Thursday, September 18, 2008

الحمدالله على السلامه

الحمدالله على السلامه..ما بغينا نوصل حق نهاية الأسبوع
.
أصلا فيني فروح لأن بلشنا العطله..من كثر أحداث هالأسبوع
.
المشكله أن من كل صوب..في شي..ما كان أكو مكان الواحد
.
يقدر يصد فيه و يريّح شويه
.
التعب بالموضوع أن من كل النواحي
.
الصعيد الشخصي: أحتكاكي الأول و الأخير مع المقاولين
.
الصعيد الأجتماعي: القرقيعان..و وصلكم القرقيعان و لا لأ
.
دراريع اليهال..استانسوا اليهال لما راحو؟
.
و طبعا فوق هذا محاتاة اليهال على ما يوصلون البيت
.
الصعيد المهني: أنهيار السوق..و محاتاتي لنتيجة هالأنهيار
.
الصعيد المدوني: الصيحه اللي صارت على مذكرات الدكتور
.
و فوق هذا كلّه كانت غبقتي يوم الأثنين
.
يوم أنهيار السوق و يوم بداية لوية المذكرات
.
فكنت يوم الأثنين ما أدري منو أكلم
.
الطباخه و لا الدلاّل و لا الناس اللي مو عاجبها تعليقي
.
فقررت بهاليومين..أريّح مخي
.
و لا أدخل في نقاشات لا عن السوق
.
و لا عن سهمي الصفاة و الصفوه
.
و لا عن المذّكرات
.
عطله سعيده للجميع

14 comments:

ZooZ said...

ليلحين ما خلصتي بنيان
الله يعينج والله
البورصة لا تتكلمين عنها الله يستر من الانهيارات بالبورصات العالمية كلها

هدي أعصابج بهالعطلة وصكينا ببوست حلو نبي نستانس شوي


على فكرة ترى مادري بروحي اشوف جذي ولا بجهازي خلل بس دايما اشوف ببوستج جم سطر بالنص ممسوحين !!


have a sweet weekend my dear

zoka said...

اولا ارجو السموحه على ما بدر مني في مادري اي مدونه كلهم صاروا يشبهون بعض
ثانيا اكرر اسفي ما دريت ان تعليقي كان يوم غبقتج جان ما علقت و نطرت لما اتخلص
ثالثا اقولون طاحو على من كان يلعب بالصفاة و الصفوه يعني فرجت
رابعا have a nice weekend

كويــتي لايــعه كبــده said...

الايام والاسابيع والاشهر قامت تدخل على بعضها البعض

لا أكمل علشان ما اخرب عليك الويك انك
:)

للكل نواياه
وانتي نويتي لنا بنهاية اسبوع سعيدة

نتمنى لك الأسعد

3ashga::O::Mfalsa said...

أنه أقول تريحين أحسن
عطلة سعيدة حاناحينو :)

أتيت متاخرة said...

دقتي
ما بغت نهاية الاسبوع تيي حتى نرتاح فيها شوي
تعبنا من اللوية
عطلة سعيدة

kuwaitawy said...

enjoy your time



:)

Snow White said...

إي والله حده لويه وركضه وعجله قبل الفطور مادري ليش أحس الوقت يركض بسرعه ومحنا ملحقين!!

الواحد يبي فترة يرتاح فيها فترة استرخاء بعيداً عن الضوضاء يبيله سفره

أما البورصة جنها باديه تتعدل شوي هاليومين ما يندرا شصير ننطر ونشوف بس يقولون احتمال ضرب ايران قريب الله يستر بس

Happy Weekend :)

Mok said...

نانو

انت حساسه

الدنيا اخذيها ببساطة

كل اللي تقولينهم عنهم امور عادية

بس مشكلتج تبين كل شيء ابسرعة عزيزتي

مع الاسف اشتريت الصفوة اليوم وتحت 130 بعدما جائت لي الاخبار اخر ليل تم تاكيد انها لا توجد لديها اي مشاكل

وكان ودي اقولج بس احس مصختها واسبب لج ازعاج :)

واتمنى لج عطلة تخليج كول اكثر :)

هدي بالج عزيزتي

مــعـــارض said...

!لوووووووووويه


Have a smashing weekend ;)

ولاّدة said...

إسبوع ابن كلب ولا مؤاخذة
انتهي بانفلونزا والتهاب جيوب
نشتري صفوة الأحد؟
:)

LiL ALiEN said...

يعني اقدر اقول لقيت لي مقاول فنان حق البنيان؟ :P

الله يعطيج الصحة والعافيه .. ويخليج حق البيت والعيال .. وان شاء الله تكونون كلكم بصحة وسلام

عطلة نهاية اسبوع خفيفه ومريحة ان شاء الله

Eng_Q8 said...

هابي ويك اند :)

lawyer said...

بدااااااايه اسبوع جميل انشاء الله


في احد مداوم غيري ؟ و الا ترااااااا ببجي

mantovani said...

الله يعينج على البنيان

انا بنيت دور واحد و تسمم مخي من اللوعة اللي يحتويها البنيان

الله يعنج بورصة و بنيان

الله يعينج

مانتوفاني

 
template by Purplecious