Thursday, October 23, 2008

متفرقات ويكنديه

أحنا بأدارتنا منقسمين قسمين
.
مواليد أوائل السبعينات..و مواليد أوائل الثمانينات
.
فأمس صارت مقارنه لطيفه لوقتنا و وقتهم
.
طلعنا بنتيجه..أن اللي ما لحّق على
.
الكويت 86 و 87...ترا طـــافه
.
**********
.
.
قاعده بمكتبي أتطمّش على شاشة السوق
.
و السوق في حالة أنهيار طبعا
.
و أسمع الشباب برّه..واحد يقول
.
أيّاك و اليأس من وطنك..و الثاني يرد
.
عليه..أياك..أياك..أياك
.
و الثالث يطق بأيده على المكتب
.
و يقول بلد..قعدت افكّر شنو سر
.
شعارات مرزوق..طبعا الشباب يرددونها
.
مو أيمانا بمرزوق..بس شعاراته ترسخ بالمخ
.
شاطــــر..بس هالشطاره يبيلها أتخاذ مواقف
.
واللون الرمادي ما يفيد وايد
.
**********
.
.
كلنا سامعين عن عصير الضاحيه
.
عوار قلب..و أخو عزيز
.
اليوم واحد يسولف لي
.
داخل بالمحل مال العصير و ينطر طلبه
.
دخل واحد و قال حق الريال..أخوي
.
عطني واحد عوار قلب..و زيد لي على الحب شويه
.
وايد يازت لي السالفه
.
**********
.
.
دخلت على أختي الاّ أهيه فكره توديها
.
و فكره تييبها..اشفيج؟
.
ردها كان: شلون أقدر أفهم ياهل أن أحنا
.
نتكلّم باللهجه الكويتيه..و نكتب باللغه العربيه
.
بنتها كاتبه..البحر متروس بالسمك
.
و الجمله الثانيه..الأبراج يم البحر
.
أكيد الأجابه ما راح تكون عندي
.
لأني أكتب بالعاميه
.
**********
.
.
يحليلها قناة الوطن ما لقت الاّ
.
جمال العمر تقابله عشان يدلي بدلوه
.
في الأزمه الأقتصاديه
.
**********
.
.
المود هالأسبوع
.
طبعا عبدالله رويشد
.
أنا باتبع قلبي
.
.
عطله سعيده للجميع

35 comments:

Mok said...

راسي بينفجر

بس الكويت اتذكرها جيدا من عام 1982

كانت فعلا حياة في ذاك الزمن

وكل شيء له طعم جنى في ادنى الامور الواحد كان يستانس

كويــتي لايــعه كبــده said...

خلك من ربع أوائل الثمانينات
ربع أوائل التسعينات مشتطين
:)

---
ومرزوق الغانم وعباراته الرنانه ما هو الا جاسم الخرافي تحت الانشاء

ويا بلد من سيء الى...

:(
ء

Zaydoun said...

Have a good weekend!

انا بقعد بالبيت لين أحد يقول لي قوم خل نطلع

وشكله تلفوني بيقعد ساكت

Diver said...
This comment has been removed by the author.
Diver said...

الله يذكرج بالشهادة و بما اني من مواليد اول السبعينات اتذكر الكويت ذاك الوقت عدل ايام حلوة
على شعارات مرزوق و السر عندج
بالامان يقولون و عند (انس) جهينة الخبر اليقين
تستهزئين بجمال العمر صج انج ساذجةمنو ادرى من الحرامية بالاقتصاد

have a nice weekend

enjoy it
u deserve it

enter-q8 said...

قول لزمان ارجع يا زمان

اياك و الياس من وطنك
على قولتهم و احد معلق عندي على شعارات المرشحين
يقول اكيد مرزوق ما يياس

ههههههههه

ماني مكمل عندك ناس يزعلون
بس دشي شوفيهم
اي على فكرة اهي مقوله قديمة

Unknown said...

إتصدقين إنه أحلى شيء بالثمانينات
المسلسلات
وحلويك يا علقم

Funny Q8i said...

السبعينات كانت وايد حلوة

الثمانينات كان ماشي حالها

التسعينات بدت تخرب

بس لما طاف وزني الامية

صار لازم اسوي رجييم

ههههههه

مو تصدقين بعد ما وصلت الامية ترا

Tوتحيّا

ولاّدة سابقاً ... رانيا السعد ...رانية المنيفي حسب الأوراق الرسمية said...

شكلك ودك تهدين مرزوق أغنية المطربة لطيفة

بـأحب إفغرامك.. ألاقي كلامك
محدد قصادي
كلام مش بيحود..يا ابيض يا أسود
لكن مش رمادي

.................


آنا مو سامعة عن عصير الضاحية عوار قلب
:(
هل هذا يحطني بخانة اللي يعرفون الكف الأحمر؟

بما أني أشتغل بنكرياس بدوام كامل ...كم فيه كربوهيدرات؟

;)
.....................

آنا باتبع قلبي
أغنيتي المفضلة لرويشد

مع إني ما اتبع قلبي دائماً أراعي المجتمع ...والناس ...والقيود....وإلخ إلخ

كذابة!!!
أدري!!!!
مشتهية أكذب عليك انتِ بالذات

kuwaitawy said...

زين انا ما لحقت على 86 و87


كنت صغير


:(


---

لكن ايام احترمها كثيرا ودائما ما احاول ان اقرا واقرا

لكي اكون بالصورة

Unknown said...

اثبتي انج مو من متابعين قناة الوطن :)

لان كانوا يايبين بعد عبدالواحد العوضي
بصفته رئيس اللجنة المالية

المهم
مرزوق تستغربين لو اقولج اتوقع له ان يكون رئيس المجلس خلال سنوات قادمة ليست ببعيدة

انا اذكر من بدايات الثمانينات ان كنت اقوم من صباح الله خير وافرر بالقنوات علشان نصيد رسوم متحركة يكون القنوات وايد
مع الرطوبة تطلع دبي

مزاجج اليوم ما عجبني مو كل اغنية عدنية غناها رويشد ضبطت
اذا تحبين هالتايب سمعي
لا صرت يا صاحبي

وعندي يا بوناصر وعذاب العين من شى ان تشوفه

الدســتور said...

عجبتني سالفة العامية
:)

تصدقين شلون نفهم اليهال جذي

Environmentalist said...

رجاء زياره مدونتي والاجابه على السؤال المطروح والذي سيستخدم في اعداد دراسه عن البيئة في الكويت
شكرا

nanonano said...

mok :

بالضبط كل شي كان له طعم غير

nanonano said...

كويــتي لايــعه كبــده:

تراوالي اليوم ما تنتحاجى عقب أخبار الفيفا اليوم

يا حسرتي تبيني أشتط مع مواليد الغزو؟؟

nanonano said...

zaydoun:

تعليقي الحين ماله سالفه

nanonano said...

diver :

أهلا يا دفعه

بغض النظر عن دور د.أنس بس مرزوق شعاراته صح

شكرا جزيلا

nanonano said...
This comment has been removed by the author.
nanonano said...
This comment has been removed by the author.
nanonano said...

enter-q8:

عيزت و أنا أغني أرجع يا زمان
متنحر
مو راضي يرجع

nanonano said...

حمد سالم:

أذا أحلى شي عندك المسلسلات بالثمانينات
اسمح لي
ما عرفتها لها عيل

nanonano said...

funny q8i :

عيل أنا الحين بمرحلة الخمسينات توهم مكتشفين النفط

nanonano said...

ولاّدة :

والله العظيم هقيت أنج مو سامعه عن عصير عوار قلب

أشوه لي الحين أعرفج زين

nanonano said...

kuwaitawy :

ما لحقت؟؟!!؟

عيل طافك

nanonano said...

mishari :

أنا باتبع قلبي مو عدنيه

خلاص أضبط المزاج حق الأسبوع الياي

تذكر أيام الأريل و الرطوبه

nanonano said...

abu eldestor:

وايد صعب مساكين..تقول لي أمي أول و أحنا صغار و أهيه تدرسنا...تقول طلّعتو روحي عشان تعرفون الفرق..عشان جذي علمتنا على القرائه من و أحنا صغار

nanonano said...

environmentalist:

ان شاء الله نسير عليك

Unknown said...

:S

انتى يبيلج دورة عيل بالعدني

ايام الرطوبة اذا ما اوقف فوق السطح واصرخ عليهم

طلللللعت

ويقولون اي والا لا
من كثر اللعب بالساعة وانخربها
:))

بنت الشاميه said...

بعترف.....اللى ما عاش السبعينات
ما عاش ولا شاف شيئ

انا دائما اسمى السبعينات العصر الذهيى للكويت
اما اللى انولد فى السبيعات والثمانينات,,,,,,ما لحق على شيئ
خلص الاعتراف
صكي على الموضوع....ههههههههههههه

اما جمال العمر عجبه والنحليل الاقتصادي اعجب واعجب
وانا من صجى مجابلته اسمعه
هذا الزمان زمانك ياجمااااال

nanonano said...

mishari :

أنا آسفه...صح يبي لي دروس بالعدني

يالله على أيدك..هاليومين ماكو شي

خل نسوي كورس تثقيفي للفن العدني

nanonano said...

بنت الشامية :

هاهاهاهاهاهاهاهاها

سرّج في بير

أنتي أدري

يا هلا و مرحبا

Fahad Al Askr said...

ما همني من البوست إلا

البحر متروس بالسمك، والأبراج يم البحر

طوللا الويك اند وأنا فاصل عليها

nanonano said...

Fahad Al Askr :

عليك بالعافيه

بس شنو اللي خلاك تفصل بالضبط؟

Unknown said...

nanonano
ودنا تمرين المدونه ي بوست يديد ودنا إتعلقين عليه

nanonano said...

احمد سالم :

ان شاء الله بس أذا بوست طلال الفهد ما راح أعلق عليه
لأن مع أحترامي الشديد لكم كلّه كفاريات و أنا عندي تحفظ على هالنوع من الموضوعات

آسفه

 
template by Purplecious