Monday, April 06, 2009

ليش يعني؟؟؟

.
.
لاحظت هبّه يديده هابين فيها النواب السابقين
.
كل من طق عمره شلاله..و راح العمره
.
عشان يستخيرون
.
شالموديل اليديد..بتروح العمره..روح
.
بس ليش الأعلان؟
.
و بعدين أنت بتدخل حرب؟
.
أذا عندك شك..خلّه بينك و بين نفسك
.
و أذا حاس أنك ما راح تقدر على الأمانه
.
اللي الناس راح تؤتمنك عليها
.
خلك في بيتك
.
لأن هالدعايات اللي قاعدين تسوونها حق نفسكم
.
جنكم مغصوبين راح تنزلون..بايخه..و ممجوجه
.
و الله يخليكم
.
 لا تحملونا جميله ترشيحكم

49 comments:

Mok said...

انه الرياء وعياذبالله وتجارة في دين الله

enter-q8 said...

لا انتم عندكم و لا شي
تعالي شوفي المظاهرات و الشوارع المصكرة بخيطان حتى الصاعيده قاعدين يقولون ان هالايام تذكرهم بايام عبدالناصر لما قرر يتنحى

يوبا لعب انتخابي بحت
علشان يخلي الناس اهي اللي تشتغله
بس بغيت اسألك اكو احد فيهم استخار قبل ما يقدم استجواب و الا يوقع مع مرزوق على اقتراح
ترى يبيله نروح عمره قبل ما ننزل اي بوست
شكلي بصك المدونة و بروح عمره و استخير هناك استخارة بالكويت ما تنفع
استغفر الله

Zaydoun said...

يعني علشان يراوون الناس انهم ملتزمين ويخافون الله.. فيهم خير خل واحد منهم يرجع ويقول ماني مرشح نفسي

هذه خوارة مو استخارة

بومريوم said...

انا ما يبط جبدى الا هالنوعيات
يحسسونك ان أهم عصب الحياة و سبب استمراريتها
و لازم كل يوم نشكر ربنا الف مره لانهم بيرشحون روحهم

ولاّدة سابقاً ... رانيا السعد ...رانية المنيفي حسب الأوراق الرسمية said...

أي والله ليش يعني؟

وعلى قولة زيدون ..ودي واحد فعلاً يرجع ويقول استخرت وحلمت بغراب ينعق بوجهي لا ترشح لا ترشح
:)))))


بو مريوم

إنها الذات المتضخمة

عثماني said...

مهزلة و الله يا اخيتي

ناس ما تستحي

:(

nanonano said...

Mok :

مساكين..مو عارفين شنو يسوون في روحهم

nanonano said...

Enter-Q8:

بو وليد أحجز لي معاك

لأن الظاهر الأستخاره ما تصير الا عقب ما تعلن عنها حق الناس

nanonano said...

Zaydoun:

كنت قاعده أفكر نفس الشي

ما شاء الله كلهم الأستخاره في العمره خلتهم ينزلون؟؟؟!!!؟

nanonano said...

بومريوم:

يا بو مريوم...شي..يبط الجبد

حسافتج يا كويت said...

فعلا شي يفشل وهبة يديدة

ريااااااااااااااااء

ديرة ذابحها الرياااااااااااااء


رياء وسكينة

كويــتي لايــعه كبــده said...

نفاق حتى رب العالمين ما سلم منه

why me said...

الحمد الله والشكر


!!

nanonano said...

ولاّدة:

وحياتج..محّد

nanonano said...

عثماني:

كيفهم لا يستحون

بس لا يحملونّا جميله

nanonano said...

حسافتج يا كويت:

هاهاهاهاها
هاهاهاهاها

أشفيك

عشان يغنون

و ناسبنا الحكومه..و بأينا قرايب

nanonano said...

كويــتي لايــعه كبــده:

بس لا يتوقعون أن راح تمشي علينا موديلاتهم

nanonano said...

why me:

ألف مرّه

المقوع الشرقي said...

نانو
يعنى سكرت المدونه للانتخابات وبصد:)
ما أعبر ايدى تحكنى :))
فجر السعيد بعد رايحه العمره تستخير

LOOOOOOOOOOOOL

nanonano said...

المقوع الشرقي:

مــــــــــــا أصــــــــــــدق

هاهاهاهاهاهاهاها
هاهاهاهاهاهاهاها
هاهاهاهاهاهاهاها

استغفر الله

ماني متكلمه زياده

الذهبي said...

الذهاب الى العمرة عمل جميل يحث عليه ديننا الاسلامي الحنيف والاستخارة ايضا وصنا بها رسولنا الكريم " ص" ولا بأس ان يقوم بهما اي شخص يريد ان يتصدى لموضوع مهم مثل الترشح لانتخابات مجلس الامة لكن المرفوض في الامر هو اعلان ذلك رياء للناس حينها سيتحول العمل الجميل الي لعنة تلاحق صاحبها في الدنيا والآخرة لذلك ادعو الناخبين لمقاطعة هؤلاء المدعين المرائيين

بانوراما said...

يعني احنا ناس متدينين وملتزمين

ومحافظين على عبداتنا

الله يلعن الرياء

nanonano said...

الذهبي:

أهلا و سهلا

و حياك الله

كلامك كلّه صحيح ١٠٠٪ بس أنا

مستائه من الأعلانات اللي قاعدين يسربونها

كأنهم قاعدين يتفضلون علينا

اللي يحس أن ما يقدر

على تحديات المرحله القادمه

خل يقعد يستريح في بيته

طبعا أنا محسنه الظن فيهم

أن مو قصدهم الأعلان عن تدينهم

nanonano said...

بانوراما:

للأسف لي الحين يعتقدون أن الشعب

ما يعرف و ما يفهم و ممكن تمشي عليه هالحركات

chandal/danchal!! said...

قاعدة أروح وأرد على مدونتك من الصبح

بين أكتب تعليق وأخاف أتحسف عليه


.
.
.
تصدقين!

عمري ما استخرت ولا أعرف شلون صلاة الإستخارة!

الواحد يدعي بصالح الدعاء

والله خير مجيب بفضل منه!
.
.
.
استغفر الله... حتى عميمة فجر قامت تستخير

يارب اغفرلي اذا كنت خرته
.
.
.
بس طفارتي أحد يقولي استخيري!

والله اني بغيت أكتب موضوع خاص عن هبت الاستخارة

بس تعوذت من ابليس

كبرياء انثى said...

خليهم يستخيرون لين يشبعون
وبنشوف منو الي بصوت حق واحد منهم


لحظة لحظة!!
ما ستخرت قبل لا اكتب تعليق عادي

(استغفر الله العلي العظيم من كل ذنب)

ANGEL HEART said...

انزين اللي اعرفه انه اي انسان بيسوي استخاره بينه وبين ربه بعد شكو هالاعلانات!

واول مره اشوف احد مقرر وناوي بعدين يسوي استخاره هههههه

فريج سعود said...

لا وانتي الصاجة عشان يقول قرار ترشيحه قرار إلهي

Hashemy said...

الموديل الحين تغير نانو لازم النواب يقولون محنا نازلين ونروح العمره ويعلنون هالشي جدام الكل عشان يبين ان يعرف الله ويخافه بعدين يرد بيتهم ويقول ماني نازل تعالو لي عندي وسوو مظاهرات وترجوني ترى انتم الخسرانين اذا انا مانزلت

اذا لم تستحي افعل ماشئت

lawyer said...

اانااااااااااا مودييييييييل التمنن هذااااااااااااا مضحككككككككككني


مو فاهمته و لا يعقل تصرفاتهم و النفس الخايسه و التفضل


جنه الفلوووووس و البووووق ابطنا احنا مو بطنهم !!!






ويه عشتوووووووووو

قوليلهم حتى يسرى و فيفي عبده طول السنه يروحون العمره



ياكررررررره الي يسوووووووون روحهم خايفييييين الله و اهم منافقيييييين




الي يعرف ربه صج يتعبده بخشوع و في بيته و بالسر مووووو اعلان !!

الدســتور said...

حركات

انا عن نفسي
اذا بعزم على النزول
بروح الشبرة

Blog 3amty said...

شروط الترشيح كويتي وعمره 30 ويقرا ويكتب ورايح العمرة يستخير !

EXzombie said...

شنو هالصلاة الخوارة الي مافي مرة تطلع مع الانسحاب من الانتخابات، كله استخاراتهم مع الترشيح؟

انا اقترح نحط لنا فرع ثاني بالكويت لأنه نوابنا و الشعب يطولون و هم بالعمرة و لا شنو المسلم مقيم بالكعبة لا يكون قايلين له تراويح خو كلها صلاة ان كثرت ركعتين و انت ماشي

انا اقترح للنواب انهم ينشئون مجلس استخارات اسلامية و لجنة استخارات في مجلس الامة، و المنتخب اييب مدرب استخارات علشان يقول حق اللاعبين وين يشوت البلنتي

انزين ودي واحد يسأل المسلم دامه هناك، نتف الاباط للحين حده 18 يوم و لا مددوا؟

100 fils said...

مساء الورد

و الله يانانو شر البليه ما يضحك

كل مره اقول اخر مره بصوت..لكن اقول
الكويت تستاهل و اروح اخر شي واصوت

:)

Joonna said...

هااااي نانــــو
والله احنا اللي يبيلنا صلاه استخاره علشان نختار... تدودهنا ما تدرين منو يقلب في هالوقت :)
و تــــو الناس على الاعصاب ما بلشنا لما الحين :)

nanonano said...

chandal/danchal!!:

تصدقين أم الجنادل ما عندج سالفه تفكرين و تروحين و تيين

اللي تبينه قوليـــــــــــــه عزيزتي

في مدونتي

i don't judge people

nanonano said...

كبرياء انثى:

بس لا يصكّون راسنا باستخارتهم

nanonano said...

ANGEL HEART :

شفتي شلون؟؟!!؟

صكّوا راسنا

nanonano said...

فريج سعود:

هاهاهاهاها

بعد هذا موديل يديد..قرار ألهي

nanonano said...

Hashemy :

واللي راح يندقر..لأن بيتقاجئ أن محد درا عن هوى داره

nanonano said...

lawyer :

التمنّن..ذابحني

nanonano said...

abu eldestor:

أخذني معاك الله يخليك

يبيلي ميوه

nanonano said...

Blog 3amty:

و لا تنسى مغرور..يتمنن عليك بنزوله

nanonano said...

EXzombie:

هاهاهاهاها
هاهاهاهاها

قطيــــــــــــــعه

لوّعت جبدي

nanonano said...

100 fils:

الله يخليك

الله يخليك

الله يخليك

هالمره آخر مره

بعد شنو نسوي بعمرنا

nanonano said...

Joonna:

أهلا و سهـــــــــــلا

لا لي الحين ما عصبت

حده تو الناس

بس ملّلوني

Alia said...

اللي بيترشح بناء على استخارة
الله يستر باجر كل شغله بالمجلس يصير استخارات .. يصير بالله

وعجبني وايد التصميم الجديد
تسلم الأيادي ولو انها متأخرة

nanonano said...

Alia :

شكرا جزيلا
====

الاستخاره خلها بينك و بين نفسك

بعد ليش الأعلان!!!!؟

Diver said...

النائب يبي يقول ترى مو بس الناس تبيني انزل بالانتخابات حتى الله يبيبني انا رحت العمرة و ستخرت

 
template by Purplecious