Saturday, August 12, 2006

أمس رحنا الشاليه....طبعا ما أقدر أوصف لكم جمال البحر أمس...و الجو ياخذ العقل....اللي ما تحتاج بس تبلل روحك و تقعد على اليال...و بعدين الشباب و الشابات ملوت الكورسات الصيفيه...خلصوا...و سافروا....فما نقعد نحاتي تخطرفهم علينا بالجت سكي و اللنجات...المهم....وأحنا كنا أشكثرنا...يانا واحد من الأصدقاء...جان يقول منو يبي يسحب سكي؟....منو تبلتع و قال أنا؟...طبعا أنا...على بالي لي الحين عمري بالعشرينات....و أنا أصلا خبري بالسكي من سنين....و خير اللهم أجعله خير....لبست العدّه...و باجرّب حظي...أطلع و لا ما أطلع....المهم....طلعت....طبعا شعور رائع....و البحر أينّن...أنا الحين مو طلعت...شوي...عيزت....الحين قمت أحاتي...مالي خلق أطيح...أول شي...مالي خلق أتعوّر...و ثاني شي مالي خلق الفشله...خو الشمّاته اشكثرهم....شوي..شوي..شوي...لا فجّيت رسمي...جان أطيح روحي....و رجعت الشاليه و كل شي مشى زين....اليوم قمت من النوم...ما فيني عضى يسقي عضى...واي بموت من الألم...خو ظهري ما أحس فيه...وعضلات ريلي متشبنين...وكل ما فيني يعورني...ما أقدر أقول الاّ...ليت الشباب يعود يوما


33 comments:

Shopaholic Q8eya said...

عن العيارة توج شباب

;*

Jewaira said...

Lucky you :)

Broke said...

سلامات

أول ما يخف الألم دقي على سبا تايم

أنا ما ادري ليش من نلعب بأي سي سبورت اتسلّط علي الضحكة على أشكالنا و صراخنا فأطيح غصبٍ علي لأني ما أقدر امسك شي من هستيريا الضحك

و عجبتني " عضى يسقي عضى " أول مرة تمر علي

:P

Bo Jaij said...

العلاج السحرى

nanonano said...

Shopaholic Q8eya:
الله يخليج...مواليد الثمانينات تخرّجوا من الجامعه و قاموا يشتغلون...أي شباب
***

nanonano said...

Jewaira:
يا بختي...مسيره علي اليوم

nanonano said...

Broke:
المشكله أن أنتي خابرتني كله ما عندي وقت

nanonano said...

Bo Jaij:
يا كرهك...اشطرا عليك

Shopaholic Q8eya said...

إحم، شفيهم مواليد الثمانينات؟

still, إنتي ليما الحين شباب

D said...

Salamat. mawaled ilthemanenat mu a7san minnich. kil digegtain shad 3athaly o erkabbi tegarga3 3ugb ilmamsha o 7aliyan g3da a3abel feha 3ugb 1 week of using treadmill. fa killish mu khosh!

Warda said...

LOL , ya kerh il sho3oooor awal ma itgomeen min il frash wentay mentay im3abra tamsheen 3ala reelich .....7ashni hal sho3ooor thani youm ib Sharm il Sheikh 3ogob 9ar 3addi il wadh3 :)

nanonano said...

D:
أصلا...أصلا...من قالك أن الترد ميل زينه...هالجهاز بالذات لازم يكون معاك مدرب عشان تقدرين تستعميلنه...لأن وايد ناس على بالهم أن سهل...بس بعدين تطلع مضاعفاته عليهم...و الكل اللي أستعمله بطريقه أجتهاديه...ركبهم تلخلخت

nanonano said...

Warda:
أخيــــــــــــرا في أحد حس بشعوري اليوم

Diver said...

ونتي تقولين شعورج انا احس بنفس العوار
رحنا الخميس البحر بس اثنين الشباب مسافرين و الطراد و شقلته كلها علينا
انا عن نفسي كل عضلة فيني شادة و تعورني
سلامات

Hitman1 said...

nanonano

Our bodies at 30+ are not like what they used to be when we were 20+, isn't it?

Welcome to the club :)

D said...

nanonano: shdarani 3labo mit3awda 3l mashe wil mnagaz, ma hagait be9eer feni chithe

Alia said...

آنا مو ذابحني إلا مواليد الثمانينات
يحسسوني إنني عيوز
مع الاعتذار لشوبا

nanonano said...

Diver:
على قولة العزيز بوجيج مالنا الاّ دهن بوالفاس

nanonano said...

Hitman1:
والله أدري ان ما ردنا الا النادي...بس بيني و بينك مابي أعترف بالأنضمام حقه

nanonano said...

Aliaك
أنا الحين خايفه من مواليد الغزو...ما بقى شي و يفقشون من البيضه

nanonano said...

D:
ما تسمعون الحجي الله يهداكم...كلّه على بالكم أنكم صايدين الحركه

kila ma6goog said...

من عقب نفوق الاسماك ما طبيت بحر

فما اقدر افهم شعورك

mosan mosan said...

Trust me my friend walla shabab,, you are just out of shape because you have not been working out lately.
Plus you ran circles around all the ladies there. Always gorgeous

White Wings said...

هذه الأشياء السريعة، من سكي الى دونت الى بنانا، كلها ما أحبها
تكسر الظهر والوناسة يصير ثمنها غالي
سلامات، والمرة القادمة براشوت يسحبه الطراد، ها؟ جريئة وتجربين؟؟

nanonano said...

kila ma6goog:
كلش ما هقيتك وسواسي

nanonano said...

mosan mosan:
أنت بالذات شهادتك فيني مجروحه

Thanx a lot darling

nanonano said...

White Wings:
يالله ما عندي مانع...بس ترا أنا مسويتها من قبل الباراشوت بس و لا مره بالكويت

Midnight Madness said...

I miss the Sea and chilling with my friends over a sweet chilled sangria

3aleekom bl 3afya

AyyA said...

ishda3wah?
you're still young and fit...

Fuzzy said...

جورج بوش في عيد ميلاده ال 73 تقريبا نط بالحبل وسوا
Bunjee Jumping :)

يالله تزهبي حق النطه

"D" said...

Yoga, 3 times a week, and you'll be sking mono in a month:)
P.S.
I'll take you out on the banana next week, and i'll show you what real pain is:)

Fuzzy said...

Correction, it was a Ski-Dive ( parachute ) damn im getting old heh !

lawyer said...

واااااااااي يا حسرتي اشفينا احنا
اشعلامنا!!!!!!!

انا جذي من 10 ايام تقريبا كنت بسوي رافتينج

قالي اخووووووووي فيج شده
تراااااا مو عبالج انتي لي الحين عمرج 16
!!!!!!!!!!!


الله يكون في عوونج
يبيلج رياااااااضه

عاد الله يهداج لا تقولين حق احد انج تسكربتي
خشششششي
خشييييييييي
شوفي بنات خلق الله كل وحده تزامط و تمدح في روحها
و من دقييتي على وحده قلت ليها وينج قالت عندي كلااااس ستبس
و اهي منسدحه في الصاااااااله
شاي و حب
هههههههههههه

 
template by Purplecious