Wednesday, October 22, 2008

تشلسي xروما

واحد من أعز..أعز..أعز أصدقائنا
.
واللي أنا أعتبره أخوي..روحه و حياته
.
فريق روما..و بما أن فريق روما
.
السنه هذي مو مترقع مثل بورصتنا
.
فصديقنا هذا وين ما يطقها عويه
.
و صاحب سكّر..فأحنا كلنا كنا
.
خايفين عليه من اللعبه..فسوينا حمله
.
شعارها..أرحموا عزيز قوم ذل
.
و هدف الحمله..أن محّد يضايقه و لا
.
يكلمه مهما كانت النتيجه..و أجرينا 
.
أتصالاتنا..و طرشنا مسجاتنا..لأنجاح
.
هذه الحمله..آخر أتصال كان بيني و 
.
بينه الساعه ٩.١٥..بس عشان أتطمن 
.
أن خذا أبرة السكر..كلماته  الأخيره حقي
.
كانت..أنا كبرت
.
ما قمت استحمل
.
لا السوق مساعدني
.
و لا روما مساعدتني
.
أنا قاعد أسبح ضد التيار
.
و هذا كان خبري فيه..الحين أنطقوا
.
روما..و كلنا بنموت أن نسمع تعليقه 
.
بس ما نبي نزعجه
.
الحين خلصنا
.
و بدا موضوع الدحره
.
محد منا..عنده الجرأه أن يدق عليه
.
عشان يتطمن عليه بس
.
الله يستر

20 comments:

Eng_Q8 said...

وينه خل ايي يآزرني

حتى اهني لااااااااااحقيني

يبا ادري ان روما مو مترقع خلااااص

جنه روما الفريق الوحيد الي طاح مستواه ماجنه برشلونه طاح ما جنه تشيلسي توه طالع من 59 واهم سكه ماجنه طقينا الريال ذهاب واياب ما جنه بايرن ميونخ مادش دوري الابطال السنه الي طافت ما جنه ميلان كان مطقاقه الموسم الي طافه ماجنه الانتر مصخرة دوري الابطال ماجنه ليفربول صارلهم قرن مو ماخذين الدوري

لا بس روما لي الحين قاضبين علينا خسارة السبعه وما جنه طقينا الانتر 6

انا الي ارتفع عندي الضغط والسكر وعقب جم مباراة يا سكته قلبيه او يزر عقلي

مو هالفاشله مو راضيه اتبييييييع النادي بيعيييييييه وفكييييينا نبي واحد يددددددددفع نبي لاعبين شنو حالنا حال فريق سكه

والمتخلف الثاني يلعب لاعب اسمه تادي محسسني ان هذا مارادونا مو اهو لو يحط تشكيله مثل خلق الله ماصار هذا حالنا

بس خل اسكت لا اكمل واسب افففففففففففففففففففففففففففففففففففففففففففففففففففففففف

JiBLa CiTY said...

يعني روما أحسن من العربي؟

هع

enter-q8 said...

هذا يبيله قعده مع الوالد
بيقوله اذا خذوا الكاس بيعطونك منه شي او بتحطه فوق التلفزون اللي بالديوانية

الله يطول بعمره
بس يسمع صيحة اللي قاعدين بالديوانية و عفيستها اذا جول و الا كرة ضاعت و الا سبه مني و الا مني
سيده قط هالكلمتين و مشى

ولاّدة سابقاً ... رانيا السعد ...رانية المنيفي حسب الأوراق الرسمية said...

كسر خاطري

أوصي عليه في رابطة السكر أولاً لأنها في كيفان فنمون عليهم بحكم الجيرة وثانياً لأننا أعضاء فاعلين جدد

الله يهديه إيش يبي بفريق روما ...العربي هيبة
;P

nanonano said...

Eng_Q8 :

ويـــــــه..كنت قايلتله عنك

ما أقدر أقول لك وينه الحين
لأن خرج و لم يعد

و بعدين ما تعرف الكويتيين يموتون على الشماته..كل اللي قلته صح بس أحنا ننطر الزله..و بعدين الصج أهوه لسانه طويل فاللي يبونه وايد

nanonano said...

JiBLa CiTY :

روما
عربي
روما
عربي

لأ جنه العربي أحسن

nanonano said...

Enter-Q8 :

طاح من لساني وصله و أنا أحاول أقنع فيه..ما يدرون هالطليان عن هوى دارك
بس منو اللي يسمع

nanonano said...

ولاّدة :

تصدقين عاد أن أهوه كان من قدامى مشجعين نادي العربي

Unknown said...

Go Chelsea

nEo said...

الحل السحري لهذه الايام العصيبة هي مشاهدة ما تيسر من مسرحيات عبدالحسين

فيها الدواء الشافي باذن الله !

حلم جميل بوطن أفضل said...

حل مشكلته واضح

يعتنق الإسلام و يشجع ليفربول

nanonano said...

mosan mosan :

i'm a Man United fan

نسيــــــــت؟

nanonano said...

nEo:

عسى الله يخليلنا بو عدنان والله

ماكو غيره هالأيام

nanonano said...

حلم جميل بوطن أفضل :

ليفربول؟؟؟؟!!!؟

أهو ده اللي مش ممكن أبدا

Zaydoun said...

انزين وينه الحين؟؟ ليلحين مفقود؟؟؟

أدق على زوجته ولا تو الناس؟؟؟؟

Diver said...

كتبت بوست على شرفج
http://mrdiver.blogspot.com/2008/10/nanonano.html

Bloggerista said...

خارج نطاق الموضوع

http://193.200.40.42/aljarida/Article.aspx?id=82734

ذكرتج يوم قريت الخبر

nanonano said...

Zaydoun :

لقيناه..لقيناه..يا أحلى أيام العمر لقيناه

nanonano said...

Diver :

يا حسرتي..مالي خلق أنزف

ما قصّرت

خل أروح أشوف

nanonano said...

Fashionista :

مشكوره عزيزتي

أهم نقطه مذكوره أهيه

كيف يؤدي «احتكار الورق» إلى تكميم القلم

 
template by Purplecious