Friday, November 21, 2008

أنا متفائله

اللي لاحظته الفتره اللي فاتت
.
و اليوم استوعبته..أن صار في 
.
وعي ملحوظ في الشأن العام 
.
بالكويت..اللي قاعده أشوفه و أسمعه
.
ناس كان آخر همهم الوضع السياسي 
.
و أهمية الدستور و مجلس الأمه
.
و كانت ردّة فعلهم غالبا لما يصير
.
نقاش عن الوضع السياسي..ويه من صجكم
.
و لا من له خلق..و لا فراغه..و لا ببساطه مو مهم
.
تغيّر هالتوجه الحين..قمت أسمعهم
.
و الصج أستمتع بالنقاش معاهم..بغض 
.
النظر شنو موقفهم من المجلس أو الحل سواء 
.
كان دستوري أو غير دستوري..بس صار
.
في أهتمام بوضع البلد
.
و الظاهر مثل ما كتب 
.
المدوّن العزيز بوجيج في مدونته
.
بتاريخ ٨-١٠-٢٠٠٨ سقوط البورصه
.
نعمه طال أنتظارها
.
فقدان جيل كامل من الشياب و الشباب
.
اللي تركوا أغلب مسئولياتهم الوطنيه و تفاعلهم
.
مع قضايا بلدهم من أجل اللعب بكازينو البورصه
.
كلامه صحيح و الظاهر هذا اللي قاعد
.
يصير..لما حسّوا أن السكين و صلت العظم
.
حسّوا بخطورة الوضع..و بدوا يتفاعلون
.
و هذا سبب كافي بالنسبه لي
.
يدعوني للتفاؤل
آه..وشي زياده مني
.
أهداء لكل المنادين 
.
بالحل الغير دستوري
.
أغنية عبد المجيد عبدالله
.
تحلمـــــون

39 comments:

دروازة said...

رب ضارة نافعة

ساعات الانسان ما يصحى من الخمول اللي يعيشه الا لما ينقرص

أنا دائما متفائل :)

على الرغم من عدم وجود أي عنصر يدعو للتفاؤل !

shahad said...

اييييي لأن لما البنت راحت لبوها و قال ماكو سفرة هالصيف راحت الفلوس من الأزمة

راحت البنت و شافت شنو سالفة هالأزمة خل أصلحها و أحن اصلحونها عشان أروح لندن هالصيف
;p

KQ8 said...

خلي تقعد البورصه خضرا

ينسوووون السياسه

Mok said...

ماراح يكون حل غير دستوري

حسافتج يا كويت said...

وعسى أن تكرهوا شيئ وهو خير لكم



أما الغنية.. يو برنجت برووت

يبتيها ييييب

وخل يحلمون الحلم ابلاش

abu eldestor said...

اشك في ذلك

لأن الشـــــــق عود

ركزي على كلمات الخطيب
و بتعرفين قصدي

nanonano said...

دروازة:

صح رب ضارة نافعه

ما شاء الله لا تنظل روحك على التفائل ترا هالنفسيه بوقتنا الحالي مع تزايد الضغوط من كل صوب ممكن ينظلونك عليها

أنا حسيت و شفت شي خلاني أتفائل
;)

nanonano said...

shahad :

صح..و الزوجه اللي قالت زوجها أبي سياره يديده

الشاب اللي ضاعت تحويشة عمره بالسوق

و الشايب اللي اكتشف أن كان حاط فلوسه في بنوك ما تسوى

nanonano said...

KQ8 :

لو تظل خضرا سنه كامله ما راح ينفع
الطراق هالمره قوي..الناس تعوّرا مضبوط

مش حينفع
tooooo late

nanonano said...

Mok :

أن شاء الله ما يكون أكو حل أصلا

nanonano said...

حسافتج يا كويت:

أنا اعتقد أن الكويتيين ردود أفعالهم غير متوقعه
يحبون يفاجئون

فبديت أحس أن اللامبالاة مالتهم بدت تخف و بالنسبه هذا سبب كافي

حق اللي يبون الحل الغير دستوري لازم ينعطا لهم المقطع الأخير من نصيحتك الثالثه

nanonano said...

abu eldestor:

الشق مو بس عود..أختفت ملامح الشق من كبره

و قريت بيان الدكتور

كل شي بأيدنا يا بو الدستور

Fankooshy said...

بالفعل لو تفائلنا شوي ممكن نحلل الوضع الحالي على انه فرصه تاريخيه لنفض البلد
ومراجعه الكثير من الامور وتصحيحها
بس بيني وبينكم ماعتقد

ولاّدة said...

الله يديم التفاؤل

أما على الأغنية فأقترح إهداء أغنية سميرة سعيد
حأوريلك


تتوقعين لنا مزاج انتخابات؟

nanonano said...

Fankooshy:

خل نجرب
ما راح نخسر شي
وضعنا ما راح يصير أسوأ من وضعنا الحالي

nanonano said...

ولاّدة :

يعني ليش ما يكون لنا مزاج أنتخابات؟

و حتى لو ما كان لازم يصير عندنا مزاج أنتخابات

في وايد أخطاء صارت بالمجلس الحالي نتيجة لا مبالاتنا

و كاهي النتيجه..يت على روسنا كلنا

و بعدين الجو حلو حق الندوات
و أصلا أنا وياج ناقشنا المستلزمات اللي نبيها حق الفتره المقبله و غطينا الموضوع

هاهاهاهاهاها
بس بقى شي واحد
لي الحين ما عندي أفلوس أشتريه
;))))))))

xx7aiatixx said...

صح كلامج لاني انا وحده من هالناس اللي تكللمتي عنهم و اللي ماحب السياسه ولا لي شغل فيها وكنت اقول ليش الناس امعوره قلبها صج فراغه, بس تعمدت اني ادش بالسياسه اشوي و ادري شنو هوا دارها لاسباب اخرى غير البورصه و من قبل الازمه الاقتصاديه حتى :)

nanonano said...

xx7aiatixx:

أيا كانت أسبابج..المهم بديتي تهتمين

ما راح أسوي روحي مثاليه...شنو أسبابج؟

هاهاهاهاهاها

بلاغة الشف النسائيه

nanonano said...
This comment has been removed by the author.
كويــتي لايــعه كبــده said...

عسى الله يديم عليك التفائل

لي انتبه الناس بعد ما فات الفوت شالفايده؟

nanonano said...

كويــتي لايــعه كبــده:

never too late dear

JiBLa CiTY said...

مازلت اقول ..

الربع عندنا ربع بو هبة

:)

kuwaitawy said...

يحلمــــــــــــــون


اي والله

يحلمــــــــــــــون

nanonano said...

JiBLa CiTY :

حتى لو أمهات هبّه..ما يمنع خل نستفيد من هبّتهم هذي

nanonano said...

kuwaitawy :

;)))))))

Ghadoor said...

اي والله هذي مشكله
الناس ما تهتم حق الي قاعد يصير بالديره الا لما الموضوع يوصل مصالحهم الشخصيه
والله عيب

عاد انشالله يتعظون ويصيرون اوادم

bo_sale7 said...

الشعب اللي يحركه فلس .... يرقصه دينار
تحياتي

100 fils said...

ملاحظه جيده..والله يديمه ان شاء الله
كوني متفائله عند قمه تشاؤم الي
حواليك..وكوني حذره عندما ترين الكل متفائل..هذه المعادله ماشيه معاي عال العال على جميع الاصعده السياسيه والاقتصاديه والاجتماعيه..واذا اراد الانسان النجاح يجب ان يحيط نفسه بأكبر عدد ممكن من الاشخاص الايجابيين(المتفائلين)
ويبتعد عن الاشخاص السلبيين و المتحلطمين والا مارح يتقدم ولا خطوه و راح "يقحص" بمكانه

:)

xx7aiatixx said...

لا اشدعوه اخذي راحتج عالاخر
:)

السبب هو اهتمام معظم الاشخاص اللي حولي بالسياسه فلازم لي تكللموا أكون عارفه شالسالفه مو ضايعه بالطووشه و مادري شالطبخه عالاقل أقدر اناقشهم و يكون لي رأيي الشخصي بأي موضوع يتكللمون فيه و ثاني سبب وضع الديره بشكل خاص و العالم بشكل عام حتم علينا و اجبرنا اندش بالسياسه
:/

حـمد said...

كلامج صحيح مئة بالمئة

nanonano said...

Ghadoor :

أذا أبتدينا بنفسنا و المحيطين فينا
أن شاءالله نقدر نسوي شي
و ننشر الوعي المطلوب

nanonano said...

bo_sale7:

أهلا و سهلا

وجهة نظر أحترمها
بس مو معقول أن الكل سئ و أن الكل تحركه مصالحه
والفلوس

nanonano said...

100 fils:

أتفق معالك ١٠٠٪ و خاصة بهالأيام اللي الكل متشائم أنا أحاول أتجنب الناس اللي يبثون الطاقه السلبيه..لأني بسرعه أتأثر فيها..و ينقمت قلبي..لأن في ناس من الله تلاقي عندهم كل شي و هم يبثون طاقه سلبيه..و بالهوقت ممكن يخلونك تهج من الديره

nanonano said...

xx7aiatixx :

أنا قاعده أتقشمر معاج

أهم شي يكون لج راي..و تعبرين عنه و تناقشينه..والسلبيه القديمه تقطينها ورا ظهرج
يالله حياج
join the club

مال السياسه و عوار القلب..والله أول كان غير..لا تملين و لا تيأسين ترا تو الناس

nanonano said...

حـمد:

شهاده أعتز فيها
:)))))))

Diver said...

ان شاء الله اتعدل الاوضاع و ذكرج راح يردون مثل ما كانو مشكلتنا ان ننسى و اذا الغزو ما عدل ما يعدلنا شي
للاسف هذا الصج

. . . ساخر كويتي said...

كل طراق بتعلوم
واحنا بالكويت مو بس طراق واحدعشان نتعلم الا لازم هوشة وملابس تتشقق بعد خخخخ

بس على الله تنصلح بقية الامور المهمة
تحياتي

وعساج دايما متفائلة

nanonano said...

Diver:

لكل حادث حديث

nanonano said...

. . . ساخر كويتي:

شكرا عزيزي..بس تعتقد عقب هالتدقر كله..لي الحين متفائله؟؟!؟

 
template by Purplecious