Friday, August 28, 2009

كذب أشكره

.
..
.
.
بما أن أجازتي الصيفيه كانت قائمه على الأبتعاد عن الكمبيوتر
.
لأن حسيت أني بديت أدخل في مرحلة الأدمان الكمبيوتري
.
قررت أن أذا عندي وقت فاضي شويه..أشوف التلفزيون
.
طلع خبري عتيق بالتلفزيون و القنوات..و طبعا الدعايات
.
من الدعايات اللي لفتت نظري ..و شويه أستفزتني
.
لأن خبركم أنا ما أُسْتفزْ بسرعه
.
دعاية صابون كاماي
.
الدعايه ..كأنهم مقابلين ريّال قاعد يسولف
.
 كان قاعد يستعد أن يسافر مع ربعه..لاحظوا ربعه
.
و لما يه بيسلم على زوجته
.
و شم ريحتها صابون كاماي
.
قرر أن ما يقدر يسافر و يخليها
.
بذمّتكم...منو بيقصون عليه
.
في ريال يعاف ربعه و سفره معاهم 
.
عشان ريحة زوجته صابون كاماي؟؟؟!!!؟
.
ليش يعطون فكره خطأ حق المساكين الحريم
.
و البنات الصغار اللي ممكن يصدقون هالدعايات
.
لما شفت الدعايه...ومن قرادتهم أني ثبتها
.
لأنها أنعادت وايد..كان ودي أحط أعلان ثاني
.
و أقول
.
يا بنات و يا زوجات...لحّد يقص عليكم
.
لأن في ميزان الزوجيه
.
كفة الربع..كله تكون الأثقل
.
و كفة الزوجات كما الريشه

.
.
.
و أنتو يا كاماي...عن الكذب


47 comments:

maqhor said...

انا احب البنت اللي ريحتها يريش
لو اشم الريحه ما اسافر

حسافتج يا كويت said...

والله عاد عين السيح مرتي


اكنسل سفرتي لو تحط صابون رقي

كويــتي لايــعه كبــده said...

يمكن ريحة الزوجه دائما عطنة واستانس انها نظفت

والا ريحة الكامي يعني كلش؟

رورو الشخبوطه said...

خخ شهالعبو ..

لو صج اتوقع ياخذ الصابونه معاه ويسافر ..

مشكوره..

بو حامد said...

يمكن انا اسافر وايد لأن مرتي تستعمل صابون غير كاماي

Enter-Q8 said...

ههههههههه
ما تدري مو لو تحط ريحه لو تبدل وييهها بسعاد حسني و عمرها 16 سنه هم بيشلع

{~المباركية~} said...

الحلو حلو حتى لو حط تسبح بديتول

مركبنا said...

هههههههههههه

حدج محتره

اتوقع اذا جذية الكويتية اهيا الى بتحط الصابونة بجنطته وبتوزع على ربعه

عشان يسافر واهيا ترتاح شوي من حنته (=
وتجابل نفسها واهلها (=


صح كلامج
الدعايات قاعده تغرس مثاليات غير واقعية والاحلام وردية في عقول البنات واخرتها ينقطون على صخر لما ينصدمون بالواقع (=

فريج سعود said...

لو مو ريحتها كاماي

لو متعشية كاماي ويايةالمطار

ما يفيدها

nanonano said...

maqhor :

زيــــــــــــــــــن في شي تحبّه

nanonano said...

حسافتج:

عيارتك...لو أنها عين السيح...جان ما فكرت تسافر أصلا و تخليها

nanonano said...

كويــتي لايــعه كبــده:

صــــاج...يعني من حلاة ريحة كاماي

ترا الزوجه المقطنه مشكله...و هم الزوج المقطن مشكله

يعني الواحد شلون يقول...ترا ريحتك/ج خايسه...تسبح/ي

nanonano said...

رورو الشخبوطه:

يكوكس بالصابون بعد...بس ما يكنسل سفرته

هاهاهاها

nanonano said...

بو حامد:

عيل لازم أنصحها تستعمل صابون كاماي..و خل نشوف شنو يصير معاك

nanonano said...

Enter-Q8:

هاهاهاهاها

إي والله...و أنتو لو تصيرون عمر الشريف هم بنشلع

nanonano said...

{~المباركية~}:

الحلو حلو...و ما ينتسافر عنه

و أروح أجابل الربع الملحان الشلحان

nanonano said...

مركبنا:

واااااااااااااي
يبتيها ييب..هاهاهاها

حنته...الريال الكويتي يمتاز بالحنه و الطحنه

عاد أذا انصدموا بالواقع...نعالي عابلي
طناقر و زعل

nanonano said...

فريج سعود:

كلّــــــــــــــــش

و حتى أحنا ترا

لو الريال غاطس بريحة كاماي و طالع..ما راح يفيده

هم باقب مع صديقاتي

Яeema said...

والله لو تحصلي سفرة ويا ربعي البنات بروحنا وريلي حاط أطياب الجزيرة خليته
مو صابونه
هههههههههههه
حبيبتي الدعايات هذيلة مسوينها رياييل

خل يدورون لهم شي أغلا
عقد الماس
مو صابونه

من غباء مخترع الدعايه
بس تدرين شنو المشكلة؟

أحنا شعب صار مادي
الرومانس مايدور وحياتج هالأيام

لا صابونه و لا ورده

و هم بيني و بينج نبي الصده من الريال

هم ما يحتاج صابونه عشان يقعد
هههههه
أمبيييه ضحكتيني

ههههههههههههه

100 fils said...

I kinda dig the female body sprays but definitely not cammy ;p

Nice post :)

أبو الدســتور said...

شفيها البلوقات هاليومين
علينا

انا عن نفسي
اذا شميت كلوركس اقعد

ولاّدة said...
This comment has been removed by the author.
nanonano said...

Яeema :


هاهاهاهاها
هاهاهاهاها

عقد ألماس و أقعد ما أسافر...هم مابي

و ترا أحنا مو ماديين وايد كثر أن كثر الدق يفج اللحام

و الرياييل اسم الله هليهم..ما يدقون ولا يحنون و لا ياكلون القلب

فنبي الفكّه..حق الصده

و أذا صاوبنة كاماي يايزتله...أروح أشتري كريتون و أدزها معاه

ولاّدة said...

المصيبة انتقلت العدوى من الرياييل لي
شكيت الحال لصديقة وقلت لها: أناأعاني من متلازمة الزوج الكويتي

قالت: شلون

قلت: صايرة نفسيتي نفسية ريال كويتي...وعليّ كل أعراض المرض

طول ما أنا مع زوجي أفكر بجمعة الصديقات
إذا طلعنا أطالع الساعة أبي الطلعة تخلص
أنوم الولد في رمضان وأنحاش بسرعة البرق
أرجع أسوي فيني النوم آخذ شاور وأنام بدون لا أقرأ علشان ما يصير في مجال للحوار


نانو
هذه المتلازمة ما صابتك يوم؟
وما أدري سمعتي عن علاج لها؟ حبوب! كريمات!! صابون كامي

تتوقعين أقول له يجرب كامي يمكن أقرر أنا ما أطلع

nanonano said...

100 fils :

أكيــــــــــد

لأن كلش مو شبهك..تحب ريحة كاماي

nanonano said...

أبو الدســتور:

هاهاهاهاها
هاهاهاهاها

ما فيها شي

بس من حبك لاشاك

و بعدين يا أبو الدستور..ما عندنا شي..نسلي صيامنا فيكم

nanonano said...

ولاّدة:

لأ...أنتي الحين تعالجتي

..مبـــــروك

صرتي زوجه كويتيه

عنيف said...

انا على هالسالفه جنهم يقولون انه مرته حايشها جرب توها تنظف اي والله شنو هالجذب علينا اكو واحد ما يبي يفارق مرته يومين على الاقل؟؟؟

حسافتج يا كويت said...

نانو

لازم الواحد يفج من الروتين اليومي وليس من الزوجه


مافيها شي سفرة 3 ايام مع الربع حتى لو عمرة
المهم كسرة روتين

SHOOSH said...

لوووول

ليش ما شفتي دعاية اليهال اللي ابوهم بيوديهم مطعم ولما شمو بالمطبخ ريحة ان امهم مسويه سمبوسه هونو و استانسو عالسمبوسه

لووووووول

المقوع الشرقي said...

نانو
بالعكس انا مصدقة الدعاية
طيبين وحلوين
وبنحبكم
:P
بالمشمش
:)))

elq87obi said...
This comment has been removed by the author.
Blog 3amty said...

أهي غاسلة إديها منه بصوبة كاميه !

elq87obi said...

لووووووووووول

اذا اللي الرياييل تردهم صابون كاماي زين عيل طيحوا فيه خل رياييلكم يكنسلون سفرهم :) <<< مع اني ما اتوقع و استبعد :)

مبارك عليج الشهر

و تقبل الله منا و منج صالح الأعمال

سلامي لج :)

Blog 3amty said...

بصابونة !!!



وين ستكانة عني !!

عثماني said...

اشهد ان كلامج عدل

عيل اخلي سفرة الربع علشان ريحة زوجتي صابون!!؟

عيل لو ريحتها تشريبه ؟؟

شو هالحكي يا زلمة

:)

صوت الكويت said...

هالدعاية تصلح حق أم البنات

nanonano said...

عنيف:

بالضبط..أصلا الأجازه أم 3 أيام 4 وايد صحيه للحياة الزوجيه

nanonano said...

حسافتج:

كلش ما فيها شي..بس أنت اللي مستعد التنازل على شان صابون رقي

nanonano said...

SHOOSH:

اللــــــــه

في يهال أصلا الحين يحبون أكل بيتهم؟؟!؟

nanonano said...

المقوع الشرقي:

طيبين
و
حليــــــوين

و بنمـــــوت في حنتكم
بعد

nanonano said...

Blog 3amty:

الصج..الزوج الكويتي ..مغسوله الأيد منه بكل المنظفات

nanonano said...

elq87obi:

أهلا و سهلا

و من قال لك أن نبيهم يكنسلون!!؟

nanonano said...

عثماني:

هاهاهاها
هاهاهاها

حدّه..شو هالحكي يا زلمه؟؟!!؟

صدقني..الزوجه قبل أي أحد في البيت تبيه يسافر..على الأقل تفتك من الطحنه

nanonano said...

صوت الكويت:

صـــــــــح

لازم نقترح على وكيل كاماي بالشرق الأوسط يحطون هالدعايه بوسط الحلقه

aL-NooR . said...

واااااااااااي يا حلو الشطة
على قولتج جذب اشكره اشكره

عــــاد كاميـــه @@
لا وما يبي الربع بعد
سحر مو كاميه

*************************

Hem said...

منتديات بانوراما مصر منتدى مصرى للحوار والنقاش و يهتم ,أخبار مصر ,أخبار منوعة أخبار التعليم ونتائج الامتحانات اخبار الفن والفنانين الرياضة المصرية أفلام الموسم الرشاقة والتخسيس الموضة والمكياج والازياء كلمات الاغانى برامج مجانية تحسين نتائج البحث وعيرهم الكثير من المنتديات الفرعية .

 
template by Purplecious