Wednesday, September 03, 2008

الكبر شين

مظاهر التقدم بالسن
الحديث بصوت عالي...الظاهر مع التقدم بالعمر نبرة الصوت تزيد بعد
الصّمخ الأنتقائي...أذا أشتهوا أسمعوك و أذا ما أشتهوا قالوا لك..هــــــا..خيـــــر
آلام المفاصل
اللقافه...عسى ما أحد تكلّم..يدلون بدلوهم..يعني ما طافهم شي
الشعور الدائم بالبرد...تدخل بيوتهم تقول داخل تنّور
التذّمر الدائم...لو تشب أصابعك شمع ما أيوز لهم كلّه شغلهم مال أول أحسن
المبالغه في تجميل الماضي...و ما شاء الله نسبة الجمال أول وايد أعلى من الحين..كلّه وي ما شفتوها أول
تخشّش الأكياس و البطول الفاضيه
و اللي عنده أضافه يتفضّل...مابي أحد يقول لي هذولا الكبار...هذولا الخير و البركه...ترا أدري...الموضوع كلّه قشمره...للترفيه و الترويح عن النفس

32 comments:

Anonymous said...

الحنَه
و الاكل الماصخ

3ashga::O::Mfalsa said...

أعجبتني سالفة الصّمخ الأنتقائي ، أي والله وانتي صاجة لا بغو يسمعون سمعو وان مابغو يسمعون قالوا هــــا؟ ما اسمع :\

وعلى طاري التنور .. عندي رفيجة الله يذكرها بالخير ، لا دشيتي سيارتها تقولين داشة سونا!! اتصدقين ما تبطل مكيف السيارة؟ تخيلي بعز الصيف تلاقين مكيف سيارتها مسكر
أقول لها ما تحسين ؟ ترد تقولي
ويييي كله أنسى أفتحه.

ومن مظاهر التقدم بالعمر
الحنــــــــة
في ناس تحب تحن وترن وتسحن القلب وتون
الله يكافينه الحنة

Fahad Al Askr said...

التشره على غير سنع

Anonymous said...

يبطونها بالويه بدون اي اعتبار لاحساس الطرف الاخر

يحبوووون يكسرون خاطر الناس!! ما فيهم الا العافيه جنهم ينانوه لكن بس احد يزور ولا يتصل فجأة حياتهم تصير مأساوية و كل الامراض فيهم و عيالهم قاطينهم بالشارع

هذا الطبع في التنافس على منو يكسر الخاطر اكثر ينطبق
على الحريم الكبار دون الرياييل

3abeer said...

تحليلك سليم 100% ويدتي الله يعطيها طول العمر.. ما تسمع عدل.. ولازم نصارخ لين توصل المعلومه ..هذا غير الإشارات والتلويح ..والتمثيل كأننا نلعب لعبة "من غير كلام" بس في بعض الأحيان ..لو نكون نتساسر وما نبيها تسمع ..نلاقيها تقول "هاو ليش صار جذي .."

ياسبحان الله كله نقول ..لي شتهت تسمع ..تسمع !

Anonymous said...

when they sleep infront of tv w yekon ez3aj w loya and they stil can fell a sleeeeeeeeeeeeeeeep !

EXzombie said...

و الله هالشغلة صارت ما تفرق بالعمر، يعني عادي تشوفين واحد عمره 20 سنة و يلزق بالحنة اكثر علج بو سهم بالحر

و زيدي عليها، كل شي نسويه عندهم سوالف مياعة و صير ريال، حتى لو نحط ريحة فهذي مياعة و انت مو ريال ليش تحط هالسوالف

بس مع هذا و الله ما نستغني عن دقيقة معاهم، اهم الخير و البركة

secret said...

المحاتاة الزايدة

و على هالمواصفات .. يا كثر الشياب و العيايز :)

Diver said...

الوالد الله يطول عمرة اول ما كبر قام يوفق بالشارع لما يلقى طاسة سيارة ياخذه و ييبها معاه البيت حتى لو ما عندنا سيارة مثلها

تحسبا للمستقبل
بس هذا من زمان الحين ما يطلع من غرفتة

و said...

التحية للجميع

هذا يا نانو خوش سؤال

بس ان خاف نجاب و يزعلون

على العموم يا شابات و شباب ديرتنا الطيبين الحبايب

هذي وجهة نظرتنا الخاصة و المتواضعه بالسالفه المؤلفه الغير حقيقيه

و طبعا كلنا نعرف ان البطيخ لا يفسد بسوق تاخضره قضيه

تفضلوا


بعد اخذ الدش و لبس ملابسه استعدادا للذهاب الى العمل , نظر سالم الى الساعة و وجد ان لابد من الاسراع فقد يتاخر....خرج من بيته مسراعا الى السيارة , و اذا بسيدة كبيرة بالسن تناديه
السيدة....... يا وليدي ساعدني ما اقدر امشي من اركبّي
سالم.... عسى ما شر يا خاله
السيدة..... مادري وين راح السايق الله ياخذه .... و انتم ما عندكم تكاسي يمرون في شارعكم
سالم.... حاضر يا خاله..... انشالله بيتكم على دربي انا رايح للدوام
السيدة..... لا بيتنا بعيد يبيلنا ساعه علشان نوصل
سالم..... زين خليني اكلم مديري و استاذن منه ....لحظه شوي... الو
المدير.... هلا سالم... وينك للحين ما داومت
سالم.... معلش انا شكلي راح اتاخر في عجوز مسكينه ضايعه لقيته بشارعنا و تبيني اوصلها.... اوكي؟
المدير.... جزاك الله خير يا سالم ... ولا يهمك لك اجازه اليوم
سالم.... مشكور مع السلامه
سالم.... ها خاله ادلين بيتكم
السيدة..... الله يجزاك خير... ايه ادله
سالم.... تفضلي اركبي السياره.... خليني اعاونج
و هم في السياره متجهين الى بيت السيده تخللت الرحلة بعض الحديث و كان
سالم.... ما علمتيني يا خاله شنو ليش كنتم بشارعنا.... لكم قرايب؟
السيدة.... لا وانا امك.... الا انت شنو اسمك
سالم.... ولدج سالم الله يحفظج... انت ام شنو
السيدة.... ما الله كتب يجيلي ضنا ماني ام لاحد... اسمي انوير
سالم.... الحياة ارزاق يا خاله و الواحد يشكر الله على كل حال
انوير..... و من قالك اني انا زعلانه لاني عقيم.... انا اصلا احمد ربي اني ما جالي ضنا وشبي فيهم
سالم.... والله يا خاله مدري شنو اقولج... بس انا اشوي مستغرب... يعني لو الكلام قايله احد من هالجيل الجديد شوي معقول.... بس تقوله وحده بسنج و انتم يا امهاتنا و ابوانا مؤمنيين مصليين مسميين
انوير ..... يلعبون عليك يا ويلدي يا سالم ... كله جذب و خرابيط لا اتصدقهم
سالم.... شلون جذب... الا ما شالله عليكم انتم الخير و بالبركه
انوير.... انا اقولك شلون جذب... انت اشرايك بالجيل اللي الحين اقصد الشباب؟
سالم.... متهورين و يرفضون عاداتهم و تقاليدهم و شوي مقصرين من ناحية الدين
انوير ..... و انت تعتقد منو السبب؟
سالم.... انفلات الاعلام بشكل خاص و اشياء كثيره بعد
انوير.... هذي فطرتهم اللي تناديهم
سالم... ذكرتيني بواحد اعرفه لما قلتي فطره... بس علميني شنو دخل الفطره؟
انوير..... الشباب يبي يعيش حياته مثل ما يحدده هو و جيلي اللي انت تمدح هو اللي خسبق حياة الشباب... من تحقيرهم و منعهم و اخذ حقوقهم و كل هذا بخرابيط انا امك و انا ابوك لازم تسمع كلامي و من هالرخيص... و على وضعي اني ما عندي اعيال هو لاني بصراحه فرحانه لاني ما اشتركت مع جيلي بهالجريمية... والله يكسرون خاطري الشباب لما اشوفهم يدّعون شي بالخارج و الكل يدري انه جذاب بس يجاملونهم و يجاملون بعضهم الين ضاعت الطاسه
سالم.... زين و شلون الحل برايج؟
انوير..... اول شي لازم يدرون الشباب ان ابوانهم و امهاتهم في الغالب نتاج صحرا و لا يفهمون و لا عندهم اخلاقيات مثل باقي البشر.... انا في ايام زماني كنت اسوي اللي يقولونه لي طبعا غصبن عني مو طيب بس بيني و بين نفسي كنت متاكده انه غلط... لكن يوم صرت اشوف التلفزيون و لما سافرت للعلاج في المانيا شفت البشر صحيح شلون يحترمون بعضهم...... و اللي يقولك انهم منحلين اخلاقيين .... قوله اقول انجب هذي عوايدهم و هم مرتاحين و لا يعيبون على احد و لالهم شغل باحد... من زينكم انتم لي وقت اقريب و انت اتذبحون بعضكم و تغيرون على بعض و الحين جاي تبي تعلم المحترمين شلون يعيشون و شقلة الحيا هذي
سالم..... زين خاله انتي تعرفين تقرين و تكتبين؟
انوير... لا طبعا و السبب من عربان البران و عاداتهم و تقاليدهم اللي مثل وجيهم........ لعنبو دارك من سنين و بنين وهم ما يعفرون الا الكبسة على الغدا و قهوتهم و شايهم ما تغيرن... روح و شوف الاجانب شلون بدّعو بالاكل و القهوه و بكل شي... و الله يا سالم لو ما طلع عندنا نفط و ما جونا هالاجانب بالله عليك ما تخيلت انت الحين شنو راح يكون وضعك
سالم... و الله اتوقع يا انّي على السيف احدق او على احد هالصياهد في البران اغردلي بقصيده
انوير.... و هذا الصحيح يا وليدي... تدري انا وش راح اطلب اذا رحت للجنه و خلصت شفتها و تمتعت منها... راح اطلب الله يجيبلي سينما و يعرض حياتي من يوم ولدت الين اموت بس ها بدون نفط و ابي اتفرج شنو راح يصير فيني و ابي انادي قصيرتي ام صالح اتفرج معاي و اخليها تقتنع في كلامي يوم اقولها ان الله فكنا يوم جونا الاجانب
سالم.... بعد عمرن طويل يا خاله
انوير.... بس عندك يا سالم هذا بيتنا و هذا رقم تلفوني اذا احتجت شي تراني حاضره..... و لا تنسى تسير علينا و تسلم
سالم..... الساعه المباركه يا خاله و انشاالله ازوركم مع السلامه

nEo said...

مدح كل ما هو اسلامي

على وزن

"يا حلوة خلص ما بقى شي"

عن رمضان و احنا في ثاني يوم !!!!


لا باقي وايد !

nanonano said...

حمودي :

الحنّه أنا ما أدري شلون نسيتها..أسم الله عليهم ياكلون القلب

nanonano said...

3ashga::O::Mfalsa:
أنا من كثر ما أعيّب على الحنّانين..قمت أذا طلبت شي مره وحده بس..أخاف أعيدها عشان لا يقولون أني حنّانه

nanonano said...

Fahad Al Askr:

التشرّه لعبتهم

nanonano said...

εκşĥα5™:
أصلا ساعات يفشلونك من كثر ما أهمه جدام الناس يسوون روحهم تعبانين

nanonano said...

3abeer :
قلت لج الصمخ الأنتقائي لعبتهم

nanonano said...

Cat:
و اذا سألتيهم أشلون نمتي البارحه؟
يرد أو ترد...طـــول الليل ما نمنا

nanonano said...

EXzombie:
أتفق معاك..ما يعجبهم العجب و لا الصيام في رجب

nanonano said...

secret :
مقزرينها يحاتون..الحين أحنا وصلنا مرحلة محاتاة حفيدة بنتها

nanonano said...

Diver:
هالنوع يصير من نفس اللي يمعون أكياس و بطول فاضيه

nanonano said...

ارض رمال الغربان :

بعد كل اللي قلته
ما أقدر أعلق

شكرا

ولاّدة سابقاً ... رانيا السعد ...رانية المنيفي حسب الأوراق الرسمية said...

الانتقاد اللاذع / يسمونها صراحة

علام وجهك مقفّي
وراك ضعفانه كن فيك سل
شفيه شعرك كاش كنه شتري
غادية بالنفنوف الضيق كنك دودة

وأنتي رايحة
:))))

nanonano said...

nEo:

هاهاهاهاها...ولاّ خـــــوش ولد مصلّي مسمّي

nanonano said...

ولاّدة:
و اذا استأتي..قالو لج قطيعه ما ينداس على طرفكم

Mok said...

hi nano?:)

3arfte safwa?

nanonano said...

Mok:
راح اشتريها ب 196 بس مو 190
;)

J Daily said...

لست فيها ارقام تلفون وتدق
ويوم تخلص اللست ترجع تدق
على اول واحد وهكذا

mantovani said...

تقفل البيبان

باب السكة و باب الصالة و باب الدور و باب الجناح و باب الغرفة


الشعور بانعدام الامان

مانتوفاني

nanonano said...

يعقووبوو :

لا تذكرني بدفاتر التليفونات..كل شهر..لازم نعيد كتابة الدفتر

nanonano said...

mantovani:

هاهاهاهاهاهاهاها...أحنا مينن أصلا لأن كلّه بيبانّا مشرعه

Unknown said...

I agree with number 3 100%

mjkout said...

#1 reason for traffic jams ... yamshoon 40 3al kha6 el saree3

 
template by Purplecious