنها

شلج بعوار الراس

عثماني said...

عدل شغلج

:)

kazmawy said...

انا مع التجاهل اذا كان ينفع وكل واحد يروح بطريجه
لكن اذا كان الشخص بويهك ومجابلك وكل مرة يغلط نفس الغلط
لا والله ارد له الصاع صاعين :)

Diver said...

مقيولة و صحيحة 100% الحقران يقطع المصران

enter-q8 said...

المشكله اللي يعرف غير اللي يعرف
لما تعرفين نوايا هالانسان و مواقفه البعض ينصحك بالتجاهل
لكن في نوعية لازم تطقينها على راسها
علشان تنكشف لما تقعد تصارخ
التجاهل انا اعتبره امر سلبي احيانا
بل كثيراً

honey said...

اللي إعرفوني إقولون إنتي غريبة إشلون إتقررين تلغين ناس من حياتج و جنهم ما نخلقوا

أنا عندي اللي يزعجني ما ازعج نفسي بأن أردله الإزعاج و لا أطوف و اتحمل إذا الموضوع فوق التحمل

ألغي الشخص و كلهم 80 صيفية إن طالوا و الحياة تمضي سعيدة

Hamad Alderbas said...

انا بعد ماشي بنفس السياسة خصوصا مع المتعصبين لآرائهم في الدواوين حتى لو كانوا على خطأ

Fankooshy said...

ماني شايف فرق كبير بين التجاهل او السماح
بس عموما اهم شي الراحة حتى لو ترمينهم بس نامي مرتاحة
وسمعي كلام ريلج واذا ضايقج طنشيه لول
بالتوفيق :)

chatterbox said...

في ناس ماتقدرين تتجاهلينهم
وفي ناس مستعدين ويدرون انج راح تتجاهلينهم وبالهم طويل
وفي ناس المفروض تتجاهلينهم بس لانج تعزينهم فراح تسامحينهم
في كل الحالات المفروض تسوين اللي يريحج انتي وما يخلي ضميرج يأنبج

Bloggerista said...

i've deleted so many people from my life ma bog illa 6 taqreeban, 2 of them i'm considering deleting too :P

vancouver said...

مقيووووووووووله

الحقران يقطع المصران

واحلى شيء لما يوصلين فعلا حق هالاشخاص
انكم مو موجودين بحياتي
Any more !!


وناااااااااااااسه

Snow White said...

أنا سابقاً كنت أتأثر بسرعه لأن حساسه وايد وهذا أعتبره عيب فيني ولكن بعد ما تخرجت من الجامعة واشتغلت وواجهت نوعيات مختلفة من الناس ومواقف كثيره بعضها زين وبعضها شين وفي ناس كنت أقدرهم وأحترمهم ومع هذا أشوف معامله سيئة منهم!! فقمت أطنشهم وما أهتم خاصه العنصر النسائي مع أني بنت!

بس مع الأسف التعامل مع بعض النساء صعب خاصه في مجال العمل لأن يطالعونج على كل شي واخذي حش وتقرض وتعليقات مالها معنى..وأنا البيئة اللي يايه منها ما تعودت جذي فما أقدر أتأقلم مع هالنوعيه من الناس لهذا دائماً أضع حدود وأطنش

kuwaitawy said...

زين تسوين


الغي وجودهم

Miznah said...

was this post inspired by something that happened in a recent dinner party?
heard about it.. and BRAVO my friend for being as classy as can be..

JiBLa CiTY said...

طنش تعش تنتعش

كويــتي لايــعه كبــده said...

سنع السنعين ما شاء الله

أنا أحب أنوع
شيء اتجاهله
شيء ادوس ببطمه
شيء اجادله
شيء آخذه على قد عقله

حسب الموقف والنتيجه المرجوه

ما ابني قناعاتي بسرعه
ولما ابنيها ما اتنازل عنها لو تطبق السما على الارض...
الا اذا اكتشفت انها غلط


لو بس اتجاهل يمكن اريح
:)

شقران said...

العزيزة نانو نانو
صبحك الله بالخير

التجاهل من أساسيات الحياة عندي
فهي علاج ناجع لكل ماهو دون المستوى من الناس


نسأل الله الهداية للجميع


مع وافد الأماني الطيبة

الزين said...

كلامه صح وعين العقل

وشوفي شكثر انتي ارتحتي من بعد ما اخذتي نصيحته


الحقران يقطع المصران

ويخلي الناس الموذية ياكلون بلحمهم

وينابحون لين يتعبون


عاد انتي شلج فيهم

خليهم لين يخيب ثناهم

:)

nanonano said...

ابو لطيف :

مريح الشعور

nanonano said...

Ghadoor:

thank u dear :))

nanonano said...

Mok :

بس هم مو زين أنك تتجاهل أغلب الأمور

أنا أتجاهل اللي يضايقني
بس

nanonano said...

abu eldestor :

هاهاهاها

ما هقيتك جذي

توقعتك رايئ

nanonano said...

Zaydoun :

أنت قصّتك قصّه

هاهاهاهاها

بس بوالزيد ذاك اليوم لعبتوا بحسبته

nanonano said...

nikon 8:

أنك تشيل هالأنسان من قائمتك مريح حقك..مو مهم أهوه

nanonano said...

حسافتج يا كويت :

أبوي و أمي و خواتي و زوجي يحبوني ما يبون يغثوني

و بعدين اللي أحبهم أقول لهم ترا هالكلمه ما يازت لي لأني أدري أن مو قصدهم

nanonano said...

KQ8 :

بالضبط لحيه تحشم نفسك عنها

nanonano said...

عثماني :

أنت اللي كلك عدل

:)))

nanonano said...

kazmawy :

اذا مجابلك؟؟ لأ هذا شي ثاني

nanonano said...

Diver:

والله عاد قطّع و لا ما قطّع مو مهم

nanonano said...

Enter-Q8:

التجاهل حق ناس مو مهمين..بس اذا فيها مواجهه..أعتقد أنك عارفني زين

nanonano said...

shahad:

صح يبيلج تكونين وايد قويه و مرتاحه مع نفسج عشان تقدرين تلغين ناس من حياتج

Anonymous said...

نانو


زوجك يحبك أكيد بس معقوله ما غثج؟؟

ابوج يموت عليج بس اكيد ضايقج


الموضوع يا محفوظه السلامة قد يضريح أحد عن غير قصد وهو يكن لك كل الحب
وإن كلمتية وفهمتية

في هذي الحالة ينطبق المثل اللي يقول

مالك إلا خشمك لوكان عمي

nanonano said...

حـمد ;

الحمدالله ما عندي دواوين
جان مت

nanonano said...

Fankooshy:

تصدق عاد زوجي الوحيد اللي عمره ما عطى نفسه الحق أنه يوجهني

nanonano said...

chatterbox:

لا تحاتيني..أنا بالذات ما اسوي الا اللي يريحني

nanonano said...

Fashionista :

عاد تصدقين أني ما أبتدي ال
delete
الاّ عقب 100 فرصه أذا الأنسان مهم بالنسبه لي

nanonano said...

vancouver :

ANNNNNNNYYYY MORE

exactly

;)

nanonano said...

Snow White :

الشغل مع الحريم عقّدني

nanonano said...

kuwaitawy :

أبو الألغاء و حياتك

nanonano said...

Miznah:

hahahahaha

NO COMMENT

;)

nanonano said...

كويــتي لايــعه كبــده :

خل أقول لك شي..يعتمد على أهمية الأنسان لي

بس لا أكره..لأني اصير وايد شريره

nanonano said...

شـقـــــران:

صبّحك الله بالنور

بالضبط..في ناس الواحد لازم ما ينزل لمستواهم

nanonano said...

الزين:

خليتهم..و أنا اللي أفتكيت

أهمه مو مهم

nanonano said...

حسافتج يا كويت:

لأ...اللي أحبهم..غيــــــر..معاملتهم غير كلش..ترا أنا وايد حليوه..بس مع اللي يأذوني

nanonano said...

JiBLa CiTY:

sorrrrrryyyyy


ما قصدت أعبرك

طنش
تعش
تنتعش

ويــــــه رديتني 20 سنه ورا

Zaydoun said...

nano

هذا أقل من جزاه

Technogal said...

"Two thumbs up" EEEE Wallah Eshlich bel2theia! A7san shay el wa7eed yetjahal halnaw3ia men elnaas. :)

Anonymous said...

واللة لوما إنج حليوة جان ماشفتيني انا وكل الزملاء المدونين نكتب ونعلق عندج

nanonano said...

Zaydoun :

أنت أدرى فيه.. و تعرف له زين

nanonano said...

Technogal :

thank u dear ;)))

nanonano said...

حسافتج يا كويت:

يا بختي والله..أنا اللي أتشرف

 
template by Purplecious