Tuesday, April 21, 2009

يا ملق...ك

.
.
.
.
أنا لما أكون متملله..أتعسّر
.
و أول كنت لما أوصل هالمرحله..آخذ أجازه
.
لو يومين..أغير جو و أرجع
.
الحين اللي صاير..هالحل ما يفيد
.
لأن طبعا غير الوضع السياسي اللي أحنا فيه
.
و أفلام الأكشن اللي قاعده تصير..اللي لي الحين
.
بالنسبه لي أفلام مقاولات
.
غير هذا متعسره.. من الشغل
.
ما أقدر آخذ يوم أجازه
.
بس مضطره أني أتعامل مع ناس
.
في خلاف بيني و بينهم
.
و لي الحين ما برّدت قلبي فيهم
.
.
فسمحوا لي أني أفضفض شويه
.
تشود..تخف عسارتي
.
.
هذا واحد مو كويتي..على باله أن فطحل زمانه
.
و أذا قعد  وحط ريل على ريل و قام ينظّر
.
تقول أنّه وارن بافيت الحبيب
.
مشكلته..أني لاحقه عليه لما أول ما تعيّن 
.
مو بالشركه اللي أهوه فيها الحين
.
لاحقه عليك..لما ما كان يسوى ترس أذنه نخال
.
بالمكان اللي قبل..بس لأن ممتاز في مسح الجوخ
.
وصل بهالمكان المنصب اللي وصل له
.
أنا على خلاف معاه من زمان
.
و وجوده من عدمه ما يهز صرصوخ أذاني
.
اللي حارني
.
أن تم استعباطي..و خلّوني أسوي له فضل
.
لو أدري أن حقّه.. لو ينقز ما سوّيته
.
لأني أنقذته من خساره محقّقه
.
جان صج الأداره..عرفت شنو موديله
.
طبعا أنا موديل سو خير و قطّه بحر
.
حق ناس ما يستاهلون..ما أواطنه..لأني مو حليوه
.
الحين أنا محتره من شغلتين
.
أني طلعته من دقّه..و أن تم أستعباطي
.
.
فحـــدّي محتره
.
و باموت أني أسوي فيلم
.
عاد لينتقم
.
بس ماني عارفه شلون
.
.
الحين..ماني قادره آخذ أجازه
.
عشان أصد عن هالبايخ
.
و لاني بارد قلبي فيه

47 comments:

Mok said...

عزيزتي
اذا مو مسويلج ربكة بالعمل ولا ماذيج

سدي اذنج طاااف

وانتي الكبيرة

enter-q8 said...

شوفي يبيلك اشوية صبر عيشيه ان تم استعباطك و رسمي هالصورة وخليها ثابته و قناعه عنده انك على باب الله
لن هالنوعية لازم ترد و تعيد هالشي
و حزتها عاد
سووي فيه نفس ما سووى العوازم بتغيير نتائج الفرعيات
و اذا ملوع جبدك صج و ما من حل و اتمنى يكون من الجنسيات اللي اشوف العمى و لا اشوفها
بسويله دعوة في الدائرة الرابعه و قولهم هالاجنبي يا وجيه الخير يسب بورمية
و اقط العقال

الدســتور said...

تركيه
وبعد الانتخابات
انا حاضر اتصيد معاج
:)

Snow White said...

في كل مكان تصادفين نوعيات من الناس تبط الجبد ويقعدون يتفلسفون .. الأفضل أنج اطنشينهم وما تتعاملين معاهم .. أحياناً تكونين مضطره أن تحتكين فيهم بحكم العمل هني تتعاملين معاهم لكن بحدود يعني لا تعطينه ويه وإذا مصخها قدمي شكوى عليه

ولا تضيقين خلقج على ناس ما تسوى :)

عثماني said...

اخيتي

ذكرتيني بما مضى

:(

عادي .. طولي بالج

الحل .. ان لا تخلين هالحشرة تاخذ حيز من تفكيرج

:)

chandal/danchal!! said...

ترفعي عنهم... مو هالاشكال اللي تغير طبعك


بصراحة هلاقة من اللي استعبطك اكثر من حلامبوحة


اهم شي انك عارفة نفسك ... ما يسوى تحرين عمرك

وممكن ما تخلينها بقلبك وتواجهين الطرف الوسيط بينكم... وقولي اللي عندك وامشي عنهم
.
.
.

عزائك الوحيد انك سويتي خير لمصلحة عملك حتى لو الاخ حلامبوحة زاد بريقه الزائف


ومشاعر الكراهية ما تسوى تسخرينها حق واحد مثله... لأنها تستهلك طاقة تعادل طاقة مشاعر الحب... ولو انها بعكس الاتجاه

افا يا نانو... حقرااااااان

ولا كأنهم موجودين... لبسيهم لبسة ----... اهم والطوفة واحد!

زين سويتي انك بثيتي حلطومتك بمدونتك

nanonano said...

Mok :

أنا مو كبيره

و عسره حدي

100 fils said...

Nano my advice to you is this "revenge is a dish better served cold" trust me dear on this you will get your chance back at him :)~

nanonano said...

Enter-Q8 :

أنا الحين حاقره

بس يازت لي الفكره

لأن وايد مسوي روحه زقرتي

فيبي له

يا وجيه الخير..عشان يعرف الحوف

مَـــــعْــــمَــــعَـــــه said...

والله انا قبل كنت احرق نفسي بالدوام واتعب وحصلت اللي ابيه بس في ناس كانت نايمه وحصلت اكثر مني ووصلت

اللي بقوله ونصيحه مني لج من تركبين سيارتج بعد الدوام انسييييي الدوام ولا تتذكرين منه شي وخل من فلان قال وفلان سوا

nanonano said...

أبو الدســتور:

بس أنطر شهر؟؟

أفا عليك..مستعده أنطر ٣ أشهر بعد

chandal/danchal!! said...

شي ثاني يا نانو

تر وايد تفاعلت معاج

كوني متأكدة ان ربنا اللي بخلص... أليس الله بكافي عبده؟

خل يولون ولا لك شغل فيهم... ولا تنطرين عليهم الزلة



والله دايما يسلط اجناس على اجناس... اللهم لا شماته!

شوفي من وين بتييله حوبتك

وانشاءالله دوم بعيدة عن هالبيئة وعيشة الكيد والمكر

kuwaitawy said...

نفس الشعور



لكن باختلاف الحاله


:)

Anonymous said...

وايد من هالحشرات

تارسة القطاع الخاص بالكويت

الحل

بف باف المطور

سدي بابج

وجابلي شغلج

بس نصيحة أخو

قبل لا تسوين اي شغل يالج فجأة مستقبلا من مديرج

عرفي شنو ورا هالموضوع الطارئ؟!

اذا كان في خطأ .. خطأ منو؟

فتحي عيونج عدل.. ترى هيك نماين تبى الحذر والحرص منج

وثانيا ديري بالج على نفسج... هذا ما طلع ووصل هالمواصيل اللي تخب عليه وعلى اهله وطوايفه الا يوم طلع على ظهر غيره...

هذاانتي عرفتي سواياه ... وعرفتي منو قاعد يساعده ويحاول يغطي عليه


ديري بالج :)

يا ما كليناها




الصبر والحقران والانتباه

هم احسن بف باف تجابلينه فيهم

والله يوفقج :)

بهالمناسبة أهديج اغنية مليان قلبي مليان :)

كويــتي لايــعه كبــده said...

مسح الجوخ وصل ناس الى وزراء واعضاء مجلس الأمة ورئاسته بعد وانتي ماسكه هالشيء على هالمتسلق

هذا النظام ومن عرف كيف يركبه ركب ومن عنده ما يمنعه مثل الأخلاق او القيم لا قدر الله خل يستريح

الله يعينك على موقفك
منّي على اللي سويتيه له وتأكدي ان الإدارة تدري ان اللي انقذه هو انتي علشان مجهودك ينحسب لك ومو لواحد مو كفو

Eng_Q8 said...

طاف طاف

انا هذيل ما يردني عنهم الا لما الدباسه تلبس بصماخهم

شقران said...

الغالية نانونانو

مساء الجاسمين الهندي
:)

بعرف منو اللي سوّا حركة الاستعباط وخلاك اتسوينله هالشغله بارده مبرده؟؟

والله خايف عقب هالحركة اللي صارت تروحين تدشين الغوري نفس ذيك المرة...صراحة ما نقدر على ابتعادك
:))


تقبلي مني أجمل تحايا المساء

Wafra said...
This comment has been removed by the author.
Wafra said...

Hi
I think you have saved your company from this loss, not only him, which is a genuine responsibility of all staff.
Maybe if you think about it this way, you will feel better :)
You did the right thing, and that is what matters at the end of the day

Bloggerista said...

Karma's a bitch tara

he can't get away with it forever

and when it's payback time
حزتها قلبج بيبرد

Unknown said...

ما اقووول الا الله يعينج وتحملي شتسوين بعد

nanonano said...

Snow White :

أنا مطنشه..و متجاهله بعد

بس اللي غثني

أنا مو مضطره أني أسوي خدمه

حق شخص ما يستاهل

nanonano said...

عثماني:

لا كلش ما ياخذ

بس أذا صادفته بالأصنصير و طنشته

يطري علي

هاهاهاها
وايـــــــــد شريه

nanonano said...

chandal/danchal!! :

أم الجنادل

وي..لا توصين محزون على البكاء

لابسته مره وحده

لسبب بسيط..أن مو مهم

أنا اللي حارني مديري..اللي استعبطني

.
.
.
بس أفا عليج..دخلت على المدير

و ببساطه شديده

قلت له اللي صار ما أبيه يصير مره ثانيه

و طلعت

lawyer said...

تحسبي عليييييييييييييه

ولازم تروحون حق الي استعبطووووووج و تقوليلهم



ونقطه ثانيه سووووووووري يعني ادري انج تسوين خير و تقطينه بحر بس مع هالاوادم ما ينفع

تفضلي عليه و تمنناي عليه
وامشاااااي و قوووووووولي ان لو ما انتاااااي ماصار الشي





نسوي خير و نقطه بحر مع الناس الي محتاجه الخير و بمزاجنا نعطيهم مو يستغفلوووووووووووووووووونا




حمييييييييييييييييير




سوري بس اشتطيت صايرلي الي صايرلج بالظبط و ميته حره بسسسسسسسسسسسسسسسس
انااااااااااااااا الحين متغيره وياهم وايد
يالله بدوووووووووو يحسبون حسابي

nanonano said...

100 fils:

وايـــــــــــــــد

برّدت قلبي

شكرا

nanonano said...

مَـــــعْــــمَــــعَـــــه:

أكيــــــــــــــد أنساه

بس لما أيي الدوام و أشوفه

أحتر من روحي..لأنج مو فاهمه

أنا مو حليوه

فالأستعباط اللي سووا لي أياه

هذا اللي معسرني

nanonano said...

kuwaitawy :

واااااااااي

الدّااااااااد لك

nanonano said...

دروازة:

صح كلامك ١٠٠٪ لأن الوقا صار عسر

و لازم الواحد ينتبه مليون مره أكثر من أول

لأن الكل يدوّر على شماعه

عشان يتخلص من المسئوليه


و مشكور على الأهداء

أعتقد أن أحنا وايد

اللي قلوبنا مليانه

nanonano said...

chandal/danchal!! :

أم الجنادل آسفه توني أشوف تعليقج الثاني

شكرا عزيزتي

ما ودّي أنج تشيشين

هاهاهاهاها

بروحج كامله

و أهوه ما يستاهل أن الواحد يشتط عليه

بس مديروووووو

صديقه

هذا اللي راح ياكلها

هاهاهاهاها
هاهاهاهاها

nanonano said...

كويــتي لايــعه كبــده:

اللي معسرني أن الأداره العليا ما راح تدري

لأن مديري صديقه..و يهمه أن يغطي عليه

nanonano said...

Eng_Q8 :

هاهاهاهاهاها
هاهاهاهاهاها
هاهاهاهاهاها
هاهاهاهاهاها

والله ودّي

عشان بس موديل

شوفي شموخي..اللي شامر فيه

يطير

nanonano said...

شـقـــــران:

صباح المشمش الطري المبلول

هاهاهاها
هاهاهاها

عزيزي و معلمي شقران

لا تحاتيني

راح تدور الدوائر

و ناطرته

و ذاك الوقت

هاهاهاها
هاهاهاها

يصير خير



و بعدين..لأ هذا ما يستاهل أني أتعسّر على التدوين بسببه

nanonano said...

Wafra :

أهلا و سهلا

شكرا لمحاولة مواساتي

و صح اللي تفضلت فيه

بس هم ممكن أحتر شويه؟

nanonano said...

Bloggerista:

عاد تصدقين أني وايد مؤمنه بال
Karma

what go's arround..come's arround

ناطرته

هاهاهاها
هاهاهاها

nanonano said...

الطائر الحر:

أكيــــــــــد باستحمل

بس موضوع

أن طاعك الزمن و لا طيعه

يعسّر

مو؟

nanonano said...

lawyer :

هاهاهاهاها
هاهاهاها
هاهاهاهاهاها

ما تشوفيني أحب أتحلطم عليكم

لأن أدري أنكم راح تفهموني مضبوط و توسعون صدري


حمييييييييييييييييير

هاهاهاهاها
هاهاهاهاها
هاهاهاهاها

قتلتني من الضحك...لأنها تبرد القلب


ويــــــــــــي

سويت اللي قلتي عليه كلّه

أنتي لو تشوفين ويه المدير

لما دخلت عليه شلون تدوده

هذا بس كان كافي

esTeKaNa said...

يا صباح الورد على الغالي المتعسر
:)
تدرين شنو اتعس احساس بالدنيا؟
ان يتم استغفالك
!!
بس بردي قلبج
في ناس الترفع عنهم راحة
واذا ما برد قلبج
بس اشري
ونيي لج كلنا مجاميع
خو خبرج المجاميع صارت شي سهل ومقدور عليه
:pp~

nanonano said...

esTeKaNa:

بذمّتج أنا أنلام فيكم؟؟؟؟!!!؟

محّد برّد قلبي كثركم

أفــــــــــا عليج

خاشتكم حق العوزه و الشي الشايد

هذا الشخص ما يستاهل..الواحد يشتط عليه

بس الأستغفال و الأستعباط اللي أنا كنت فيه

هذا اللي حاز في نفسي

lawyer said...

زيييييييين تسويه فيييييييييه

عفيه عليييييييج


خيولوووووون مالت عليهم

عيل الكل يحشمنا و يخاف منا و يحترمنا و ايووووووون هذولا على اخر عمرنا يستغفلونااااااا



لا عيوني
انا ابتسم

وسنعه

و زيييييينه و خوووووووش وحده بسسسسس مو تدوس فوق راسي



والا اوريييييييييييك الويه الثاني عدل
واخلك تعرف منو انت و منو انا





خنقولج سالفه ثانيه
اناااا نوعي الكبار الي عندنا وايد يغلطون في شغلي ووايد يخمبقون و انا الي اعرف

فتلاقين ما احرجهم جدام صاحب العلاقه او المدراء الي اكبر منهم

واخليهم يفتون و يغلطوني و ارد مكتبي ارفعع السماعه واقوله لألألأ بوفلان ترا الكلام الي قلته غلط بس ماحبيت اقووول جدام الناس فحبيت انبهك بالتلفون


ويتدارك الموضوع و يصلح معلوماته جدامهم على ابو انه اهو صايدهاااااا




بس يوووووووووووووووم السبت الي فات تخيلاي هم اجازه و هم يايه اجتماااااع و موجودين ناس كبااااار من برا و يااااااي حضرته بتفلسف علي جدامهم بغطلني واشلووووووووووون هذا جذي


جاااااان افشله قلت له استاذ هذا لازم يكون جذي و انا مستغربه من سؤالك لان شي بديهي اتعرف انه جذي !! واطالعه جدامهم بنظره و ابتسم






بط جبدي غبي ويتفلسف دامك ما تعرف و مطلعني من بيتنا في الاجازه لانك تدري ماراح تعرف تسوي هالشي ليششششششش تغلطني جدام الناس وانت الغلط





خلج نسسسسسسسسسسسسسسسره يحبونج

الزين said...

الحقران ثم الحقران ثم الحقران


يموت ويحيا وانتي ولا داريه فيه


اخذيها مني

المقوع الشرقي said...

طنش
تعش

fatto said...

لاتخلين هالاشكال اتأثر فيج وتأثر
ابمزاجج وتعكر صفو حياتج .. خليه يولي وطااااف


ومساء الخير :)

ANGEL HEART said...

لا يكون ليما الحين مؤثر فيج الموقف

كل موقف يحر لا تخلينا ياخذ وايد مساحه من تفكيرج ووقتج

والنوعيات هذي احسن شي تعطينها طاااف

اهم شي المود يكون تمام :)

المظاهر الكاذبة said...

إنتي انسانة سخيفة وماكو شغل والي قاعد يردون عليج أسخف منج

شنو خلصت المواضيع كاتبة في واحد يغازلني مادري شنو تخربطين

ترى عيب انتي بنت

وهذا يتحرش فيج لأنج الله بالخير وعيل شكو لازق فيج ..؟؟

مني والطريج ..؟؟

الريال ما يلحق وحدة ويصمم يرقمها ويتعرف عليها بدون سبب

خلي عنج الخرابيط ومسوية روحج انا المحترمة

محترمة كاتبة موضوع خايس وجدام الناس ..؟؟

المظاهر الكاذبة said...

محد وصخ المدونات غيركم الأشكال الوصخة والهيلق

ملحدين ليبراليين علمانيين ناس تحب تفضح نفسها ناس أي كلام تكتب

أقسم بالله العظيم أن أوطى ناس يستخدمون المدونات أحنا الكويتيين والمحترمين والناس الفاهمة ينعدون على الاصابع والباجي خمام

أتمنى الي يحس انه مصخرة او يحمل فكر وصخ او بايخ لا يحط علم الكويت ويفضحنا

يفضح نفسه بالطقاق

اما الكويت لأ

المظاهر الكاذبة said...

عندنا حرية رأي بالكويت صحيح

لاكن أنتوا قلبتوها مصخرة مو رأي

تبي تتكلم بحرية أحترم الناس وعقولهم

خرة على الحرية اذا تطلع لنا اشكال وصخة جذي

حمدوا ربكم غيركم من الدول الثانية دايسين على خشوم شعوبهم وقولوا الحمدلله والشكر

بدال هالمصخرة الي قاعد تسوونها هني وكل من كلمكم قلتوا كيفنا هذي حرية رأي

مصخرة هذي مو حرية صارت

 
template by Purplecious