Tuesday, November 11, 2008

أشفيكم؟؟

سعر النفط وصل اليوم ٥٥ دولار
.
أزمه أقتصاديه عالميه و محليه
.
وضع مبهم مع الجار في حال سحب أوباما لقواته
.
الخدمات الصحيه في أنحدار
.
و..و..و
.
والشي الوحيد اللي طلع فيه مجلس الأمه بجلسة اليوم
.
أقرار قانون الفحص قبل الزواج
.
مشكورين و ما قصرتوا..نوابنا الأعزاء
.
بس ترا كلش ماله داعي ترفع الجلسه
.
على صورة خمور
.
من صجكم؟؟؟!!!؟
.
أنا بافهم هالأستشراف اللي نزل عليكم من وين؟
.
أنا بافهم منو بتقصون عليه؟ 
.
في أحد ما يدري أن في خمور بالبلد؟
.
تعالوا خل أقول لكم..ترا المرتشي..الفاسد
.
أسوأ و أخطر على البلد
.
ليش صار عندكم خلط لها الدرجه؟
.
أشفيكم؟
.
أبي أعرف شنو أولوياتكم؟
.


42 comments:

Zaydoun said...

وخير انشالله اذا سحب اوباما القوت من العراق؟؟ القوات اللي بالكويت ما راح يتحركون وهذا هو الأهم لنا

صورة الخمور... النواب بيضيعون الصقلة كعادتهم، وعشان يراوون ناخبينهم انهم يخافون الله... زق اللي يزقهم

حـمد said...

الحكومة ادانت نفسها بالصور لان هذه الخمور اساسا قاعدة تدخل من الحدود اللي اهي من مسؤولية الحكومة - لا اذا كانت الحكومة عبالها ان الخمر ينزل من السما فهذا التفكير مو بعيد عن الحكومة :)

why me said...

يعني ترا احنا وايد انخاف الله صوره

والفساد مو خوف من الله؟
والتعليم مو خوف من الله؟
والنهب بالجامعات الخاصه مو خوف من الله؟




ياربي ليش كله تفكيرهم بالخمر وسالف عبيطه

why me said...

سالف = سوالف

hehehe

nanonano said...

zaydoun :

خيرين بعد..و ماشي اللي عندنا ما راح يقل عددهم..بس
تعتقد عندنا القدره على أتخاذ أي قرار في حال تزعزع الوضع عندهم؟

الشباب لاهين أذا ماخذين الصوره بديوانيه و لا مخيم..لها الدرجه من سطحية الطرح وصلنا؟ واللي يحر أن بنفس الوقت قاعده تصير تغيرات جذريه بالعالم

الشرهه على اللي مطاوعهم..و كل ساعه رافع الجلسه

nanonano said...

حـمد:

بالضبط معناته في أختراقات كبيره في منافذ الدوله..بس يمكن الحكومه على بالها أن الخمور تمت زراعتها في مزارع الوفره

nanonano said...

why me :

لكل داء دواء..الّآ الحماقة آعيت من داواها

حسافتج يا كويت said...

يعني يا مسلم البراك إذا الكويتيين ما يشربون الخمر بالدواوين والشاليهات والمخيمات وين بيشربونها باللة؟؟


وبعدين انت عرضت صور خمور ونساء ليل (حلوة نساء الليل(
وعرضت بلاوي في إستجوابك لعلي الجراح


وخربت وفضحت بيوت اللي راحوا يخنبقون بالصين

وياي الحين تتكلم عن خمور بالدواوين

بعض الدواوين يصير فيها بلاوي وبعض الدواوين قالبينها مسايد

الشعب حر

والحين خلااااااااااص يعني الكويت صارت تهبل ماعندها مشكلة إلى الدواوين وفحص قبل الزواج؟؟


بس الشرها مو عليك
الشرها علينا إحنا اللي وصلناك ووصلنا امثالك للمجلس



الكويت تفاقق بتموت وانتوا تتكلمون عن توافه الامور

Bo Jaij said...

الشباب من إسمعوا إن مجلس الأمة حاطين صور ديوانيات فيها خمر....إركضوا من الدوامات و راحوا يتشيكون على (مخزونهم الإستراتيجى)...

الشعب مو مترقع لا من بورصة و لا من رياضة و سارة بيلن ما فازت و ماكو ديريفيتفز و مو ناقص هم تهديد لمشروباته المفضلة


معلش رحموا هالشعب المسكين شوى

Q said...
This comment has been removed by the author.
Q said...

أحسن تفسير قريته للي قاعد يصير قرأته بالمقال -

http://mu3aratha.blogspot.com/2008/09/blog-post_06.html

ZooZ "3grbgr" said...

لا تهقين بيحسون
كل يغنى على سبيجته

كلها خمس دولارات وكل المجلس يصير خبراء اقتصاديين وبتروليين ويناقشونلج الموازنات العامة والخاصة ويطالبون باقوى قانون ممكن يطلعون فيه واللي اهو توزيع عشره لتر بنزين يوميا على كل من طاف التعش سنه طبعاً مع تزويجه لبنت عمه المتحجبه وفحصهم قبل الزواج

shahad said...

يعني يبون نعطيهم شهادة تفوق على ديانكم

انزين صدقنا انكم دينين و اللي بعده ؟ شنو امور ثانية راح تبحثون فيها

والله ما تنلام لولدم تبي تسكر

Enter-Q8 said...

يمكن البطل عليه صورة
او انه يغري اللي قطع مشروب
الجلسه رفعت للنجره اللي بغت تصير
حشى تذكرني هالجلسات بايام الفنطاس الفجر
لما كانوا يشاحون عزكم الله بالكلاب
و خالد الملا اهو اللي يحكم

يا ويلي منفيصل المسلم اللحين لو يعرف اني مشبه المجلس جذي

abu eldestor said...

عفوا
تم وضع الصورة بأنه هذا مايحصل داخل الدواوين
وهذا استفزاز واضح للشعب الكويتي

النواب لايتحملون الخطيئة انما من عرض الصورة

وأفهم يا فهيم
:)

nanonano said...

حسافتج يا كويت:

أموت و أعرف

مسلم متى بيبطل من هالغوغائيه اللي أهوه فيها؟؟

بس عاد مصخت

هالحركات على منو؟

nanonano said...

Bo Jaij :

هاهاهاها

بذمتك تلومهم لما يروحون يشيكون؟

خو بعد ماله سالفه

فقر و قلدمه

و بعدين بعرف الحين يا مسلم شنو اللي جرح شعورك بالصوره..و خلاك تنابح..جنّه القيامه قامت

nanonano said...

Q :

أهلا و سهلا

و شكرا على اللنك

nanonano said...

ZooZ "3grbgr":

قانون الزواج..أهوه قانون وايد حضاري

بس مشكلتنا بهالشعب الغير حضاري..شلون بيتفاهمون معاهم و شلون بيجبرونهم على الألتزام فيه

هاهاهاها

عشان بعدين الواحد يدور له نائب عشان يقدر يمشي له معامله الموافقه على الزواج

nanonano said...

shahad :

يبـــــون ينسون

و هم مشاغبينهم

nanonano said...

abu eldestor :

لأ أبو الدستور

غوغائيتهم صارت مزعجه

Diver said...

ما اقول الا

اسمعت لو ناديت حيا و لكن لا حياة لمن تنادي

nanonano said...

Enter-Q8 :

آسفه

المهم

الجلسات اللي قاعد تقول عنها ما أعرف عنها شي..بس متأكده أن تشبيهك صحيح

nanonano said...

Diver :

الله يخليك شوف القبس صفحه 18 عشان تعرف شلون لا حياة لمن تنادي

Mok said...

تكتل الشعبي بالنسبةلي حسب تحليلي انضم الى نواب الذين يسعون للتعطيل الحياة البرلمانية لكن الفارق
بينهم
تكتل الشعبي لا ادري لماذا يهدف الى ذلك

اما الاخرين هم معروفين

اتمنى يكون مجرد ظن


لا تراضيني
:(

Alia said...

أولوياتهم

حجاب الوزيرتين
منع الاختلاط
الشيشة
محلات الملابس الداخلية
والكثير من توافه الأمور

chatterbox said...

مجلس الامة اصلا مسرحية فكاهية
طالعي وضحكي
والي يبي حقوقه في هالديرة ويبي يصلح فيها خل يدورله ناس غير هالاعضاء الشخابيط

مجلس الامة موجود حق الواسطات وتدخل الاعضاء في السفر بالخارج والتوظيف وغيرها
والاعضاء بدال لا يشكون خيط بأبرة ويخيطون قاعدين يشكون الابرة فينا

ملاحـظـة said...

جلسة
Pathetic

ويقولون ليش محبطين

7amee elDyar said...

الاستاذة ..

قريت لك كومنت عن كلام جمعان الحربش ياب لج الغثا


شنو قال الحربش بالضبط

kuwaitawy said...

اولويات!!؟؟



سامع هالكلمة من قبل بس مادري من وين

ههههه

nanonano said...

Mok :

والله ما يندرى منو مع شنو..ضاعت الحسبه

nanonano said...

Alia :

الغريب في أجماع على تفاهتهم..و أهمه مو حاسين بتفاهتهم

nanonano said...

chatterbox :

أنا كنت اشوفها كوميدي..بس الحين صارت مسرحيه سمجه

nanonano said...

ملاحـظـة :

للأسف وضعنا صار مزري

nanonano said...

7amee elDyar :

هممممم

سؤال جيد

على بالك باذكر؟! السن له أحكام عزيزي..اللي أذكره أن كان في ندوة حاطينها في قناة الوطن في كلية الشريعه أول أمس

nanonano said...

kuwaitawy :

كان فعل ماضي ما أتسيبه في حاله

Q8iya said...

اذا تبين يرتفع ضغطك و راسك اعورك تابعي البورصه و شوفي مجلس الامه

nanonano said...

q8iya :

و هذا اللي قاعد يصير فيني بالضبط

أشتغل في قطاع الأستثمار و عندي أهتمام بالشأن العام

الخلطه ممتازه

جلطه

KrakatoA said...

يبا انتي للحين مقتنعه ان هالميلس ولا غيره وراه رجى

يبا هذا القانون هة اقصى مايقدر عليه اعضاءنا الكرام

هذا حدنا حنا مشروب حجب يوتوب دوانية نشيلها ما انشيلها
بيت فيه خمر بيت مافيه

ستار اكادمي بس هذا هباب مجلسنا الحين واللي ياي واللي وراه

فهموها بقى

ولاّدة said...

سشأخباركم مع مسرحية
عزّل السوق

nanonano said...

KrakatoA :

والله فهمناها و استوعبناها

ما تشوفني اقول لك

كيفهم
ديرتهم
و عليهم بالعافيه
بس مليت

nanonano said...

ولاده:

ماكو الا العافيه

قاعدين خلصنا من مسرحية عزل السوق
الحين قاعدين نطالع
محكمة الفريج

 
template by Purplecious