Sunday, September 14, 2008

البنيان و ما أدراك ما البنيان

أذا تبي تدعي على أحد
.
أدعي عليه يصير عنده بنيان
.
واي يا البنيان
.
مو معقـــــول
.
هذا اللي صج يبيله قلب ما يتعب
.
أنا أول كلّه أقول أشدعوه و متشيحطه بزوجي المعماري
.
يعني اللي يمرون فيه غيري ما أمر انا فيه
.
و يقول الله بقوله
.
كل نوع بهذله في البنيان مرت علي
.
لا فادني لا زوجي المعماري و لا خبرته
.
مو معقولين
.
المقاول يسوي روحه فاهم كل شي..و لما يصير التنفيذ
.
يطلع اللي أهوه فاهمه و متليقف فيه..ما له علاقه باللي أحنا نبيه
.
الصحّي..ما صدّقت أيون ملوت تركيب البورسلان..وين البورسلان؟
.
ما يبناه من المخزن..عيل ليش ياييّن؟؟؟
.
مال المطابخ..يصير عنده أختلاف وجهة نظر مع المقاول
.
و أنا اللي أتعطّل
.
كل هذا صار خلال فترة العشر أيام اللي فاتت لأن زوجي كان مسافر
.
و أنا صرت المسئوله عن البنيان
.
أنا متأكده أن المقاول بيقط وراي سبع حيرات اليوم
.
لأن بيفتك مني و من حنّتي

31 comments:

Fahad Al Askr said...

ليش أشقي روحي، أكلف شركة بالإشراف وأفتك

nanonano said...

Fahad Al Askr:

المقاول مال شركة الأشراف

ZooZ "3grbgr" said...

الله يعينج
الله فكنا وخلصنا بنيان
اخوي كان ماسك الشغل واعصابه تلفت من المقاولين
بس خلصنا باقل من سنة الحمدلله
الفال لكم انشاالله

جنة الحواس said...

I can't agree more !

أنا غيرت حمامي تكرمين ..الشهر اللي طاف و أبوي مسافر ..و حسيت بمعاناة اللي يبنون .. بداية المعاناة تبدي من عملية إختيار البورسلان و الإكسسوارات إلى الإشراف على العمال و اهما يركبون أبسط الأشياء

و طول الوقت وآنا أتحلطم .. شلون الأوادم يختارون 10 -15 حمام حق البيت الواحد ... شلون يبنون بيت كامل أصلاً ... العملية مضنية


و اذا انتي دقيقة .. مأساة ..راح تصيحين لمجرد انج شفتي خط عوي ..أو شي مو مركـَّب في مكانه الصحيح

و أسعد أيامج .. لما العامل يكون هندي ... و لا يفهم لا عربي و لا إنجليزي


و اذا شرحتي له بالإشارة ..بطل حلجه


::

لا صج ..الله يكون بالعون يا نانو

و يطلع كل شي مثل ما تبين

ولاّدة سابقاً ... رانيا السعد ...رانية المنيفي حسب الأوراق الرسمية said...

كله أجر

;)

J Daily said...

دام المعماري سافر جان وقفتي الشغل بالبيت

-
والمقاولين اغلبهم كلكجيه و واغلبهم بعد ماعنده شهادة كل شغله عالخبرة

أمحق خبرة ((:

3ashga::O::Mfalsa said...
This comment has been removed by the author.
3ashga::O::Mfalsa said...

الله يعينج !! صراحة سوالف البناي غير شكل!!
لو ناطرة ريلج لين يرجع وايد أحسن
لأنه مثل ما قلتي المقاول مع الباجي "شلة البنيان" عمرهم ما اتفقو ، وكل واحد منهم يبي يمشي اللي براسه :)

LiL ALiEN said...

اختي التراثيه

شفتي البنت شلون تكون خايفه من ليله الدخله .. او شلون خايفه من اول عملية ولاده لها وشنو تسمع من سوالف؟

انتي الحين حطيتيني بمكان هالبنات .. وراي بنيان .. وموضوعج هذه صرقعني .. وخصوصا بعد السوالف اللي اسمعها من الشباب

:(

lawyer said...

واي الله يعيييييييييييييينج

يبيلهم قلب
انااااا سويت شقه بغيت اموووووووووووت


يوقفووووووووون كل شغلهم عشاااااان برغي !!


و يتفلسفوووووووووووون من كيف ابوهم


يداد لج

ترا اذا ما سويتااااااااااي جذي ما راح تاخذين منهم لا حق و لا باطل

و اذا سسسسسسسكنتاي انشاء الله على خير

اول ست شهووووووووووووور
كل شوي بيطلع لج شي و السبه اهمالهم و خرابيطهم



الله يعييييييييييينكم
و يخلص البيت على خير



ياعله منزل مبارك و تشووووووووووفين كل خير فيه

Mok said...

اذا البيت مو على مزاجج

ولا اكتمل

نصيحه هدمي مره ثانية وطلعي باقل خسائر احسن ما يكتمل وتردين تهدمينه بعد سنوات

ويبيلج شركة سنعة

kuwaitawy said...

لوووووووووووووووووووووووول



<--- عندهم بنيان كامل

Eng_Q8 said...

الله يعينكم

مااحب البنيان

عثماني said...

من كثر ما عاشر مقاولين على كل شكل و لون

توصلت حق قناعة .. ان كل المقاولين بروحون النار

:)

nanonano said...

ZooZ:

عليكم بالعافيه..من صجّي يا بخته اللي يخلص بنيان

nanonano said...

Broke:

و أنتي الصاجه لما يكون العامل مصري و حجّي ملقوف

واللصج الله يكون بعون زوجي..أنا جم يوم و طلعت لي قرون

nanonano said...

ولاّدة:

أجر و عافيه ان شاءالله

;)

nanonano said...

يعقووبوو :

عاد تصدق أن المفروض مقاولنا وايد زين

بس على قولتك أمحق خبره

nanonano said...

3ashga::O::Mfalsa :

أنا ما أعبّر أنطر..ابي كلشي يخلص وفق جدول زمني

و لي الحين الجدول مو راضي يضبط

nanonano said...

LiL ALiEN:

خنت حيلي

راح تبلّش؟
لا..ترا ماكو الاّ العافيه..أنا قاعده ابالغ
ما عليك منّي

nanonano said...

lawyer:

صح أنا خايفه من أول 6أشهر

nanonano said...

Mok :

أنا ما اسوي شي مو على مزاجي
;)

و بعدين مساكين شركتي زينه بس أحنا وايـــــــد دقيقين

nanonano said...

kuwaitawy :

لوووووووووووووووووووووووول


مافهمت <---

nanonano said...

Eng_Q8 :

حتى أنا ما احبه..و لا أفهم شي فيه..بس شنو نسوي

التعاون لازم يكون موجود عشان نخلص

nanonano said...

عثماني :

هاهاهاهاهاهاها
هاهاهاهاهاهاها

أي و الله بيروحون النار

mantovani said...

بنيت دور واحد

و حاشتني امراض و مواقف انا في غنى عنها

مانتوفاني

kuwaitawy said...

لووووووووووووووووول


اقول احنا عندنا بنيان

بيت كامل


يعني هادمين بيتنا وبنبنيه من ساسه

هههههههههههههههه

nanonano said...

mantovani :

أنا بيتي دور و نص..بس ترا الشقا واحد

عمال+مقاولين= قرحه

nanonano said...

kuwaitawy :

آآآآآآآآه فهمت

دودهتني الله يهداك

Mok said...

صباح الخير

اسف بس مظطر
وخري عن الصفاة الى الابد
حتى يتضح امر شركة

nanonano said...

Mok:

شكرا جزيلا عزيزي

ما عندي لا صفاة و لا صفوه أنا قلقي منهم لأسباب أخرى

 
template by Purplecious