أمس جمعتنا بيت جدتي. و نظرا لعدم تواجد أمي و خالتي داخل الكويت كنا بس الأحفاد البنات عند جدتي لأن كالعاده الشباب طاشين المهم جدتي كبرت بالسن و الله يعطيها طولة العمر بس قامت تخوره بالأسماء فما ناخذ منها السالفه الاّ وروحنا طالعه و طبعا ما أقولكم اللي تسهى بوسط السالفه و تسأل سؤاال غبي لازم تنخز لأن راح تخلينا نسمع السالفه من أول و يديد المهم...جدتي فطنت فينا و احنا نضحك شان تقول ويييييييييه...هذا و أنا أحسن وحده بالتثبت من شلتها مالت شاي الضحى بالفريج و لاّ الباقي ما تقبضون منهم سالفه...على عين عيايز مضيعين الله يخليهم لنا