لما كنت في بيرت بالصيف..طلعت على
.
العشا مع جماعه لبنانيه..هالجماعه كنت
.
أول مره أتعرف عليهم..يعني أعرف وحده
.
منهم..و أهيه كانت تبي تعرفني على صديقاتها
.
و أصدقائها..و كانو وايد حليوين..المهم..وصل
.
واحد من شلتهم..و قعدنا نسولف أنا وياه..فلما
.
عرف أني من الكويت..أول سؤال سألني أياه
.
.
دخلك...شو صاير عنكم (يعني عندكم)؟
.
.
ابتسمت ابتسامه صفره..و قلت له
.
.
شنو صاير؟
.
.
اللبناني: ليش عم بيصير هيك بالكويت؟
.
الكويت كانت من أكتر الدول تقدم بالخليج
.
و هلّأ الأمارات و قطر..كتير سبئوكم
.
طبعا أنا قطو طقيتيه بمصير
.
أشويه ما ياز لي..فكانت نبرتي شويه حاده..الصج نفت عليه
.
.
أنا: من أي ناحيه؟
.
.
جان يجاوب مسكين
.
.
كنّا بنبعت كل أنواع الكتب للكويت..و هلأ ما فينا نبعت شي
.
.
طلع صاحب وحده من أقدم دور النشر في لبنان
.
ما عرفت شلون أجاوبه..شاقول؟
.
الجماعات الدينيه و القبليه اللي سيطرت على الوضع
.
ولا
.
الحكومه اللي مستسلمه استسلام كامل لهم
.
و لا
.
الشعب اللي ما قام يفرق معاه شي
.
قررت مابي أجاوبه
.
ما أحب أنشر غسيلنا
32 comments:
صج شي يفشل
بدون لا تنشرينه
منشور خالص
سودو ويوهنا الله يسود ويوهم
الي فيرجن انقرض بالمرينا
عقب ما كان شكبره صار نصه
ما فيه داعي تنشرين الغسيل بالخارج
الوطن قايمة بالواجب وحبتين زيادة بهارات
الفضائيات والانترنت والعولمة تفرض درجة من الشفافية غصب مو طيب
الستر زين
:)
ديرة ماشية عكس السير في كل شي... والربع مستانسين عساهم الحرق واحد واحد
خلي غسيلنا بديرتنا :)
الواحد شيقول شيخلي!!
وقبل لا أنسى
http://www.kuwait-unplugged.com/2008/10/blog-post_19.html
لم الامر خافيا
خاصة لدى دور النشر
لانهم ياتون ويشوفون الهوايل
بس للتأكيد
الوعلان دش
نورية الصبيح لازم تتحجب
موضى الحمود لازم تتنقب
الفرعيات صارت قانونية
مادونا إتطلقت
بشار عبد الله جول اليوم
إنتر طقو روما أربعة
وئام كااااااااامل بين السلطتين بعشاء رئيس الأمة الخرافى...من قوة الوئام خروف القوزى صحا و قام يغنى نشيد
إشتبون بعد؟؟؟
كتب و خرابيط من لبنان ماكووو...شبتسوون؟؟
إللى يبى شى خل يحجز تذكرة طيارة مثل الناس و يشترى إللى يبيه من بيروت...و لا يقعد يعور روسنا بالحنه عن الرقابة و تخريبها لمعرض الكتاب
الشعب مو كفو كتب....حده مجلة ليالينا و جريدة الراى وورق حمام مزخرف و قراءة قوائم مكونات علب الكاكاو و المايونيز و الكتشب
كافى عليه ...حتى لا يشغل نفسه بقضايا و أفكار أكبر من قدراته الإستيعابية و التى أثبتها بأيام الإنتخابات
و اللى مو عاجبه كلامى لا يقعد يتفلسف وايد و أحسن له يدش منتدى كرة قدم و يتناقش فيه على كيفه
و اللبنانى يسأل ليش ما تبون كتب هااا؟؟
إى يصير خير
و الله الريال ملاحظته في محلها
ماقال شي غلط
مانتوفاني
جان قلتي له يأبرني مجلس الامة شو مهضوم
والله زين سويتي
عكس ناس اعرفهم من يسألهم اجنبي
عن الكويت
يتحجون عن الكويت ولا جنها ديرتهم
برافو عليج
عاد تبين الصج؟ اللي وصل هالبلد الى هالحالة اهما الليبراليين نفسهم ! الشعب الكويتي شعب ليبرالي أصلا بس ليبرالي محافظ .. يعني يؤمن بحرية الفرد و لكن بحدود معينة .. بس ربعنا الليبراليين لما قامو يخورونها شوي وتعرضوا حق ثوابت مهمة بالدين و اهمها الذات الالهية و الرسول .. هني اتجه المحافظين التقليديين الى الاسلاميين و دعموهم و تخلو عن التيار الليبرالي ! فمن جذي يا اختي صارو الجماعات القبلية و الدينية اهمة المسيطيرين و الشعب مو غافل عن تحركاتهم لا بالعكس داري بس شيسوون لان مافي تيار حقيقي يمثلهم الا بعض المستقلين هني و هناك !
فنتمنى ان يطلع عندنا تيار ليبرالي محافظ يمثل اهل الكويت الصجيين اللي لا اهمة وهابية ومعممين و لا اهمة متغربين ومتأمركين .. ووقتها راح ترجع الكويت نفس اول واحسن بعد !
صاج فريج سعود
شو مهضوم مجلس الامة...شي بيعإّد
وضيفي عليه
واحد..أتنين ..تلاتي
المحمد يا حياتي
الله كريم
وخير جليس في الزمان كتاب
Fashionista :
وايـــــد
و لأن يفشل لازم ما نسكت عن هالوضع
Ghadoor:
أحنا نبي نبيّض ويوهنا مره ثانيه..أشلون؟
كويــتي لايــعه كبــده :
صــح أنا آسفه..هذي من مهمات قناة و جريدة الوطن
مو شغلنا
abu eldestor :
مو؟
Zaydoun :
لأن أحنا بعد تنعزنا بوالزيد..بعد الواحد لازم يصير حقاني
3ashga::O::Mfalsa :
أنا هذي سياستي
نشر الغسيل لازم يصير محلي
عاجــل:
بالضبط..لأنهم قاعدين يعرفون بالضبط عقلية الرقباء و ضحالتهم و سطحيتهم للأسف
Bo Jaij :
هاهاهاهاها
تخيّل أن سأل ليش ما تييبون كتب
جنّه العداد ضارب مليون..أخاف اقولك رد لي ورا تنفجر
mantovani :
لأ مسكين ما قال شي غلط..بس أنا العوبه
فريج سعود :
تأبرني أنت شو مهضوم
kuwaitawy :
خل اقول لك..و يمكن هذا طبع كلش مو زين..ما اقدر أتقبل أي أنتقاد من أجنبي..ما أحب..أييني الأنتقاد حق الكويت من كويتيين..هذي الساعه المباركه..بس لا يكون واحد ماله شغل و بس يبي يتميلح على راسي..ما أعبر على روحي
المدرس الاول :
أهلا و سهلا فيك
كلامك صحيح و أتفق معاك..ما تدري..يمكن من خلالنا أحنا المدونين يطلع منا شي بهالتوجه
ولاّدة :
يا حسرتي..جنّي أستاثمت فيج
Diver :
صح الله كريم..بس هم الله قال أسع يا عبد و أنا أسعى معاك..لازم نسوي شي..بس الله كريم و أحنا متمقطين في بيوتنا..ما راح يفيد
Is it just about buying books?
Anyone can do that online or buy some when they travel.
How many people actually read books in this country?
I think the Exhibition reflects the kind of readers we have: superficial in many ways.
Just take a look at the Library & Information Association of Kuwait web site and you will understand the kind of people representing information seekers and sources in Kuwait.
http://www.liak.org.kw/
What a farce.
Jewaira :
يا هلا و مرحبا
loooooong time
لأ عزيزتي الموضوع كله مو من حقهم يقررون لنا شنو نقرا و شنو ما نقرا..أحنا ناس أحرار و نقدر نقرر حق روحنا بغض النظر عن نوعية القارئ..هذي مسأله شخصيه بحته و مو مقبول موضوع الوصايه علينا فيها
الي ينشر عن الديرة كافي
السكوت ابلغ
:)
الله يفرجها
:)
Post a Comment