Thursday, September 25, 2008

الأيام الأخيره

وصلنا الأيام الأخيره من شهر رمضان الكريم..والوضع مثل
.
ما أنا اشوفه: ز
.
.
الكل قام يتحلّم بوجبة الريوق..حتى اللي
.
ما يحبون الريوق من طقتي..قام يحلم بالريوق
.
.
العساره بين الكويتيين وصلت قمّتها..جنهم مسوين
.
فضل على البشريه أنهم صايمين
.
.
الترتيبات حق أجازة العيد على قدم و ساق.. اللي
.
رايح يلقّط بقية أغراض هدوم العيد
.
واللي رايح أييب تذاكر السفر
.
واللي رايح يشتري أغراض الشاليه أو المزرعه
.
فالكل طاش بالشوارع
.
.
مع الهبوط الحاد في البورصه..راح يكون
.
أكو هبوط حاد في قيمة العيادي
.
.
طيرة الوقت هالسنه برمضان شي مو عادي..فتّح..غمّض
.
الاّ داخلين أسبوع و مخلصين أسبوع
.
.
عطله سعيده للجميع

34 comments:

Mok said...

على طاري العسارة مو بس في الصيام مسوين فضل حتى قي دواماتهم


نفسي لا احب الريوق اكتفي بالقهوه وشيء خفيف
يمي قهوه تركية

بس رمضان هالسنة من الجانب الاجتماعي والاعلامي ضــيم

وماراح اعطي عيادي

وانت اسعد واتمنى لج عطلة سعيدة

بس لا تطبقين مزاجية برج الميزان وتختفين عن المدونة
:)

3ashga::O::Mfalsa said...

الوقت كلماله ويطير مو بس رمضان .. كله من عمرنا!
عيل من يصدق بخلص شهر 9 وبندش شهر 10 :(
عاد اليوم صج اشتهيت ريوق :)
الكويتيين الله خير كله عسرين ! بس برمضان مع اليوع تزيد عسارتهم
عطلة سعيدة تو يو تووو

Unknown said...

عسارة بس؟

توصل مرات هواش

المسألة مو مسألة ريوق بس صارلنا فترة رمضان يحوشنا بالشتا ويصير الجو زين فيخفف المود
الحين حر
وماكو قهوة

لا معلش
المسألة فيها هجرة حق اي مكان بالدنيا بعيد عن هالقامت

عثماني said...

اي والله

وانا اخوج .. الوقت يركض .. و كلة من عمرنا

:(

M.D said...

إي و الله رمضان هالسنة بسرعة عدا .. ما حسينا فيه

و على تجهيزات العيد ، همم إحنا صار لنا 4 أو 5 سنين ما نتعايد بالعايلة فا عادي مافي حوسة لا مني و لا مناك .. ناطر الجامعة تبدي بس

كويــتي لايــعه كبــده said...

ء"جنهم مسوين فضل على البشريه أنهم صايمين"

حدّة!

عثماني...
كدرنا بعد شوي
:)

وعطلة سعيده لك وللقراء

Fahad Al Askr said...

علينا وعليج بخير

nanonano said...

Mok:

هاهاهاها
عاد كل شي و لا مزاجية الميزان
لا أتحرش فيه

و يوم أنك ذاكر أني ميزان..لا تنسى عيد ميلادي

ترا راح آكل قلبك اذا ما لقيت معايده منك
;)

nanonano said...

3ashga::O::Mfalsa:

و الحين غمضي..و فتحي ياينا عيد الأضحى و عقبها راس السنه الهجريه و الميلاديه

thanx

nanonano said...

Mishari :

الدنيا كلها تتكلم عن الهجره..طخّوا شويه..خل نفطر عقب الواحد يفكر شنو راح يسوي

nanonano said...

عثماني:

من أعمارنا صح..بس المهم أن نكون سوينا شي زين

nanonano said...

M.D :

ما تعيدون؟؟؟!!!؟
ليش عسى ما شر؟

أنا خبّتي حق العيد لي الحين جني ياهل..كل شي يديد..ما أقدر

موفق في دراستك الجامعيه

nanonano said...

كويــتي لايــعه كبــده:

يعني حتى أنت حسيت بكدر عثماني..عاد مو عادته

و لك طبعا

nanonano said...

Fahad Al Askr :

بعد لي الحين ما عيّدت عليكم

أنت بتعيّد علي من الحين..أيامك سعيده
:)

الوقار said...

تقبل الله منا ومنج صالح الاعمال
ربي لك الحمد للحين ما داومنا...معطلين يعني راحه على الاخر

Gee™ said...

اي والله هذا اسرع رمضان مر علي بحياتي

بس لا تحبطينا مع العيادي انا عندي خطط واقفه على العيادي الي راح اخذهم

ووجبة الريووق صج صج ولهت عليها :p

واغراض العيد خلصنا من زمان وافتكينا الحمدالله

الحين اذا تروحين السوق حق الضحك كل ما تمر يمج وحده مع بناتها تلقينهم يتهاوشون

Snow White said...

إي والله صاجه الوقت يركض بسرعه ورمضان خلص بسرعه والسنه خلصت! وكله من أعمارنا :(

أنا ما أعطي عيادي يعطوني عيدية ما عندي مانع لول .. وبطلت ما أروح السوق! الله يعافي النت أتسوق وأنا في بيتنا :)

والعسارة موجودة من قبل رمضان بس الظاهر مع قلة الأكل والجو الحار زادت عن حدها!

الله كريم

honey said...

أنا إرمضاني عطلة أنام من الفجر لما المغرب اللهم أحط منبه إقعدني حق كل صلاة

و ما عندي هدوم عيد و لا راح أسافر و لا شاليه
قممممممته

بسس شي واحاد تأثرت فيه ألحين صج عيديتنا بالتأثر بالبورصة
;p

و عطلة سعيدة لكي

nanonano said...

كالشموس أشرقي :

ما شاء الله...عليكم بالعافيه

nanonano said...

├ƓɧαɗσσƦ┤™ :

نصيحه مني...غيري خططج
:p

nanonano said...

Snow White :

يا بختج...لي الحين تاخذين عيادي..عليج بالعافيه

nanonano said...

shahad :

أبشرج...قيمة العيادي أكيد راح تصير اقل

ZooZ "3grbgr" said...

انا بس افكر بس بالعصير
مو خبرج اخيتج شجرة
طول الوقت بالدوام عصير وماي
وان غيرت علج اسوي بلونات
اجازه سعيده لج وللجميع

Tea said...

عيدكم مبارك مقدما

الشعور الغريب في أول يوم فطر بعد رمضان هو لما أطلع بالسيارة الصبح و أدخن السيجارة، أحس جني مسوي شئ غلط، بالأصح أشك إذا اليوم عيد

kuwaitawy said...

ماكو مثل القهوه قبل لا تروح الدوام


او بالدوام الصبح


:)


تقبل الله طاعتج وكل عام وانتي بخير


وعيدج امبارك انشاءلله

Funny Q8i said...

ليش اللحظات السعيدة تمر بسرعة، واذا ناديناها ما ترد علينا وتكمل في طريجها

ليش الاكلة الحلوة طعمها ما يضل في حلج البني ادم

ليش العيد مو مثل اول

لييييش محد يعطيييني عيدية !!!

لوووول وتحياتي

تابع القراءة

nanonano said...

ZooZ "3grbgr":

أنا بمـــــــوت على بطول الماي
طول ما انا بالدوام البطل ما يطيح من ايدي

nanonano said...

3ajeeeb :

أيامك سعيده مقدما

أنا نفس شعورك بس في بطل الماي..أول يوم العيد بالسياره كله مخترعه

nanonano said...

kuwaitawy :

منّا و منّك

و ايامك سعيده أن شاءالله

أنا مو من محبّين القهوه أنا تبع الشاي حليب..يا زينه من الصبح

nanonano said...

Funny Q8i :

و انا معاك...ليش محّد يعطيني عيديه
:(((

و تحياتي أنا بعد

Barrak said...

الوقت يطير

وكله من عمرنا

Blog 3amty said...

عيادي آجل عندي لج خوش صانع سوق عليها :P


عيدك يتبارك بإصيامج وقيامج :)

nanonano said...

Barrak :

الأخ العزيز براك..المهم نسأل نفسنا..شنو سوينا بعمرنا..و نكون راضين عنّه

nanonano said...

Blog 3amty :

هاهاهاهاهاهاهاهاها
هاهاهاهاهاهاهاهاها

آجل لا يحوشك
;)

و ايامك سعيده..و عساك تعوده ان شاء الله

 
template by Purplecious