Sunday, June 26, 2005

777

أمس و أنا رادّه من الدوام
و على طريق المغرب السريع بين النزهه و القادسيه
الساعه 4.10 مساء
الاّ سياره توها منقلبه...و الناس قاعدين يحاولون يطلعون الناس اللي فيها
وتوها باديه تشب بالسياره نار
أنا شنو سويت
قمت و دقيت على 777
ردت علي الموظفه شان أقولها أختي في سياره منقلبه و حددت لها الموقع و ذكرت أن السياره باديه تحترق
شان ترد
بحولك على المطافئ
قلت لها ليش تحوليني..أنا قاعده أقولك كيت و كيت و كيت
درجة الحراره برّه مليون...و قايله و سياره قاعده تحترق...تصرّفوا بسرعه
شان تقول لي
لأ...لازم أحولك
و حوّلتني
شان يرد علي واحد نابغه بالمناطق الكويتيه
و الله العظيم
أعيد عليه 3 مرات
السياره المنقلبه على طريق المغرب السريع بين النزهه و القادسيه تحت جسر المشاة
و يرد علي
أشلون؟؟؟
القادسيه قبالها حولي
و أقول له القادسيه تفصلها عن حولي بالدائري الثالث بس عن النزهه طريق المغرب
و مو قادر يفهمني
آخر شئ قلت له بين الدائري الثاني و الثالث على طريق المغرب
روحوا أعتقد السياره تفحمت الحين
قبضوا هذولا 777

12 comments:

بومريوم said...

زين ما قالك مري أخذى المسعفين معاك الموقع...

المشكله مو مشكلة بشر..المشكله مشكلة أداره..

يعنى 2-3 مليون لو تنصرف صح تكون أحدث أدارة عمليات..

جنة الحواس said...

صج نابغة .. الحمدالله و الشكر .. الله لا يحوجنا لهم

lawyer said...

الله يكافينا الشر
اول شي لازم تشكرين على الي سويتيه
اتصدقين نفس الشي مرا صارلي
بسسسسس مالت عليهم احقرووني
شفتي اشلوون
اي والله مصيبه بداله 777 مالهم خلق مدري ليش
.... عيل سمعي سالفتي
انا مرا تعرضلي سكران و قاعد يدعم في السيارات ويا يهدنني السكران انه بشيل سيارتي
!!
قمت دقيت على 777 حقرووني بعدها بدقيقتين دقو علي قالولي داقه صح قلت لهم اشعقبه عقب ما السكران كسر له مرايات 3 سيااير
المهم عقب نص ساعه يالله وصلوو و انا كنت في السوق المفروض يكون مكان مترووس دوريات بس للاسف ماكو شي
يعني السالفه يبيلها طواله
و لا يفكرون يطورون نفسهم
البيتزا صارت تووصل قبل المطافي
خووووووووووووووش شي

Anonymous said...

shift il 7adith ams o il sair wagif laih il tha7ya .. o il awadim mako saber sebaq mino edoos akthar bil safety lane .. o min il zood mawselat il es3af illa 3ogob ma tefa7imat il sayara .. ashwa il shayib illy kan ga3ed esoog masar feeh shay bas 7adda kan minsidim imga3deena bil dawreya..

KuwaitVoice said...

الصراحة المواطن الكويتي ماله خلق يشتغل يالله ينطر متى الدوام يخلص عشان يمشي مو فاضي حق سياره تحترق واحد مدعوم حرامي يبوق بنك اهو وين وهالسوالف... يفكر متى يرجع بتهم جنه البيت بيطير طبعا مو الكل بس الغالبية وخصوصا موظفين الحكومة...يعني ديرتنا ماتحب الشغل الحمدالله انه في وافدين وعندنا فلوس

Jewaira said...

First of all I think you were very responsible to act so quickly Nano.

I disagree with those who commented that Kuwaitis don't like to work. It is just a matter of the wrong people in that kind of job. I think if they put properly trained, qualified and well-trained people in those positions we would see a change. Who is the person responsible?
Things won't change unless there is an uproar and a demand to change.
Too many people have died due to delays in the arrival of the ambulances and fire-fighters.

Sheba said...

whats right about this country?

Sheba said...

hehe it7eseen wa7da im3asba

bo_ghazi said...

نانو ، هذا واحد من ربع الوالد مرة شاف حادث بالطريق ، اتصل على 777 و بلغهم ، فرد عليه الريال و قاله خلك معاي عالخط ، جان صاحبنا يسمع مال البدالة يتكلم مع واحد الظاهر قاعد يمه ، رفيجه يقوله شصاير ، و يرد عليه مال 777 هذا واحد مأذينا... يفتر الشوارع و يبلغ عالحوادث!!!!

7amee elDyar said...

777 صايرين مثل الشرطة بالافلام المصرية

ما ييون الا اخر شي

وبعد ماتخلص كل الاحداث

بومريوم said...

شهادة حق
اللى يشتغلون بالدوريات ما يقصرون و طبيعة عملهم صعبه
شفتات و بلاوى و لعنة خير..مع هذا هم مو مقصرين
المشكله مشكلة ادارة
جهاز تحديد المواقع مثلا قيمته 300 دينار و فيه كل داعوس بالكويت..ليش الدوريات مو مزوده فيه؟
الدوريات اللى على الخط السريع ممنوع تتحرك الا بأمر
و وايد شغلات
مع ان الشغله بسيطه...مستشار من واحد من هالمطاعم السريعه يعلمهم شلون ياخذون المكالمه ويوجهون السيارات..
قط مره ياكم طلب متأخر؟

KuwaitVoice said...

هههههههه لا حلوة كويتي مان :)

ضحكتني

 
template by Purplecious