Tuesday, September 09, 2008

فيروز

الحين مع الزحمه المروريه الخانقه
.
أي مشوار ما راح ياخذ مني أقل من نص ساعه بالسياره
.
و عشان ما أفقد أعصابي و أحتر من الزحمه
.
أسمع فيروز
.
ماكو أحد مثل فيروز تونسني في مثل هالظروف
.
لأنها تبرّد القلب
.
تسولف معاك
.
أتحلطم
.
أتشرّه
.
أتطنّز
.
أغانيها دمها خفيف ... طبعا بعكس شخصيتها الحقيقيه لأنها ودره و ما تنتحاجى
.
و اذا غنّت عن الحب..تعيش في عالم ثاني
.
عالم مريح
.
براد
.
و لمّا أسمعها أكثر شي يطري على بالي جملة المدوّن القديم
.
الاّ نبيذي
.
فيروز غنّت لحب ينمو بجانب نهر و صنوبره و قرميد و ثلج و شمس
.
فأنصحكم بفيروز هاليومين عشان توسّع صدوركم
.
تحيّاتي

51 comments:

راعيها said...

والله زحمة السوق بالليل ما ينفع معاها حتى خالد الملا

فيروز يبيلها قعده على نهر .. او اذا تبين تستمتعين سوي مثلي ... تمشي بالسياره يوم الجمعه او السبت الصبح مبجر ... شوارع فاضيه و الناس خامده بفرشها

عثماني said...

رغم اني من عشاق فيروز

يعني تقدرين تقولين اني فيروزي

:)

بس احلى مرة سمعت فيها فيروز كانت في حفلة حضرتها في بيت الدين في لبنان

سماع فيروز مباشرة له هيبته

nanonano said...

راعيها:

لأ أنا اذا اشتهيت أني أختلي مع نفسي و فيروز ما يردني الاّ طريق الشاليهات..أنصحك فيه
;)

nanonano said...

عثماني:

يا بختك سمعتها بهالمكان الرائع..لأ أنا رحت لها في البحرين السنه اللي فاتت..و غنّت في قلعه هناك...أبدعت..و أنا بعد صاير تولّعي بلبنان مو عادي..بس أنطر أيي العيد و أروح

J Daily said...

إن سمعت فيروز بعصب زيادة

كويــتي لايــعه كبــده said...

ما ودي أكسر فيج بس لو فيروز بيدها فاس وكماشة ما وسعت صدورنا من اللي قاعدين نشوفه حوالينا
:(

3ashga::O::Mfalsa said...

اتصدقين عاد ؟ ما سمعت لفيروز غير اعنية حبيتك بالصيف !! عمري ما فكرت اسمع لها ،
بس اتصدقين ودي اسمع أغانيها :)
في أسامي لأغاني معينة لها عشان أنزلهم من النت ؟
أبي اسم الإغنية اللي تبرد علي دربي وتصبرني على الزحمة لوول.

Shurouq said...

آنا مزاجي هاليومين وردة وبليغ حمدي
http://www.youtube.com/watch?v=XSvgVoIoCGw


فيروز شايلينها للشتا

ولاّدة سابقاً ... رانيا السعد ...رانية المنيفي حسب الأوراق الرسمية said...

ضاق خلقي يا صبي من هالجو العصبي

Fahad Al Askr said...

فيروز ما تمشي مع الرطوبة

وحده بو فهمي يصلح لجميع الأجواء

PALFORCE said...

Ana Habeetak tanseet enooom...

مكان للعبث said...

ستعجبك اخر بوست
تفضل بزيارة مدونتي
وسأسعد لتعليقاتكم
http://makanabath.blogspot.com

nanonano said...

يعقووبوو :

أول مرّه اشوف أحد تستفزه فيروز..عيل يوسف العماني شنو يسوي فيك؟

nanonano said...

كويــتي لايــعه كبــده:

يعني بذمتّك أسمع فيروز و لا ارتكب جنحه؟ سب و قذف..مشكلتي أني وايد عصبيه..مع الزحمه..و حكرة السياره أين..فلازم فيروز أتطخخني

nanonano said...

ما يبيله..البوسطه..سمعيها و أهيه أتحلّى على عليا و سمعيها و أهيه تعيّب على وحده من ركاب الباص..أنا أغانيها اعيش فيها

nanonano said...

Shurouq :

أنا ورده ذكرياتي فيها أولى سنة جامعه..فلما أحن حق هالمرحله و جمالها و وناستها..أسمع ورده..عموما قبل شهر كان مودي ورده

و فيروز بالشتا تصير غير شكل..مو مال سياره

nanonano said...

ولاّدة:

لأ..كيفك أنت..ملّه أنت

أيــــــــــام

;)

nanonano said...

Fahad Al Askr:

أفــــــــا..بو فهمي مال الرطوبه
ما هقيتها منك يا فهد

بو فهمي..مال الجو حلو..و قاعد على البحر..و لا طالع حداق بالليل

غـــــــــــايه

nanonano said...

PALFORCE:

يا خوفي تنساني

المشكله كلّه ناسينا..محد قام يذكر أحد بهالوقت

nanonano said...

مكان للعبث:

أهلا و سهلا

راح اسيّر على مدونتك

أبو جيج يدور نعاله said...

صح

الجو هاليومين جو فيروز

فيروز و مضاد حيوى

Mok said...

لا اطيق فيروز ولا عبدالحليم ولا ام كلقوم

احس مضخكين بزيادة اغانيهم نوع من الاكتئاب

:)

باجر اخضــر وقولي ما قالها
:)

Mok said...

مضخكين=مضخمينهم

nanonano said...

Bo Jaij:

فيروز مع مضاد اكتئاب و حياتك

nanonano said...

Mok:

وااااااااي..أنا أمــــــوت على عبدالحليم و محمد عبدالوهاب و أم كلثوم..بس هذولا من كثر حبي لهم يبيلهم مزاج ثاني مو هالوضع و هالجو

من بؤّك لي باب السما..أذا صلّح لي الخميس لك الحلاوه
;)

Gee™ said...

3ad walla ana 6ay7a eb fairooz 9arli cham yooom

ya rabi hal mara et.hadi el bal ;p

kuwaitawy said...

انا ما اطلع الا الصبح او العصاري

اذا بروح السوق



اما بعد الفطور انسي اروح السوق او اي مجمع

ما احب الزحمه

مع ان مشاويري هاليومين ما تخلص

لكن مستحيل اروح السوق بعد الفطور





يعني ما احتاج فيروز :)




تحياتي

مــعـــارض said...

!شرااااااااااحة
;)

loco said...

you are right

nanonano said...

├ƓɧαɗσσƦ┤™:

والله أن عندج ذوق...وايد تهدي البال و المزاج نوعا ما يصير رايق

nanonano said...

kuwaitawy :

أنا لما أتكلم عن الزحمه أقصد زحمة الصبح حق الدوام و زحمة الظهر الطلعه من الدام..أصلا من صار رمضان ما رحت صوب السوق..بس مو معقوله بس لأني بنت أفترضت أن كل طلعتي حق السوق

nanonano said...

مــعـــارض :

وايــــــد
مو؟
;)

nanonano said...

loco:

Thank you my dear

Diver said...

ذكرتيني بالذي مضى
كنت او لازلت من محبي فيروز بس الحين ما اسمع اغاني الا في الرادو

فيروز اغانيها و خاصة الي كاتبها و ملحنها زياد تعتبر فعليا من السهل الممتنع

و الدليل (قالولوه) آسف قصدي كيفك انت على سبيل المثال

ملاحـظـة said...

صار لي يومين معلقة على اغنية

يا ريت

فيروز ملكه
تهذب الروح

nanonano said...

Diver :

عاد تصدّق فيروز وايد قليل يحطونها بالراديو

زياد أبدع مع أمه بس

كيفك أنت ذكريات جميله

nanonano said...

ملاحـظـة:

انا معلقه على سلّم لي عليه

kuwaitawy said...

nanonano


لأ

لأ

لأ بليز


لأ



لا تفهميني غلط :)



انا كنت اتكلم عن نفسي


ما كنت اقصدج :)

Blog 3amty said...

مصيبة سيارتج فيها مسجلة ؟


@@

مــعـــارض said...

nanonano:

واااااااااايد

أو بالأحرى...

كتيييييييييير

;)

nanonano said...

kuwaitawy :

عــادي..عــادي..أشدعوه

nanonano said...

Blog 3amty:

و عندي قوانات بعد بالسياره

nanonano said...

مــعـــارض :

;)

The Lazy Bears said...

حينما استمع الى الموسيقى العربية بالأخص الخليجية يحوشني صداع وغثيان !!


باستثناء فيروز

واغنيتها شادي

:)

Mok said...

نانو

احاتيكم انت وولادة:)

عموما

السوق الى 12600
اذا لم تتدخل القاضي والمتهم الهيئة العامة للاستثمار

قروب الصفاة ماعليها خوف بس عندهم مديونية والقرار يمنع الرهن الاسهم وهم محتاحين الى كاش الى سداد
هذا سبب هبوطها المبالغ
وراح ترد ان شاء الله
دزيلي ايميل

واخوج لللحين ما دخل
:)

nanonano said...

The Lazy Bears:

يا حلاة شادي

nanonano said...

Mok :

و أنا اقول لك لا أتدش بعد..تو الناس

لا تحاتيني

مرت علي أيام أسوأ

بس هم شكرا

Zara said...

شفيه حسين الجسمي

nanonano said...

مهند:

ما فيه شي..بس انا احب الجسمي لأحياء الحفلات الخاصه..لأن صوته حلو و أغانيّه تونّس و عنده القدره يسوي جو..يعني يحلّل كل فلس

كاريكاتير said...

السلام

بالنسبة للزحمة انا استخدم موسيقى هادية واحط اغاني وطنية عشان احس ان اللي قاعد يصير من واجبات المواطن اللي يحب ديرته ليش تنحاش قاوم اصمد اطحس..

حتى احمد عدوية لو يشوف الزحمه اتوقع راحيغير اغنيته

بس شلون يغنيها سألو بواكرم!!

EXzombie said...

انا ما طحت على فيروز الا بالاردن و بالثلج
حبيتها

بس للحين مزاجي سيناترا و بوبليه

 
template by Purplecious