زميلاتي و زملائي المدونون
.
كلنا ضايقه خلوقنا
.
كلنا مستائين
.
كلنا معصبين
.
بس ليش نستبق الأحداث؟
.
خل ننطر و نشوف شنو بيصير
.
عندي طلب واحد
.
لا نخلّي هالتجربه اللي كلنا قاعدين نمر فيها
.
تكفرنا و تكرّهنا بالديمقراطيه و الدستور
.
شابات وشباب لا نعتقد أن الطريق سهل
.
فيه عثرات..و فيه خيبة أمل
.
بس ليش تهبط عزيمتنا من أدناة الدون؟
.
.
و على ما نعرف شنو راح يصير
.
أقترح عليكم مشاهدة فيلم أذكياء لكن أغبياء
.
و وسعوا صدوركم مع شهيره و بهيره
.
واللي بالجدرُ..يطلّعهُ الملاّسُ
.
.
تصبحون على خير و حب و تفاؤل
..
إيّاكَ..إيّاكَ..إيّاكَ
.
55 comments:
أخيراً بوست يرّيح القلب
:)
انا ما همني المجلس انه انحل و الا لأ
لكن مطالبة سندباد صادق القلاف
بتعليق الدستور
كلام منطقي
لكن كل الكلام الل ينقال هو الخوف على الدستور
واعتراف واضح بالتمسك بالدستور
مسؤوليتنا الآن هي توعية الشعب ليحسن اختياراته
ودي أكرر تعليقي عند مدونة حمد لتعميم الفائدة:
المحافظة على الدستور واجب على الجميع
وإن مو عاجبنا الأعضاء الحاليين ، فواجبنا أن نحاسبهم ونغيرهم بقدر المستطاع
بتقولون صعبة
طبعا صعبة ، ومن قال أن طريق الاصلاح سهل
تبي تحافظ على دستورك وحرياتك ، لازم تتعب وتضحي
تحياتي
thanks for a ver responsible post
:)))))))))))))
الصورة قوية
تسلم ايدج
بس ليش ماقاتي عنهم
الدويلة والقلاف
:)
كفرنا و كرهنا نفسنا لاننا مو كفو ديمقراطية و لا كفو دستور يا الحبيبة
انا بشوف
صح النوم
مال غوار
شفتيه...اذا ما شفتيه
يعني ما شفتي فيلم كوميدي
ضرووووري تحصلينه
حياتي هدف مو عبث :
والله أهوه مهدئ بس..لأن الوضع قمه في القلق
Enter-Q8 :
مثل ما قلت السندباد
المفروض أن أذا الله لا يقوله و صار حل
و حل دستوري القلاف ما ينزل و أن نزل..نعلقه بالصفاة مثل ما طلب تعليق الدستور
kuwaitawy :
والله ما يندرى اذا فيه تمسّك بالدستور و لا الدستور صار عبء عليهم
اليوم أو باجر راح تتضح الصوره
bo bader:
وإن مو عاجبنا الأعضاء الحاليين ، فواجبنا أن نحاسبهم ونغيرهم بقدر المستطاع
شكـــــــــــرا
لازم أحنا بعد ما نتهرب من مسئوليتنا..جزء كبير من المسئوليه يقع علينا في الأختيار و المحاسبه
Organic Kuwait :
most welcome dear
:)
abu eldestor :
الله يسلمك
:)))
بس آسفه ما فهمت الشطر الثاني من التعليق
Diver:
آسفه..بس غلطان
أحنا كفو حق كل شي
ملاحـظـة :
أفا عليج
عجيــــــــب
بس مودي ياي على المصري هاليومين
احنا إذا كفرنا بنكفر فيهم مو بالديموقراطية ولا بالدستور
وإذا كفّرونا بالدستور ...رااااح الحكم لأن العقد شريعة المتعاقدين
نانو اتعرفين محاميين شطار علشان إذا كلبجوني؟
هاليومين طايل لساني ومو قادرة اسيطر عليه
عندك وصفة زهورات اتقصّر اللسان؟
يلا نضحك
ولاّدة :
آسفه عزيزتي
ما عندي الا زاناكس
ينفع؟
بس ليش تهبط عزيمتنا من أدناة الدون؟
تهقين اللي صاير فينا أدناة الدون؟؟؟
عاجــل :
أحسن من لا يرتفع ضغطنا من الحين
خو
لاحقين على رفعة الضغط
الدرب طويل
حسافتج يا كويت :
الصج ما يقارن باللي مرّوا فيه الأمم الأخرى في سبيل الديمقراطيه
وين احصله
خبري فيه قبل الغزو
نانو نانو
اتفق معاج
واللي طلعنا من غزو رابع اقوى دولة بالعالم ماراح يطلعنا من اللي احنا فيه ؟
تيكت ايزي والدنيا حلوة وشوية ارادة ما تضر :)
KrakatoA:
عاد ما لقيت الاّ أنا أعرف من وين؟؟
أنا يايبته معاي من لبنان
الله من قبل الغزو ما شفته!؟
عيل أنصحك تكّي في البيت هالظهريه..واستمتع
حـمد :
الأراده كلــــش ما تضر
و هم الصبر ما يضر بعد
حقوقيه :
حيّاج الله..على فكره حاولت أحط لج تعليق في مدونتج بس ما عرفت
nice one...:)
تعابير وجووهم تعكس حال واقعنا المضحك المبكي..والله ان شاء الله يهدي النفوس
عين العقل
عفية عليج
الوحيده اللي سمعتها تقول لا تفقدون ايمانكم بديمقراطيتنا
صبروا
وتأنوا
:)
أنا لا متضايق ولا مستاء، أنا وايد مستانس ومتفاءل
100 fils :
والله أنك فاهمني صح
;)))))
الزين :
شكرا عزيزتي
:*
Fahad Al Askr :
برافو عليك
الله يتمم عليك..و تنعكس نفسيتك الحلوه علينا..و تبدع في مدونتك
الفضاوة وما تسوي... عايزين جنازة نشبع فيها لطم
دستورنا عومة، مأكولة ومذمومة... لي صارت مشاكل تذكروه، وباجي الوقت ما يدرون عنه
أهم شى ايااااك لان الظاهر تبين تشوفيلج تاااااجر يدعمج بالانتخابات
اعرف هالسووووالف
تبين تنزلين صح؟
Zaydoun :
بوالزيد..عاد لما توصل السالفه حق حل غير دستوري و تعليق الدستور..هني تصير خط أحمر و تقلب السالفه جد
Mishari :
أهو ده اللي مش ممكن أبدا
و لا بافكّر فيه
وينه إياك ما سمعت له شي
ولاّدة :
الظاهر لاهي يرتب حق الحمله اليايه..على باله بينحل المجلس
أو مامي مسافره
نحن في مرحلة المفروض خلصنا من المعاناة
في بداية النهظة العالمية كان القمع والحكومات المستبدة والمظاهرات والاستعمار والاستعباد والتعب والشقا
اليوم أغلب الدول صارت تعيش برخاء
كل شي صار رخاء نسبيا
الأنسان في شبابة يعمل ويتعب والمفروض لا وصل الخمسين يرتاح
قبل ماكو تكنلوجيا وسيارات وتلفزيون وتليفونات ومكيفات
واليوم كل هذا موجود
القصد أن العالم يتطور سياسيا وأقتصاديا وإجتماعيا
وحنا ليلحين مكانك راوح
ونسبيا اللي صاير معانا هذا المفروض إن حنا خلصنا منة من زمان
هاهاها
حلوة مامي مسافرة
حسافتج يا كويت:
مو صحيح كلامك..أحنا تراجعنا..و تراجعنا وايد بعد..عشان جذي لازم نبتدي من أول و يديد..و البدايه هذي ما تيي الا أذا توافرت النيه الصادقه و الحقيقيه في أحياء الروح الوطنيه المؤمنه بالديمقراطيه أيمان تام و كامل
عشان جذي أقدر أقول لك
وابتدى المشوار
ولاّدة :
;)
حاضرين طال عمرج
لوووووووووول الصورة بروحة يابتلب الضحك
لا لا ما نيأس من الدستور الحال بدونة أردى و ممنوع انتحلطم
كويتيين و يمنعون عنا التحلطم إنغرق بنفاسنا
shahad:
لأأأأأأأأ
تحلطمي على كيف كيفج..ما نتحلطم!!؟؟ أنا أول وحده ما أعبر
بس لا نيأس..هذي نقطتي
أياك و اليأس من ديقراطيتنا
اللي بالجدر يطلعه الملاس....
مجلس مموش :)
انا اقول شوفوا اصل المرض وعالجوه
بسكم تركيز على الاعراض والمضاعفات
واللبيب
fankooshy :
مجلس مموش و معدس بعد..بس شنو نسوي عندنا مشكله مع بعض عقليات الشعب و هذي اللي يبي له علاج
ياخبر اليوم بقروش بكرة بلاش
على فكرة لما اقول احنا مو كفو انتي لا طالعين نفسج و ربعج و اهلج
الكويت صرنا احنا فيها اقلية و هذا مو تذمر و لا تعالي بس الحقيقة
اذا تبين تشوفين الكويت و تفهمين او تعرفين شنو بعقول الناس فيها طلعي برا بيئتج و روحي الجهراء و الصباحية و الرقة و صليبية هذول كويتيين نفسي و نفسج بس التفكير و القيم و العادات و الاهداف كلها مختلفة
و بالتالي احنا بالمجموع مو كفو مو لانهم صارو جزء من الكويتيمكن لان احنا كنا الجزء الي بنا الكويت و السنين الي فاتتت كانت مثال لج
JiBLa CiTY :
بالضـــبط
مثل ما تفضلت فيه
;)
Diver :
صح كلامك بس أنا ليش أخلي ثقافتهم و أسلوبهم بالحياة تنعكس علي..لازم أنا اللي أفرض عليهم أسلوبي..لسبب بسيط..أسلوب حياة الغاب اللي أهمه عايشينها ما تتماشى مع أسلوب حياتنا الحديثه..و بعدين لي متى أحنا قاعدين نتنعّز عنهم..ماكو شي ودانا بداهيه الا هالتنعز عنهم..خلاص أهمه صاروا جزء منا..فلازم نعرف شلون نقدر نكسبهم و نرتقي فيهم
يا طويلة العمر قانون الاغلبية يحكم
قلة العدد من غير الممكن انها تفرض ثقافتها على العدد الكبير (في مجتمعاتنا على الاقل)الا في حالتين
الاولى رغبة الدولة النظام و في حالتنا الشيوخ)بهذا الشي و هي رغبة غير موجودة او غير جدية
و الثاني رغبة اصحاب رؤوس الاموال و ذلك لان قادة المجتمعات عادة من هالطبقات و لكن في الكويت التجار بس يبون فلوس ما يبون يقدمون اي خدمات للمجتمع
Diver :
كلامك صحيح 100% بس هني أيي دورنا أحنا الشباب بالمحاوله الصادقه لتغيير الوضع..يمكن ننجح و يمكن نفشل..بس على الأقل نكون بذلنا اللي نقدر عليه لتصحيح الأوضاع حق عيالنا
قصدي بدال شهيرة وبهيره
جان قلتي القلاف والدويلة
abu eldestor:
بـــــــــــس شبعت منهم
و بعدين الدويله بعد صار له كون و بون؟!؟
Post a Comment