Thursday, September 04, 2008

برقيات لنوابنا الشباب الأعزاء...صباح الخير

محمد العبدالجادر: ترا الأمل مال شعاركم شاركونا الأمل ما بقى منّه الاّ أغنية الأمل مالت عوض الدوخي

علي الراشد: وصلنا رمضان..قرّرت أتجمّد و لا ما أتجمّد

مرزوق الغانم: أياك و اليأس من وطنك..ترا اليأس طلع من خشومنا

صالح الملاّ: ما شفنا شي من رؤيتك الجميله.. و لا صار الوطن أجمل
.
.
.
و لا تعطوني عذر الأيد الوحده ما تصّفق..أنتو مو أيد وحده..أذا قرّرتوا أتنعزون خلافاتكم الشخصيه على كتر و تركزون على الكويت…بس عاد..ملّلتونا بصخّتكم

46 comments:

Fahad Al Askr said...

عسى ما فيهم واحد من اللي تكلمتي عنهم

nanonano said...

:)

تقصد الشيّاب اللي تكلّمت عنهم بالموضوع السابق؟ و لاّ الراييل العويان؟
هاهاها

أنت ما عليك منّي الحين..كمّل لنا القصه

عاجـل said...

موضوع العدد والايد الواحدة كلام فاضي خاصة بالنسبة للنواب

خذو مثال طبطب

المليفي هاليومين

الصرعاوي هاليومين

كلهم على واحد واحد واحنا كالعادة نوابنا مثل التماثيل
---

ان النائم يكره الاستيقاظ فلا تهزي الكمبل يرحمك الله

مــعـــارض said...

ما مداهم الله يهداج!

والشغل كلّه صاير "بمطبخ" المجلس (اللجان) استعداداً لدور الانعقاد القادم

وان شاءالله راح يبيضونها

تفاءلوا

nanonano said...

عاجــل:
راح أهز الكمبل..و بانغّز..و باقعّد..و راح أشيل الكمبل آخر شي

لين يقعدون

nanonano said...

مــعـــارض :

ما يخالف راح نتفائل..بس خل يسوون شي..متنا من الطق على روسنا

مثلا..المصفاة الرابعه..الكل يتكلم عن الموضوع الاّ ربعنا..أنا شخصيا ماني قادره أفهم شنو السالفه..أبي أحّد محايد يفهمني..عشان نعرف شالطبخه..بس الكل صخّه؟؟؟!!؟ ليش؟

مــعـــارض said...

لا يغرّج اللّي قاعدين يهذرون بالجرايد هالأيام!
ما بقى شي وتخلّص إجازة المجلس... والحجي الصجّي يبدي مع بداية دور الانعقاد

آنا متفاءل خير بشبابنا، بس عطيهم فرصة... ما مداهم لأن دور الانعقاد الماضي كان قصير


وإذا تبين الصج...
وين دورنا؟؟؟
وين دور الشباب الوطني؟؟؟

آآآآآآآآه... خلّيني ساكت

lawyer said...

انا غاسله ايدي منهم من زماااااان

وعذرهم ان صيف

بننططططر لي بعد رمضان يمكن يكون في شي

مع اني متأكده ان ماراح نشوف من وراهم شي


من حماسنا يوم شفنا مجلس الامه هذا قلنا الحل ياااااي قبل رمضان

بس بخلص رمضان و اهم نايمييييييييييين

ولاّدة سابقاً ... رانيا السعد ...رانية المنيفي حسب الأوراق الرسمية said...

شبابنا صاير طعمهم مثل الرقي هالأيام ماري

لو تشرحين كمة ماري للجيل الجديد أكون شاكرة..ويا ليت ما يلفظونها على وزن ماري منكي جامنا

ماري: ماااا ممدودة ريييي

mantovani said...

محد يدخل مجلس الامة الا و اهو مليونير

اكو مليونير يبي يحل مشاكل الديرة ؟؟


جان مليونيرات لبنان حلوا مشاكلهم

لكن كل ما ساء الوضع

انتفخت جيوبهم


مانتوفاني

حسام بن ضرار said...

بضاعة الشباب ... كسدت

شعارات و كلام فاضي بدون تطبيق

Eng_Q8 said...

انا غاسل ايدي بديزل منهم بلا امل بلا بطيخ

مــعـــارض said...

من صجكم؟؟؟!!!

والله حسافة على الشباب "الوطني" إذا كانت هذي تعليقاتكم!!

المفروض أن نكون الدافع والمحرّك الرئيسي والأساسي للحركة الوطنية، وأن نكون الجهة الضاغطة على نواب الأمة...

آآآه!! والله حسافة

Snow White said...

أنا بعد فقدت الأمل منهم كله شعارات وكل من يدور على مصلحته مع الأسف

nanonano said...

مــعـــارض:

أنا معاك ما مداهم بس أنا أعتراضي على صخّتهم...مو معقوله..لا حس لا خبر لا حامض حلة لا شربت

و صح عندنا مشكله
و هذا أنا أيدي على كتفك..خل نسوي شي

and i mean it

nanonano said...

lawyer:

أنا مشكلتي أني مو غاسله أيدي منهم

و متأزمه من سكوتهم

nanonano said...

ولاّدة:

ولاّده ما كانو ماريين

كانو جنهم التّيل بالليل

ما أحتاج أشرح حق المدونين كلمة ماري كلهم مخضرمين

nanonano said...

mantovani:

أسمح لي ما أتفق معاك في هالحيثيّه

نوابنا غير

nanonano said...

حسام بن ضرار :

هذي المشكله..أنا اعتقد ان شعاراتهم غير قابله للتطبيق في وضعنا الحالي

nanonano said...

Eng_Q8 :

أنا ما ودّي أغسل أيدي..هذا اللي حاز في نفسي..أنا من فئة

لا للتـــــــشاؤم

nanonano said...

مــعـــارض:

ما عليك الشباب محبطين...بس أذا حسّوا أن أكو عمل جاد و حقيقي راح تلاقي الكل فازع

nanonano said...

Snow White:

لالالالالالالالالا...اشفيكم لا تفقدون الأمل

أنا قاعده أدحر فيهم..أبيهم يصحصحون

Mok said...

alaml fe alsafwa :P

As YoU LiKE said...

اسم واحد يخليني اتفائل
وهو صالح الملا .. هو الوحيد اللي اشوف الامل فيه .. ورؤيته اتضحت بالصيف ووقوفه مع الحق بأغلب القضايا !

اما الباقي .. ماعندهم سـالفة، خصوصاً اللي اسمه مرزوء الكانم ومحمد العبدالجادر

مــعـــارض said...

nanonano:

Just wait and see!
مع بداية دور الانعقاد القادم... قريباً جداً
وأرجوا منك التواصل حينها لمتابعة الأمور والأحداث



"الشباب محبطين"؟؟؟
محبطين من شنو؟؟؟
آنا قصدي ((الشباب الوطني)) اللّي المفروض ما يحبط، لو شيصير!!!

آنا أقولج شنسوّي... أول شي نسوّيه، نصحح "الشباب المحبطين" بجم طراق!!

مو كافي الطراقات والمهازل الحاصلة بالديرة؟!
لعن أبوكم، الكويت مو ديرتكم؟؟؟
بس شاطرين بالتحلطم



اللّي أبي أوصلّه... إن دورنا (دور الشباب الوطني) من الممكن، بل "يجب" أن يكون مؤثّر وفعّال أكثر من نواب الأمة!... واللبيب بالإشارة يفهم!


آه يا زمن

مــعـــارض said...

نصحح "الشباب المحبطين"

نصحح = نصحصح

:p

enter-q8 said...

انا كنت مضيع انك انتي اصلا زميلتنا القديمة
لما دخلت على اللنك
خو تدرين اشكثرهم صاروا
انا من زمان غاسل ايدي من التحالف
شاركونا الامل و الله ماكو أمل

enter-q8 said...

اي صج الامل مو مالت بو فهمي
ترى مالت ام كلثوم

Diver said...

تصدقين بعد تجربتي القصيرة في السياسة و معرفتي الشخصية لاغلب اعضاء المجلس الشباب استغرب عدم يأس الناس من السياسة و السياسيين الكويتيين

انا ياطويلة العمر متفائل الي ابعد الدرجات فيما يتعلق فيني و قدرتي على التطور
و متشائم الي حد الثقة بعدم قدرة او رغبة السياسيين على تغيير الوضع حتى لو كانو اصدقائي

و اذا تبين مثال جان قدر أحمد الخطيب و سامي منيس و الصقر و الجماعة على تغيير اي شي في الكويت
الوضع كما هو و المطالب متشابهة من سنة المجلس

و آسف على تضييق خلقج و لكن صديقك من صدقك

nanonano said...

Mok:

ما راح تشتريها بال 190

nanonano said...

As YoU LiKE :

انا معاك..صالح وايد أثبت نفسه بالفتره اللي فاتت

بس أنا خايفه أن الموضوع يكون خيول البصره...بالبدايه يشدون حيلهم و بعدين يطخون

nanonano said...

مــعـــارض:

أكيـــــــــد راح نتواصل

موضوع الطراقات أنا مو معاك فيه..لأنهم متان و أنا أخاف منهم

أشرايك نصحيهم بهوز مطافي..طبعا الشباب الوطني

و تبي الصج انا وايد باطين جبدي الشباب..وايد دلوعين من أدناة الدون قالوا لك محبطين..ليش..و أذا أنتو و بهالسن صرتوا محبطين..عيل شنو راح يصير فيكم بعدين

nanonano said...

Enter-Q8:

يا حافظ أتضيّع فيني انا
صح كلامك الأمل تغنيها أم كلثوم..بس وضع التحالف وايد عليهم أم كلثوم..حدهم بوفهمي في وقتنا الحالي

nanonano said...

Diver:

أنا شعاري في الحياة

لا يأس مع الحياة ولا حياة مع اليأس

فصدّقني راح أكمّل طحنه لما أحدث تغيير

Mok said...

صج

194

nanonano said...

Mok:

السوق نازل 300 نقطه

صدّقني لا تدحر فيني

Mok said...

ما اخرب موضوعج
:)
بس راح يرتد بعد شوي

ويصير الاقفال اقل من 300

وباجر القاضية

واخوج بيشتري باجر بارده ومبرده

بس محلات رعد ماراح اشتريها اساسا ولا حتى اب 150 بس كانت عندي اخبار انها بتوقع وحبيت المح حف ولادة بس الله هداها وهي عزيزةعلي معطتني طاف فقلت كيغها

دخلي بتعليقات في مدونتي ونحولها تنظير
:)

Unknown said...

I’m not even going to vote next time, it’s a waste of my good time because no 1 is worth it .
And..... Nano you are chasing a shadow by the way.
I wish I’m wrong this time around, nothing will change it’s a joke. And I have to clarify that I am not pessimistic I am realistic and I hope you will all join me and see the shameful truth

Unknown said...

glad to have you back again

nanonano said...

mosan mosan:

my darling...no i wont join you

but thanx for the invetations
:***

Sowhat said...

اختلاف الأشكال اختلاف الأصوات و المذاهب

بس الفعل واحد

يعطيج العافيه

mantovani said...

نانو

شلون غير ؟؟؟

مانتوفاني

kuwaitawy said...

ابادلج الشعور



للحين ماكو تغيير

nanonano said...

Sowhat :

الله يعافيك..شكرا جزيلا

nanonano said...

mantovani:

أنا آسفه...هاهاها..هذي كلمه متداوله عندنا لما نبي نتطنز..من طقّة كويتي و كيفي..آسفه كان لازم أوضح

nanonano said...

kuwaitawy :

و انا أعتقد لي باجر هم ما راح يصير أكو تغيير

 
template by Purplecious