Thursday, April 16, 2009

حصيلة اليوم...جويهل..و الصبّاغين


.
.
.
مراسلنا من الشويخ السكنيه
.
و بالأخص من أدارة الأنتخابات
.
دز لنا صورة المرشح الجويهل مع جنطته
.
اللي فيها الفلوس
.
.
.
هذا شنو قاعد يسوي؟؟؟؟؟
.

.
.
.
.
.
********
.
.
هذي الصور من مراسلتنا في أحدى المستشفيات
.
الحكوميه..أي نفسها صديقتي
.
الأسبوع اللي فات..كان الثيم
.
حشرات في غرفة الأنعاش
.
.
هالأسبوع الثيم
.
نصبغ الممر اللي يم غرفة الأنعاش
.
و نحشر الأوادم..و نصك روسهم
.
لأن ما فيهم الاّ العافيه
.
و قاعدين بغرفة الأنعاش...دلـــــــع
.



32 comments:

Joonna said...

معني الاولى بالتعليق بس انغثييييت انغثيييييت انغثييييت و تعكر مزاجي

enter-q8 said...

يا من يرد الدوائر خمس و عشرين ويخلي الجويهل ينزل بخيطان ويسوي حركته هذي علشان يذوقها عدل

nanonano said...

Joonna:

أشفيـــــــــــج؟؟؟

شنو اللي غثّج

أن شاء الله جويهل؟؟؟؟؟

سمحي لي كلش ما عندج سالفه

أذا جويهل غثّج

أصلا يضحّك

nanonano said...

Enter-Q8 :

بو وليد..أنا ودّي بس أن يجرّب حظّه..و يمر على خيطان

بدال سكبته هذي

هناك بيعرف الحوف المضبوط

Joonna said...

لالالالالالالالالا نانو اللي غثني صور المستشفى اهمـــــــــــأل يعســــــر اما جويهل فاخر همي اصلا ما اعده موجود بالدنيا
شفــــــــــــــــــاف

nanonano said...

Joonna:

آسفـــــــــــــــــه

جونا طولي بالج

لا تخلين كل شي يعسرج

تو الناس..هذا شي من لا شي

مسكينه صديقتي شنو تقول

مركبنا said...

هذول جدد النعمة

حسبي الله عليه

Joonna said...

الله يعينها ليش ساكته ليـــــــــــــــــــــــــــش؟؟!؟

Nikon 8 said...

جوائز الجويهل تداعب خيالي
لووووووووووووووول
شسوي؟؟؟؟؟

Hashemy said...

اهمال المستشفيات هذا مو يديد نانو

بس الجويهل وحركاته هاهاهاها

كلها 50 دينار هالجنطه والتفلسف على شنو عندي فلوس يعني؟

انزين بالنسبه للجنطه سألي مراسلينج مانساها عندهم شي؟ ;p

Sinful Eye's said...

الجويهل قبل يومين حاط اعلان نص صفحه
انه راح يعطي كل مرشح ينزل معاه بالدائره 500 دينار هديه !!
يعني نظامه ( هذا الميدان يا حميدان ) !!لول
بغيت ارشح روحي عنده بالدائره علشان الـ 500 !!

أبو جيج يدور نعاله said...

شكله توه بايع بيت أمه

صوت الكويت said...

مشكلة الكثير من المرشحين ومنهم الجويهل انهم ينفقون الكثير من الاموال من اجل دخول المجلس وبمجرد وصوله للمجلس يستطيع ان يستعيد اضعاف الاموال التى انفقها بدون عناء واذا كان هؤلاء المرشحين صادقين لقاموا باستخدام هذه الاموال فى تطوير القطاع الصحى او التعليمى وبهذا يكسبون اصوات الناس وحبهم

Snow White said...

قبل فترة شفت له مناظره على قناة سكوب مع محمد الهاجري وطول المناظره وأنا ميته ضحك عليهم..وقلت والله إذا هالنماين بتوصل المجلس ما أقول إلا على الدنيا السلام

شوفوا المهزله

http://www.youtube.com/watch?v=PO5y8wTq6PA&feature=related


:)

عثماني said...

ايييييييييييييييه

الديرة انترست من هالمهازل

:(

و لا عزاء للمرضى

bo bader said...

الجويهل سالفته لا هي فكاهية ولا نظيفة

الريال يبي يخلي ورقة الانتخاب عشرات اذا مو مئات الصفحات !

احنا العام كان عندنا حوالي ٥٠ مرشح وعيزنا ندور ربعنا !

هالمرة لو يطيعونه حوالي ألف مرشح بيكون عندنا ٢٠ صفحة للاقتراع !!

السالفة قذرة بكل معنى الكلمة !!

الله يستر ...

الدســتور said...

لا بارك الله بشخص يخرب العرس الديموقراطي

ثانيا المستشفى

الله يعين مرضانا بس

um_alzain said...

يجزاج خير على نشرج هل صور

اما جويهل وهو امبرز الانواط

ابصراحه مسخره

اما الصوره الثانيه

هذي فعلا عوار قلب

ليش ديرة الخير هذا وضعها!؟؟

ليش؟؟

كويــتي لايــعه كبــده said...

الجويهل أسم على مسمى

من جيل اللي فهمو طريقة اللعب بالكويت وأخلاقهم ما مانعتهم

Blog 3amty said...

يا خافو يطلع بالطوشة على الصوت الرابع، بس تبين الصج اذا فاز الجويل راح ننزل كل يوم 10 بوستات شماته على هالفلم!

100 fils said...

مساء الخير

شنو تتوقعين من هيك ناس غير البلاء..بس صراحه اذا عندك وقت شوفي احلى كموديا(مع انه لاعت جبدي من اشكالهم و اسلوبهم) لقاء جويهل و الهاجري على القناة (الورديه) سكوب

اما بالنسبه للمستشفى فهي مأسااااااه والله شي يطحن القلب ان الكويت يصير فيهاهل الفوضى والبهدله


Have a great weekend dear :)

almar7om said...

انا أقول صاحب الصورة اللي فوق لو يتبرع حق أصحاب الصورتين اللي تحت مو ابركله

Mok said...

مجرد يتشحيط

lawyer said...

الصوووووورتين جريمه بحق الشعب الكويتي


الاولى ويا هالجويل الي مو صااااحي


و هي جريمه بحق الكويتين لان مو ناقصيييين خرابطك فلا تقثنااااا والي يرحم والدينك




هذا السيزن اليديد مال الحفيتي !




و الجريمه الثانيه بحق مرضانااااا الله يشافيهم و يعافيهم


صااااااااجه قاعدين بشاليهاااات الخيران موووو عنايه مركزه

Unknown said...

oh dear .. we hear about these things but we dont see them ....I bet you he will win

hospitals are another stories I can go on & on where do I begin

excellent post

ولاّدة سابقاً ... رانيا السعد ...رانية المنيفي حسب الأوراق الرسمية said...

نانو
جويهل مثال كاريكاتيري لمستوى الانحطاط السياسي لدينا


أم الزين
إسألي الحكومة الرشيدة..بناء المستشفيات والعناية بها ومتابعتها شأن السلطة التنفيذية

Q8EL5AIR said...

لا شوفي بعد مقابلته بالوطن مع خالد العبدالجليل .. و بتضحكين اكثر واكثر ..


ما ادري ليش كل ما اشوفه ايلي القارص !!



وتحياتي ..
ويسلموااااااااااااااااااا :)

فريج سعود said...

مزيون بالنظارة الشمسية

Eng_Q8 said...

الجويهل يعيب على الناس ولا يشوف روحه اشلون ياب الفلوس

---

هالمستشفى ظيم شنو هذااااااا

حسافتج يا كويت said...

فعلا إنة جويهل

الفنان said...

مستشفياتنا الحكومة طماشة
من زمان

ريــــــانــه الـعـــــود said...

والله الي قاعد يصير بالكويت مهزلة :(

انا اشك بعقله .. الجويهل

يسلموو

 
template by Purplecious