Wednesday, August 30, 2006

عندي مشكله....مشكلتي الله يسلمكم...لا أشوف أو أسمع عن أحد طاح...من أشوف أو أسمع عن طيحة آدمي...أغشي من الضحك....ما أقدر أتحكّم بردّة فعلي....و الحين بموت من الخوف من الحوبه...و الله عيزت و أنا أحاول أسيطر على روحي...ماني قادره...ساعات الموقف ما يستحمل أن أحد يضحك عليه... و وايد مرات يكسرون خاطري و ودّي أني أساعد...بس اللي أقدر عليه...أني أقوم من المكان عشان ما أخبّص أكثر من التخبيص اللي أسويه بضحكي....ذاك اليوم واحد من أعز أصدقائي...فقدته...كم يوم...دقيت عليه أتشرّه...مسكين متبلتع و مسوي روحه أسكت...و رايح يلعب رياضه...و أهوه على المشايه...هف و طاح...و مسكين تعوّر...و أهوه قاعد يعد لي السالفه...أبي أسكت ماني قادره...و أهوه يعد علي شلون قام من الأرض بسرعه عن الفشله...أنا كنت بموت...ما وعيت...الاّ صارخ فيني...يا........ما تقولين سلامات...مو تضحكين...تأسّفت منه...و قلت له خو أنت تدري أني ما أقاوم هالمنظر....بس عقب زفّته...من صجي قمت أحاتي الحوبه....لأن الشماته وايد...وايد...وايد


25 comments:

Diver said...

انا عندي نفس المشكلة
بس لما اشوف احد يطيح مو لما اسمع
لا حتى لما انا اطيح ما اقدر اقوم من الضحك على نفسي

Zaydoun said...

انا كنت من كثر ما أطيح الناس بطلت تنتبه

وشلون بالنسبة للقواطير على الهدوم؟ هم هذه يبيلها بوست

neelaah said...

امبيه
جذي اعدائج راح يزيدون

انا وايد اجفي على ويهي
واللي يضحك علي
هذا خلاص يصير عدو

fofo said...

hi am new ;)
this for u 7inno
أبو بكر
من مننا معصوم
من مننا معصوم ماقد يوم زل .. من مننا واحد بعمره ما قد عمل زلة
الآدمي دايم معرض للـــــزلل ... في حين له أو عليه
وليه ياخلي تعاملنا برد الفعل ليه .. ؟؟
*********
كل من غلط مرة عطه عادك أمل *** اما اذا تكرر خطاه الناس بتمله
لكنني ماوصل الى حد الملل *** حتى أقل مافيه ..
وليه ياخلي تعاملنا برد الفعل ليه ؟؟
********
ان قلت لك سامح وصالح قلت ذل *** وان قلت ياويلاه هان القلب في مذلة
واصبحت كالبياع مابين الدلل *** كل من زعل أرضيه
وليه ياخلي تعاملنا برد الفعل ليه ؟
=============
بالامس ضحى القلب لأجلك مابخل ... ولا أظنه اليوم ينوي العيب في خله
هل شفت اخلاصه بدا فيه الخلل .. او شك عندك فيه
وليه ياخلي تعاملنا برد الفعل ليه ؟؟؟

3AJEL said...

7anna7inno
الظاهر صار لك مدة معتزلة التدوين
ترى عيزت وانا ااشر
روحي حق البوست اللي قبل هذا وراح تفهمين كلامي

cozy said...

Ma ansa lama wa7ed men el 3agad ayam salomaio(lorenzo) dash bel jam men bara 7asab ena maftoo7 we7na dakhel 3alam wa3alayki an tatakhayaleee :P

Hitman1 said...

tara fee nas 7ad'hom eytha7koon lay6a7aw :)))

maloomich sara7a

3afoor said...

الطيحات عندي ما لها والي..مرات اشك ان ريولي مركبة غلط..بس اخر مرة شفت فيها احد طاح كان الشهر اللي طاف..صج طيحة تموت من الضحك اللي ما قدرت امسك نفسي وبغيت انطرد..كنت رايحا السينما و عقب ما بدا الفيلم يمكن بنص ساعه دشت بنية الفيلم وكان كرسيها اللي يمي و هو صاير بالنص..فمسكينة لازم تقلقص روحها و تعدي تقريبا 6 كراسي يالا توصل كرسيها..فكانت البنت ماشية تمام بس يوم وصلت صوبي ما ادري شللي حاشها..قامت وبركت فوقي..اول جم ثانية صار سكوت..بعدين اشوف والا البنت حلت لها القعدة وشكلها مو ناوية تقوم..قلت يا ربي معقولة ما تدري انها قاعدة على ادمية و عبالها وصلت كرسيها..جان اتنحنح..جان تقول لي سامحيني قاعدة احاول اقوم بس ماني قادرة..اهني غشيت من الضحك و الجماعه اللي معاي يسكتوني و انا مو قادرة اسكت..الفشلة انها قاعدة يمي و تشوفني اضحك عليها طول الفلم وهي ساكتة..طبعا من الفشلة البنت قامت قبل لا يخلص الفيلم علشان ما نشوف ويهها

adu71 said...

والله العظيم أول مره أدخل مدونتج....حقدت عليج...ما أدري شنو مطرش حق الحره... أنا أكتب وو صارلي يومين من طيحه الله لا يراويج... نتيجتها كسر بالأصبع الصغير من اليد و عمليه لتركيب برغي للعظم و توه اليوم فج الألم شوي عني... الله لا يراويج أللي شفته لا أنتي ولا أللي يقرون...علي فكره أنا كنت أضحك ضحك علي هالمواقف و يتني الحوبه فأنتبهي.... و سلامتكم

Midnight Madness said...

77innoo
3ala 6ee7at adu71
deeraaaaaay balich

Kasik Ya Watan said...

وايد أحاول أمسك نفسي و ما أحرج إللي طاح ... بس لما طاح "محمد ضيف الله شرار" في إفتتاح واحد من المؤتمرات ما قدرت أمسك نفسي ... يمكن لأني محتر منه

Warda said...

LOL
chenich ana :) ...I always laugh when I see someone "6aye7" I dont know why, even when I try to help them to get up telgainiii maytaa min il the7ek oo dmoo3 oo 7alti 7alaaaa !! hehehe oo 3ogob lama at-thkar il mawqef ye7oooshni ta'aneeb dhameeer ...so i'm trying to control myself :)
oo 7adi khayfa mn 7obat wa7da min il banat :(

www.4banat.blogspot.com

Mornin' Coffee said...

Falls should be taken as a funny thing, like the person that falls must laugh at his own fall, and not take it seriously. I remember when i was a kid walking the streets of london with a couple of my bro's friends, they were all older than me, and i was really young, about 14, so i had the most cliche fall ever, and i was happy about it for some reason, i slipped on a bannana! really i did, i only see that on cartoon back then, so when it happened to me i was happened, and i laughed like crazy, and my bro and his friends laughed alot, falls are something funny, happens every now and then to give our day a bit of laughter!

kila ma6goog said...

عادي المفروض اللي يطيح تكون روحه رياضية و يتقبل الشماته بصدر رحب

White Wings said...

أنا أشعر برغبة في البكاء لما اشوف أحد يطيح، وايد يكسرون خاطري
شريرة :)

Alia said...

آنا تخصص طيحات على الدرج
والمصيبة انني اكون لابسة فلات
ومن أطيح الأخ يقعد ويضحك علي .. زي حلاتك يعني

Chai-7aleeb said...

ناس وايد مثلك

Cute-Q8i said...

لوووول هالمشكلة مو عويصة ولها الف حل
:)

Cute-Q8i said...

لوووووووووووول

ترى صج الشماته مو زينة ..

zubayriah said...

لا لا لا لا عقب الموقف اللى صار لي بالسوق تعلمت امسك نفسي ولا اضحك على الناس لانه كما تدين تدان

Drunk'n'Gorgeous said...

So you're the pretty lady who was laughing at me when I tripped over my own two feet, the other day!

joeymania said...

really funny story :)
also i like this movie :P

MeeM said...
This comment has been removed by the author.
Technogal said...

هي هي هي عندج وعندنا خير.. آنه جذي مشكلتي لمة اشوف احد يطييح أمــــوت من الضحك .. مرة رفيجتي طاحت جدامي حاولت أقمت الضحكة بس ما قدرت :(

will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

 
template by Purplecious