Wednesday, September 17, 2008

مراهقات و مراهقين

أنا ما أدري عيال هالوقت شنو صاير فيهم
.
و لما اقول عيال قصدي المراهقين و المراهقات
.
مو معقولين..فيهم يراعه و قواة باس مو عاديه
.
أحنا مرّينا بهالمرحله و استانسنا فيها بس كان
.
كل شي نسويه في حدود.. وكنّا نحترم الآخرين
.
بحيث مهما كانت وناستنا..كانت توقف عند حدود
.
أزعاج الآخرين..و هذي كانت طريقة تربية أهالينا لنا
.
الحين فنّك تحاجي مراهقه أو مراهق..ما تدري شنو ممكن يكون الرد
.
قبل كم يوم..كانت ايام القرقيعان..رايحه منطقة اليرموك
.
دخلت الفريج اللي يوصلني لي بيت الجماعه اللي رايحتلهم
.
هالشارع ما ياخذ مني 3 دقايق عادة..هالمره 10 دقايق
.
بسبب مسيرات بمناسبة القرقيعان داخل هالشارع الفرعي
.
تهوّلت من اللي شفته
.
سياره جيب فيها 4 مراهقات طالعين لي نصهم من السياره
.
و متلثمين و قاعدين يرشون سياره الشباب بالفوم
.
وانيت ثاني هم فيه وايد بنات مبرقعات و لابسين دراريع فاقعه
.
و قاعدين يصارخون على علو حسهم بالفريج
.
طبعا كلهم فالّين شعورهم..و لا وحده ضافه شعرها
.
سياره ثالثه فيها شباب مو عارفين شنو يبدّون عليه
.
هذا غير مجاميع البنات و الشباب اللي قاعدين يمشون على ريولهم
.
تبون تستانسون
.
تبون تغازلون
.
تبون تغنون
.
تبون تضحكون
.
كيفكم عليكم بالعافيه..بس ليش هالتصرفات الغير حضاريه
.
ليش تزعجون و بوقاحه المستخدم للشارع
.
و الله العظيم مسكين ما يبقى شغّال أو شغّاله و لا سياره ما
.
تسبّحوا ذاك اليوم
.
ليش ما توقفون عند حدود الآخرين؟
.
المشكله أن الواحد ما يقدر يشره عليهم
.
يشره على الأهل اللي ما حاولوا يبذلون أي مجهود بالتربيه

31 comments:

Mok said...

خليهم يستانسون مساكين
هذا الكبت ما يسوي

واهلهم بتاكيد يعلمونهم الاصول لكن العالم اصبح قرية صعيره ويشوفون ويقلدون

مو علشان جذي كنت اتمنى يكون التعليم المشترك من الابتدائي

حتى المجتمع كله يركد
بدلا من هالنظره اللي مصدقين شايفين شباب وبنات

وسلامتج

عاجـل said...

هذا زمنهم
واحنا زمنا راح

nanonano said...

Mok:

لالالالالالالالالالالا

لا تروح بذاك الراي...كلهم مدارس خاصه
و لا تسألني أشدراج لأني لجحت كم وحده من شلة بنت صديقتي

و بعدين أنا ما قلت لا تستانسون قلت أحترموا شعور الآخرين يعني ذاك اليوم في كم ياهل في بيته لازم ينام و ما قدر ينام من صيحتهم و نزاقتهم بالشارع

Unknown said...

well it comes to ,,, no where for these kids to go except the malls .. no hobbies no interst

the country shut down all kind of entrtaiment and the parnts dont believe in hobbies

so basically they do not know any better. but to go to malls...

nanonano said...

عاجــل:

زمن أغبر..اللي صارت فيه الوناسه و الهيله أهم شي بالدنيا

3ashga::O::Mfalsa said...

هذول اللي شفتيهم لا كبروا بيشون أجود من اللي شفتيه بالجيل اللي
بعده!!!

الله يعين!

Mok said...

انا اشوف الامر عادي يمكن انت حساسه شوي عزيزتي او كنت وقتها مستعيلة

بالعكس جان ابتسمتي لهم

:)

عموما مثل عاجل ما قال زمانا ولى ولهم زمان
:)

3bady said...

اذا غاب العقل غاب الحيا :)

هاذول يبيلهم اتحطينهم بمكان منتجع او شي علشان يسنعهم لانهم متخلفين :)

سرحان said...

هذي تربية ميري و تشاندرا :)

Bloggerista said...

تصدقين عاد انه مو بس المراهقين يسوون جذي

وحدة معاي بالدوام عمرها 27 مأجرة وانيت مع رفيجاتها و متبرقعين و رايحين يقرقعون

nanonano said...

mosan mosan :

my dear my whole point is the parents is not making any effort to raise thier children..

nanonano said...

3ashga::O::Mfalsa :

أتصدقين ما أظن..أنا اللي أشوفه الحين الأمهات اللي من جيلنا و اللي دار مداري وايد قاعدين يتعبون على عيالهم..لأنهم أهمه قاعدين يشوفون الوضع الحالي و وايد مستائين

nanonano said...

Mok :

من ناحية مستعيله..فأنا مقزرتها مستعيله

أبتسم..هممم..وايـد صعب..كلش مو حليوه

nanonano said...

3bady :

يبيلهم مدارس عسكريه..عشان يعلمونهم الأنضباط و أن مو كل شي
سهل و وناسه..لأنهم وايد مدللين

أحنا مرينا بتجربة الغزو..فعرفنا أن كل شي ممكن يتغير بلمحة عين..هذولا مواليد بعد الغزو ما عندهم ما عند راشدي

nanonano said...

سرحان :

هذيله تربية الدلال الزايد

nanonano said...

Fashionista :

وااااااااي ما أصدق

يمكن أهيه وحده من البنات اللي شفتهم

Manal said...

زمن اغبر

الله يعينا على الي ياي
:)

AL7ESIN said...

اعتقد معانا حق نستنكر منهم

الجمال بالسلوك بالمظهر كلنا نحبه
هالحوسة وين والسنع وين، يازين اللي يستحون ومرتبين واللي يخلونج تبين تاكلينهم من ذرابتهم

كلنا مرينا بالمراهقة، بس ماكنا جذيه نهول بروحنا بالشوارع!! ـ

**

ما اتخيل اي نوع من الاهل اللي يشوفون عيالهم جذيه ويسكتون
اكيد اهاليهم ما شافوهم

As YoU LiKE said...

اي شفت هالخمة

منظر يرفع الضغط .. لاهي محترمة نفسها ولا محترمة الامة اللي بالشارع !

خوفي باجر تصير مسيرات برمضان بسبة القرقيعان

كويــتي لايــعه كبــده said...

وآخر شيء نادو عليهم الشرطة يوم طالت ومصخت حوالي الساعة عشر

الكبت ما يعذر قلة التربية

ZooZ "3grbgr" said...

هذا وين !!
ماشفت شي :S

جان صورتي دامهم مبرقعات

secret said...

و الله قالها قحطة
عيال هالوكت ما يفيد معاهم الا التمصع و التصطر

لكن وين .. قلتيها .. مو حاطين حق روحهم حدود

و لا حسيب و لا رقيب عليهم

جيل يخرع!

kuwaitawy said...

الشباب والبنات الكويتيين


صاروا يدوّرون الوناسه دوّاره


بدون ما يهتمون بالمظاهر الحضاريه



تحياتي

nanonano said...

ManalQ8 :

من ناحية أغبر فهو أغبر

الله يعينا و يصبرنا و يركّدهم

nanonano said...

AL7ESIN :

أنا معاك أكيد أهاليهم ما شافوهم..ما تتخيل شكلهم

nanonano said...

As YoU LiKE

و

كويــتي لايــعه كبــده :

أشوه يعني شفتوهم و هم أنتو أنزعجتو منهم يعني مو أنا العوبه؟؟

nanonano said...

ZooZ :

خفت أقولهم يتعيوبون علي..و برستيجي يتمرمط مع هاليهال

nanonano said...

secret :

جيل يخرّع لأن ماكو احد قاعد يتعب عليه

nanonano said...

kuwaitawy:

الكل بهالديره صار همّه الوناسه وبس

الله يساعدهم على هالدنيا

eShamiYa_RockS said...

كل هذ يصير .. و أنا ما أدري
!!
:P

اشوة فريجي هادي



صج..يا شين الخفة

nanonano said...

eShamiYa_RockS:

ويـــــــي أشياء تصير من غير لا الواحد يدري

 
template by Purplecious