Wednesday, August 30, 2006

عندي مشكله....مشكلتي الله يسلمكم...لا أشوف أو أسمع عن أحد طاح...من أشوف أو أسمع عن طيحة آدمي...أغشي من الضحك....ما أقدر أتحكّم بردّة فعلي....و الحين بموت من الخوف من الحوبه...و الله عيزت و أنا أحاول أسيطر على روحي...ماني قادره...ساعات الموقف ما يستحمل أن أحد يضحك عليه... و وايد مرات يكسرون خاطري و ودّي أني أساعد...بس اللي أقدر عليه...أني أقوم من المكان عشان ما أخبّص أكثر من التخبيص اللي أسويه بضحكي....ذاك اليوم واحد من أعز أصدقائي...فقدته...كم يوم...دقيت عليه أتشرّه...مسكين متبلتع و مسوي روحه أسكت...و رايح يلعب رياضه...و أهوه على المشايه...هف و طاح...و مسكين تعوّر...و أهوه قاعد يعد لي السالفه...أبي أسكت ماني قادره...و أهوه يعد علي شلون قام من الأرض بسرعه عن الفشله...أنا كنت بموت...ما وعيت...الاّ صارخ فيني...يا........ما تقولين سلامات...مو تضحكين...تأسّفت منه...و قلت له خو أنت تدري أني ما أقاوم هالمنظر....بس عقب زفّته...من صجي قمت أحاتي الحوبه....لأن الشماته وايد...وايد...وايد


19 comments:

Diver said...

انا عندي نفس المشكلة
بس لما اشوف احد يطيح مو لما اسمع
لا حتى لما انا اطيح ما اقدر اقوم من الضحك على نفسي

Zaydoun said...

انا كنت من كثر ما أطيح الناس بطلت تنتبه

وشلون بالنسبة للقواطير على الهدوم؟ هم هذه يبيلها بوست

neelaah said...

امبيه
جذي اعدائج راح يزيدون

انا وايد اجفي على ويهي
واللي يضحك علي
هذا خلاص يصير عدو

Unknown said...

7anna7inno
الظاهر صار لك مدة معتزلة التدوين
ترى عيزت وانا ااشر
روحي حق البوست اللي قبل هذا وراح تفهمين كلامي

cozy said...

Ma ansa lama wa7ed men el 3agad ayam salomaio(lorenzo) dash bel jam men bara 7asab ena maftoo7 we7na dakhel 3alam wa3alayki an tatakhayaleee :P

Kasik Ya Watan said...

وايد أحاول أمسك نفسي و ما أحرج إللي طاح ... بس لما طاح "محمد ضيف الله شرار" في إفتتاح واحد من المؤتمرات ما قدرت أمسك نفسي ... يمكن لأني محتر منه

Warda said...

LOL
chenich ana :) ...I always laugh when I see someone "6aye7" I dont know why, even when I try to help them to get up telgainiii maytaa min il the7ek oo dmoo3 oo 7alti 7alaaaa !! hehehe oo 3ogob lama at-thkar il mawqef ye7oooshni ta'aneeb dhameeer ...so i'm trying to control myself :)
oo 7adi khayfa mn 7obat wa7da min il banat :(

www.4banat.blogspot.com

Mornin' Coffee said...

Falls should be taken as a funny thing, like the person that falls must laugh at his own fall, and not take it seriously. I remember when i was a kid walking the streets of london with a couple of my bro's friends, they were all older than me, and i was really young, about 14, so i had the most cliche fall ever, and i was happy about it for some reason, i slipped on a bannana! really i did, i only see that on cartoon back then, so when it happened to me i was happened, and i laughed like crazy, and my bro and his friends laughed alot, falls are something funny, happens every now and then to give our day a bit of laughter!

Mohammad Al-Yousifi said...

عادي المفروض اللي يطيح تكون روحه رياضية و يتقبل الشماته بصدر رحب

White Wings said...

أنا أشعر برغبة في البكاء لما اشوف أحد يطيح، وايد يكسرون خاطري
شريرة :)

Alia said...

آنا تخصص طيحات على الدرج
والمصيبة انني اكون لابسة فلات
ومن أطيح الأخ يقعد ويضحك علي .. زي حلاتك يعني

Chai-7aleeb said...

ناس وايد مثلك

Maximilian said...

لوووول هالمشكلة مو عويصة ولها الف حل
:)

Maximilian said...

لوووووووووووول

ترى صج الشماته مو زينة ..

Huda S said...

لا لا لا لا عقب الموقف اللى صار لي بالسوق تعلمت امسك نفسي ولا اضحك على الناس لانه كما تدين تدان

Drunk'n'Gorgeous said...

So you're the pretty lady who was laughing at me when I tripped over my own two feet, the other day!

joeymania said...

really funny story :)
also i like this movie :P

Technogal said...
This comment has been removed by the author.
Technogal said...

هي هي هي عندج وعندنا خير.. آنه جذي مشكلتي لمة اشوف احد يطييح أمــــوت من الضحك .. مرة رفيجتي طاحت جدامي حاولت أقمت الضحكة بس ما قدرت :(

 
template by Purplecious