Sunday, August 28, 2005

أمس كنت قاعده أشوف فيلم أجنبي....صار فيه مقطع...ما أدري ليش بس وايد ركّزت عليه...أنا الحين بقولكم الحوار بين الزوج و الزوجه بس باللهجه العاميه

الزوجه: تأخّرت...قعدت أحاتيك

الزوج: آسف حبيبتي ما كان قصدي أني أخليش تحاتين

تعالوا خل نتخيل لو زوج كويتي قالت له زوجته هالجمله البسيطه شنو ممكن الرد يكون

الزوج: شنو أنا ياهل عشان تحاتيني

أو

الزوج: و أنتي مالش سالفه الاّ تحاتين

أو

الزوج: كاني....أشتبين

وفي حالات الزوج يكون مخمبق....و خايف ينكشف فردود أفعاله ممكن تكون أقوى

فقعدت بيني و بين نفسي أضحك على الفرق

32 comments:

q80_demon said...

بس طبعا سؤال الزوجه من الاصل راح يكون من نمونه: "انت وينك فيه لي هالحزه؟" او"تقدر تقولي ليش متاخر؟" او " الرياييل السنعين ما يهيتون ليما انصاص الليول!" او .... الخ، الخ

The Don ® said...

نانو, انتي من صجك تنطره لين يرجع البيت؟؟ الزوجة الكويتية أصلا راح تلعن ابو خامسة تلفونات (وينك فيه؟ منو معاك؟ شقاعد اتسوي في هاللحظه هذي؟؟) حنه حنه حنه حنه

هالمثال اللي قلتيه ما ممكن اصير بالكويت

:P

Purgatory said...

It all depends on how she asks.

True Faith said...

You could not generalize.

True Faith said...
This comment has been removed by a blog administrator.
ولاّدة said...

نانو

هنيئاً لها هذا الزوج

جملة :آسف حبيبتي ما كان قصدي

تجعلني أمحو كل أخطاءه وليس التأخير فقط
:(

أكره ما أكره حين يقول : آسف...اشلون الحين!!!

q80_demon said...
This comment has been removed by a blog administrator.
nanonano said...

q80_demon:
أنا مو قاعده أتكلّم عن مدى نسورة المرأه الكويتيه...هذي حقيقه الواحد لازم يقرها...بس المرأه الكويتيه ما صارت نسره الاّ من فعايلكم يا الرياييل الكويتيين....هيش ريّال هيش مره...و بعدين أنا كنت قاعده أتكلم عن مدى رقة الزوج...أن من كثر ما يخاف عليها و يحبها ما يبيها حتي أتعب نفسها و تحاتيه

q80_demon said...

خلنتخيل الحديث شلون بيكون:
الزوجه النسره: وينك في لي هالحزه؟
الزوج: آسف حبيبتي ما كان قصدي ...
الزوجه وبنفس واحد: شنو قصدك عيل وانت هايتلي ويه ربعك خمه هالبقعه لين هالوقت، ها ماتقوللي؟ وبعدين شقصدك انت آسف، شالعمله السوده الي تبي اتاسف عليها ها؟! ولاتقعد تقص علي وتساحلني تقول حبيبتي ما حبيبتي، ترى سوالفك هذي موعلي ...

ومثل حلبات الملاكمه تاخذه زاويه وتشتغل عليه بهالكلمات الحلوه الرقيقه، والله يستر ماتشتغل الاطباق الطائره!

q80_demon said...
This comment has been removed by a blog administrator.
Tareqish said...

hatha el farg been zawaj lajaneb o zawaj lekuwiateeen .
el mafrooth enhoom ekoonoon friends akthar mahom zojeen momela el shaghla rasmeyat o khyas nafs o el rayal ma eghale6 wala e3aref egool sorry !! wel mara emjabla wayha 24/7 !!
bs eshfeeha etha kanaw open o sahleen ma3a ba3ath o makoo ta3gedat el zawaj el kuwiati !!! o hathe atwaga3 noo3 men asbab el 6alag elee 9ar ebeeza hal wagt....

sorrow said...

لا تنكري ان بعض النساء لا يسألن بهدوء تلك المرأة و لكن بعصبية زائدة عن الحد و كأنه ولد صغير مما يؤدي الى حنق الزوج عليها

we;oiru;tigjdg said...

It's a matter of trust,
if u 2 trust each other life will be very smooth,
و بعدين الأجانب مو مثل نقتدي فيه بعلاقاتنا الزوجية لأنّ الخيانة عندهم إببيزة و شي وايد عادي من كلا الطرفين، أنا عندي الصراخ و النجرة أرحم من زوج (أو زوجة) لسانه حلو و من ورا مرته(ريلها) إسوّي بلاوي!
Don't u think so?

esetch said...

nano

عطيتيني فكرة لرواية جديدة، عن زوجة نسرة وزوج ماشي على حل شعرة

بس بشرط انتي البطلة

8-P

nanonano said...

UmNaser:
أنا قصدي بالموضوع كلّه الرقّه في التعامل

Tareqish said...

ma3a el asaf ena rabe3na sarat 3endehom el khayana akthar men lajaneb ..o sorry to say that bas karaht el zawaj men elee ashoofa men el metzawjeeen ma3a 7areemhom men abda3 ma yakooon bas kel wa7d 7a6la wa7da ..tadreen al7een yemken 90% men el shabab metzawej or not 3edohom shegag !!!!! wallah el 3atheem el zawaj shay wayed wayed rageee shoofeehom bara a3marhom 80 o maskeen ba3ath wehma etemashoon or ga3ed edezha bel kerseee el moshkela rabe3na mo 3arfeen lesh yaboon etezawajoon o shenoo ma3na el zawaj ,sorry wayed garagt :)

Tareqish said...

aha e ba3ad 6ara 3aleey shay "shegoloon el nas "akhh e7na shenoo we care 3ala kalam enas o shegooloon el nas OKAY madam entaw 3arfeen eshga3d etsawoon WHO CARES shefakroon fee el nas etha shay mo ghala6 !!

nanonano said...

esetch:
أنا لي الشرف أني أوحيت بقصه....بس والله العظيم أنا مو نسره


Tareqish:
حياك الله في مدونتي المتواضعه...على فكره كلامك كلّه صح

Tareqish said...

Nano thank u so much i'm so glad to be here :)

10 cell phone said...

Tom Green Has A Blog
Celebrity blogs usually suck. They are often self-promotion machines that are likely ghost-written to begin with, though it's unlikely you'd find many that are updated all that often.


Hello, I was just reading you site details and you have a nice site! my site that maybe of interest to you,transportation broker. It isnt anything special but you may still find something of interest.Thanks for your

machiatto83 said...

LOL that's so true!

esetch said...

Nano

من قالك إنك راح تكونين النسرة الله يهداك

إنتي راح تكونين صديقتها إللي دايما تحاتيها وترقع لها

Bo Jaij said...

la et7ateen wayed


sheftay shino 9aar eb Majda men kither el m7ataat.....ee wayed taja3eed o mayfeed ma3aha 3amaliyyat el shad


hathy awal marra adesh el net 3an 6areeq n3aal feeh GPRS.....inshallah tenja7 el mu7awala

nanonano said...

Bo Jaij:
نجحت
;)

Broke said...

والله صاجة .. احنا مشكلتنا بالريايل و الحريم ..كله ناشفين .. و ما يعرفون يعبرون ..كل من يمشي و ينزر

wafaa said...

نانو ..انا طبعتي احاتي وايد...
وجربت اني ما احاتي ... واكون بارده بس ماكو فايدة ... وادري محاتاتي تضايقه مني وايد ... بس جد انا اتمنى انه في احد (اقصد واحد) يحاتيني وايد ..

Crappy_Nappy said...

Etha zoojtey ma it7ateeni mino balla be7ateeni
wel rayaal mn wajba ina bekhambig o yejaweb chithy . cuz we are in kuwait not Eur , women have rights outside the house but still dont have the much of a stronger right inside the house .

~ se3loah ~ said...

والله الرجال كذا
سألتيه سؤال بطريقه زينه والا شينه
بينافخ ولا راح يقول الصدق
بس ياحظ الاجنبيات
:P

Ms. Milk said...

Hmmmm...y3ny ma negdar in3ammim enna kil il "zawajat" (madry itha fee kilma chithy :S) il kuwaitia ma'asat...bss lil asaf aghlab'ha....oo ham il ajanib 3indohom "zawajat" mosh wela bod...so bil akheer kil wa7id oo 7atha! :P

And if it's ok, I wanted to add our blog's link if anyone's interested :)
www.thetroom.blogspot.com

Brava Valentia said...

رياييلنا ينحطون عالجرح يبرا

nanonano said...

mother courage:
LoooooooOOOOOoooooL
sorry
but this was funny

chatterbox said...

كلامج كله عدل بس مو الكل وبعدين تدرين ليش الاجانب يكونون رقيقين جذي؟
لان المرة كل ثلاث او خمس سنين لها ريل ( زوج)
يديد والريال نفس الشي, يعني الحريم بالكويت اول ثلاث سنين اشزينهم واشحلاتهم هالكلام الحلو والكشخة وبعدين يبدي الويه الثاني يطلع يعني احنا واهم نفس الشي بس احنا نظل على نفس الريل ( الزوج) طول العمر ......يا حلونا

 
template by Purplecious