Saturday, April 04, 2009

يوسف وهبي و أندريا بو تشيللي

.
.
.
الأسبوع اللي فات كان أكو حفله موسيقيه في أمارة أبوظبي
.
للمغني الأوبرالي الأيطالي أندريا بو تشيللي
.
رحنا أنا و زوجي..و مجموعه من أصدقائنا
.
طبعا أنا وقعت في غرام هالأماره الصغيره
.
بعكس دبي..مرتبه..هاديه..مريحه
.
و طبعا لأنهم هناك ناس حضاريين
.
 تبدي الحفله الساعه ٨ و تنتهي ١٠
.
مو مثل هلا فبراير..جنّه قاعدين في ملاهي الهرم
.
ما يبلشون الاّ الساعه ١١ و يخلصون ٣ الفجر
.
بدا يغني أندريا بوتشيللي..و الصج كنت حدي 
.
مستمتعه و مندمجه
.
لما و صل حق أغنية مّامّا..أهيه أغنيه تتكلم عن الأم
.
أهوه بلّش يغني..و أنا أكركر..أول شي خزني زوجي
.
يعني سكتي..ما قدرت..عقب نغزتني صاحبتي
.
مستغربه ليش قاعده أضحك
.
.
لأن من قال أندريا بوتشيللي..مّامّا
.
طرا علي يوسف وهبي في فيلم أشاعة حب
.
لما يعلّق على ولد أخت زوجته..اللي قاعد يحاول 
.
يغازل بنته..و يغني لها مقاطع من الأوبرا الأيطاليه
.
فولد الأخت يقول..مّامّا...و يكمّل بالأيطالي
.
و يرد عليه يوسف وهبي..يا روح أمّــــــــــك
.
.
فطول الأغنيه كان ودّي أرد على بوتشيللي
.
يا روح أمّـــك
.
بس احترمت نفسي

38 comments:

Mok said...

:)

why me said...

lool


ليج بالعافيه

:)



miss u :*

حسافتج يا كويت said...

لووووووووووووووووووووول


اي اي صح


لو انا منج جان عطيتة الصاجات بعد

ANGEL HEART said...

وااي ششوقتيني اوبرا وايطاليا


عليكم بالعاافيه يارب

واي موقف صعب حاسه فيج لما الضحكه تكون خانقتج واصله حدج والوقت والمكان مو مناسبين شعور باايخ

بس على تخيلج انا ضحكت لما ذكرته ههههه

شـقـــــران said...

الغالية نانونانو

صباحات الديمة الحنونة وأمطارها



.
.
.
.


أول ماقلتي يوسف وهبي على طوووووول طرى الفيلم على بالي


صج بدع يوسف بك في الطماشة عليه

على فكرة يقال أن الذي قام بدور الشاب الناعم هو الجاسوس المصري رأفت الهجان...لكن هناك من نفى هذه الاشاعة بالادلة التاريخية على ما أظن



أخوي كان يدرس في الامارات ويقول إن أبوظبي أفضل بكثييييير من دبي من جميع النواحي

.
.
.
.


اثرك كنتي مسافرة ورديتي...وأنا اقول الكويت زايد نورها اليومين اللي طافوا
:)




تقبلي مني أجمل التحايا الصباحية الممطرة

Hashemy said...

نانو اكو مشهد يوم كبس عليه يكلم هند رستم يقوله انت بيتي متحرم عليك تحريم الدم

دم لما يلهفك

لوووووووووووووووووووول


فعلا فيلم من اجمل مارأيت بالسينما المصريه فعلا كان رومانيك كوميدي

وامسيه سعيده انشالله قضيتي وانشالله دوم
كلامج صحيح فعلا ابوظبي هاديه وايد وجميله عكس ضوضاء دبي وزحمتها

اقلها هناك تحس انك في دوله خليجيه وتشوف امارتيين بجد :)

ولاّدة said...

وأسيل؟
;)

100 fils said...

Ciao signora

I am a big fan of Andrea and because of him “he was one of the reasons ;)“ That I started to take Italian classes’ long time ago just to understand his words..
حدي فاهم الشعور الي تقصدينه وحدك ذويقه لانك تسمعينله بس تتوقعين راح يكون رده شلون قايل على يا روح امك

:)~

أبو جيج مع الورقة البيضاء said...

نص الكويت كانوا فى حفلة بوتشيلى

و النصف الثانى كانوا فى عروض سيرك ديى سوليه

عليكم بالعافية بس ورانا ستين ألف مصيبة بالديرة


و اليوم بن همام منع الكويت من التصويت لإنتخابات الفيفا

بليز ركزوا على مقابلات المرشحين بالفضائيات من الاسماء الفذة...مثل جويهل...الشليمى...بوخمسين...محمد الهاجرى...و اليوم وراكم لارى و البراك ببرنامج بو فتين على الراى


بعد ما تبونا إنقطها بيضاء؟


إلا ناصعة البياض و مغسولة بتايد مزيل للبقع

Tekana said...

looool ambeeeh :P

Bloggerista said...

لوووول

بدعتي


أبوظبي صج حلوة, ما فيها لوية دبي

مسوين كذا فندق يديد فيها, وين قعدتوا؟

عثماني said...

حسبي الله على ابليسج

:)

الريال قاعد يلعلع و انتي تضحكين

بس فعلا .. يوسف وهبي لما يمثل كوميدي يبدع

رحمة الله عليه

KQ8 said...

ياحليلكم والله زي ن فيه ناس تروح ..اهو تغيير جو

وذوق..بدال المطربين السكه اللي اييوبونهم في هلا فبرابر

nanonano said...

Mok :

:)))))

nanonano said...

why me :

الله يعافيج عزيزتي

مي تو والله

بس أن شاء الله راجعه و عقب ما صلحوا الكونيكشن في بيتي

nanonano said...

حسافتج:

هاهاهاهاهاها

صاج..تهقى لو مطلعه الصاجات

جان شنو سوا زوجي؟؟!!؟

lawyer said...

هههههههههههههههههههههه

ابيييييييه غشييييييت ضحك


ترا مرات تصير فجأه الواااااحد يدش عرض


و يطري عليه شي ثاني

abu eldestor said...

حمدالله على السلامة
كسرتي الروتين بهالسفرة

nanonano said...

ANGEL HEART :

تصدقين حتى أوبرا و أبوظبي..يمشي الحال

بالنسبه لي أي شي بالهواء الطلق حلو

nanonano said...

شـقـــــران:

صباح الجاردينيا معلمي العزيز

يا زيــــــــــــــــــــــــــن الديمه

صج ترد الروح


شفت ملح يوسف وهبي بالفيلم..الله يرحمه كان فنّان
===

أذا ما رحت أبوظبي..أنصحك فيها

مريحه..و هالأيام أنا هذا اللي أدور عليه

الراحه..خبرك لاكويت صاير عندنا تلوث ضوضائي

على جميع الجهات

فقلت أروح أنظف روحي شويه بشوية أوبرا

و أرجع

عشان نبلش من أول و يديد

nanonano said...

Hashemy :

بالنسبه لأبوظبي..كلامك مضبـــــــــــوط

على الأقل تشوف أماراتيين..و تكتشف شلون أهمه شعب مهذب و راقي

===

بالنسبه للفيلم

لا ننسى الدور الرهيب اللي مثله

عبدالمنعم أبراهيـــــم

بدّع

nanonano said...

ولاّدة:

ما أدري

;)))

nanonano said...

100 fils:

تصدق ما أدري ليش

وايد ناس مو راضين يصدقون أني أحب أنديا بوتشيللي

على بالهم أن زوجي اللي يبي و أنا تابعه قفه

بس مو هذا الصج

ما أدري ليش على بالهم أني ما أفهم

nanonano said...

أبو جيج مع الورقة البيضاء:

صاحب المعالي

أول شي كنا حاجزين من زمان وايد

قبل لا تبلش هالمعمعه

ثاني شي

سافرت يوم اليمعه الصبح و رجعت السبت المغرب

يعني لو رايحه الشاليه جان يمكن طولت أكثر
====

أدري أن وراي تركيز بهالويوه القشره

فقلت أروح آغير شويه

و أنظف أذاني قبل لا ترد تصك من صيحة سكوب و العداله
====

أدري أنك تبي تقطها ناصعة البياض..بس أنا لي الحين ما فقدت الأمل عشان

أبيضها معاك

nanonano said...

Tekana:

كان فشله

nanonano said...

Bloggerista :

الله يسلمج قعدنا في الشنغرلا

فيه كذا مطعم مسكتين..و السبا مالتهم ما صارت

أنصحج فيه

nanonano said...

عثماني:

واللـــــــــــه العظيم أني كنت مندمجه

الاّ بهالأغنيه

يوسف وهبي الله يرحمه..سيطر على تفكيري

nanonano said...

KQ8:

حق الأشياء السماعيه مستعده أتعنى

بس لا تقول لي شاكيرا و هاللويه مالي خلق

الا في حالة مادونا

و بعدين أبوظبي قريبه و مو شايفتها

فتسوى الواحد يروح يستكشف الدول المجاوره

بس تسوا العنوه أبوظبي

nanonano said...
This comment has been removed by the author.
nanonano said...

lawyer :

المليق بالموضوع لما يكون أحد معاج و فشلان منج

nanonano said...

abu eldestor:

الله يسلمك

وايــــــــــــــــد

lawyer said...

نانو عاااااااادي عادي تكيفاااااااي ويا الوضع

انا نوووووعي كل الي بحياتي فشلاااااانين مني


و في النهايه يقولون صج بردتاي قلبناااااا





اهم شي البرستييييييج ماطاح

حسافتج يا كويت said...

نانو


هههههههههههههه


انتي اخبر

Joonna said...

نـــــانــــو
الحمدالله على السلامه
انا و انا قاعده اقرا البوست تذكرت واحد بينزل الانتخابات تلوقله هالغنيه.... معاي؟

nanonano said...

lawyer :


لا ما طـــــــــــــاح

من صجّك؟؟

لو طايح جان سمعتي عفرتي من هناك

بس أشوه محد فطن حق الخزّه

nanonano said...

حسافتج:

هاهاهاهاها

هاهاهاهاها

جان حذّفني فيهم

nanonano said...

Joonna :

معاج؟؟؟!!!؟؟

هاهاهاهاهاهاها

معاج و ستّه

محشومه يا
Joonna

bent el deera said...

looooooooooooooooooooooooooooooooooool

والله اني ضحكت وكركرت وشوي وانقلب من الكرسي

الله يوسع صدرج مثل ما وسعتي خاطري


ههههههه ياروح امك لوووووووول

 
template by Purplecious