Monday, April 13, 2009

أشدعوه..أشصاير؟؟!!؟

.
.
وصلت حق قناعه أن احنا ككويتيين ما نحب بعض
.
العموم مبدّي سوء النيّه
.
نظرية المؤامره أهيه اللي سائده
.
عسى ما الواحد قال ب..ردّوا عليه عشره بعينك ألف وبا
.
العموم قاعد على الوحده
.
ينطرون الزلّه
.
العموم قاعدين يحفرون حق بعض
.
العموم مبدّي مصلحته
.
.
أشدعوه؟!!؟..أشصاير؟؟!؟
.
.
من متى أحنا بهالنفسيّات؟
.
من متى نبدّي الشينه قبل الزينه؟
.
و ليـــش و صلنا هالمواصيل؟
.
.
.

اعتقد أن ما لازم نحط اللوم على أحّد
.
لازم نلوم أنفسنا
.
لسبب بسيط
.
من تغيّرت نفسيّاتنا..تغيّرت البلد
.
*******
.
.
و أنا قاعده أكتب هالموضوع 
.
طرت علي أغنية 
.
و أهيه أهداء مني حق الكل
.
مخلص النيّه
.
عبدالله رويشد

54 comments:

KQ8 said...

يبا انتي شعليج قولي اللي تبينه واللي عاجبه ياهلا ومسهلا واللي مو عاجبه و ( يقل ) ادبه لزقيه مثلات البمبره بالطوفه

Anonymous said...

انوتا شنو مسهركم الى الحين؟؟

شنو الموضوع منو مسوي شنو؟

Eng_Q8 said...

ليش سهرانين ؟؟؟

ناموا ناموا

بعلق باجر على الموضوع

والاخ الي فوقي ما وراك صلاة الفير والا صورتك تمويه

Anonymous said...

يه يه يه
سهرانين اهني و هاديني بروحي؟؟
عزموني شدعوه عاد

Eng_Q8 said...

لا يبا السهر من الظواهر السلبيه

روح نام يزاك الله خير

Mok said...

لا نحب بعض بس المشكلة بالطرف الثاني اذا كان فاقد العقل او يسيء الفهم

اي ان كان هذا الطرف

بريتني سبيرز said...

فتحت هذه المدونة لتحذير المبتدئين و الصالحين الذين لا يتوقعون من الغير ايذائهم لأنهم لم يرتكبوا أي جرم لكي يستحقوا الايذاء , اريد تحذير الجميع و التنويه من مشاغبات الهاكرز و هم اناس معتوهين و لا يملكون حياة يعيشونها فيلجؤا الى ايذاء غيرهم لتعويض النقص و الضعف الذي يعانون منه , و بما انني منافس و خصم قوي و عنيد واؤمن أن الله يريدنا أن نكون مصلحين و ليس صالحين فقط , لهذا سوف أحشر أنفي فيما لا يعنيني و أقوم بتوعية المبتدئين عن الطرق التي يستطيع أن يقتحم فيها الأجهزة و هي سهلة جدا , لكن لنبدء أولا بالمخاطر المترتبة عليها :

اختراق كاميرا جهاز اللاب توب


1- اختراق الكاميرا المرفقة بجهاز اللاب توب , هناك برامج متنوعة يستطيع الهاكر المريض أن يخترق الكاميرا و يقوم بتشغيلها من دون أي دلاية و لا إشارة ضوئية للكاميرا و لا أي شيء إطلاقا .

http://antihack-protect.blogspot.com/

Hashemy said...

انزين انا توني قاعد شلون ارد انام؟

اتصور نانو في ناس وايد غلبها اليأس وتكدرت وقامو يطلعون حرتهم من اوضاع البلد بأي واحد يتكلم او يسوي شي

وهذا الغلط المفروض بالضروف هذي نسمع بعضنا بعض ونتوحد اذا مو عشان شي

عشان الكويت اللي تجمعنا

ويالله نامو ;p

فريج سعود said...

والله ودنا نصفي النية

بس خل يعطونا بارقة امل

عاجـل said...

كلامك غلط

كاني ما اكرهك

---

تذكرين اغنية
صفي النية
أدري اطباعك كلها ردية

في مسلسل الحيالة

Lucifer said...

ee walla sajah

شقران said...

الغالية نانونانو

صبحك الله بالخير والنوير
:)

هلا بالقلوب الكبيرة والجميلة

.
.
.
.


والله ياغاليتنا صدقتي فيما قلتي

أصبح التعصب هو من يوجه الكثير من الآراء أو التعليقات على الاحداث

فصارت النفوس غير صافية بالمرة

وأي خطأ يقع فهو جريمة وفساد وسرقة و و و


اللوم مشترك ومعقد



أتمنى من يقرأ موضوعك أن يراجع نفسه جيدا فهذا الموضوع تذكرة لكي يقف الانسان ويتحدث مع نفسه قليلا عمّا حوله




تقبلي مني أرق التحايا الصباحية الجميلة

عدو الطماط الخايس said...

يقولون كلله من اليورانيوم

beezo said...

تدرين رشدي بيه شقال عنه؟؟

قال انه نصاااب وخريج سجون :(

الدســتور said...

خايفين من المباحث
:))

Diver said...

اقري مقالة عبد الله بشارة اليوم في الوطن

lawyer said...

الناس صايره قنبله موقوته من تجيسينهم انفجرواا



صاااااجه من تغيرت النفووووس


تغير كل شي

nanonano said...

KQ8
و
maqhor
و
Eng_Q8 :

هاهاهاها
هاهاهاها

والله ذكرتوني بمسرحية

دول العصابه يا بابا

nanonano said...

KQ8 :

بو طارق!!!..يبطّون الجبد

جنهم ينطرون الشاره

nanonano said...

Mok:

ما فهمت شنو قصدك؟

100 fils said...

صباح الخير نانو
لازم الواحد يصفي النيه..و يغسل قلبه لو مره وحده بالسنه..بس هم بالمقابل ياخد باله من الي حوله لان للاسف الي دمر الديره الانفس المستورده بحقدها.. والله يانانو اهل الكويت و اشد على كلمه اهل لكويت هم ناس اجاويد

:)

ولاّدة سابقاً ... رانيا السعد ...رانية المنيفي حسب الأوراق الرسمية said...
This comment has been removed by the author.
ولاّدة سابقاً ... رانيا السعد ...رانية المنيفي حسب الأوراق الرسمية said...

صدقتي
الكويتين صايرين حريم حمى

ويقول لك المركب مشى بشرايك ما مشى بحريم حمى
;))

enter-q8 said...

جدا عادي

Eng_Q8 said...

انا برايي ان اهم الي خلوا هالموضوع يترسخ بعقول الناس

nanonano said...

بريتني سبيرز:

شكرا عزيزتي

nanonano said...

Hashemy :

أنت خلّك من الكويت الحين شويه

أشفينا؟؟؟

الكل معتفسه نومته
===

محّد يبي يسمع

و لا أحد يبي يعطي فرصه حق الآخر

و بنتحسّف

nanonano said...

فريج سعود:

أحنا خل نصفي..نبدي بنفسنا

بعدين يصير خير

مو؟

Tea said...

كلامج عدل 100%, ولكن هذا من طيب تركيبت المجتمع و الفساد المستشري فيه و الحوسه اللي إحنا عايشينها، الكل لايعه جبده، يعني الواحد هل الأيام إذا يبي يخلص معاملة قانونية وله حق فيها لازم يكون عنده واسطة ولا فوق هذا يتبهذل، و هالشئ يخلي الناس جباريت،و الزحمة حدث ولاحرج، الواحد ما وده يطلع من البيت إلى أن تحوشه قمته و إذا طلع طلعت معاه قرونه، الشكوى لله

nanonano said...

عاجــل:

أنت غلطان

لأنك ما تكرهني
===

عاجل لا تحرجني

أنا أذكر مسلسل الحياله

بس لا تدخل بالتفاصيل

ذاكرتي صفر

nanonano said...

Lucifer:

أهلا

أنت منين طالع؟

Mok said...

خيتي نانو

اقصد
انت تقولين الكويتين ما يتحملون بعض عسى الواحد قال ب هجم عليه بالعشرة


المشكلة هذه غير منتشرة بشكل واسع

الكويتين طول عمرهم مع بعض اذا حزت حزيزها بغض عن النظر عن حجم الخلاف

لكن هناك قلة بالمجتمع فاقدين العقل بالفعل لا يراعون لا دم ولا نسب ولاصداقة ولا زمالة ولا اخوه لدرجة انت تشعر ين في الامان اتجاهم
لكن تتفاجئين مثلا تقطين زله غير مقصوده تلقين الرد اعوذ بالله ودون مراعاة المكان ايضا

عرفتي اختي؟
:)

nanonano said...

شقران:

معلّمي العزيز

صباحك عسل و سكّر

كالعاده أنت يبت الكلمه الصحيحه

التعصّب

بالضبط هذي مشكلتنا

و لازم كلنا نبدي بأنفسنا

عشان نقدر ننقذ الكويت

nanonano said...

عدو الطماط الخايس:

أذا من اليورانيوم..عيل أبشرك

اليورانيوم لاعب فينا لعب

nanonano said...

beezo:

قال تشذي؟؟؟؟؟!!!؟

غريبه !!!

عاد كان صاحبه و رفيق دربه

عثماني said...

صدقتي و الله

نفوس الكويتيين صايرة خياس و العياذ بالله

مادري ليش ؟؟

نصيحتي لج و انا اخوج .. ان الواحد يحشم نفسة عن الناس اللي ما تدرين شلون قايلين

:)

nanonano said...

abu eldestor :

صباح الورد

هاهاهاها
هاهاهاها

الله يخلّيك

لا تطري هالكلمه عندي

أخاف يسيرون علي

nanonano said...

Diver :

صباح الخير

أن شاء الله

nanonano said...

lawyer:

عشان جذي لازم نبدي بروحنا

أنا ويّاج لازم نصير حليوين

;)

nanonano said...

100 fils :

صباح النور

يا هلا و مسهلا

أنا أتفق معاك أن كانوا أهل الكويت ناس أجاويد و ما زالوا

بس صاروا قلّه

مثل ما قلت في موضوعي

العموم

و للأسف هذولا العموم

أهمه اللي مسيطرين على الشاشه

nanonano said...

ولاّدة:

هاهاهاها

صايرين بيت حموله

كــــــــامل

من صجّك

مو بس حريم حمى

nanonano said...

Enter-Q8 :

بو وليد أسمح لي

لأ مــــــــــــو عادي

ما يصيــــــــــر

nanonano said...

Eng_Q8:

صــــــــح بس مهندسنا العزيز

لازم نبتدي نبطل كلمة

أهمه و أحنا

خل نبلّش في روحنا

لما تصفنا نفوسنا على بعض

بعدين نلتفت عليهم

nanonano said...

AlJareeh - الجريح:

صـــــــــــح

بس ليش صارت هالأشياء تتحكم بنفسياتنا؟

مثلا

الأزدحام بكل دول العالم
الفساد بمعظم دول العالم

بس الناس برّه مو مثلنا

اللهم يا كافي

مو معقولين من كثر ما يبون الشاره

شد لي و أقطع لك

nanonano said...

Mok:

عرفت

بس ما أتفق معاك

nanonano said...

عثماني:

مشــــــكـــــــــور على النصيحه

و صح كلامك..بس للأسف أن ساعات أييك الحجي

من ناس عارفها وايد زين

و قصدهم الوحيد المغثّه

Tea said...

http://www.yaw-mi-yaty.blogspot.com

أتشرف بآرائكم

nanonano said...

AlJareeh - الجريح :

تم عمل اللازم

enter-q8 said...

نانو لا عادي تعةدنا اللي قاعد يصير بالكويت اصلا مو شي عادي و يتكرر فاصبح عادي هذا القصد طال عمرك

Blog 3amty said...

انتي اللي صايرة حساسة هاليومين !

nanonano said...

Enter-Q8:

عُلِمْ طال عمرك

nanonano said...

Blog 3amty :

اللـــــــــــــه

أنــــــــــــــا؟؟!!؟

ماشي

Hashemy said...

نانووو

سؤال مهم ؟

بنتحسف عشان ماسمعنا بعض؟

ولا عشان قاعدين نهاجم بعض؟

ولا عشان ما نمنا للحيــــــــــن؟

;p

nanonano said...

Hashemy:

بنتحسّف على قل النوم أكيــــــــــــــد

لما يتمقّط الويه من العيز

 
template by Purplecious