أمس كنت قاعده أشوف فيلم أجنبي....صار فيه مقطع...ما أدري ليش بس وايد ركّزت عليه...أنا الحين بقولكم الحوار بين الزوج و الزوجه بس باللهجه العاميه الزوجه: تأخّرت...قعدت أحاتيك الزوج: آسف حبيبتي ما كان قصدي أني أخليش تحاتين تعالوا خل نتخيل لو زوج كويتي قالت له زوجته هالجمله البسيطه شنو ممكن الرد يكون الزوج: شنو أنا ياهل عشان تحاتيني أو الزوج: و أنتي مالش سالفه الاّ تحاتين أو الزوج: كاني....أشتبين وفي حالات الزوج يكون مخمبق....و خايف ينكشف فردود أفعاله ممكن تكون أقوى فقعدت بيني و بين نفسي أضحك على الفرق