Sunday, October 26, 2008

آن الأوان لمبادره شعبيه

ما أعرف أذا أنا ساذجه أو قاعده أفكر
.
بطريقه طيبه زياده عن اللزوم و أنا متأكده
.
أن الموضوع مو بهالسهوله..بس أظن أن
.
آن الأوان لتحرّك شعبي لأنقاذ الأقتصاد
.
الكويتي..الحكومه لايصه..و الوزراء قدراتهم
.
متواضعه..شنو نسوي..نخليهم و نتشمّت
.
و لا لازم تصير مبادره من الأقتصاديين بالبلد
.
لو أنا شخصيه مسئوله..أنادي
.
جاسم السعدون
.
سالم عبدالعزيز الصباح
.
بدر  المخيزيم
.
أبراهيم دبدوب
.
د.علي سالم العلي
.
د.عبدالعزيز السلطان
.
اقفل عليهم بغرفه و أقول لهم..عطونا تصور
.
لحل الأزمه..على شرط أن يكون هالتصور..غير
.
مرتبط بضخ سيوله
.
ما أدري اذا صح اللي قاعده أفكر
.
فيه و لا عبيط
.
بس هذا اللي ودي يصير الحين
.
و ترا الأسماء اللي ذكرتها
.
هذي اللي طرت علي بالوقت الحالي
.
مع أختلافي لوجهات نظرهم بس اعتقد
.
أن عندهم رؤيه واضحه لأدارة مؤسساتهم

49 comments:

Zaydoun said...

ربعٍ تعاونوا ما ذلوا

Eng_Q8 said...

لابد من مبادره شعيبه على جميع الاصعده

أبو جيج يدور نعاله said...

أسمائج مو مقبولة لأنها إنتقائية و فئوية و فيها ريحة عنصرية فواحة


ليش بس أصحاب الدماء الزرقاء؟؟؟؟؟؟؟؟؟

و دبدوب هم إمزورق الدماء بالتبعية

وين أبناء القبائل...وين الشيعة...وين شيوخ الدين مثل نبيل العوضى و مستر مهرى؟

لا لا لااا هذى كلش ما إتوقعتها منج


الكويت اليوم هى كويت الجميع و ليست كويت أصحاب المصالح الخاصة و الأجندات العائلية

الكويت اليوم هى كويت صغار المستثمرين ..أصحاب القروض...مشجعى نادى الساحل...بو قتادة..مرتادى المارينا مول...عشاق قناة الوطن بلس و سكوب تى فى


معلش بس المجموعة التى ذكرتيها مع إحترامى الشديد لها...لا تمثل كويت اليوم

و إللى مو عاجبه كلامى...خل يدش على بمدونتى...ناطره بطابوقه رصيف

عاجـل said...

النوايا الصادقة لا تكفي

عثماني said...

اخيتي

قد اسمعتي لو ناديتي حيا

ولكن لا حياة لمن تنادي

:(

error said...

حطيهم بقفص ليش عرفة

الدســتور said...

بدر ناصر المخيزيم
تصحيح للمعلومة

هو بدر عبدالمحسن المخيزيم

:)

ماينفع مع هالحكومة سوالف الرؤية وغيرها
:)

enter-q8 said...

الصعود الى الهاوية

KQ8 said...

اقتصاديا انا ميييح فراح اخذ بإقتراحج
مؤيد سيدي الرئيس

ZooZ "3grbgr" said...

اليوم صار تحرك قوي
على مستوى سلطات عليا
باجر تبين الاخبار
الله كريم

ابوالوليد said...

قاعد أقرا البوست ولين وصلت إلى

"اقفل عليهم بغرفه.."

توقعت بتقولين أحشرهم بزاوية وكفخهم

ماأدري ليش تخيلت هالموقف؟؟!!

`~MnO YeNSa! ~` said...

بس نبي
حل

بأي طريقة

zoka said...

وين العم احمد السعدون من هالمجموعه
اهو دائما عنده حل لكل ازمه
خاصا بيّن دور الخرافي في الازمه واضح

nanonano said...

zaydoun :

المشكله..ماكو شعور بالمبادره
كل من قاعد بمكانه و متنحر

nanonano said...

eng_q8 :

مهندسنا محد راضي يبتدي بهالمبادره..هذا اللي مضيق خلقي

nanonano said...

bo jaij :

أنا انتقائيه و فئويه و عنصريه
أشعندك؟

و أنا هل المره اللي ناطره في بسطتي..تدري شنو بسوي

nanonano said...

عاجــل :

وشنو العمل..نقعد جذي و نتخازز؟!؟ جنّه عتاوية الفريج؟

nanonano said...

عثماني :

أخوي العزيز عثماني...ما يصير لا حياة لمن تنادي

nanonano said...

error:

لا القفص حق الشواذي..و أهمه عارفين نفسهم

nanonano said...

abu eldestor :

شكرا..تم التصحيح

ما يصير هذي بلد..و لازم يصير لها رؤيه

nanonano said...

enter-q8 :

الصعود الى الهاويه..و بعدين..لما تصير الكويت أهيه الضحيه ذاك الوقت نتحرك؟!؟

nanonano said...

krakatoa :

يمكن أنا اقتراحي مو صح..بس هذا حد يوشي..ودي أحد ياخذ المبادره

بس أشكر تأييدك و أقدره يا بو طارق

nanonano said...

zooz "3grbgr":

مو موضوع تحرك..موضوع ماكو استراتيجيه..ماكو رؤيه واضحه..ماكو خطة عمل

بس شود الله و رحمته

nanonano said...

ابوالوليد :

هاهاها..مساكين ليش أكفخهم؟ مالي شغل فيهم..و أهمه مجموعه من المسئولين اللي دايرين مؤسساتهم بطريقه ناجحه

nanonano said...

`~mno yensa! ~` :

فاتن حمامه... في أريد حلاً

nanonano said...

zoka:

يا هلا..و مسهلا

لا والله؟!!!؟؟

صح أنا غلطانه ما حطيت أسم العم أحمد السعدون

و بما أني سعدونية الهوى...حطيت اسم جاسم السعدون..من ريحة الحبايب

Unknown said...

ههههههههههه

ضحكتيني الصراحة

قولي ليش

لان المسكين جاسم السعدون

زهق ومل وتعب وبح
من كثر ما يتحجي

ولا احد ملفت عليه
اخر مقابلة له شفتها سألوه ليش ما تتكلم
قال انا قلت اللى عندي اكثر من مرة ولكن ما عندي السلطة اللى اقدر افرض فيها كلامي

واذا على قولتج ينادونهم

انا اقول خير ان شاء الله خل يسمعون كلام اللى حواليهم بس

Mok said...

nano
مو نايم الا 3 ساعات فقط بسبب القلق

عزيزتي

يمكن اثق بجاسم السعدون

الحل الوحيد وقف الاجل

وان الحكومه تسثمر بالسوق نظرا لرخص الاسعار وضخ الثقه

الضخ لا يعتبر مخالفه ماندعو اليه

وعلى فكرة لما احن من فترة واقول الاجل الاجل

اقري هالخبر

http://www.alwatan.com.kw/Default.aspx?tabid=204&article_id=457413

بومريوم said...

http://indexsignal.com/vb/showthread.php?t=134494

بايقيين بوستك

Blog 3amty said...

وصخ الدنيا الفلوس ..
لا ترجين أحد غير الله في هذه المسائل !


(أشرايج فيني بس)

Diver said...

ياطويلة العمر نبي تحرك شعبي لانقاذ الدولة كلها مو بس الاقتصاد

و الله تبين الصج قاعد افكر بتحرك كبير يشبة الثورات بالستينات و السبعينات يمكن النظام الحاكم و لاسلطة و الحكومة يحسون

nanonano said...

Mishari :

أدري مسكين عيز و أهو يحجي..بس عندي أمل أن العقليه مع هالأزمه ممكن تتغير.. ويحاولون يسمعون له

nanonano said...

Mok:

ما راح أدخل في جدال معاك..أنت مقتنع أن الآجل أهوه السبب..و أنا مو مقتنعه

nanonano said...

بومريوم :

هاهاهاهاهاها

يا حليلها ليلى الحلوه

حتى البوستات قامت تنباق؟؟

شكرا على التنبيه

nanonano said...

Blog 3amty :

هاهاهاهاها

أموت على مصطلح وصخ دنيا
ما يطلع الا أذا فلّس الواحد
بس باقي تقول
يالله الحمدالله على الصحه و العافيه

nanonano said...

Diver:

تهقى كم نسبة اللي حاسين بحجم المشكله؟

Diver said...

الناس كلها تحجي و تذمر الكل مستاء
ما عدا الناس الي بيدهم الحلول
النظام الحاكم
و السلطة
و الامير و الحكومة

كلهم مادري اقول نايمين مادري مستانسيين على الوضع

و ما بي احلف بس انا مقتنع ان في مشروع للدولة و هو الفوضى و قد تكون فوضى مقننة

Unknown said...

صدقيني ولا فيه فايده

اقصوصه said...

الازمه هاي فكل مكان

عنا وعندكم وبكل دول العالم

ان شالله تعدي على خير:)

بنت الشاميه said...

اسماء لجنه الانقاذ عندى بمدونتى
====
اختاروا واحد بس من لستتج
ابراهيم دبدوب

nanonano said...

diver :

مو أنا
in denial

ما بي أعترف بالفوضى المقننه اللي أحنا فيها

nanonano said...

احمد سالم :

عزيزي أحمد أنا مؤمنه بالمثل الكويتي
كثر الدق يفج اللحام
بقعد أكرف جذي...جود الله و رحمته

nanonano said...

اقصوصه:

أهلا و سهلا فيج

ان شاء الله

شكرا لمرورج

nanonano said...

بنت الشاميه :

شكرا..ما نستغناش طال عمرج

لاحظي من الحين بديت أتحيلق

بوصالح said...

انا معاك .. ١٠٠٪

بنت الشاميه said...

هههههههه
حتى دبدوب شالوه

ما لج نصيب...لووووول

nanonano said...

بنت الشاميه :

أي مالت عليهم

والله فشله لأن مو كويتي..ما يستحون

فريج سعود said...

راح تدخلين عليهم الغرفة تلقينهم يلعبون كوت بو ستة

Unknown said...

nanonano
دعوه للتفائل عندي حياك

 
template by Purplecious