Tuesday, June 21, 2005

قاعده أسولف مع الشباب اللي معاي بالدوام..عن د.معصومه...و شلون أهيه اختيار موفق للعنصر النسائي...لأنها راح تقدر تتحمل ضغط عالم الرجال..المهم..قلت لهم لو أنا من د.معصومه ودخلت مكان و تتم مهاجمتي بهالطريقه شان....و حياتكم ما كملت كلمتي...لأنهم كلهم رمقوني بنظره(أقصد الشباب)...كان ودهم يقولون لي عن العياره..أنتي سعلوه...بس الشجاع فيهم قال لي أنتي تخرعين ديره...فدخلت معاهم بنقاش أن لمّا الوحده تكون عارفه شنو تبي...و عندها هدف تبي توصلّه...و تناقشكم..و تحاججكم...مو معناته أنها سعلوه...بس الظاهر هذا شئ بجينات الكويتيين ما يهم شنو طريقة تفكيرهم و ّلا أسلوب حياتهم بس في عقلهم الباطن...ما يحبون المرأه القويه...ما أدري...يمكن كلامي ما يكون صح...بس هذا أستنتاجي

11 comments:

KuwaitVoice said...

الكثير من الشباب الكويتي يحب التسلط ويتصور نفسه أنه أفضل وارقى من الأنثى ويجب أن يكون هو أفضل وأحسن ومتحكم بها ولا يريدها قويه يريد الرضوخ والتأمر وان يفعل هو مايحلو له دون محاسب او مراقب وهي لا تفعل الا مايرضى هو عنه... ومن هنا أتت فكرة المعارضة لحقوق المرأه من الكثير من الشعب الكويتي وخصوصا (الشاب)ليس من منطلق ديني فقط انما من منطلق اجتماعي ...وأنا هنا لا أتكلم عن جميع الشباب فلا افضل اسلوب التعميم انا اتكلم عن شريحة كبيره ومن مناقشاتي الكثيره سواء بالدواوين او أثناء الدوام ...لافرق بين الجنسين فالكفاءه والأحترام هي التي تفرض نفسها

Purgatory said...

Yeah entee mo bes etkhr3eeen deera, etkhre3eeen omam, bes ana a3erflech (holds a cat in his hand)

جنة الحواس said...

Nano .. Your conclusion is TRUE ..Most of q8o men dislike strong woman .. specially if she is smart and succesful in her life .. Others don't ,, they love to win such kind of a woman ...

Believe me .. This way of thinking depends on how those men were raised when they were children .. kella 3ala 3ala etarbeya tra ..

LiL ALiEN said...

اختي نانو

نظرة بعض الشباب غير .. ونظره الشعب شي ثاني. بالنسبه لرأيي الشخصي فأنا مع حقوق المرأه.

لكن في سؤال موجه لكل المتواجدات هنا كم منكن تشتغل مدرسه او في وزاره او في شركه ترأسها او تديرها امرأه؟؟ وما رأيكم في طريقتها في التعامل مع الموظفات؟

ماتشوفون شكثر المرأه اذا كانت مدرسه شكثر تتحلطم على الناظره؟ او اذا كانت في قسم ومديرتها امرأه شلون كلى ترجع البيت مصدعه او متكدره تسب وتلعن في مديرتها؟ فدائمًا ستجدون ان الرجل ضد المرأه ان تكون في وضع قيادي لأنه مايبي يمر في اللي تمر فيه المدرسه او الموظفه الحكوميه.

وبعدين خل نكون واقعيين .. المرأه اذا قفل مخـها خلاص .. اللي براسها يصير غصب طييب :P

KuwaitVoice said...

اي والله صج لا يقفل مشكله هههههههههههه مادربي ليش قفلة مخ المرا غير عن الريال في حرريم لا يحوشك اصخره بس هم طيبين:)

lawyer said...

الشاب الكويتي باختصار لما تقولين له انا قويه يعني جنج تقولين له انت فيك عيب
يرا قوه المرأه عيب فيه
او ضعف فيه
عمره ما يفكر ان هذي المرأه قويه نتيجه تربيه اب صالح عزز ثقتها في نفسها
و نتيجه دعم زوج سنع لهاا
بالعكس الي يدوور في راسهم انتي ناجحه يعني احنا فينا قصور او عيب
باختصار اهنتي رجوولته

LiL ALiEN said...

بورا بورا

صدقيني الرجل ما يلف ويدور ويحفر الا حق زميله الرجل وليس للمرأه .. لأنه يدري انه يقدر يتحكم فيها بالدوام بعكس الرجل.

ونوع ابو وجهين توجد عدة طريق للتعامل معاه.

بس المشكله في قفلت المخ عند المرأه .. يعني اذا قالت ( لأ ) خلااااااااااص !! .. مافيها روح وتعال .. لأ يعني لأ.

LiL ALiEN said...

المهم اليوم معصومه .. وباجر خديجه يايه بالدرب ..مايبقى غير سكينه وفاتيي :P

Zaydoun said...

ان صار عندها شخصية قالوا سعلوة... وان صارت ساكتة قالوا ماكو شخصية

والحل؟؟؟

7amee elDyar said...

اسوأ شي على الموظف ان تكون مسئولته امرأة !!

بتطلع له نجوم الضحى

مقوله معروفه ومتداولة

Zaydoun said...

انا مرة في حياتي كانت مديرتي امرأة... وكانت تجربة مرة، بس هي كانت حالة خاصة الله يسامحها

 
template by Purplecious