Thursday, August 20, 2009

استعدادات رمضان

.
.
.
.
.
بعد سفره طويله و راحه و استجمام
.
رجعت الكويت..و كان أول شي لازم أسويه أروح الجمعيه
.
و خير اللهم أجعله خير
.
مرّتين أروح الجمعيه و ما ألاقي عربانات
.
و أتنحر و أرجع البيت
.
المرّه الثالثه
.
قررت أني راح أنجز مشوار الجمعيه تحت أي ظرف من الظروف
.
ليش كل سنه الوضع بالجمعيات قبل رمضان
.
كأنه بيوتنا ما فيها قطعة خبز؟
.
العربانات بتمشي من الأغراض
.
و هالمرّه لاحظت شي يديد
.
الزوج يدز عربانه متروسه..و هم الزوجه عربانتها متروسه
.
طبعا المداعم بالعربانات ماله تالي
.
خلّصت..لقّطت أغراضي..و رحت باحاسب
.
الاّ الكاشيريه..مو كلّهم فاتحين
.
أبسط قواعد أدارة الجمعيات مو موجوده
.
يعني بوقت مثل هذا..لازم أدارة الجمعيه تصير 
.
بوضع تأهّب قصوى
.
بس منو تحاجي
.
أدارة الجمعيات حالها حال أي أداره ثانيه بالبلد
.
عموما تعوّذت من أبليس..لأن ياني شعور أقط العربانه و أمشي
.
لما وصل دوري و خلّصت..حسّيت بالراحه أخيرا
.
خلّصت أصعب مهمه
.
روحة الجمعيه قبل رمضان
.
.
.
و مبارك عليكم الشهر
.

36 comments:

esTeKaNa said...

ياهلا ويا مرحبا
حمدلله على السلامة والله لج فرية من غير شر
:)
على طاري الجمعيات
احنا ناكل ثلاث وجبات بالفطر ما تزدحم الجمعيات جذي،ووجبه فطور واحده برمضان تخلي الناس تستهبل؟
حتى شرطة عند الجمعيات حاطين
شصاير يا حافظ
:))
علينا وعليج
عسى ربي يعينا على صيامه وقيامه يارب

كويــتي لايــعه كبــده said...

مبارك علينا وعليك

وحمد الله على السلامة

عنيف said...

مبارك عليج الشهر


وعلى الجمعيات الله بالخير بس ليش ترسة العربانه بالجمعيه دام في توصيل يسهل عليك لوووووول


عاد احنا من الروضه نشتري وكل شي بهدوء ويسر بالجمعيه لو تشوفين الجمعيه بمنطقتنا جنه حايشهم مجاعه تهون عليج الجمعيه الي تتسوقين فيها

Fahad Al Askr said...

الفال حق التوجب والقرقيعان

عودة حميدة

beezo said...
This comment has been removed by the author.
beezo said...
This comment has been removed by the author.
ZooZ "3grbgr" said...

نانوووو

وانا اقوووول هلت علينا ريحة الغالية

عساها كانت اجازة مريحه ويايتنا منتعشه




يمكن انا من القلائل اللي ما يدور عندهم سوالف ينون رمضان والسفرة 7 امتار


البيت عندنا سفرتهم طويله عريضه ماشاالله مثل كل الكويت

وانا أمر عصيري بيدي وشوية سمبوسه وجيز رول ومحلبيه وانتهى

عندي ان رمضان بالذات أكره الأكل من احساس التخمه اللي يظل لي ثاني يوم


ترى من جم سنة بس صارت الامور جذي


تبين دليل؟


أكو بيت الحين ما عندهم تلفزيون بالمطبخ؟؟

كله عشان رمضان

:")

chandal/danchal!! said...

الحمدلله على السلامة

ومبارك علينا وعليج

:)

nanonano said...

esTeKaNa:

الله يسلمج..ما تقصرين

بس أول مره أنقطع عن كل شي بهالشكل

حسيت أبي أصد
===

موضوع الشرطه هذي يديده

هاهاهاها
هاهاها

أنا خايفه يقلب الموضوع مظاهرات
===

آمين أجمعين

nanonano said...

كويــتي لايــعه كبــده:

و على جميع المدونين أن شاء الله
===

الله يسلمك
===

صج أنا أنقطعت عن التدوين هالفتره كلها

بس كنت متابعه كل كتاباتك
;)

nanonano said...

عنيف:

أجمعين..أن شاء الله
===

التوصيل أغلى..و مو كل شي

الأيدام و الميوه..لازم أنا أروح أنقيهم بروحي
===

صدقني لو بندخل تحدي بالجمعيات

جمعية مشرف..راح تفوز

أهل مشرف هوايتهم الجمعيه

مو معقولين

nanonano said...

Fahad Al Askr:

يــــــــا هلا

و مسهلا

التوجب خبرك الكبار بالسن قاعدين ينقرضون

فقلّت البيوت

القرقيعان

هذا الشي اللي صج أحبه برمضان

ونــــــــــاسه

nanonano said...

beezo :

الله يسلمك
===

ليش نسوي في روحنا جذي

شفت الرطوبه اللي بره

و تخيّر خمرة خيمه...مع تأبّط شرا الناس

شنو يصير وضعنا؟؟؟!!!؟

أنا أقول بلا مهرجانات بلا تخفيض أسعار

ننكن في بيوتنا أحسن

nanonano said...

ZooZ "3grbgr" :

أهلا

أهلا

أهلا

و سهلا

الله يسلمج

أنا سعيده فيج عزيزتي

ولهنا عليج وايــــــــــــد
===

بالنسبه للأجازه كانت عجيبه

و رجعت الحمدالله منتعشه..و مستنه

عشان جذي قررت أني أعكر المزاج

و أروح الجمعيه

هاهاهاها
===

سكتي..السنه أنا راح تكون تجربتنا الأولى الفطور بالبيت

أنا و زوجي..فقمة التدوده

و حالة ماني عارفه شنو أسوي

اللي يسمع يقول أحنا بلاعين

زوجي سلطه و شوربه..و أنا شوربه و أي شي ثاني خفيف





أحنا في مطبخنا تلفزيون

nanonano said...

chandal/danchal!! :

الله يسلمج

حتى أنتي حمدالله على السلامه

شلون سفرتج؟

mosan mosan said...

I am glad you are back

and ramadan kareem

the trick is to teach your driver to do the shopping for you

أبو الدســتور said...

أهلا أهلا
عودة حميدة للتدوين

طيب ليش ماتكلمتى عن الفيمتو
و اسراره أختفاءه

nanonano said...

mosan mosan :

thanx dear

same to u

i know this trick but some times i have to act as a proper house wife and go

nanonano said...

أبو الدســتور:

يا هلا..يا هلا

والله أن أكثر شي افتقدته..كان التدوين

ما أدري عن موضوع الفيمتو

لأن خبرك توني راجعه من لبنان و يايبه معاي شراب الورد

يعني تغيير عن الفيمتو

و أشوه يبته معاي..لأن جان توهقت

100 fils said...

مساء الخير


تو مانور البلوج

الحمد الله على السلامة

و مبارك عليك الشهر وتقبل الله منا و منكم صالح الاعمال ان شاء الله

Nikon 8 said...

الحمد اله على السلامة
:)
ومبارك عليج الشهر
هذا كله بسبب العروض المخفضة لبعض السلع
!!!
ومعظم المتواجدين هم أصحاب البقالات للإستفادة من الأسعار المدعومة
لدرجة إن وحدة ثقة تقول شافت باص متروس بنغاليه وقف عند الجمعية ونزلوا كلهم هجوم مباشر ومدازز على السلع
!!!

حسافتج يا كويت said...

مبارك عليج الشهر

لونج تايم


لا صار حزة الجمعية العمومية روحي دوسي اب بطن الإدارة

Mok said...

الحمدالله على السلامة
وكل عام وانتي بخير

وشحقةة تشترين اغراض اساسا شسالفه الناس مع رمضان كانه بتصير مجاعة اللهفة على الجمعيات

كل شيء بهداوة اذا في زجمة روحي مركز سلطان

ونورتي التدوين

Enter-Q8 said...

ما ادش الجمعية الا الساعة اربع الفجر احسن شي اذا كلش زحمة بتلاقينها زحمة اللي طقتي ماسكين ورقه و يدورون على الارفف
هالسنة فعلا زحمة مو طبيعية و السبب يصادف نهاية الشهر بعد يعني الاندفاع مهووول

عنيف said...

اهو صح عيال مشرف هوايتهم الجمعيه مادري ليش وزيدي عليهم عيال القرين يعني عيال مشرف لووول


اما احنا عندنا بالمناطق العاشره الجمعيه تتنرس الفجر وتفضي العصر والي اييها بليل يبي يطقطق بككاو وشغلات حق الحلو


هوايتهم عيال منطقتنا الحاليه اخذ ما لذ وطاب من العيوش وبعدها يقولون ليش معاشاتنا تطير برمضان وغير رمضان نبي زياده واسقاط قروض لووول

والموت يعشق فجأة مثلي..والموت مثلي لا يحب الإنتظار said...

مبارك عليج الشهر وعلى جميع احبابج

وعساج من عواده

وحمدالله على سلامتكم

دمت بخير وسلام

والموت يعشق فجأة مثلي..والموت مثلي لا يحب الإنتظار said...

مبارك عليج الشهر وعلى جميع احبابج

وعساج من عواده

وحمدالله على سلامتكم

دمت بخير وسلام

Fernas said...

مبارك عليك الشهر.

فرناس

بنت الشامية said...

اكرمكم الله بشهر رمضان بعفو وعافيه و مغفره منه......مبارك عليكم الشهر
وعساكم من عواده

حمدالله على السلامه

t.q8 said...

الحمد لله على السلامه
ومبارك عليج الشهر



لا ولي يضحك بالموضوع تلقينهم ثاني يوم رايحين الجمعيه!!مو جنهم توهم شارين ماجلة سنه

صوت الكويت said...

أسأل الله العظيم أن يبارك لكم شهر رمضان ويوفقكم لصيامه وقيامه والقبول فيه

صوت الكويت said...

طبتم وطاب شهركم
ومبارك عليكم الشهر

Purplecious said...

علينا و عليج يا رب

ولكم باك

الله يعينج صراحة أنا رمضان اللي طاف أمي سافرت و هيتتنا وعشتوا صرت سنعه و قمت أقضي أنا و خواتي كل مره وحده

و شكلها هالسنة بعد بتعيد الكرّه الله يعين

ANGEL HEART said...

حمداالله عالسلامه ومبارك عليج الشهر

ياليت هالوضع بس اول رمضان لا طوووول الشهر

مالج الا مركز سلطان والصبح بعد

ShaymoOona said...

اول شي الحمد للله عل السلاه و ثاني شي مبارك عليج الشهر
و ثالث شي انا عن نفسي مارحت ولاشريت شي بقزرها على بيت امي يوم فطور وبيت اهل ريلي يوم طور وماشيه :)

Hem said...

يا هلا بالشهر الكريم
اللهم أعدة علينا بالخير واليمن والبركات
منتديات بانوراما مصر

 
template by Purplecious