Saturday, June 04, 2005

البق

يا جماعة لاحظتوا البق السنه...ترا هالسنه غير شكل...بدا يصير بقنا مثل بق مصر له ظل
أنا شخصيا نتفني...أنا عادة ما يصير فيني شذي...و كلمن يشتكي من البق...سمعت في ناس خذوا أبر مضادة لالتهابات قرصة البق...و بعدين كل قرصه هالكبر...و تظل أسبوع معاك...قمت أخاف أقعد برّه من البق

14 comments:

kuwaity_ra7al said...

اهو في بق بس ليما الحين ما وصلنا مواصيل مصر تبقى ام الدنيا غير

وإذا عن الخوف فلا تحاتين كل شي وله حل

أنصحج بالزي الأفغاني ينفع حق هالسوالف :)

www.kuwaityra7al.blogspot.com

nanonano said...

kuwaity_ra7al:
حمدالله على السلامه

True Faith said...

What بق? where?

Broke said...

اي والله صاجة .. اليهال اللي عندي بالنادي مساكين يكسرون الخاطر .. منتفين من هالبق
احنا اشوة بيتنا مافيه
شي ...
بس الدوام .. شي مو طبيعي كل ويك اند يرشون
و يحطون هالجهاز اللي يذبحهم .. كأنا قاعدين بمطعم شاورما .. حشى مو صندوق التنمية

Kuwaiti_Man said...

نانو
إحنا مافيه عندنا بق, بس ذبحنا البعوض, وهو بالمناسبة ذكر, لأنه مايلدغ, النثية هي اللي تلدغ وتمص الدم
بس المسكلة إنه مرات وهو طاير يدخل بعيوني, صرت البس نظارة شمسية وأنا بالبيت أو المكتب

Purgatory said...

I noticed that also :)

hamadx said...

وانا مو كاسر خاطري الا شدخان
وللعلم شدخان يشتغل بمزرعتنا
كل مااروح له
القا راسه جنه تاير وانيت من كثر البق
http://hamadx.blogspot.com/

Bo Jaij said...

الحمدلله قساوة جلدى تمنع أى بقة أو بعوضة أو حتى دراكولا من تذوق دمى

و إن عثرت البقة على مكان ذو جلد راقى فلن تستطيع شفط قطرة واحدة لإنخفاض لزوجة دمى كمعجون الطماطم المركز ....ثقيل و يسوى حارج


إلى جاذبة البق نانو

تخلصى من عشق البق لكى بدعك جسمك بالثوم الطازج فكما تعلمى أن البق كائن مصاص للدم و مثل شرار - آسف دراكولا تخشى رائحة الثوم و تتبتعد عنه
و لهذا يمكن تعليق كم راس ثوم فى مرآة سيارتك أو توضع على طاولة الميكياج

و شكرا

يعقووبوو said...

انا غرفتي بالدور الأرضي و تطل على الحديقه
يعني موزين افتح الدريشه (:

والله اصير جني منئوشة زعتر بس على حمره (:

وشكراً للمساحه
ودمتم سالمين ... (:

Sheba said...

nano,

I will call Kisr to see if its an epidemic.

الذيب said...

دقيقه
انتي في كل شئ
على طاري البق
في نغمه على الموبايل
تطرد البق
جربي وادعي حق أخوكي الذيب

nanonano said...

Sheba:
ha whar happened did u call KISR???
the bites r getting really bad

الذيب:
that's new...but thanx anyway ;-)

ray said...

اي والله ذبحنا البق

تارس ويوهنا ليتات

Zaydoun said...

اعتقد ان البق في الكويت صار ياكل وجبات سريعة مليئة بهرمونات النمو، مثل عيال هالوقت اللي صاروا جواميس من كثر ال
Junk food

 
template by Purplecious