Thursday, September 11, 2008

حشّه على الماشي بالرياييل

في حوار لطيف بين منيره و حمود الطواش بمسلسل الأقدار تقول له
.
منيره: خليفه أيموت على الحريمات..ماله جبد عليهم
.
حمود: هذا مو عيب شرعي
.
بالفعل..عموما الرياييل عندهم عادي أنهم يكونون متزوجين أو مرتبطين و أذا طلعوا
.
سواء بروحهم أو حتى مع زوجاتهم تلاقيهم يخزون من غير ويع قلب..بس خل الزوجه
.
تلتفت..و ساعات المسكينه تسرح..يعني مو قصدها تخز أو أطّالع..ما تدري شنو ممكن
.
أييها من تنزّر و أتهامات أنها قويّة عين..المشكله أن هالطّبع ماله شغل بالخلفيه
.
الأجتماعيه أو الثقافيه أو التعليميه للريّال..شي موجود بجيناتهم..و بعدين كلّه تروالهم أن
.
اللي مو عندهم أحسن من اللي عندهم..و أن زوجاتهم أو صديقاتهم طايحين
.
بجبدهم..يعني أنا ما اذكر آخر مرّه سمعت فيها زوج يتحلّى على زوجته ..او على الأقل
.
يلتزم الصمت لما أحد يمدح زوجته و ما يبتدي يعذرب..و الله الدّاد لنا..يعني لا من خيرهم
.
ولا كفاية شرهم..الصج الرجل شر لابد منه
.
.
.
ملاحظه: الموضوع هذا ماله شغل بحياتي الشخصيه..بس قلت للتغيير عن الحديث الممل عن الوضع السياسي و الأقتصادي للكويت
.
عطلة نهاية أسبوع سعيده.

40 comments:

Bloggerista said...

هذي اسمها دناوة نفس

تلاقين الريال يتحلى على الكللللل حتى السحيلات و اللي عنده خنت حيلي كلمة حلوة ما يعرف يقول لها

enjoy your weekend :)

nEo said...

اييييييه

مــعـــارض said...

Have a nice a weekend :)

Fahad Al Askr said...

التغيير يعني الحياة

التكرار يعني الملل

وجهة نظر عالسريع

Shurouq said...

بس قلبهم أبيض ودمهم خفيف :)

m$n said...

لا أختى مو كل الريايل مثل جذى

أنت تتكلمين عن المجتمع الذكورى فى الكويت

فالحياة الاجتماعية والتاريخية لنا اى من الازل وهى تعامل المرأة كشر لا بد منة

لكن أنت هل تعرفين الرجال المجتمعات الاخرى

العرب والاجانب على سبيل المثال؟

هم مختلفون لختلاف المجتمع عنا هناك، ستجدين التقدير للمرأة

كمجتمع اللبنانى واحترامهم للمرأة بشكل ملفت للنظر سواء بالحديث عنهم أو طريقة تعاملهم

kazmawy said...

محد راض بقسمته :)

Anonymous said...

كما قال نزار قباني
كلماتنا في الحب .. تقتل حبنا

Mok said...

نانو

مو جنه هجوم بالعموم
:)
Have a nice a weekend

nanonano said...

Fashionista:

الكلام بس حق ربعهم

same 2 u my dear

nanonano said...

nEo :

أييييييهين

أشعندك..ترا أنا مستشرّه

nanonano said...

مــعـــارض :

same 2 u dear

nanonano said...

Fahad Al Askr :

صح كلامك..بس تنطبق وجهة نظرك على الزوجات..يعني ممكن أحنا بعد نغيّر

nanonano said...

Shurouq :

وايــــــــد

هذا اللي مصبرنا عليهم

nanonano said...

m$n :

مو صحيح..المجتمع الذكوري اللبناني أسوأ من رياييلنا

nanonano said...

kazmawy:

القناعه كنز لا يفنى..بس منو يقتنع

nanonano said...

حمودي :

عاد أنا ما اقايش مع نزار

nanonano said...

Mok :

هجوم..من اللي شفته و حياتك

same 2 u my dear

حلم جميل بوطن أفضل said...

أهم شئ الملاحظة المهمة اللي كلنا مصدقينها

الرجل و المرأة نفس الشئ تيس تيس

الفرق الريال يحب يخز

المرأة تحب تنخز

و هذا سبب أطنان الأصباغ على الوجه

فرجاءً كفوا عن التحلطم و إلا

Snow White said...

إي والله صاجه .. أعرف وحده كانت متزوجه ولد عمتها وفي أحد الأيام طالعين مع بعض رايحين يتعشون بره تناجر معاها على سبة إنتي قاعده اطالعين غيري! يعني وين تبي البنت تودي عيونها تغمضها ولا تعصبها!! هذا وانت ولد عمتها وجذي! بالنهايه ما استمرت علاقتهم وتزوجت واحد ثاني الله يتمم عليهم

بس الملاحظ أغلبية الرجال عيونهم زايغه ;)

المرأة أنضج بالتفكير من الرجل .. المرأة تنظر للزواج على أن استقرار وبناء أسره أما بعض الرجال عبالهم الزواج لعبه .. إذا مافيك شده ولا تقدر تتحمل مسئوولية فليش تاخذ بنت الناس وتأذيها معاك

nanonano said...

حلم جميل بوطن أفضل:

my dear i don't wear make-up

;)

kuwaitawy said...

قبل كل شي

اعترف ان كل الكلام اللي قلتيه صح




بس عندي سؤال؟؟


انتي شفيج علينا ؟؟؟





have anice weekend :)

nanonano said...

Snow White :

أنا من صجي..يكسرون خاطري هالنوع من الزوجات..اللي مساكين..بالبدايه أييهم الزوج و يخلي البحر طحينه..و عقب تصير جنها لعبه و مل منها..و يبتدي يدور على شي ثاني أونس..المشكله أن الموضوع يصير توووو ليت لأن المقروده يابت لها ياهلين و دثرت و طاحت بجبد نفسها

nanonano said...

kuwaitawy:

من حبّك لاشاك

:)

lawyer said...

الريااااااااااال اصلا يغلق يغلق اذا احد مدح مرته


و يعطي نظظظظظظظظظظظظرة حقيره للمرا

و بعدين يقول لا تصدقين لا تصدقين

يجاملوووووووووووج

مشششششششكلتج مصدقه المجاملات



اي كييييييييفنا بنصدق اشلووووووون يعني !!




مرات انخز الرياييل مو لان بنخزززز لألأ ولكن اذا قاعدين في كوفي شوب وانت ساااااااااكت اصلا
فشي طبيعي بخززززززز كل المارين

ليش يشوووووووفها و اهي اتخز الرياييل وما يشوفها لما تقطع البنات من فوق لي تحت و تسوي سكان على شنو لابسين



نانو
انا رفيجتي عروووووووووووووووس
يعرفون بعض من 4 سنين يعني 4 سنيييييييييين كافيه جدا ان يفهمون بعض

توهاااااا كاشخه في هذيج البدله سووووووووووو كلاس و متسسسسسسسسسنعه تقوله حلو؟؟

يقولها لبسسسسسج هذا دليل انج ما تفهميني كلش !!!!

تقووووووووووووووووووول عروووووووووس اطلع في تي شيرت و شووووووورت و نعال فليب فلوب !
تقوله هذي الكويت مو سردينيا يماااااااااا

خلاص خلص الصيف

!!

كلهم كلهم يجعموووووووون عادي

لانهم منبطه جبودهم من ثقتنا و ان كلا نمدح برووحناااااااااا



كيفنا نحب نفسناااااااااااااا

لو تدقرنا من اليوم لي باجر
هههههههههههههه



وايد وايد وايد هذرت

كويــتي لايــعه كبــده said...

ء"الصج الرجل شر لابد منه"

ليش ليش ليش
الله يسامحك

طبيتي فينا الله يهداك

اللي عندي الله يسلمك تسوى لها بلد
ولا فيه غيرها يترس عيني
عقل وسنع وكل ما اتمناه

أخلي القمر
واخوزر بالنجوم شماله

(كلامي عن أم عيالي مو الصاحبه
لووووول
غشمره مو صج)
(يمكن قاعده تقرا المدام)
ء

عثماني said...

انا لله وانا اليه راجعون

يعني احنا صرنا مثل العومة ..ماكولة و مذمومة

:)

بس تمونين

:)

nanonano said...

lawyer:

أنا ودّي أعرف
ليش الزوجه أتشقق لما أحد يمدح زوجها؟؟!!؟

nanonano said...

كويــتي لايــعه كبــده :

ترا كل كلامنا قشمره...و تنفيس من الوضع مساكين ماكو الا الرياييل اللي نقدر أنفس فيهم

حياك الله أنت و المدام..هذي الساعه المباركه اللي أتسيّر علي المدام

nanonano said...

عثماني :

لا والله أنتو عين السيح..بس شويه أنتحرش شويه

lawyer said...

نانو بعد قلبي

من طيييييييييييييييبه قلوبهم
خصوصااااااااااا اذا احد من اهله مدحه او مدح شي اهي شاااااااريته

او مادح كششششششخته اتحسسسسسسس ان لها دووووووور كبير
بس اطالعه و اتبوووووووووووسم
و اتحلى عليه و تعطيه نظره من فوووووووق لي تحت و اهي طايره



يااااااااااااااربي احنا يالحرييييييييييم طيوووووووووووووووووووووووور الجنه
ماتشوووووووفينا زينه زينه الجنه و الدنيا


في الدنيا فتنه و في الجنه حوووووووووووووور عين

!!


اما الريايييل حصصصصصصصصصم جهنم

لووووووووووووووووووووووول

شكلي بنطططططططططططق


الله يخليهم لنا

JiBLa CiTY said...

لاحول ولا قوة الا بالله

انزين يمكن الريال حول؟

التمس لأخيك سبعوون عذرا

:))

حلم جميل بوطن أفضل said...

swallow it ??

:)

رمضان كريم

nanonano said...

lawyer:

هو أكيـــــد الله يخليهم لنا

فقر و قلدمه؟؟!!؟ على الأقل شي الواحد يدحر فيه

nanonano said...

JiBLa CitY :

عيزنا و أحنا نلتمس الأعذار
قلنا حول..قلنا عور..كريم عين على قولة الكويتيين..ماكو فايده

nanonano said...

حلم جميل بوطن أفضل :

بلعناها

الله أكرم

Unknown said...

Women after marriage neglect there appearance at home. So it’s nice to feast your eye on attractive things from time to time.

And women dress up to attract men ( a fact)

If women had the choice they will castrate all men

Nano
Why do you keep blaming men , when you know that women are not as innocent when it comes to this subject ?

I am sick of politics too

nanonano said...

mosan mosan :

الله الحين الزوجه بعد الزواج أهيه اللي تهمل نفسها..أنت ما تشوف الرياييل شلون أتغير سحنتهم عقب الزواج..مسكينه المره تحمل..الزوج أنت شكو بعد كرشك يكبر..و بالأخير الزوجه تولد..و الأخ كرشه في أزدياد

Q80-ChillGirl said...

looooool

سلمج الله قالي واحد سنع و صايم و مصلي و يموت على مرته و عياله و الادمي يهبل ما شاء الله عليه و عسى الله يتمم عليهم،، المراااااد قالي

كل الرجال عينهم زايغه

:>

و اعتقد شمل نفسه بهالحجي

:p

nanonano said...

Q80-Chill Girl :

هو...أكيـــــــد

بس يختلفون على الموديلات اللي تزوغ عيونهم عليها

 
template by Purplecious